Indrajalavidya 99: atha mṛttikāśivaliṅgapūjāvidhiḥ

Indrajālavidyā 99

Language: Sanskrit

atha mṛttikāśivaliṅgapūjāvidhiḥ

99.11

ahāre khalu saṃsāre sārametaccatuṣṭayam
kāśyāṃ vāsaḥ satāṃ saṅgo gaṅgāmbhaḥ śambhusevanam

agnihotraṃ trivedāśca yajñāśca bahudakṣiṇāḥ
śivaliṅgārcanasyaite koṭyaṃśenāpi no samāḥ
chittvā bhittvā ca bhūtāni hatvā sarvamidaṃ jagat
yajeddevaṃ virūpākṣaṃ na sa pāpena lipyate
anekajanmasāhasraṃ bhrāmyamāṇastu yoniṣu
kaḥ samāpnoti vai muktiṃ liṅgārcanamṛte naraḥ
prātarutthāya yo liṅgaṃ bhaktyā sampūjayet sakṛt
kapilā'saṃkhyadānasya yatphalaṃ tadavāpnuyāt
madhyaṃ dinakare prāpte yo liṅgaṃ paripūjayet
sampūrṇāṃ pṛthivīṃ dattvā yatphalaṃ tadavāpnuyāt
vāruṇīmāśrite sūrye śivaṃ samyak samarcayet
gavāṃ śatasahasrasya dattasya phalamāpnuyāt

99.13

ākāśaṃ liṅgamityāhuḥ pṛthivī tasya pīṭhikā
pralaye sarvadevānāṃ layanālliṅgamucyate

99.14

atha liṅgapramāṇam ; yathā śivatantre |—
mṛttikātolakaṃ grāhyamathavā tolakadvayam
trisūtrasya pramāṇena gaṭhanaṃ kārayed budhaḥ
svāṅguṣṭhaparvamānantu kṛtvā liṅgaṃ prapūjayet
mṛdādiliṅgagaṭhane pramāṇaṃ parikīrttitam
phalaṃ muktimavāpnoti cānyathā cet tathā'nyathā

99.15

tathā anyapramāṇaṃ kālottare |—
liṅge vedyāṃ tathā pīṭhe sūtratrayanipātanāt
samānañcedvijānīyāttrisūtrīkaraṇanvidam
mārakatasphāṭikādi pañcasūtrīpramāṇakam

99.16

tathā anyapramāṇaṃ liṅgapurāṇe |—
śivaliṅgasya yanmānaṃ tanmānaṃ dakṣasavyayoḥ
yonyagramapi yanmānaṃ tadadho'pi tathā bhavet

99.17

tathā pramāṇamanyat tantrāntare |—
liṅgasya yādṛgvistāraḥ pariṇāho'pi tādṛśaḥ
liṅgasya dviguṇā vedī yonisyādarddhamannitā
sarvato'ṅguṣṭhato hrasvaṃ na kadācidapi kacit
ratnādiṣu ca nirmāṇe mānamicchāvaśādbhavet

99.18

brahmā pūjayate nityaṃ śubhaṃ liṅgaṃ śilāmayam
tasya sampūjanāttena prāptaṃ brahmatvamuttamam
indranīlamayaṃ liṅgaṃ viṣṇurarcayate sadā
viṣṇutvaṃ prāptavāṃstena so'bhūd bhūtaikaśāsanaḥ
sphāṭikaṃ nirmalaṃ liṅgaṃ varuṇo'rcayate sadā
tena tadvaruṇatvaṃ hi prāptamūrjabalānvitam

99.16-2

maṇimuktāprabālaiśca ratnerapyarcanaṃ matam
na gṛhṇāmi vinā devi ! vilvapatrairvarānane !

99.20

liṅgadvayaṃ tathā nārcyaṃ gaṇeśadvayameva ca
śaktidvayaṃ tathā sūryyadvayamekatra nārcayet
dve cakre dvārakāyāstu śālagrāmaśilādvayam
eteṣāmarcanānnityamudvegaṃ prāpnuyād gṛhī

99.21

mṛdāharaṇasaṃghaṭṭa pratiṣṭhāhvānameva ca
snapanaṃ pūjanañcaiva visarjanamiti kramāt
haro maheśvaraścaiva śūlapāṇiḥ pinākadhṛk
śivaḥ paśupatiścaiva mahādeva itikramāt

99.22

vinā bhasmatipuṇḍre ṇa vinā rudrākṣamālayā
vinā mālūrapatreṇa śivapūjā vṛthā bhavet
pūjito'pi mahārudro na syāttasya phalapradaḥ

99.23

tathā ca śaivāgame|—
ūrddhvapuṇḍraṃ tripuṇḍraṃ vā kṛtvā sandhyāṃ samācaret
śivapūjāvidhau mantrī tripuṇḍramapi 𑗒 dhārayet
agnihotrabhavaṃ bhasma śaivamantrabhavantu vā
śūdrastu tena mantreṇa bhasmānyapi ca dhārayet
na prācīmagrataḥ śambhonodīcīṃ śaktisaṃyutām
na pratīcīṃ yataḥ paścādato dakṣaṃ samāśrayet
sarvo bhavaśca rudraśca tathaivograḥ smṛtaḥ punaḥ
bhīmaḥ paśupatiścaiva yajamānastathaiva ca
īśānasūryya iti ca mahādevastu somakaḥ
mūrttayo'ṣṭau śivasyaitāḥ śivasannidhikārikāḥ

99.24

laiṅge|—mūrttayo'ṣṭau śivasyaitāḥ pūrvādi kramayogataḥ
āgneyyantāḥ prapūjyāśca vedyāṃ liṅge śivaṃ yajet

99.25

atha liṅgamudrā yathā|—
dakṣāṅguṣṭhaṃ samunnamya vāmāṅguṣṭhena veṣṭayet
aṅgulībhirnipīḍyaiva śivasyāgre pracālayet
liṅgamudreyamākhyātā śivasānnidhyakāriṇī

99.26

atha mukhavādyaphalamāha
bhūmidānena yat puṇyaṃ kanyādānena yat phalam
mukhavādyena tat puṇyamubhayaṃ labhate naraḥ
tadeva puṇyaṃ gītasya nṛtyasya ca viśeṣataḥ

99.27

tatraiva| sahasramarcayelliṅgaṃ nirayaṃ sa na paśyati
śivadehaṃmavāpnoti bhuktvā bhogānanuttamān
lakṣaṃ sampūjayed yastu śivatvaṃ labhate dhruvam
āyurārogyasampattiyuktān putrānavāpnuyāt
ayatnena labhet putrān sarvotkṛṣṭaguṇānvitān
lakṣairdaśabhirindratvaṃ brahmatvaṃ viṃśatiḥ smṛtam
rudratvantu caturbhistu koṭyā ca śivatāṃ vrajet

99.28

atha liṅgastavaḥ bhaviṣyapurāṇe | -
sarvajñānapravijñānapradāyaikamahātmane
namaste sarvadeveśa ! sarvabhūtahite rata !
anantabhogasampanna ! anantāsanasaṃsthita !
anantakāntisambhoga ! parameśa ! namo'stu te
anantakāntisampanna ! anantāsanasaṃsthita † !
parāparaparātīta ! utpattisthitikāraka !
sarvārthasādhanopāya ! viśveśvara ! namo'stu te
sarvārthanirmalābhoga ! sarvavyādhivināśana !
yogiyogimahāyoni-yogīśvara ! namo'stu te
kṛtvā liṅgapratiṣṭhāñca dhyātvā devaṃ sadāśivam
pūjayitvā vidhānena stavametadudīrayet
liṅgastavaṃ mahāpuṇyaṃ yaḥ śṛṇoti sadā naraḥ
notpadyate ca saṃsāre sthānaṃ prāpnoti śāśvatam
pāpakañcukanirmuktaḥ prāpnoti paramaṃ padam

Linked texts (2)

Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit