Pramāṇa · Search · About · API

Indrajalavidya 87

Indrajālavidyā 87

Language
Sanskrit

87.1

atha vīryyastambhanam
karpūraṃ ṭaṅgaṇaṃ yuktaṃ tulyaṃ srāna rasaṃ madhu
limpelliṅgaṃ mardayitvā sthitvā yāmaṃ tathaiva ca
tataḥ prakṣālayelliṅgaṃ ramedrāmāṃ yathocitam
vīryyastambhakaraṃ puṃsāṃ samyaṅ nāgārjunoditam

87.2

kṛkalāsasya pucchrāgraṃ mūṣikāpriyatantubhiḥ
dhāryyaṃ kaniṣṭhikāṃ veṣṭya naro vīryyaṃ na muñcati

87.3

madhunā padmavījāni piṣṭvā nābhiṃ pralepayet
yāvattiṣṭhatyasau lepastāvadvīryyaṃ na muñcati

87.4

caṭikātantumuddhṛtya navanītena veṣṭayet
tena lepayate pādau śukrastambhaḥ prajāyate
yāvanna spṛśate bhūmiṃ tāvadvīryyaṃ na muñcati
yasmai kasmai na dātavyaṃ nārīgarvvaharaṃ param

87.5

śaśisūtakaṭakaṅgaṇamāgadhakaṃ ghṛtaśūraṇakṣaudrakaśaṅkayutam
munipatrarase yadi liṅgamayaṃ vanitāmadagarvvaharaṃ kathitam

87.6

sthūlaṃ mīnaṃ samādāya samyak svarṇena veṣṭayet
liṅge codghaṭite kiñcidagre vīryyaṃ na muñcati

87.7

śūkarasya tu daṃṣṭrāgraṃ dakṣiṇañca samāharet
kaṭideśe ca badhnīyāt śukrastambhaḥ prajāyate

87.8

kaṭphalaṃ śuṇṭhikākkāthaṃ vināmūlena bhakṣati
vīryyaṃ drāvayate puṃsāṃ siddhiyoga udāhṛtaḥ

87.6-2

śūraṇaṃ tulasībījaṃ tāmbūlaiḥ saha bhakṣayet
na muñcati naro vīryyaṃ nānyathā śaṅkaroditam

87.10

ḍaṇḍubho nāma yaḥ sarpaḥ kṛṣṇavarṇaṃ tamāharet
tasyāsthi dhārayet kaṭyāṃ naro vīryyaṃ na muñcati

87.11

raktāpāmārgamūlantu somavāre'bhimantritam
bhaume prātaḥ samuddhṛtya kaṭyāṃ baddhā tu vīryyadhṛk

Linked texts (6)