Indrajalavidya 89
Indrajālavidyā 89
- Language
- Sanskrit
Contents
- 89.3 — 1 part
89.1
atha keśarāñjanam
kākolīpadmamūlaṃ sahacarasahitaṃ ketakīnāñca kandam
chāyāśuṣkañca bhṛṅgaṃ triphalarasayutaṃ tailamadhye nidhāya
tat kṣiptaṃ lauhapātre kṣititalanihite māsamekañca yāvat
keśāḥ kāśaprakāśā alikulasadṛśā yānti vai padmabhāvāt
89.2
viṣṇukrāntāni puṣpāṇi tailairaraṇḍe ca pācayet
keśān lepayate teṣāṃ kṛṣṇavarṇañca jāyate
89.3
triphalā lauhacūrṇantu vāriṇā peṣayet samam
dvayaṃ tulyena tailena pācayenmṛduvahninā
tailatulyairbhṛṅgarasairyāvat tailañca pācayet
snigdhabhāṇḍagataṃ bhūmau sthitaṃ māsāt samuddharet
saptāhaṃ lepayet peṣya kadalīrasasaṃyuktam
rudrajaṭāyutañcāpi triphalena samanvitam
saptāhalepaḥ karttavyaḥ keśāḥ syurbhamaropamāḥ
yāvajjīvaṃ na sandeho nānyathā śaṅkaroditam
89.3.p1
iti śrīdattātreyatantre īśvaradattātreyasaṃvāde keśarāñjanaṃ nāma ṣaḍviṃśaḥ paṭalaḥ
Linked texts (2)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit