Indrajalavidya 74
Indrajālavidyā 74
- Language
- Sanskrit
Contents
- 74.4 — 1 part
74.1
atha ākarṣaṇam
śvara uvāca |—ākarṣaṇavidhiṃ vakṣye śṛṇu siddhiṃ prayatnataḥ
rājā prajā ca sarveṣāṃ satyamākarṣaṇaṃ bhavet
74.2
kṛṣṇadhustūrapatrāṇāṃ rasaṃ rocanasaṃyutam
bhūrjapatre likhenmantram aśvamārakalekhanaiḥ
yasya nāma likhenmadhye khadirāṅgāratāpanāt
śatayojanamāyāti nānyathā śaṅkaroditam
74.3
anāmikāyā raktena likhenmantrañca bhūrjake
yasya madhye likhennāma madhumadhye ca nikṣipet
tadā cākarṣaṇaṃ yāti siddhiyoga udāhṛtaḥ
yasmai kasmai na dātavyaṃ devānāmapi durlabham
74.4
nṛkapāle likhenmantraṃ gorocanarasena ca
tāpayet khadirāṅgāraiḥ trisandhyantu prayatnataḥ
urvaśī cāpi svāyāti nānyathā śaṅkaroditam
yasmai kasmai na dātavyaṃ devānāmapi durlabham
mantraḥ |—"oṃ namo ādipuruṣāya amukam ākarṣaṇaṃ kuru
kuru svāhā" | aṣṭottaraśatajapena siddhiḥ
74.4.p1
iti śrīdattātreyatantre īśvaradattātreyasaṃvāde ākarṣaṇaṃ nāma daśamaḥ paṭalaḥ
Linked texts (4)
- Dattātreyatantra — Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Dattātreyasaṃhitā — Dattātreya, Sanskrit