Kriyoddisha 13

Kriyodḍīśa 13

Language: Sanskrit

13.p1 — 8 parts

13.p1.1

atha vidveṣaṇam-gṛhītvā śaṅkhakīkaṇṭaṃ nikhane
druvidārataḥ| kalaho jāyate nityaṃ śatrorgeḥ
he na saṃśayaḥ
mantraḥ| oṃ namonārāyaṇāya amukāmukena
saha vidveṣaṃ kurukuru svāhā
athānyat-parasparaṃ riporvairaṃ mitreṇa saha niścitam| mahiṣāśvapurīṣābhyāṃ gomaṃtreṇa samā
likhet| yayornāma tayoḥ śīghraṃ vidveṣaśca
parasparam
anyacca-raktena mahiṣāśvena śmaśānavastrake likhet| yayornāma tayoḥ śīghraṃ vidve
ṣaśca parasparam| ṣaṭkoṇacakramadhye tu ripornāmasamanvitam | mantraṃ tataḥ pravakṣyāmi mahābhairavasaṃjñakam
atha mahābhairavamantraḥ—oṃ namo bhagavatiśmaśānakālike amukaṃ vidveṣayavidveṣaya hanahana
pacapaca mathamatha hum̐ phaṭsvāhā | anena maṃtra
rājena homayedyatnataḥ sudhīḥ | vahnikuṇḍe
śmaśānāgniṃ dīpayetkhādiraidhasā | kaṭutailānvitaiḥpatrairnimbasya pariśodhitaiḥ || homayeddayutaṃ dhīmānsākaṃ tilayavākṣataiḥ
bhāvayan kālikāṃ devīṃ mantraśīlasamaprabhām | vyomanīlāṃ mahācaṇḍāṃ surāsuravimardinīm || trilocanāṃ mahārāvāṃ sarvābharaṇabhūṣitām | kapālakartṛkāhastāṃ candrasūryopari
sthitām || śarajāladharāśvatpretabhairave
ṣṭitām | vasantīṃ pitṛgahane sarvasiddhipradāyinīm || homayedvividhaiḥ puṣpairbalicchāgopahārakaiḥ | pūjayitvā maheśānīṃ bhaktiyuktena
cetasā || etadbhasmasamādāya dhārayedabhimaṃtritam | bhasmanā tena manunā vidveṣo jāyate
nṛṇām
mantra-oṃ hrīṃ vidveṣiṇi amukāmukayoḥ
parasparayorvidveṣaṇaṃ kurukuru svāhā
athoccāṭanam| saurārayordine grāhyaṃ narāsthi
caturaṃgulam | niśāvasāne saṃlikhya pradhāna
bhavane kṣipet || saptāhā'bhyantare śatrorāśu

13.p1.2

coccāṭanambhavet || hrūṃ amukasyoccāṭanaṃ
kurukuru svāhā hrūṃ amukaṃ hana hana svāhā
atha stambhanam-amukasya manaḥ stambhayastambhaya hruṃ phaṭ
atha śāṃtiḥ-śāṃtiḥ sarvābhicārasya paścagavyena jāyate | kāmyaprayoge sarvatra niyamo'yutasaṃkhyakaḥ || homasaṃkhyā || 10000
atha māraṇam-mahākṛtyāprayogaḥ-ataḥparaṃ maheśāni māraṇaṃ śṛṇu pārvati|yena vijñātamātreṇa
susādhyaṃ bhuvanatraye || rudrajāyā mahāyoginyatogaurīpadaṃ vadet| bhuvanabhayaṃkarīti padaṃ
varmāstramuccarenmanum || athavāprathamaṃ nyāsamathāto brahmaṇaḥpadam | yaddīrghayuktabījena
cāṃgamantreṇa yojanā || hṛdayañca tato'ṅgena
dharmāstreṇa śiraḥ kramāt | śikhākavacanetrāstramevanyāsakramaḥ smṛtaḥ || aṃgirāśca ṛṣirdevi gāyatrīcchanda īritam| siṃhavatkā ca
bhūtānāṃ bhayaṃkari tataḥ param || mahākṛtyā
devatā ca ityuktvā nyāsamācaret
atha dhyānam--siṃhānanāṃ kṛṣṇamukhīṃ lambagātrapayodharām | daṃṣṭrākarālavadanāṃ trinetrāṃ
sarvaprojvalām ||kṛṣṇakāṃcīsamāyuktāṃ vidhūmāgnisamaprabhām | triśūlacakramuśalakhaḍvāṃgakarapaṃkajām || lelihānamahājihvāṃ vidyutpuñjasubhīṣaṇām | dhyātvā kṛtyāṃ nidhānena
pūjayenmantravittamaḥ || dhyātvā kṛtyāmarccayedvai
raktaiḥ puṣpaiśca vaśyake || kṛṣṇairmāraṇakṛtyeṣu
māṃsaraktāsavaiḥ stutām
kṛtyāśca madanāṃ kumāryaśvacchādinīṃ tathā
bhīṣaṇāṃ śrīmatīñcaiva pratiṣṭhāñca tataḥ param
vidyāmabhyarcayedaṣṭapatreṣuhi (kramaśaḥ) sulo
canām | pūrve tu śāṃkarīṃ nāma śuklavarṇāṃ varā
nvitām || dvibhujāṃ saumyavadanāṃ pāśāṃkuśa

13.p1.3

dharāṃ śivām | dakṣiṇe bhīṣikānāma lambajihvāṃ sudhāmukhīm || kṛṣṇavarṇī raktamukhīṃ
raktamālānulepanām | caturbhujāṃ siṃhanādāṃ
mahāghoṣāṃ kapālinīm || khaḍgahastāṃ śiro
mālāṃ sarvābharaṇabhūṣitām || paścime vāruṇīṃ
nāma svarṇavarṇāṃ hasanmukhīm| surudramālikāṃ
śubhrāṃ daṃṣṭrāmabhayadāṃ sadā | uttare bhīmikāṃ
nāma caturhastāṃ bhayaṃkarīm
vajrahastā, śiromālā, sarvābharaṇabhūṣitā ina nāmoṃse pūjanakare
paścima bhāgameṃ vāruṇī, svarṇavarṇā, hasanmukhī, suruddha māḷikā, śubhra
daṃṣṭrā, abhayadā ina nāmoṃse pūjana kare | uttara bhāgameṃ bhīmikā,
caturbhujā, bhayaṅkarī ina nāmoṃse pūjanakare
pūjayitvā japenmantraṃ nityamaṣṭottaraṃ śatam
avāpya viniyogastu kartavyo māṃtriṇā sadā
kālaṃ viditvā pratimāṃ madhūcchiṣṭena kārayet
dvādaśāṅgulakaṃ śatrornakhalomasamanvitam
hṛdaye nāmadheyañca phaṭkāraśca samarmake | asya
prāṇān pratiṣṭhāpya māricairlepayettataḥ || mṛta
brāhmaṇacāṇḍālakeśābhyāṃ pādayoḥ pṛthak
baddhā kare karamaye toraṇe cāpyadhomukham || tatasyādho mekhalāyuktaṃ trikoṇaṃ tatra kuṇḍakam
tatra śāraṃ vidhāyāgniṃ paristīrya śaraistṛṇaiḥ
bibhītakaṃ parīdhāya kalpayedyasya māraṇam
juhuyānnimbatailāktaiḥ kākolūkasya pucchakaiḥ || dārayenaṃ śoṣayenaṃ mārayetyabhidhāya
ca | aṣṭottaraśatenaiva manunā vidhinā tataḥ
homānte vidhivat kṛtvā bāhye agneśca
sānnidhau| yo me dveṣṭi janaḥ kaściddūrastho vāntike'pi ca || piba kṛtye'mukaṃ tasya
humityuktvā nivedayet || saṃrakṣyāgniṃ vidhā
nena navarātraṃ samācaret || hunedyāvattāvadasya
bhavedeva ripormṛtiḥ | arkakṣīre ca maricaṃ

13.p1.4

piṣṭvā siddhārthameva ca || jale saṃloḍya maṃtreṇa
ripuṃ dhyātvā nirudvadṛk | kṛṣṇāmbarottarīyāpādenākramya taddvipum | vajraśūlamiti
dhyātvā tasyopari tu nikṣipet | navarātrāt
pare śatrumriyate nātra saṃśayaḥ
atha baṭukabhairavaprayogaḥ–ataḥparaṃ maheśāni
śṛṇuṣva karmasiddhidam | baṭukaṃ vimalāṅgarūyaṃ
pūjayet ṣaṭsu karmasu || ( ācamya svasti
vācanasūktaṃ pāṭhitvā ) abhyarcya ca śiraḥ
padme śrīguruṃ karuṇāmayam
saṅkalpaḥ-adyetyādyamukagotrāntanāmagrahaviśiṣṭopaśamanapūrvakārogyāyurvṛddhikāmo gaṇeśādipūjāpūrvakabaṭukapārthivaśivapūjanamahaṃ
kariṣye
śāntikādau-ratiṃ ca pūjayedādau kṣetrapālaṃ
tataḥ punaḥ | rudraśca pūjayeddevi dhyānaṃ śṛṇu
mahāmate
praṇavādyaṃ dhyānam-śūlahastaṃ mahāraudraṃ sarvaṃ
vighniṣūdanam | pūrṇacandrasamābhāsaṃ rudraṃ vṛṣabhavāhanam || evaṃ dhyātvā mahākālīṃ pūjayedrudradaivatam || praṇavādyaṃ rudrāyanamaḥ iti
bhaktiyogataḥ śatatolakaparimitaliṅgamānīyakām̐syapātre liṅgaṃ saṃsthāpya | sāmānyādhyeṃ tataḥ kṛtvā bhūtaśuddhiṃ maheśvari | prāṇāyāmamaṃganyāsaṃ pīṭhanyāsaṃ samācaret
tataḥ ṛṣyādinyāsaḥ |tato dehanyāsaḥ | yathā
mūrdhni oṃ bhairavāya namaḥ | evaṃ lalāṭe bhīmadarśanāya namaḥ | netrayoḥ bhūtāśrayāya namaḥ
mukhe tīkṣṇadarśanāya namaḥ | karṇayoḥ kṣetrapāya namaḥ | hadi kṣetrapālāya namaḥ | nābhideśe kṣetrākhyāya namaḥ | kaṭarcā sarvāghanāśanāya namaḥ | ūrvośtrinetrāya namaḥ | jaṃghayoḥ
raktapāṇikāya namaḥ | pādayoḥ devadeveśāya
sarvāṃge baṭukāya
atha karāṃganyāsaḥ| oṃ hrīṃ vām̐ aṃguṣṭhābhyāṃ
nama ityādi| oṃ hrāṃ vām̐ hṛdayāya nama ityādi

13.p1.5

tato mūlena vyāpakaṃ kṛtvā dhyāyet| oṃ vande
bālamityādi saṃpūjya | dvāviṃśadakṣarañcaivaṃ
japedvadsahasrakam | abhiṣekaṃ tarpaṇañca
yathāvidhi samācaret| eṣā śāṃtirmahāśāṃtiḥ
kathitā tava śraddhayā
atha vaśīkaraṇam–pūrvavat saṃkalpya| rājasadhyānena oṃ udyadbhāskarādi dhyātvā
atha stambhanam–ataḥ paraṃ mahādevi pūjanaṃ
krūrakarmaṇi | pūrvavat saṃkalpya | vidveṣaṇoccāṭanādiṣu ca krūrakarmasu dhyānam–yathā
dhyāyennīlādikāntamityādi dhyātvā saṃpūjya śivasahasrasaṃkhyākamuktaṃ śeṣe amukaṃ
vaśamānaya svāhā iti mantrajapakarmāhaṃ kariṣye
yantre pūjākramaḥ–punardhyātvā yantre puṣpaṃ niḥdhāya āvāhanādikaṃ kuryāt | yathā | tatra
kramaḥ mūlādi sadyojātamantreṇāvāhanam
yathā mūlaṃ oṃ sadyojātaṃ prapadyāmi sadyojātāya vai namaḥ | bhave'bhave'nātibhavebhajasva
māṃbhavodbhavāya vai namaḥ | pinākadhṛgihāgaccha
ihāgaccha | punarmūlamuddhārya oṃ vāmadevāya
namaḥ evaṃ jyeṣṭhāya rudrāya kālāya kalavikaraṇāyabalāya valavikaraṇāya balapramathanāya sarvabhūtadamanāya namo namaḥ | unmanāya
namaḥ ihatiṣṭha ihatiṣṭha mūlaṃ iha sannidhehi
oṃ vāmadevāya namaḥ | oṃ jyeṣṭhāya namaḥ
oṃ rudrāya namaḥ |oṃ kālāya namaḥ |oṃ kalavikaraṇāya namaḥ | oṃ balāya namaḥ |oṃ balavikaraṇāya namaḥ | oṃ balapramathanāya namaḥ
oṃ sarvabhūtadamanāya namonamaḥ | oṃ unmanāya
namaḥ | iha tiṣṭha iha tiṣṭha mūlaṃ iha sannidhehi
aghoreṇa sannirodhanam punarmūlaṃ oṃ aghorebhyo'tha ghorebhyo ghoraghoratarebhyaḥ||sarvebhyaḥ
sarve śarvebhyo namo'stute rudrarūpebhyaḥ| iha
sanniruddhasva
tatpuruṣeṇa yonimudrāpradarśanam | punarmūlam

13.p1.6

oṃ tatpuruṣāya vidmahe mahādevāya dhīmahi
tanno rudraḥ pracodayāt | iti yonimudrāṃ
pradarśayet
īśānena vandanamiti | punarmūlam | oṃ īśā
naḥ sarvavidyānāmīśvaraḥ sarvabhūtānāṃ brahmaṇo'
dhipatirbrahmādhipatirbrahmāśivome'stu sadāśiva oṃ | śivaṃ vandyāmi namaḥ| tataḥ prāṇa
pratiṣṭhā | ām̐ drīṃ kroṃ haṃsaḥ baṭukāyanamaḥ paśu
pateḥ jhūlapāṇeḥ prāṇāḥ iha prāṇāḥ jīva iha
sthitaḥ | sarvendriyāṇi | cakṣuḥ śrotraghrāṇaprāṇāḥ ihāgatya sukhaṃ ciraṃ tiṣṭhantu svāhā
huṃ ityavaguṇṭhya| vamiti dhenumudrayā'mṛtīkṛtya
choṭikābhirdigbaṃdhanaṃ kṛtvā ṣaḍaṃgāni saṃpūjya
devaṃ pūjayet
mūlamuccārya etat pādyam| oṃ mahādevāya somamūrtaye baṭukātmane paśupataye śivāya namaḥ| evaṃ krameṇārghyācamanīyādikaṃ dadyāt| snāneṃ tu viśeṣaḥ| yathā| adyetyādi amukasyā'śeṣāśubhanivṛttipūrvakayahāriṣṭopaśamanārogyāyurvṛddhikāmanayā śatatolakaparimitadugdhena baṭukātmakapaśupaterliṃgaṃ
snāpayāmi | oṃ sadyojātaṃ prapadyāmi
ityādinā snāpayet | tato jalena snāpayitvā | mūlam | eṣa gandhaḥ | oṃ mahādevāya
somamūrtaye namaḥ puṣpe tu adyetyādi uktavat
kāmanayā baṭukātmakapaśupataye śivāyāṣottaraśatadroṇapuṣpāṇyahaṃ saṃpradade| mūlamuccārya
oṃ mahādevāya somamūrtaye namaḥ | iti maṃtreṇa
ekaṃ ekaṃ kṛtvā dadyāt | evaṃ bilvapatram
madhuparkaṃ dhūpadīpe tu gandhavat | naivedyam
adyetyādisnānīyavat kāmanayā etat
sopakaraṇaśatatolakaparimitātapataṇḍulanaivedyaṃ baṭukātmakapaśupataye śivāya tubhyamahaṃ
saṃpradade | oṃ mahādevāya somamūrtaye namaḥ
śatatolakaparimitasamvidā cūrṇaṃ pānīyaṃ

13.p1.7

tāmbūlaṃ ca pūrvavat saṃkalpya dadyāt | iti
vaśīkaraṇamantre | mūlamuccārya oṃ bhavāya
jalamūrtaye baṭukātmane śivāya namaḥ | evaṃ
krameṇa pūjayet | evamarghyācamanīyaṃ dadyāt
snāne tu adyetyādi-amukasyāmukavaśīkara
ṇārthaṃ śatatolakaparimitaghṛtena madhunā vābaṭukātmakapāśupataśivāliṃgaṃ snāpayāmi
mūlamuccārya | eṣa gandha oṃ bhavāya jalamūrtaye
namaḥ | puṣpe tu adyetyādi amukasyāmukavaśīkaraṇārtham aṣṭottaraśatadroṇapuṣpaṃ baṭukātmane paśupati śivāyā'haṃ sampradade | mūlamuccārya etat droṇapuṣpaṃ oṃ bhavāya jalamūrtaye
namaḥ iti pratyekam | evaṃ bilvapatram
dhūpadīpe tu oṃbhavāya jalamūrtaye namaḥ
naivedye tu adyetyādi amukasyāmukavaśīkaraṇārthaṃ śatatolakaparimitasopakaraṇanaivedyaṃ
oṃ baṭukātmakapaśupatiśivāyā'haṃ sampradade
mūlamuccārya etat sopakaraṇaśatatolakaparimitanaivedyaṃ samvidā cūrṇañca oṃ bhavāya jalamūrtaye namaḥ | tataḥ pānārthodakaṃ ācamanīyaṃ
tāmbūlaṃ ca dadyāt
tataḥ aṣṭāvaraṇaṃ pūjayet| tato'ṣṭamūrtiṃ pūja-yet| tato mūlena puṣpāñjalitrayaṃ dattvā saṃkalpya śivasahasrasaṃkhyākaṃ tanmantraṃ jape-t| śāntikādau krūrakarmaṇyapi| tato gu-rvādinā japaṃ samāpya stotrādikaṃ paṭhet
tato balidānam-yathā-mūlamuccārya baṭukabhai
ravāya eṣa valinamaḥ | bhairavaparivāragaṇaiḥsaha
mama śatrūn sarudhiraṃ piba piba imaṃ baliṃ gṛh
gṛhṇa svāhā | oṃ śatrupakṣasya rudhiraṃ piśitaṃ
ca dine dine | bhakṣaya svagaṇaiḥsārddhaṃ sārameyasamanvitam || tato vihitadravyaiḥ aṣṭottaraśataṃ
sahasraṃ vā homayet

13.p1.8

13.p2

iti kriyoḍḍīśe mahātaṃtrarāje umāmaheśvarasaṃvāde trayodaśaḥ paṭalaḥ || 13

Linked texts (3)

Kriyoḍḍīśatantra — Sanskrit
Bṛhattantrasāra — Rāmānanda, Sanskrit
Merutantra (Śiva) — Śiva, Sanskrit

Kriyoddisha 13

Contents

Linked texts (3)