Pramāṇa · Search · About · API

Indrajalavidya 97: atha mālānirṇayaḥ

Indrajālavidyā 97

Language
Sanskrit

atha mālānirṇayaḥ

97.11

prabālavajramaṇibhirvaśyapauṣṭikayorjapet
mattebhadantamaṇibhirjapedākṛṣṭikarmaṇi
sādhyakeśasūtrayuktaisturaṅkadaśanodbhavaiḥ
akṣamālāṃ pariskṛtya vidveṣoccāṭane japet
mṛtasya yuddhaśūnyasya daśanairgardabhasya ca
kṛtvākṣamālāṃ japtavyaṃ śatrumāraṇamicchatā
kriyate śaṅkhamaṇibhirdharmakāmārthasiddhaye
padmākṣaiḥ prajapenmantraṃ sarvakāmārthasiddhaye
rudrākṣamālayā japto mantraḥ sarvaphalapradaḥ
sphāṭikī mauktikī vāpi raudrākṣī vā prabālajā
sārasvatāptaye śastā putrajīvaistathāptaye
padmasūtrakṛtā rajjuḥ śastā śāntikapauṣṭike
ākṛṣṭyuccāṭayorvājipucchabālasamudbhavā
narasnāyuviśeṣaistu māraṇe rajjuruttamā
anyāsāñcākṣamālānāṃ rajjuḥ kārpāsikī matā
saptaviṃśatisaṃkhyākaiḥ kṛtā muktiṃ prayacchati
akṣaistu pañcadaśabhirabhicāraphalapradā
akṣamālā vinirdiṣṭā tantrādau tattvadarśibhiḥ
aṣṭottaraśatenaiva sarvakarmasu pūjitā

97.12

atha japāṅguliniyamaḥ
śāntyādistambhavaśyeṣu hṛdagreṇa ca cālayet
aṅguṣṭhānāmikābhyāntu japedākarṣaṇe manum
aṅguṣṭhatarjanībhyāntu vidveṣoccāṭayorjapet
kaniṣṭhāṅguṣṭhayogena māraṇe japa īritaḥ

97.13

atha japadiṅniyamaḥ
japet pūrvamukhaṃ vaśye dakṣiṇañcābhicārake
paścimaṃ dhanadaṃ vidyāduttaraṃ śāntikaṃ bhavet
āyuṣyarakṣāṃ śāntiñca puṣṭiṃ vāpi kariṣyati

97.14

atha japalakṣaṇaṃ vācikādimantrāśca
śrūyate'nyaiḥ sa tu vācikaḥ syādupāṃśumaṃjño nijadehavedyaḥ
niṣkampadantauṣṭhamathākṣarāṇāṃ yaccintanaṃ syādiha mānasākhyaḥ
cābhicāre kila vācikaḥ syādupāṃśurukto'pyatha śāntipuṣṭau
'nyeṣu jāpaḥ kila mānasākhyaḥ saṃjñāvidhā pāpanude tathoktā

97.15

atha kuṇḍadiṅniyamaḥ
śāntike pauṣṭike caiva homaḥ syād yogyasādhanaiḥ
kāryyaṃ prāgvadanenātha saumyena vadanena vā
ākṛṣṭau vāyukuṇḍe ca kauberodiṅmukhena tu
nairṛtodiṅmukhastasmin kuṇḍe vidveṣaṇe hunet
āgneyodiṅmukhastvetat kuṇḍe mārutake'pi vā
uccāṭane hunenmantī māraṇe yāmyadiṅmukhaḥ
juhuyād yāmyakuṇḍe tu mantrī tatsādhanaistataḥ
vajralāñchitakuṇḍe † vā grahabhūtanivāraṇe
vāyavyadiṅmukho vaśye kuṇḍe yonyākṛtau hunet
vajralāñchitakuṇḍe vā stambhe prāgvadano hunet

97.16

atha śāntyādau dravyaniyamaḥ
dravyāṇyatha pravakṣyāmi tattatkarmānusārataḥ
śāntike tu payaḥsarpistilakṣīradrumeṇa vā
amṛtākhyā latā caiva pāyasaṃ tatra kīrttitam
pauṣṭike tu pravakṣyāmi homadravyāṇyataḥ param
bilvapatraiśca ājyaiḥ syājjātīpuṣpaistathaiva ca
kanyārthī juhuyāllājaiḥ śrīkāmaḥ kamalaistathā
dadhnā ca śriyamāpnoti cānnairacānnaṃ ghṛtaplutaiḥ
samṛddhau juhuyānmantrī mahādāridryaśāntaye
lakṣahomāllabhecchāntiṃ ghṛtabilvatilairbhidhim
ākarṣaṇe ca havanaṃ priyaṅgubilvakaṃ phalam
jātīpalāśakusumaiḥ saindhavaiścaivameva ca
rājikālavaṇairvāpi vaśyaṃ vā pauṣṭikoditaiḥ
vaśyārthī jātikusumairākṛṣṭau karavīrajaiḥ
kārpāsanimbaistakrāktaiḥ sādhyakeśairathāpi vā
uccāṭane kākapattarathavā mohane punaḥ
unmattabījairjuhuyādviṣaraktena māraṇam
ajāpayastathā sarpiḥ kārpāsāsthi nṛṇāmapi
tanmāṃsañcāpi sādhyasya nakhalomagaṇairapi || †
ekīkṛtya hunenmantrī śatrumāraṇakāṅkṣayā
juhuyāt sārṣapaistailairathavā śatrumāraṇe
rohībījaistilopetairutsāde juhuyād yavaiḥ
tuṣakaṇṭakasaṃyuktairbījaiḥ kārpāsikairapi
sarṣapairlavaṇopetairhunet sarvābhicārake
kākolūkacchadaiḥ krūraiḥ kāraskaravibhītakaiḥ
marīcaiḥ sarṣapaiḥ sikathairarkakṣīraiḥ kaṭutrayaiḥ
kaṭutailaiḥ snuhīkṣīraiḥ kuryyānmāraṇakarmaṇi || †
āyuṣkāmo ghṛtatilairdūūrvābhirāsraparṇakaiḥ
prayoktairāmraparṇaiśca jvaraṃ sadyo vināśayet
guḍūcī mṛtyujayane tathā śāntau gajāśvayoḥ
gauraistu sarṣapairhutvā sadyo rogaṃ haredbhavam
vṛṣṭikāāmo vaitasībhiḥ samidbhiḥ patrakaistathā
hutvā puṣṭimavāpnoti putrajīvaistu putrakam
ghṛtagugguluhomena vākpatitvaṃ prajāyate
jātīvidrumamallaubhiḥ nāgapunnāgasambhavaiḥ
puṣpaiḥ sarasvatīsiddhistathā sarvārthasādhanam
payasā lavaṇairvāpi huteddṛṣṭinivāraṇe

97.17

atha vahnerjihvāḥ | yathā śāradāyām |—
padmarāgā suvarṇākhyā tṛtīyā bhadralohitā
lohitānantaraṃ śvetā dhūminī ca karālikā
rājasyo rasanā vahnervihitāḥ kāmyakarmasu
viśvamūrttissphuliṅgintyau dhūmravarṇā manojavā
lohitākhyā karālākhyā kālī tāmasya īritāḥ
etāḥ sapta niyujyante krūrakarmasu mantribhiḥ
svasvanāmasamābhāḥ syurjihvāḥ kanakaretasaḥ
hiraṇyā gaganā raktā kṛṣṇā'nyā suprabhā matā
bahurūpā'tiraktā ca sāttvikyo yāgakarmasu

97.18

anyatrāpi vaknerjihvā yathāsrakthasyā rudrabhāge drutakanakanibhā karṣaṇādau hiraṇyā
vaidūryyā pūrvabhāge prabhavati gaganā stambhanādau rasajñā
raktā bālārkavarṇā hutavahaviddiśi dveṣaṇādau praśastā
kṛṣṇā nīlāmbujābhā diśi danujapatermāraṇe supraśastā
vāruṇyāṃ suprabhā sā pratidiśi rasanā śāntike śoṇavarṇā
hemābhā cātiraktā pavanadiśi gatoccāṭane samyaśastā
madhye kuṇḍasya cāntaḥ prabhavati bahurūpā yathārthābhidhānā
proktā jihvā vibhinnāḥ śivanigamaparaiḥ tāntrikaiḥ kāryyasiddhai

97.16-2

atha agnernāmāni yathāpūrṇāhutyāṃ mṛr̤o nāma śāntike varadastathā
pauṣṭike baladaścaiva krodho'gnistvābhicārake
vaśyārthe kāmado nāma varadāne ca cūḍakaḥ
vahnirnāma lakṣahome koṭihome hutāśanaḥ

97.20

atha homavyavasthā
dravyāsaktau ghṛtaṃ home tvaśaktau sarvato japet
mūlamantrāddaśāṃśā syādaṅgādīnāṃ japakriyā
aśaktāvuktahomasya japastu dviguṇo mataḥ
yeṣāṃ jape ca home ca saṃkhyā noktā manīṣibhiḥ
teṣāmaṣṭasahasrāṇi saṃkhyoktā japahomayoḥ
svāhāntenaiva mantreṇa kuryyāddhomaṃ baliṃ tathā
namo'ntena namaskāramarcanañca samācaret
mantrānte nāma saṃyojya tarpayāmīti tarpaṇam
saṃkhyānuktau jape home cāṣṭottarasahasrakam

97.21

atha sruksruvaniyamaḥ
ṣaṭtriṃśadaṅgulā sruk syāccaturviṃśāṅgulaḥ sruvaḥ
mukhaṃ kaṇṭhaṃ tathā vedīṃ sapta caikāṣṭabhiḥ kramāt
āyāmānāhato daṇḍo viṃśatiśca ṣaḍaṅgulaḥ
vedarāmāṅgulaiḥ kuṇḍo gartoṃ hi caturaṅgulaḥ
khātaṃ vedāṅgulairvṛttamaṅgalatritayaṃ khanet
mekhalā dvyaṅgulā tadvat śobhāśeṣaṃ † vicintayet
vedītryaṃśena vistāraṃ kuryāt kuṇḍamukhāgrayoḥ
kaniṣṭhāgramitaṃ randhraṃ sruco ghṛtavinirgame
kārṣṇikadvyaṅgulaṃ khātaṃ paṅke mṛgapadākṛtiḥ | ‡
dvāviṃśatyaṅgulo daṇḍa ānāhaśca kṛtāṅgulaḥ
daṇḍamūlāgrayorgaṇḍī sruve kaṅkaṇavadbhavet
suvarṇarūpyatāmrairvā sruksruvau dārujāvapi
āyasauyau sruksruvau vā kāraskaramayāvapi
nāgendralatayorvidyāt kṣudrakarmaṇi saṃsthitau
candanaṃ khadirāśvattha-plakṣacūtavikaṅkatāḥ
campā''malakasāraśca palāśaśceti dāravaḥ

97.22

atha homamudrāḥ
na devāḥ pratigṛhṇanti mudrāhīnāṃ yathāhutim
mudrayaiveti hotavyaṃ mudrāhīnaṃ na bhujyate
mudrāhīnañca yo mohāddhomamicchati mandadhīḥ
yajamānaṃ sa cātmānaṃ pātayet tena niścitam
tisro mudrāḥ smṛtā home mṛgī haṃsī ca śūkarī
śūkarī karasaṅkocī haṃsī muktakaniṣṭhikā
mṛgī kaniṣṭhā tarjanyorhomamudrātrayoritā
ābhicārikakāryyeṣu śūkarī parikīrttitā
namaḥ svāhā vaṣaṭ vauṣaṭ huṃ phar̤antāśca jātayaḥ
śāntau vaśye tathā stambhe vidveṣoccāṭamāraṇe

Linked texts (10)