Indrajalavidya 8

Indrajālavidyā 8

Language: Sanskrit

8.1

atha sukhaprasavayogaḥ
śvetaṃ punarnavāmūlaṃ cūrṇaṃ yonau praveśayet
prasūte tatkṣaṇātrārī garbhe sati prapīḍite

8.2

vāsakasya tu mūlantu cottarasthaṃ samuddharet
kaṭyāṃ baddhā saptasūtraiḥ sukhaṃ nārī prasūyate

8.3

sahadevyāśca mūlaṃ vā kaṭisthaṃ prasave sukham

8.4

apāmārgasya mūlantu grāhayeccaturaṅgulam
dvāri praveśayed yonau tatkṣaṇāt sā prasūyate

8.1-2

atha stanavaḍḍhanaṃ snanotthāpanañca
tailaṃ vacādār̤imakalkasiddhaṃ siddhārthajaṃ lepanato nitāntam
nārīkucau cārutarau suponau kuryyādasau yogavaraḥ pradiṣṭaḥ

8.2-2

śrīparṇikāyā rasakalkasiddhaṃ tilodbhavaṃ tailavaraṃ pradiṣṭam
tūlena vakṣojayuge pradeyaṃ prayāti vṛddhiṃ patito'pi nāryyāḥ

8.3-2

prathamakusumakāle nasyayogena pītaṃ
saniyamamamarāsyaṃ taṇḍulāmbho yuvatyā
kucayugalasupīnaṃ kvāpi no yāti pātaṃ
kathita iti puraivaṃ cakradattena yogaḥ

atha yonisaṃskāraḥ
prakṣālayennimbakaṣāyanīraiḥ khinnājyakṛṣṇāguruguggulūnām
dhūpena yoniṃ niśi dhūpayitvā nārī pramodaṃ vidadhātu bhartuḥ
atha lomaśātanam
palāśabhasmānvitatālacūrṇai ramhāmbumiśraiḥ parilipya bhūyaḥ
kandarpagehe mṛgalocanānāṃ romāṇi rohanti kadāpi naiva
atha mūtrastambhanam !
atha mūtrapraṇāśārthaṃ vakṣyāmi yogamuttamam
aśvagandhāṃ samānīya astramantreṇa mantrayet
tolakaṃ sarpiṣo deyaṃ miśrayitvā pivet sudhīḥ
liṅgamūle kāmabījaṃ japtvā ca stambhayeddhiyā
dvātriṃśat tolakaṃ dugdhaṃ maricaṃ tolakadvayam
saṃmiśrya prapaced yatnād yāvat śuṣkaṃ samānayet
tato vai vāgbhavaṃ japtvā bhakṣayet sādhakottamaḥ
anenaiva vidhānena mūtranāśo'bhijāyate

Linked texts (2)

Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit