Kriyoddisha 18
Kriyodḍīśa 18
- Language
- Sanskrit
18.p1
atha mṛtyuñjayakavacam
śrīdevyuvāca-bhagavan devadeveśa devatābhiḥ
prapūjitaḥ | sarvaṃ me kathitaṃ deva kavacanna prakāśitam || mṛtyurakṣākaraṃ deva sarvāśubhavināśanam | kathayasvādya me nātha yadi sneho'sti
māṃ prati
īśvara uvāca-asya mṛtyuñjayamantrasya vāmadeva ṛṣirgāyatrīcchando mṛtyuñjayo devatā
sādhakābhīṣṭasiddhayarthaṃ jape viniyogaḥ
śiro me sarvadā pātu mṛtyuñjayasadāśivaḥ
tryakṣarasvarūpo me vadanañca maheśvaraḥ|pañcākṣarātmā bhagavān bhujau me,parirakṣatu | mṛtyuñjayatribījātmā hāyū rakṣatu me sadā || bilvavṛkṣasamāsīno dakṣiṇāmūrtiravyayaḥ | sadā me
sarvataḥ pātu ṣaṭtriṃśadvarṇarūpadhṛk||dvāviṃśatyakṣaro rudraḥ kukṣau me parirakṣatu | trivarṇātmā
nīlakaṇṭhaḥ kaṇṭhaṃ rakṣatu sarvadā || cintāmaṇibījapūre rddhanārīśvaro haraḥ | sadā rakṣatu
me guhyaṃ sarvasampatpradāyakaḥ || sa tryakṣarasvarūpātmā kūṭarūpī maheśvaraḥ | mārtaṇḍabhairavo
nityaṃ pādā me parirakṣatu || oṃ jūṃ saḥ mahā
bījasvarūpaścipurāntakaḥ | ūrdhvamūrdhani
ceśāno mama rakṣatu sarvadā || dakṣiṇasyāṃ
mahādevo rakṣenme girināyakaḥ | aghorākhyo
mahādevaḥ pūrvasyāṃ parirakṣatu || vāmadevaḥ paścimasyāṃ sadā me parirakṣatu | uttarasyāṃ sadā
pātu sadyojātasvarūpadhṛk || itthaṃ rakṣākaraṃ
devi kavacaṃ devadurlabham | prātarmadhyāhnakāle
tu yaḥ paṭhecchivasannidhau || so'bhīṣṭaphalamāpnoti kavacasya prasādataḥ | kavacaṃ dhāryedyastu sādhako dakṣiṇe bhuje || sarvasiddhikaraṃ
puṇyaṃ sarvāriṣṭavināśanam | yoginībhūtavetālā: pretakūṣmāṇḍapannagāḥ || na tasya
hiṃsāṃ kurvanti putravatpālayanti te | paṭhitvābhyarcayedevi yathāvidhi puraḥsaram || lakṣa
ña mūlamaṃtrasya puraścaraṇamucyate | taddhāraṇe
mahādevi mṛtyurogavināśanam || evaṃ yaḥ
kurute martyaḥ puṇyāṃ gatimavāpnuyāt | iti
jñātaṃ mahādevi tasya vakre sthitaṃ sadā || kava
casya prasādena mṛtyumukto bhavennaraḥ | anyathā
siddhihāniḥ syātsatyametanmanorame || tava
snehānmahādevi kathitaṃ kavacaṃ śubham | na deyaṃ
kasyacidbhadre yadīcchedātmano hitam
18.p2
iti kiryoḍḍīśe mahātantrarāje devīśvarasaṃvāde ekoḥ naviṃśatitamaḥ paṭalaḥ || 19
Linked texts (1)
- Kriyoḍḍīśatantra — Sanskrit