Indrajalavidya 71
Indrajālavidyā 71
- Language
- Sanskrit
71.1
atha strīvaśīkaraṇam
īśvara uvāca |—ravivāre gṛhītvā tu kṛṣṇadhustūrapuṣpakam
śākhālatāṃ gṛhītvā tu patraṃ mūlaṃ tathaiva ca
piṣṭvā karpūrasaṃyuktaṃ kuṅkumaṃ rocanaṃ samam
tilake strī vaśībhūtā yadi sākṣādarundhatī
71.2
kākajaṅghā vacā kuṣṭhaṃ śukraśoṇitamiśritam
dattvā tu bhojane bālā śmaśāne krandate sadā
71.3
citābhasma vacā kuṣṭhaṃ kuṅkumaṃ rocanaṃ samam
cūrṇaṃ strīśirasi kṣiptvā vaśīkaraṇamuttamam
71.4
jihvāmalaṃ dantamalaṃ nāsākarṇamalaṃ tathā
tāmbūlena pradātavyaṃ vaśīkaraṇamadbhutam
71.5
bhaumavāre lavaṅgañca striyāḥ śirasi nikṣipet
budhavāre samuddhṛtya khāne pāne vaśībhavet
71.6
karapādanakhānāñca tadbhasma kriyate naraiḥ
khāne pāne pradātavyaṃ vaśīkaraṇamadbhutam
71.7
śanivāre gṛhītvā tu vanitāpādapāṃśukam
vāme puttalikāṃ kṛtvā tatkeśasaṃyutāṃ kṛtām
nīlavastreṇa saṃveṣṭya svavīryeṇa ca saṃyutām
sindūralepitāṃ kṛtvā nikhaneddvāravāmake
ullaṅghya vaśamāyāti prāṇairapi dhanairapi
yasmai kasmai na dātavyaṃ devānāmapi durlabham
71.8
brahmadaṇḍī citābhasma yasyāṅge nikṣipennaraḥ
vaśībhavati sā nārī nānyathā śaṅkaroditam
71.6-2
pūgīphalaṃ gṛhītvā tu candravārayute mṛge
khaṇḍakaṃ vīryasaṃyuktaṃ tāmbūlaṃ vaśyakārakam
71.10
tāmbūlarasamadhye ca piṣṭvā tālaṃ manaḥśilām
bhaume tu tilakaṃ kṛtvā vaśīkurvveva yoṣitām
71.11
sindūraṃ kadalīkandaṃ peṣayed guruvāsare
anena tilakaṃ kṛtvā sadyo nārī vaśībhavet
71.12
godantaṃ naradantañca piṣṭvā tailena peṣayet
ebhistu tilakaṃ kṛtvā kāntāvaśyakaraṃ param
71.13
—malaṃ gṛhītvā tu khāne pāne pradāpayet
vaśībhavati sā nārī vinā mantreṇa sidhyati
71.14
svamūtrasaṃyuktaṃ kuṣṭhaṃ dattaṃ parṇena vaśyakṛt
malaṃ jaihvaṃ jātīphalaṃ tāmbūle vaśyakārakam
gṛhītvolūkamāṃsantu khāne pāne pradāpayet
siddhiyogamidaṃ satyaṃ vinā mantreṇa sidhyati
71.15
yavacūrṇaṃ haridrā ca gomūtraṃ ghṛtasarṣapāḥ
tāmbūlarasasaṃyuktamanena mardayet sudhīḥ
mukhaṃ bhavati padmābhaṃ pādau padnadalopamau
priyo bhavati sarveṣāṃ strīṣu rājakuleṣu ca
71.16
gorocanaṃ padmapatraṃ peṣayet tilakaṃ kṛtam
śanivāre kṛte yoge vaśībhavati kāminī
71.17
gṛhītvā mālatīpuṣpaṃ paṭṭasūtreṇa varttikā
bhṛguvāre nṛkapāle eraṇḍatailakajjalam
kajjalenāñjayennetraṃ dṛṣṭvā nārī vaśībhavet
vinā mantreṇa siddhiḥ syānnānyathā śaṅkaroditam
mantraḥ |—“oṃ namaḥ kāmākhyā-devi ! amukīṃ me vaśaṃ kuru
kuru svāhā” | aṣṭottaraśatajapena siddhiḥ
Linked texts (5)
- Dattātreyatantra — Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Dattātreyasaṃhitā — Dattātreya, Sanskrit
- Uḍḍīśatantra — Rāvaṇa, Sanskrit