Kriyoddisha 8
Kriyodḍīśa 8
- Language
- Sanskrit
Contents
- 8.7 — 2 parts
8.1
bhairava uvāca—vakṣyāmi devi kavacaṃ maṃgalaṃ
prāṇarakṣakam | ahorātraṃ mahādevarakṣārthaṃ devamaṇḍitam | asya śrīmahādevakavacasya vāma
devaṛṣiḥ paṃktiśchandaḥ sauḥ bījaṃ rudro devatā
sarvārthasādhane viniyogaḥ
rudro māmagrataḥ pātu pṛṣṭhataḥ pātu śaṅkaraḥ
kapardī dakṣiṇe pātu vāmapārśve tathā haraḥ
8.2
śivaḥ śirasi māṃ pātu lalāṭe nīlalohitaḥ
netraṃ me tryambakaḥ pātu bāhuyugamaṃ maheśvaraḥ
8.3
hṛdaye ca mahādeva īśvaraśca tathodare || nābhau
kukṣau kaṭisthāne pādau pātu maheśvaraḥ
8.4
sarvaṃ rakṣatu bhūteśaḥ sarvagātrāṇi me haraḥ || pārśvaṃ
śūlaśca divyāstraṃ khaḍgaṃ vajraṃ tathaiva ca
8.6
namaskaromi bhūteśa rakṣa māṃ jagadīśvara || pā
pebhyo narakebhyaśca trāhi māṃ bhaktavatsala
8.6-2
janmamṛtyujarāvyādhikāmakrodhādapi prabho || lobhamohānmahādeva rakṣa māṃ tridaśeśvara
8.7
tvaṃ gatistvaṃ matiścaiva tvaṃ bhūmistvaṃ parāyaṇaḥ || kāyena manasā vācā tvayi
bhaktirdṛḍhāstu me
8.7.p1
phalaśrutiḥ-ityetadrudrakavacaṃ pāṭhanātpāpanāśanam | mahādevaprasādena bhairavena ca kīrtitam || na tasya pāpaṃ deheṣu na bhayaṃ tasya vidyate | prāpnoti sukhamārogyaṃ putramāyuḥpravarddhanam || putrārthī labhate putrāndhanārthī dhanamāpnuyāt |vidyārthī labhate vidyāṃ mokṣārthī mokṣameva ca | vyādhito mucyate rogādbaddho mucyeta bandhanāt | brahmahatyādipāpaṃ ca paṭhanādeva naśyati
8.7.p2
iti kriyoḍḍīśe mahātaṃtrarāje devīśvarasaṃvāde aṣṭamaḥ paṭalaḥ || 8
Linked texts (2)
- Kriyoḍḍīśatantra — Sanskrit
- Prāṇatoṣiṇī — Rāmatoṣaṇa Śarman 1796, Sanskrit