Indrajalavidya 83

Indrajālavidyā 83

Language: Sanskrit

83.3-2 — 1 part

83.1

garbhasañjātamātreṇa pakṣe māsi ca vatsare
putro mriyeta varṣādau yasyāḥ sā mṛtavatsikā

83.2

gṛhītvā śubhanakṣatre tvapāmārgasya mūlakam
gṛhītvā lakṣmaṇāmūlam ekavarṇagavāṃ payaḥ
pītvā sā labhate garbhaṃ dīrghajīvī suto bhavet
yasmai kasmai na dātavyaṃ nānyathā śaṅkaroditam

83.3

bandhyā karkoṭikākandaṃ pītaṃ mocārasena ca
ṛtukāle tu saptāhaṃ dīrghajīvo suto bhavet
atra yogaḥ prakarttavyo yathāśaṅkarabhāṣitam

mārgaśīrṣe'thavā jyeṣṭhe pūrṇiāyāṃ lepite gṛhe
nūtanaṃ kalasaṃpūrṇa gandhatoyena kārayet
śākhāphalasamāyuktaṃ navaratnasamanvitam
suvarṇamudrikāyuktaṃ ṣaṭkoṇamaṇḍale sthitam
tanmadhye pūjayeddevemikāntīnāmaviśrutām
gandhapuṣpākṣatairdhūpairdīpairnai vedyasaṃyutaiḥ
arcayed bhaktibhāvena matsyamāṃsaiḥ samadyakaiḥ
vārāhī ca tathā caindrī brāhmī māheśvarī tathā
kaumārī vaiṣṇavī devī ṣaṭsu patreṣu mātaraḥ
pūjayenmantrabījena dadhipiṇḍāni kārayet
saptasaṃkhyāpramāṇāni ṣaṭsaṃkhyā ṣaṭsu patrataḥ
saptamantu pṛthak kṛtvā śrutisthāne viśeṣataḥ
tadbhukte gṛhamāgacchet kanyakā vaṭavaḥ striyaḥ
bhojayeddakṣiṇāṃ dattvā pramāṇaṃ kārayet tataḥ
visṛjya devatāṃ tasyāṃ nadyāṃ tatkalasodakam
svakulaṃ vīkṣayet dhīmān śubhena śubhamādiśet
viparīte punaḥ kāryaṃ yogāntarasusiddhidam
prativarṣamidaṃ kuryāddīrghajīvisutaṃ labhet
siddhiyogamidaṃ khyātaṃ nānyathā śaṅkaroditam
mantrastu |—“om̐ paramaṃ brahmaparamātmane amukīgarbhe dīrghajīvisutaṃ kuru kuru svāhā” | aṣṭottaraśatajapena siddhiḥ

83.1-2

atha kākavandhyāprayogaḥ
pūrvaṃ putravatī yā sā kvacidvandhyā bhaved yadi
kākabandhyā tu sā jñeyā cikitsā tatra kathyate

83.2-2

viṣṇukāntāṃ samūlāntu piṣṭvā māhiṣadagdhake
mahiṣīnavanītena ṛtukāle tu bhakṣayet
evaṃ saptadinaṃ kuryāt pathyamuktañca pūrvavat
garbhaṃ sā labhate nārī kākabandhyā suśobhanam

83.3-2

mūlantu hayagandhāyāḥ grāhayet puṣyabhāskare
peṣayenmāhiṣakṣīraiḥ palārddhaṃ bhakṣayet sadā
saptāhāllabhate garbhaṃ kākabandhyā cirāyuṣam
yasmai kasmai na dātavyaṃ nānyathā śaṅkaroditam
mantrastu |—“oṃ namaḥ śaktirupāya asyāḥ gṛhe putraṃ kuru kuru
svāhā” | aṣṭottaraśatajapena siddhiḥ

83.3-2.p1

iti śrīdattātreyatantre īśvaradattātreyasaṃvāde kākabandhyāputrakaraṇaṃ nāma viṃśaḥ paṭalaḥ

Linked texts (4)

Dattātreyatantra — Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Dattātreyasaṃhitā — Dattātreya, Sanskrit