Kriyoddisha 2
Kriyodḍīśa 2
- Language
- Sanskrit
Contents
- 2.5 — 1 part
2.1
atha sarvarogamuktikavacam
śrīdevyuvāca-devadeva mahādeva surāsuranamaskṛta
idānīṃ śrotumicchāmi rogamuktaḥ kathamprabho
2.2
nāsti trātā ca jagatāṃ tvāṃ vinā parameśvara
jvarādivāraṇaṃ śīghraṃ kṛpayā parayā vada
2.1-2
īśvara uvāca-kathayāmi tava snehātkavacaṃ
vāraṇaṃ mahat
oṃ namo bhagavati vajraśṛṃkhale hanatu bhakṣatu
khādatu aho raktaṃ pibapiba naravakṣāsthirakṛpaṭe bhasmāṅgi bhasmaliptaśarīre vajrāyudhe vajra
prākāranicite pūrvāndiśammuñcatu dakṣiṇāṃ
diśaṃ muñcatu pāścimāṃ diśaṃ muñcatu uttarāndiśaṃ
muñcatu nāgārthaṃ dhanagrahapārtiṃ bandhatu nāgapāṭiṃ bandhatu yakṣarākṣasapiśācān bandhatu pretabhūtagandharvādayo ye kecid upadravāstebhyo
rakṣatu ūrdhvaṃ rakṣatu adho rakṣatu śyenikāṃ
muñcatu jvala mahābale ehyehi tu moṭi moṭi
saṭāvali vajrāgnivajraprākāre eṃ phaṭ hrīṃ
hrīṃ śrīṃ phaṭ hraṃ haṃ phuṃ pheṃ phaḥ sarvagrahebhyaḥ sarvavyādhibhyaḥ sarvaduṣṭopadravebhyaḥ hrīṃ aśeṣebhyo
mā rakṣatu
itīdaṃ kavacaṃ devi surāsurasudurlabham
grahajvarādibhūteṣu sarvakarmasu yojayet
2.2-2
na deyaṃ yasya kasyāpi kavacaṃ manmukhāccyutatam | taddatte siddhihāniḥ syādyoginīnāṃ
bhavetpaśuḥ
2.3
dadyācchāntāya vīrāya satkulīnāya yogine | sadācāraratā ye ca nirjitatāśeṣa eva hi
2.4
ekāhiko dvyāhikaśca tryāhikaścāturāhikaḥ | sarve jvarā vinaśyanti kavacaṃ dhārayedyadi
2.5
striyā vāmakare dhāryaṃ puṃsā ca dakṣiṇe kare | avaśyameva siddhiḥ syātsatyaṃ satyaṃ varānane
2.5.p1
iti kriyoḍḍīśamahātantrarāje devīśvarasaṃvāde dvitīya paṭalaḥ || 2
Linked texts (1)
- Kriyoḍḍīśatantra — Sanskrit