Pramāṇa · Search · About · API

Indrajalavidya 77

Indrajālavidyā 77

Language
Sanskrit

Contents

77.1

atha yakṣiṇīmantrasādhanam
īśvara uvāca |-śṛṇu siddhiṃ mahāyogin yakṣiṇīmantrasādhane
yasya sādhanamātreṇa nṛṇāṃ sarve manorathāḥ
aśvatthavṛkṣamaCallbacksāruhya japedekāgramānasaḥ
dhanadātrī yakṣiṇī ca dhanaṃ prāpnoti mānavaḥ
atra mantraḥ |-“oṃ aiṃ klīṃ śrīṃ dhanaṃ kuru kuru svāhā”| ayutajapena
siddhiḥ

77.2

cūtavṛkṣamamārūr̤ho japedekāgramānasaḥ
aputro labhate putraṃ nānyathā śaṅkaroditam
atra mantraḥ |-“oṃ hrāṃ hrīṃ hrūṃ putraṃ kuru kuru svāhā”| ayutaṃ japet

77.3

vaṭavṛkṣamamārūḍho japedekāgramānasaḥ
mahālakṣmauryakṣiṇī ca sthirā lakṣmīśca prāpyate
atra mantraḥ |-“oṃ hrīṃ klīṃ mahālakṣmyai namaḥ” | ayutaṃ japet

77.4

arkamūlamamārūr̤ho japedekāgramānasaḥ
yakṣiṇī ca jayā nāma sarvakāryye jayaṅkarī
atra mantraḥ|—“oṃ jayaṃ kuru kuru svāhā” | ayutaṃ japet

77.5

dhātrīmūlasamārūr̤ho japedekāgramānasaḥ
aśubhakṣayayakṣiṇyo aśubhakṣayakārikāḥ
atra mantraḥ|—“śrīṃ aiṃ klīṃ namaḥ”| ayutaṃ japet

77.6

tulasīmūsamārūr̤ho japedekāgramānasaḥ
akasmādrājyamāpnoti nānyathā śaṅkaroditam
atra mantraḥ|—“oṃ hrīṃ hrīṃ namaḥ”| ayutaṃ japet

77.7

aṅkolavṛkṣamalārūr̤ho japedekāgramānasaḥ
rājādhirājo bhavati nānyathā śaṅkaroditam
atra mantraḥ|—“śrīṃ hrīṃ namaḥ”| ayutaṃ japet

77.8

kuśamūlasamārūr̤ho japedekāgramānasaḥ
sarvakāryāṇi sidhyanti nānyathā śaṅkaroditam
atra mantraḥ|—“oṃ vāṅmayāyai namaḥ”| ayutaṃ japet

77.6-2

apāmārgasamārūr̤ho japedekāgramānasaḥ
vācāṃ siddhirbhavet satyaṃ nānyathā śaṅkaroditam
atra mantraḥ|—“śrīṃ hrīṃ bhāratyai īṃ namaḥ”| ayutaṃ japet

77.10

uḍumbarasamārūr̤ho japedekāgramānasaḥ
bhavet pustakamaṃsiddhiḥ sarvavidyāścaturdaśa
atra mantraḥ|—“oṃ hrīṃ śrīsāradāyai namaḥ”| ayutaṃ
japet

77.11

nirguṇḍīmūlamārūr̤ho japedekāgramānasaḥ
vidyāprāptirbhavennityaṃ nānyathā śaṅkaroditam
atra mantraḥ|—“śrīṃ sarasvatyai namaḥ”| ayutaṃ japet

77.12

śvetaguñjāsamārūr̤ho japedekāgramānasaḥ
santoṣā nāma yakṣiṇyo dadate vāñchitaṃ phalam
atra mantraḥ|—“oṃ jaganmātre namaḥ”| ayutaṃ japet

77.13

ekaliṅgaṃ mahādevaṃ trikālaṃ pūjayet sadā
dhūpaṃ dattvā japenmantraṃ saṃyatastrisahasrakam
māsamekaṃ tato yāti yakṣiṇī surasundarī
“devi ! dāridryadagdho'smi tasya nāśakarī bhava”
dattvā'rghyaṃ praṇamenmantro vadet sā “tvaṃ kimicchasi ?”
tato dadāti sā tuṣṭā vittāyuścirajīvitam
atra mantraḥ |— “oṃ hrīṃ āgaccha āgaccha surasundari ! svāhā”
ayutaṃ japet

77.14

kuṅkumena samālikhya bhūrjapatre sulakṣaṇe
pratipatta: samārabhya pūjāṃ kṛtvā japettataḥ
trisandhyaṃ trisahasrantu māsānte pūjayenniśi
saṃjapedarddharātre tu samāgatya prayacchati
dīnārāṇāṃ sahasrantu pratyahaṃ paritoṣitā
yasmai kasmai na dātavyaṃ nānyathā śaṅkaroditam
atra mantraḥ |— “oṃ anurāgiṇi maithunapriye ! svāhā” | ayutaṃ
japet

77.15

śuklapakṣe japet tāvad yāvat paśyet kṣapākaram
pratipat pūrvamārabhya ekalalakṣamidaṃ japet
amṛtā yakṣiṇī nāma amṛtaṃ dīyate tayā
yasmai kasmai na dātavyaṃ pītvā tadamaro bhavet
atra mantraḥ |— “oṃ klīṃ candrike ! haṃsaḥ śrīṃ klīṃ svāhā”
ayutaṃ japet

77.16

pūrvamevāyutaṃ japtvā kṛṣṇākanyā'bhimantraṇam
hastapādapralepena svapne vakti śubhāśubham
trailokye yādṛśī vārttā tādṛśī kathayet phalam
karṇapiśācinī nāma nānyathā śaṅkaroditam
atra mantraḥ |—"oṃ hrīṃ caṇḍavegini varade ! svāhā"
ayutaṃ japet

77.17

alake mūlikāpuṣye tathā sarpākṣimūlikām
grāhyābhimantritāṃ yacca raktasūtreṇa veṣṭayet
mūrdhni baddhā kṛtā suptaḥ vaktavyañca śubhāśubham
trailokye yādṛśī vārttā tādṛśīṃ kathayedalam
atra mantraḥ |—"oṃ namo bhagavate rudrāya karṇapiśācāya
svāhā" | ayutaṃ japet

77.18

praviśya nagarasyāntaṃ lakṣasaṃkhyaṃ japenmanum
padmapatrairghṛtopetaiḥ kṛtvā homaṃ daśāṃśataḥ
prayacchatyañjanaṃ haṃso yena paśyati bhūnidhim
sukhaṃ tamanugṛhṇāti na vighnaiḥ paribhūyate
atra mantraḥ |—"oṃ haṃsi haṃ yāne ! hrīṃ klīṃ svāhā" | ayutaṃ japet

77.18.p1

iti dattātreyatantre īśvaradattātreyasaṃvāde yakṣiṇīsādhanaṃ nāma dvādaśaḥ paṭalaḥ

Linked texts (4)