Indrajalavidya 70
Indrajālavidyā 70
- Language
- Sanskrit
Contents
- 70.18 — 2 parts
70.1
īśvara uvāca|—brahmadaṇḍīvacākuṣṭha-cūrṇaistāmbūladāpanāt
ravau vāre kṛte yogaḥ sarvalokavaśaṅkaraḥ
70.2
gṛhītvā vaṭamūlañca jalena saha gharṣayet
vibhūtyā saṃyuto bhāle tilako lokavaśyakṛt
70.3
puṣye punarnavāmūlaṃ kare saptābhimantritam
baddhā sarvatra pūjārhaḥ sarvalokavaśaṅkaraḥ
70.4
apāmārgasya mūlantu kapilāpayasā'nvitam
lalāṭe tilakaṃ kṛtvā vaśīkuryyājjagattrayam
70.5
gṛhṇītvā sahadevīñca chāyāśuṣkāñca kārayet
tāmbūle dattacūrṇantu sarvalokavaśaṅkaram
70.6
rocanāsahadevībhyāṃ tilako lokavaśyakṛt
gṛhītvauḍumbaraṃ mūlaṃ lalāṭe tilakaṃ kṛtam
priyo bhavati sarveṣāṃ dṛṣṭamātro na saṃśayaḥ
tāmbūlena pradātavyaṃ sarvalokavaśaṅkaram
70.7
devadānau ca siddhārthaṃ guṭikāṃ kārayed budhaḥ
mukhe nikṣipya sarveṣāṃ sarvalokavaśaṅkaram
70.8
kuṅkumaṃ tagaraṃ kuṣṭhaṃ haritālaṃ manaḥśilām
anāmikāyā raktena tilako sarvavaśyakṛt
70.6-2
gorocanāṃ padmapatraṃ priyaṅguṃ raktacandanam
ekīkṛtyāñjayennetre sarvalokavaśaṅkaram
70.10
gṛhītvā śvetaguñjāntu chāyāśuṣkāntu kārayet
kapilāpayasāktena tilako lokavaśyakṛt
70.11
śvetadūrvāṃ gṛhītvā tu kapilādugdhapeṣaṇāt
lepamātre śarīrāṇāṃ sarvalokavaśaṅkaram
70.12
śvetamarkaṃ gṛhītvā tu chāyāśuṣkantu kārayet
kapilāpayasāktena tilako sarvavaśyakṛt
70.13
vilvapatrāṇi saṃgṛhya mātuluṅgaṃ tathaiva ca
ajādugdhena saṃpeṣya tilako lokavaśyakṛt
70.14
kumārīkandamādāya vijayāvījasaṃyutam
tilakaṃ kriyate bhāle sarvalokavaśaṅkaram
70.15
haritālamaśvagandhāṃ sindūraṃ kadalīrasam
tilakaṃ kriyate bhāle sarvalokavaśaṅkaram
70.16
apāmārgasya vījāni chāgīdugdhena peṣayet
lepamātre śarīrāṇāṃ sarvalokavaśaṅkaram
70.17
haritālaṃ tulasikāṃ kapilādugdhapeṣitām
anena tilakaṃ bhāle sarvalokavaśaṅkaram
70.18
dhātrīphalarasairbhāvyā aśvagandhā manaḥśilā
anena tilakaṃ bhāle sarvalokavaśaṅkaram
70.18.p1
mantraḥ |—"oṃ namaḥ sarvalokavaśaṅkarāya kuru kuru svāhā”
aṣṭottaraśatajapena siddhiḥ
70.18.p2
iti śrīdattātreyatantre īśvaradattātreyasaṃvāde vaśyakaraṃ nāma saptamaḥ paṭalaḥ
Linked texts (4)
- Dattātreyatantra — Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Dattātreyasaṃhitā — Dattātreya, Sanskrit