Kriyoddisha 19: atha yantraprakaraṇam
Kriyodḍīśa 19
- Language
- Sanskrit
Contents
- 19.20 — 2 parts
atha yantraprakaraṇam
19.10
vandhyāyantram-ataḥ paraṃ devi śṛṇu yantra
dhāraṇamuttamam | yantradhāraṇamātreṇa sarvābhīṣṭaphalaṃ labhet || janmavandhyā ca yā nārī
śubhaputravatī bhavet | tadā gorocanādyena
likhedyantramanuttamam || vṛttadvayaṃ samālikhya
padmamaṣṭadalaṃ likhet | pratipadme likhenmāyā
bījaṃ bhūpurakaṃtataḥ || bhūrjapatre likhedyantraṃ dhārayettu maheśvari | kukṣau dhṛtvā mahāyantraṃ śubha
putravatī bhavet || prayogāntaramanyatra prāṇaśaṅkaṭato nāhi | dakṣiṇāṃ gurave dattvā gṛhṇīyādyantramuttamam
vṛttaṃ caturdalaṃ padmaṃ bhūpureṇa samanvitam| vṛttamadhye likheddevi sādhakākhyāṃ viśeṣataḥ
putravatīpadaṃ paścāt bhavatviti padaṃ tataḥ
praṇavaiḥ puṭitā lajjā tridhā patreṣu saṃlikhet
pūrvavatpūjayeddevi dhārayeddakṣiṇe bhuje| satyaṃsatyaṃ
hi deveśi vandhyā putravatī bhavet || durbhagā
cedbhavennārī subhagā māsato bhavet
atha rakṣāyantram
ataḥ paraṃ pravakṣyāmi mahārakṣākaraṃ param
dhāraṇādbānavapatirmahārakṣākaro bhavet ||pañcadalaṃ likheddevi glauṃ bījenaiva lāñchitam
gaṃpaścakaṃ sarvamadhye likhitvā dhārayedyadi
na tasya putrabhītiḥ syāttatra rakṣākaro haraḥ
gorocanākuṃkumābhyāṃ bhūrje saṃlikhya dhārayed || tatra pūjāṃ mahādevi gaṇapasya samācaret | pūjitaṃ dhāritaścaiva sarvopadravanāśanam
vṛttamaṣṭadalaṃ padmaṃ punaḥ padmeṣu saṃlikhet
gorocanābhiḥ saṃlikhya dhārayetparameśvari
uttarūpeṇa liṅgasya pūjāṃ kṛtvā maheśvari
dhārayedyo bhavettasya hyalpamṛtyuvināśanam
atha putrajananayantram
binduvṛttaṃ samālikhya likhedaṣṭadalaṃ tataḥ
pratipatreṣu yaṃbījaṃ likhedatha pṛthakpṛthak
pūrvavatpūjayeddevi dhāraṇānmṛtyunāśanam
kākavandhyājanasyāpi bahuputrakaraṃ param
ṣaṭkoṇaṃ vilikhedvṛttaṃ tataścāṣṭadalaṃ likhet
ṣaṭkoṇeṣu ca ṣaṭ dīrghān vilikhetparameśvari || aiṃ hrīṃ oṃ aiṃ hrīṃ phaṭ svāhā likhedaṣṭadale tataḥ
sarvamadhye likheddevi tataḥ śṛṇu maheśvari || praṇavastu tato māyā sādhakāraṇyaṃ tu ṅentakam
suputraśca samālikhya utpādayapadantataḥ || vidhāya caivaṃ vidhivaddhā reyadyantramuttamam
dhāraṇātsarvasampattirbhavendevi na saṃśayaḥ || pūjanaṃ pūrvamuktam | devīṃ
kālīmaṃtreṇa pūjayet
atha vaśīkaraṇam
vaśīkaraṇayantrantu śṛṇu matprāṇavallabhe
yasya dhāraṇamātreṇa vaśī kuryātpunaḥ priye
caturvṛttaṃ samālikhya likhedaṣṭadalaṃ tataḥ
oṃ śatrumukhaṃ bandhayeti pratipadmadalaṃ likhet
yasya nāmābhisaṃlikhya bāhau saṃdhārayecchive
pūrvavatpūjayeddevīṃ japeḍchakṣaṃ vidhānataḥ || cāmuṇḍoktavidhānena pūjayeddevi sādhakaḥ | hutvā
caiva vidhānena sa vaśī bhavati dhruvam
atha bandhamuktiyaṃtram
likhedvṛttaṃ tadbahistu svarān likhet | bahirbubhūdvayaṃ likhya caturdikṣu ca hrīṃ likhet
vṛttayugmāṣṭapatrañca likhedgorocanādinā
grīvāyāṃ kaṃṭhadeśe vā śikhāyāṃ vāpi dhāraṇāt | bandhamuktirbhavettasya navame divase
tathā | pūrvoktavidhinā lakṣaṃ durgāmaṃtraṃ
japedbudhaḥ
atha ḍākinyādibhayavināśanayaṃtraṃ
jīvavatsāyaṃtraṃ ca
vṛttayugmaṃ likhettatra mahābījacatuṣṭayam | catuṣkoṇadvayaṃ bāhye likhitvā dhārayedyadi
nāśayetkṣaṇamātreṇa ḍākinyādibhavaṃ bhayam
mṛtavatsā yadi bhavennārī duḥkhaparāyaṇā
dhārayet paramaṃ yaṃtraṃ jīvavatsā tato bhavet
dīrgharekhādvayaṃ dattvā tadvātre'ṣṭadalaṃ likhet
oṃ hrīṃ devadatta hrīṃ rekhāmadhye likhecchubhe
rekhāgātradale oṃ hūm̐ rekhāghnatadale ca oṃ
(likhet)| gorocanākuṃkumena tathaivālaktakena vā || yasya nāma tu sāṃlikhya sthāpayetparameśvari| paṃcāmṛteṣu deveśi jīvavatsā
bhaveddhi sā || tatsutasyākālamṛtyurnānyathā
jāyate priye| uktarūpe tathā pūjāṃ lakṣmantraṃ
japecchive
19.20
iti kriyoḍḍīśe mahātantrarāje devīśvarasaṃvāde
viṃśatitamaḥ paṭalaḥ samāptaḥ
19.20.p1
dugdhayogena vijayā mahātejaskarī smṛtā
kṣudghodhabalakāritvāccakṣudauṣāpahāriṇī
jalayogena sā hanti hyajīrṇādigadānkṣaṇāt | ghṛtena medhājananī vāgdevīvaśakāriṇī || kaphadoṣānaśeṣāṃstu madhunā saha nāśayet | saindhavena yutā sāhi jaṭharāgniṃ vivarddhayet || sitayā lavaṇenāpi guḍena saha sevitā | amlapittaṃ tathā śūlaṃ vināśayati tatkṣaṇāt || balapuṣṭipradā proktā madhurasvarakāriṇī | kaivalyajñānadā cetthaṃ sarvasiddhipradāyinī
19.20.p2
iti kriyoḍḍīśe mahātantrarāje devīśvarasaṃvāde ekaviṃśatitamaḥ paṭalaḥ || 21