Kriyoddisha 9
Kriyodḍīśa 9
- Language
- Sanskrit
9.p1
athāsanam
ekaṃ siddhāsanaṃ proktaṃ dvitīyaṃ kamalāsanam
vyāghrājine sarvasiddhirjñānasiddhirmṛgājine
vastrāsanaṃ rogaharaṃ vetrajaṃ prītivarddhanam | kauśeyaṃ puṣṭidaṃ proktaṃ kambalaṃ sarvasiddhidam
śuklaṃ vā yadi vā kṛṣṇaṃ viśeṣādraktakambalam | meṣāsanantu vaśyārthamākṛṣṭau vyāghracarma
ca|śāṃtau mṛgājinaṃ śastaṃ mokṣārthī vyāghracarma
ca | gocarma stambhane devi vājaṃ coccāṭane
tathā | ( vidveṣe śvānacarma ca) māraṇe mahiṣaṃ
carma karmoddiṣṭaṃ samācaret | sarvakāmārthadaṃ
devi paṭṭavastrāsanantathā | kuśāsanaṃ kambalaṃ
vā sarvakarmasu pūjitam || duḥkhadāridryanāśantu
kāṣṭhapāṣāṇajāsanam
atha homaghaṭādisthāpanam
nityaṃ naimittikaṃ kāryyaṃ sthaṇḍile vā samācaret | hastamātreṇa tatkuryādvālukābhiḥ
suśobhanam || toyapūrṇānghaṭānpañca sthāpayetparameśvari | ekena mantrayugmena sthāpitāḥ syuḥ sapallavaiḥ | aśaktau ca mahādevi
ekaikena ca vāsasā | kadācidapi caikena
sarvānnācchādayecchive| anācchāditatoyāni
sthāpayitvā vrajatyadhaḥ
tataḥ sthāṃ sthīṃ iti śrīmiti mantreṇa ghaṭaṃ sthirīkṛtya | krauṃ iti ghaṭaprokṣaṇam | krāmiti ghaṭābhimantraṇam | hrīṃ ityāropaṇam | hrīṃ jalena pūraṇam | tataḥ kṛtāñjaliḥ paṭhet
gaṃgādyāḥ saritaḥ sarvāḥ samudrāśca sarāṃsi ca
sarve samudrāḥ saritaḥ sarāṃsi jaladā nadāḥ
hradāḥ prasravaṇāḥ puṇyāḥ svargapātālabhūgatāḥ
sarvatīrthāni puṇyāni ghaṭe kurvantu sannidhim
tataḥ śrīmiti paṅcavam, humiti phalam,
ramiti sindūram, vamiti puṣpam, mūlena
dūrvām, oṃ oṃ oṃ ityabhyukṣaṇam oṃ phaṭ
svāhā iti kuśena tāḍanam| śāntyarthaṃ snāpayetkumbham
puṇyāhaṃ vācayitvā karma kuryāt digbandhanādi gaṇeśagrahadikpālādīnpratikuṇḍe pūjayet |sthaṇḍile pūjayecchidraṃ sarvāpadvināśanam
kumbhe cāpi pūjayet | tataḥ agnimānīya saṃskṛtya homaṃ kuryāt
mahāvipattau juhuyāt javāṃ kṛṣṇaparājitām
droṇaṃ vā karavīraṃ vā mano'bhīṣṭaphalaṃ labhet
karavīraiḥ śvetaraktaiḥ raktacandanamiśritaiḥ
droṇaiśca ketakīpuṣpaiḥ homo rogaṃ vimocayet
campakaiḥ śvetapadmaiśca kokanadañca bandhukam
bilvapatraṃ kurubakaṃ munipuṣpañca kesaram
hutvā yadi mahādevi avaśyaṃ putravānbhavet
raktotpalaṃ bilvapatraṃ kāñcanaṃ raktavarṇakam
śāntimaṃtratrikaścāpi śatasaṃkhyākrameṇa tu
juhuyāttu maheśāni sarvasiddhirbhavettadā
9.p2
iti kriyoḍḍīśe mahātaṃtrarāje devīśvarasaṃvāde navamaḥ paṭalaḥ || 9