Pramāṇa · Search · About · API

Indrajalavidya 78

Indrajālavidyā 78

Language
Sanskrit

78.1

atha rasāyanam
īśvara uvāca |—gomūtraṃ haritālañca gandhakañca manaḥśilām
samaṃ samaṃ gṛhītvā tu yāvat śuṣyati peṣaṇāt
ekādaśadinaṃ yāvat yatnena rakṣayet śuciḥ
mantreṇa dhūpadīpādinaivedyairdugdhamiśritaiḥ
mantrastu |—"oṃ namo hariharāya rasāyanaṃ siddhiṃ kuru kuru
svāhā" | ayutajapena siddhiḥ

78.4

tadvaṭīṃ golakaṃ kṛtvā vastreṇa veṣṭayet punaḥ
mṛttikāṃ lepayet tacca chāyāśuṣkantu kārayet
gartte kuṇḍe vinicitte palāśakāṣṭhavahninā
jvālayedaṣṭayāmantu nānyathā śaṅkaroditam
taṅgasma jāyate siddhiṃ viddhi siddhisamākulam
tāmrapātre agnimadhye bindumātraṃ niyacchati
tatkṣaṇājjāyate svarṇaṃ nānyathā śaṅkaroditam
dātavyaṃ gurubhaktāya na dadyād duṣṭamānase
siddhapīṭhe bhavet siddhirgāyatrīlakṣajāpanaiḥ
yasmai kasmai na dātavyaṃ dātavyaṃ śivabhaktake
agnimukhadvijātīnāṃ pācakānāṃ viśeṣataḥ
gopyaṃ gopyaṃ mahāgopyaṃ devānāmapi durlabham
rasapratikriyāṃ kṛtvā gopyaṃ naiva prakāśayet
vanitātaputramitrādigopyaṃ siddhi
anyamatena|—kṛṣṇasarpamekaṃ gṛhītvā tasya mukhe śivavīryyaṃ
pūrayitvā sarpasya mukhaṃ gudañca baddhvā nūtanamṛnmayasthālomadhye
saṃsthāpya sthālīmukhaṃ mṛdādinā saṃlipya nirjanasthāne prātarārabhya
punaḥ prātaryāvat vahninā jvālaṃ dadyāt | tataḥ śubhakṣaṇe
sthālīmukhamuddhṛtya sarpabhasma vihāya śivavīryyaṃ gṛhṇīyāt
tatastolakamitaṃ tāmraṃ gālayitvā tasmin galitatāmre raktikamātraṃ tat śivavīryyaṃ dadyāt, tena tatkṣaṇādeva tat tāmraṃ suvarṇībhūtaṃ jāyata iti| ādau śivārcanaṃ kṛtvā paścāt prayoga eṣa
prakarttavyaḥ

78.1-2

atha mṛtyukālajñānam
śṛṇu siddhiṃ mahāyogin dattātreya ! mahāmune !
manuṣyāṇāṃ hitārthāya mṛtyujñānañca kathyate

78.2

dātavyaṃ gurubhaktāya na dadyādduṣṭamānase
yasmai kasmai na dātavyaṃ nānyathā śaṅkaroditam

78.3

na dṛṣṭā nāsikā yena netrabhramaradṛṣṭikaḥ
ṣaṇmāsābhyantare mṛtyuryadi pāti pitāmahaḥ

78.4-2

na dṛṣṭā'rundhatī yena saptarṣīṇāñca madhyataḥ
ṣaṇmāsābhyantare mṛtyuryadi rakṣati īśvaraḥ

78.5

snānasya samaye caiva mṛtyujñānaṃ nirīkṣate
hṛdi śuṣkaṃ bhaved yasya ṣaṇmāsastasya jīvanam

78.6

buddhijñānaṃ kriyāhīnaṃ viparītantu jāyate
dvimāsena bhavenmṛtyuḥ satyameva na saṃśayaḥ

78.7

gaticālanapādānāṃ khaṇḍitaṃ khaṇḍitaṃ padam
māsena mṛtyumāpnoti athavā pakṣaśeṣataḥ

78.8

daladvādaśacakrasthaṃ mṛtyukālañca vokṣitam
caitrādimāsasaṃkhyāni likhyante daladvādaśe

78.6-2

meṣādirāśayaḥ sthāpyāḥ sūryādirlikhyate grahaḥ
janmanakṣatraṃ janmarāśiṃ vīkṣate mṛtyukālake

78.10

śanibhaumaketurāhu rāśividdhe tu kaṣṭabhāk
ṛkṣaviddhe rāśividdhe kālamṛtyurna saṃśayaḥ

78.11

sūryyavedhe manastāpaṃ budhe saukhyaṃ pravarttate
tīrthayātrā hi jīve ca candre strīsukhasampadaḥ

78.12

bhṛguvedhe rājyalābhaṃ māse māse vicārayet
varṣaṃ dvādaśamāsāni mṛtyukāle vadanti ca

78.13

ahorātraṃ yadaikatra vahate pātramadhyataḥ
tadā tasya bhavedāyuḥ sampūrṇavatsaratrayam

78.14

ahorātradvayaṃ paśyet piṅgalāyāṃ sadāgatim
tasya varṣadvayaṃ proktaṃ jīvitaṃ tattvavedibhiḥ

78.15

trirātraṃ vahate yasya vāyurekapure sthitaḥ
saṃvatsaraṃ tadā āyuḥ pravadanti munīśvarāḥ

78.16

rātrau candraṃ divā sūryyaṃ māsamekaṃ nirantaram
paśyenmṛtyurnarasyāsya ṣaṇmāsābhyantare dhruvam

78.17

śaśāṅkaṃ vārayedrātrau divā yaśca divākaram
ityabhyāsarato nityaṃ sa yogī nātra saṃśayaḥ
atha mantraḥ |—“oṃ namaḥ kālarūpāya kālajñānaṃ kuru kuru
svāhā” | ayutajapāt siddhiḥ

Linked texts (5)