Pramāṇa · Search · About · API

Indrajalavidya 7

Indrajālavidyā 7

Language
Sanskrit

7.1

atha janmabandhyācikitsā
samūlapatrāṃ sarpākṣīṃ ravidvāre samuddharet
ekavarṇagavāṃ kṣīraiḥ kanyāhastena peṣayet
ṛtukāle pivedbandhyā palārddhaṃ taddine dine
kṣīraśālyannamudgañca laghvāhāraṃ pradāpayet
evaṃ saptadinaṃ kuryyāt bandhyā bhavati garbhiṇī

7.2

udvegaṃ bhayaśokañca divānidrāṃ vivarjayet
na karma kārayet kiñcidvarjayet sāvagāhanam
patisaṅgaṃ caret sā ca nātra kāryyā vicāraṇā

7.3

kṛṣṇā'parājitāmūlaṃ chāgokṣīreṇa saṃpivet
ṛtukāle samāyāte bhuktā garbhadharā bhavet

7.4

gokṣurasya tu bījantu pivennirguṇḍikārasaiḥ
trirātraṃ saptarātraṃ vā bandhyā bhavati garbhiṇī

7.1-2

atha kākabandhyācikitsā
aśvagandhīyamūlantu grāhayet puṣyabhāskare
peṣayenmahiṣīkṣīraiḥ palārddhaṃ bhakṣayet sadā
saptāhāllabhate garbhaṃ kākabandhyā cirāyuṣam
atha mṛtavatsācikitsā
prāṅmukhī kṛttikā-ṛkṣe bandhyā karkoṭakīṃ haret
tatkandaṃ peṣayet toyaiḥ karṣamātraṃ sadā pivet

7.2-2

yā bījapūradrumamūlamekaṃ kṣīreṇa pakkaṃ prapived vimiśram
ṛtau nijaṃ yā tu patiṃ prayāti dīrghāyuṣaṃ sā tanayaṃ prasūte

7.1-3

mañjiṣṭhā madhukaṃ kuṣṭhaṃ triphalā śarkarā balā
medā payasyā kākolī mūlañcaivāśvagandhajam
ajamodā haridre dve hiṅguḥ kaṭukarohiṇī
utpalaṃ kumudaṃ drākṣā kākolyau candanadvayam
eteṣāṃ kārṣikairbhāgairvṛtaprasthaṃ vipācayet
śatāvarīrasaṃ kṣīraṃ ghṛtasyedaṃ caturguṇam
saṃpibenniyataṃ nārī nityaṃ strīṣu ca śasyate
putrān janayate nārī medhāvyān priyadarśanān
yā caivāsthiragarbhā syāt yā nārī janayenmṛtam
alpāyuṣañca janayet yā ca kanyāḥ prasūyate
yonidoṣe rajodoṣe garbhasrāve ca śasyate
prajāvarddhanamāyuṣyaṃ sarvagrahanivāraṇam
nāmnā phalaghṛta hyetadāyuṣyaṃ parikīrttitam
noktañca lakṣṇāmūlaṃ vadantyatra cikitsakāḥ
jīvadvatsā-śuklavarṇāghṛtamatra tu dīyate
araṇyagomayenātra vahnerjvālā pradīyate
atha garbhasrāvacikitsā
gokṣīraiḥ peṣayet tulyaṃ padmakeśaracandanam
patane tat pibennārī mahāgarbhaḥ sthiro bhavet
athavā madhukaṃ dāru śaravṛkṣasya vījakam
saṃpiṣya kṣīrakākolīṃ pibet kṣīreṇa gobhavaiḥ

7.2-3

nīlotpalaṃ mṛṇālañca yaṣṭiḥ karkaṭaśṛṅgikā
gokṣīraiśca dvitīye ca pibet śāmyati vedanā

7.3-2

śrīkhaṇḍaṃ tagaraṃ kuṣṭhaṃ mṛṇālaṃ padmakeśaram
pibet śītodakaiḥ piṣṭvā tṛtīye vedanāvatī
athavā kṣīrakākolī balā'nantāpayaḥ pibet

7.4-2

4rthe māsi | śītotpalaṃ mṛṇālāni gokṣīrakakaśerukam
turthyamāse gavāṃ kṣīraṃ pivet sā vedanāparā
athavā madhukaṃ rāstrāṃ śyāmāṃ brāhmaṇayaṣṭikām
anantāṃ peṣayitvā tu gavāṃ kṣīraiḥ samaṃ pivet

7.5

5me ” punarnavā ca kākolī tagaraṃ nīlamutpalam
gokṣīraṃ pañcame māsi garbhakleśaharaṃ bhavet
athavā vṛhatīyugmaṃ yajñāṅgaṃ kaṭphalaṃ tvacaḥ
goghṛtaṃ kṣīrasaṃyuktaṃ pivet piṣṭvā ca pañcame

7.6

6ṭhe ” sitā kāśā''khumajjā ca śītatoyena peṣayet
ṣaṣṭhe māsi gavāṃ kṣīraiḥ pivet kleśaṃ nivarttayet
athavā gokṣuraṃ śigruṃ madhukaṃ pṛśniparṇikām
balāyuktaṃ pivet piṣṭvā godugdhaṃ ṣaṣṭhamāsake

7.7

7me ” kāṣṭhakaṃ pauṣkaraṃ mūlaṃ śṛṅgāṭaṃ nīlamutpalam
piṣṭvā ca saptame māsi kṣīraiḥ pītvā praśāmyati
athavā makaradrākṣāṃ śṛṅgāṭañca sakeśaram
mṛṇālaṃ śarkarāyuktaṃ kṣīraiḥ peyantu saptame

7.8

8me ” yaṣṭī padmākṣārkamustaṃ keśaraṃ gajapippalī
nīlotpalaṃ gavāṃ kṣīraiḥ pivedaṣṭamamāsake
athavā vilvamūlañca kapitthaṃ vṛhatī śamī
ikṣupāṭalayormūlaṃ ebhiḥ kṣīraṃ prasādhayet
tatpivedaṣṭame māsi garbhe śāmyati vedanā

7.6-2

9me ” viśālāvīja-kakkolaṃ madhunā saha lepayet
vedanā navame māsi śāntimāpnoti nānyathā
athavā madhukaṃ śyāmā hyanantā kṣīrakākalī
ebhiḥ siddhaṃ pivet kṣīraṃ navame vedanāvatī

7.10

10 me ” śarkarā gostanī drākṣā sacaudraṃ nīlamutpalam
pāyayeddaśame māsi gavāṃ kṣīraiḥ praśāntaye
athavā śuddhasaṃsiddhaṃ gokṣīraṃ daśame pibet
athavā madhukaṃ dāru śuddhakṣīreṇa saṃpibet

7.11

kṣaudraṃ vṛṣaṃ candanasindhujātaṃ mahendrarājaṃ payasā supiṣṭam
garbhaṃ kṣarantaṃ pratihanti śīghraṃ yogo vibhuñjan kila mūladevaiḥ

Linked texts (2)