Pramāṇa · Search · About · API

Kriyoddisha 16

Kriyodḍīśa 16

Language
Sanskrit

Contents

16.p1.1

atha mṛtyuñjayavidhānam
devyuvāca-prāṇanātha kṛpāsindho brūhi śāstraviśārada | mṛtyuñjayasya pūjāyāḥ kiṃ phalaṃ
kiṃ vidhānakam
śrīśiva uvāca | vaktunnāhaṃ kṣamo gauri tvayi
snehāt prakāśitam | mṛtyuñjayāvidhānaṃ tu
na vaktavyaṃ bahirmukhe | mukhe tu devi vaktavyaṃ
yatnataḥ prāṇavallabhe | mṛtyuñjayo mahādevaḥ
sākṣānmṛtyuharaḥ paraḥ|vidhānaṃ tasya saṃkṣepādvaktavyaṃ śṛṇu sundari | deveśi rogaśāntyartha
tasya pūjāvidhiryathā || mṛtyuñjayaṃ samāpūjya
liṃgaṃ tribhuvaneśvaram | rogārto mucyate rogāddho mucyeta bandhanāt | yastu saṃpūjayedbhaktyā liṃgaṃ mṛtyuṃjayābhidham | yamo'pi
praṇamedbhaktyā kiṃkariṣyati pāmaraḥ
tasya pūjāvidhiṃ vakṣye śṛṇu matprāṇavallabhe
jātibhedairmṛttikāntu gṛhītvāśītitolakām || nirmāya pārthivaṃ liṃgaṃ kāṃtyādhāre
niveśayet|paurāṇikena maṃtreṇa kuryācca paṭhanaṃ
budhaḥ || snāpayet pañcagavyena pratyekasyāṣṭatolakam | svasvamantraiśca pratyekadravyeṇa
snāpayet sudhīḥ || rogakṣayecchayā vidvānmāgotrādipūrvakam | upaviśyāsane vipro
dhṛtvā dhautaśca vāsasam || rudrākṣamālāṃ kaṇṭhe
vai dhṛtvā bhasmatripuṇḍrakam | upacāraḥ ṣoḍaśa
tu deyā bhaktyā prayatataḥ || suvarṇasyāsanaṃ
deyaṃ tathaivābharaṇāni ca | vastrayugmaṃ pradadyāttu
paridheyaṃ yathā bhavet
śivayantraṃ yathā-ṣaṭkoṇamaṇḍalaṃ kṛtvā tadantesādhyanāmakam | prasādabījaṃ hauṃ saṃlikhya tataḥ ṣaṭkoṇeṣu praṇavasāhitapañcākṣaravarṇān ṣaḍaṃgamaṃtrāṃśca vilikhya tadbahiḥ pañcadalāni viracya taddaleṣu oṃ īśānāya namaḥ
oṃ tatpuruṣāya namaḥ | oṃ aghorāya namaḥ
oṃ sadyojātāya namaḥ|oṃ vāmadevāya namaḥ

16.p1.2

iti pañca maṃtrān prāgādikrameṇa likhet
tadbahiraṣṭadalāni racayitvā taddaleṣu mātṛkā
varṇān likhet | tadbahirvṛttaṃ tryambakena veṣṭayet | etadyantraṃ japahomādinā saṃpūjya dhārayet | āyurārogyaiśvaryādisiddhirbhavati
atha mṛtyuñjayamaṃtraḥ–athavā śṛṇu deveśi yaṃtraṃ sarvasusiddhidam| madhye sādhyākṣarāḍhyaṃ dhruva-mabhivilikhenmadhyamaṃ digdaleṣu koṇeṣvantaṃ manostav kṣitibhuvanamatho dikṣu candraṃ vi-dikṣu| ḍhāntaṃ yantraṃ taduktaṃ sakalabhayaharaṃ kṣveḍa-bhūtāpamṛtyuvyādhitya mohaduḥkhapraśamanamuditaṃ śrīpradaṃ kīrtidāyi
madhuparkaṃ kāṃsyapātre dadyādghojanayugmakam
bilvapatrasahasrantu hyabhayaṃ nivedayet || evaṃ
saṃpūjya liṃgaikaṃ dvisahasraṃ manuṃ japet
samidvistu guḍūcyāstu tatra homaṃ samācaret || dakṣiṇāṃ brāhmaṇe devi suvarṇaṃ vastrakaṃ
tathā | tadrdhaṃ vā tadarddhaṃ vā yathāvibhavamānataḥ || aṃgahīnā na kartavyā pūjā cāphaladā
yataḥ | ekaliṃgaṃ samārādhya phalaṃ syādanya
ke yuge || tatphalaṃ labhate devi kalau saṃkhyā
caturguṇā | āmrapātre tu saṃsthāpya jalañcāśītitolakam || tajjalenaiva deveśi kuśaiḥ
sammārjya rogiṇam | kṣipeddīpaśikhāyāṃ ca
maṃtramuccārya mānakam || evaṃ vidhividhānena
pūjayenmama liṃgakam | yhagyāhag bhavedrogo nāśameti mayoditam | sāṅgena pūjayitvā tu labhate vāṃchitaṃ phalam || aṃgavyatikrameṇaiva vṛthā bhavati vāsanā | rogī
pramucyate sadyo bhogīvojjhitakaṃcukaḥ| yadi
madvacane bhaktistadā mukto bhaveddhruvam
anyathā yadi deveśi sarvaṃ bhavāti niṣphalam
atha maṃtrapūjāvidhānam | ataḥ paraṃ devi śṛṇu
yaṃtrapūjāvidhānakam

16.p1.3

kṛtanityakriyo devi svastivācanapūrvakam
saṃkalpaṃ ca tataḥ kuryādvidhivākyānusārataḥ
adyetyādi amukagotraḥ śrīpūrvakadevaśarmā yaṃtrādhiṣṭhitadevatāyā: pūjārthamamukayaṃtrasaṃskāramahaṃ kariṣye | iti saṃkalpya mahādevi gurorcanamācaret | paścagavyaṃ tataḥ kṛtvā
śivamaṃtreṇa maṃtritam | tatra cakraṃ kṣipenmaṃtrī praṇavena samākulam | taduddhṛtya tataścakraṃ sthāpayetsvarṇapātrake || pañcāmṛtena
dugdhena kastūrīkuṃkumena ca | payodadhighṛtakṣaudraśarkarādyairanukramāt || toyadhūpāntaraiḥ
kuryāt paṃcāmṛtamuttamam | aṣṭābhiḥ kalaśairdevīmaṣṭābhirvāripūritaiḥ || kaṣāyajalasapañcaiḥ kārayet snānamuttamam | snānaṃ
samāpya tāṃ devīṃ sthāpayet svarṇapīṭhake
gāyatrī yathā—yaṃtrarājāya vidmahe mahāyaṃtrāya
dhīmahi tanno yantraḥ pracodayāt | spṛṣṭvā yaṃtraṃ
kuśāgreṇa gāyatryā cābhimantrayet | aṣṭottaraśataṃ devi devatābhāvasiddhaye || ātmaśuddhiṃ tataḥ kṛtvā ṣaḍaṃgairdevatāṃ yajet | tatrāvāhya mahādevi jīvanyāsañca kārayet
prāṇapratiṣṭhā-asya prāṇapratiṣṭhāmaṃtrasya brahmā
viṣṇumaheśvarāḥ ṛṣayaḥ | ṛgyajuḥsāmāni
cchaṃdāṃsi|caitanyaṃ devatā|prāṇapratiṣṭhāyāṃ vini
yogaḥ | upacāraiḥ ṣoḍaśabhirmahāmudrādibhistathā | phala tāmbūlanaivedyaiḥ śivaṃ tatra samarcayet || paṭṭasūtrādikaṃ dadyādalaṅkārameva
ca | aguruṃ cāmaraṃ ghaṇṭāṃ yathāyogyaṃ
maheśvari || sarvametatprayatnena dadyādātma
hite rataḥ | tato japetsahasrantu sakalepsitasiddhaye || japasamāpanaṃ kuryādarghāṃgena namaskṛtam | aṣṭottaraśataṃ hutvā sampātājyaṃ
vinikṣipet || homakarmaṇyaśaktaścedviguṇaṃ

16.p1.4

japamācaret |gurave dakṣiṇāṃ dadyāttato devīṃ
visarjayet
asya prayogaḥ | kṛtānityakriyaḥ svastivācanapūrvaka saṃkalpaṃ kuryāt | adyetyādi
amukagotraḥ śrīamukadevaśarmā amukadevatā
pūjārthamamukayaṃtrasaṃskāramahaṃ kariṣye | tatraḥ
paṃcagavyamānīya hauṃ iti maṃtreṇāṣṭottaraśatamabhimantrya praṇavena yaṃtraṃ tatra kṣipet | tata
utthāpya snāpayecchītalajalacandanagandhakastūrīkuṃkumaiḥ | snāpayitvā paṃcagavyamānīya hauṃ iti maṃtreṇāṣṭottaraśatamabhimantrya
praṇavena śodhayitvā snāpayet | tatra kramaḥ
prathamaṃ kṣīreṇa snāpayitvā dhūpaṃ dadyāt | evaṃ
dadhnā ghṛtena madhunā śarkarayā ca | tato'ṣṭābhiḥ
kalaśaiḥ snāpayet | kuṃkumagorocanayā caṃdanamiśraistoyaiḥ snāpayet | sarvatra snānaṃ
mūlamaṃtreṇa tato yantramuttolya kuśāgreṇa
tatspṛṣṭvā . gāyatryaṣṭottaraśatābhimaṃtritaṃ kṛtvā
prāṇapratiṣṭhāṃ kuryāt | asya prāṇapratiṣṭhāmaṃtrasya brahmaviṣṇumaheśvarā ṛṣayo ṛgyajuḥ
sāmāni cchandāṃsi caitanyaṃ devatā prāṇapratiṣṭhāyāṃ viniyogaḥ | tadyathā—ām̐ hrīṃ krauṃ
yaṃ vaṃ laṃ vaṃ śaṃ yaṃ saṃ hauṃ haṃsaḥ
amukadevatāyāḥ prāṇā iha prāṇāḥ | jīva
iha sthitaḥ | sarvendriyāṇi vāṅmana
ityādi prāṇān pratiṣṭhāpya tatra prakṛtidevatāmāvāhya ṣoḍaśopacāraiḥ paṃcopacārairvā pūjayet | tatra paṭsūtrādikaṃ datvā aṣṭottaraśataṃ
sahasraṃ vā japitvā śaktyaṃdgaliṃ dadyāt | tato'
ṣṭottaraśataṃ homaṃ kuryāt | homābhāve dviguṇo
japaḥ kāryaḥ | tato dakṣiṇāṃ datvā chidrāvadhā
raṇaṃ kuryāt

16.p2

iti śrīkriyoḍḍīśe mahātantrarāje devīśvarasaṃvāde saptadaśaḥ paṭalaḥ || 17

Linked texts (2)