Nidhipradipa 3: atha tṛtīyaḥ paricchedaḥ
Nidhipradīpa 3
- Language
- Sanskrit
Contents
atha tṛtīyaḥ paricchedaḥ
3.1
parīkṣālakṣaṇaṃ vakṣye kṛmipuṣpauṣadhādayaḥ
parīkṣayā vinā yatra nyāsasthānaṃ na dṛśyate
3.2
parīkṣāyā vidhānena bhaumeyaṃ kartumarhatha
ṛṣayo vāñchitāḥ santi sahāyāścātra nāsahāḥ
3.3
vṛthā śramo bhavedeṣā tatparīkṣā na kārayet
suparīkṣā tu kartavyā samyak tu phalamicchatā
3.4
prarohapratimāyāścet parīkṣā yatra dṛśyate
prarohamātre dṛṣṭe tu nissandehaḥ parīkṣayet
3.5
bhaumeyaṃ suparīkṣyaṃ tu saṃśayacchedanāya tu
praśaste'hani nakṣatre saumye saṃvatsare guṇe
3.6
mātṛvāhāḥ karkaṭaśca bahavo yatra sam̐ṅginaḥ
yasmin sampiṇḍitāḥ sarve tatrāpyeva na saṃśayaḥ
3.7
nidhiṃ tatra vijānīyānnātra kāryā vicāraṇā
ātmanāṃ tu vipakṣāstuṃ mallikā dadhilepitāḥ
3.8
adhomukhāḥ pratiṣṭhāpya sandhyāyāṃ pañca sapta vā
mantreṇānena saṃspṛśya sthāpyante mallikāstadā
3.9
vasu yadyasti tatrasthaṃ dadhivarṇaṃ vimuñcati
pītaṃ vā raktakṛṣṇaṃ vā anyadvātra bhaved yadi
3.10
tato nissaṃśayo bhūtvā tatra tanmallikā bhavet
tatrārambhaṃ tataḥ kuryāt tad dṛṣṭvopasthitā janāḥ
3.11
kārpāsāsthimayān mūlān gomūtreṇa pralepayet
āmaṃ śarāvaṃ sandīvya dattvā bhūmau nidhāpayet
3.12
prabhāte yadi sampaśyedagnidagdhasamaprabham
vyaktaṃ tatra vijānīyāt karma tatra samārabhet
3.13
śikhipittaṃ dve haridre maricodumbaraṃ tathā
kārpāsāsthituṣāścaiva samabhāgaṃ vilepayet
3.14
śiraḥkaṇṭhakapālānā pralepo'yaṃ vivarṇakaḥ
nidhiṃ tatra vijānīyād viśeṣeṇopalakṣitaḥ
3.15
haridrākalkasaṃspṛṣṭaṃ kṣīraṃ bhūmau niṣecayet
prabhāte bhasmasaṅkāśā bhūmiḥ syāt tatra niścitam
3.16
padmapatrāṇi cālokya śaṅkāsthāne nidhāpayet
yasyairaṇḍasya patrāṇi pūrṇāni niśitāni ca
3.17
śvetā bhūmirthatha anyāni lakṣaṇena ca lakṣayet
gandhapāṣāṇabhāgena haritālaṃ manaśśilā
3.18
taccūrṇaṃ padmapatreṇa vārttikāṃ pūjayed budhaḥ
audumbaraphalaṃ gṛhya surayā saha peṣayet
3.19
svabhāvād viparītaścet tatra vittaṃ vinirdiśet
śālipiṣṭamayīṃ varttiṃ tailamiśrāṃ vicakṣaṇaḥ
3.20
surayā saha sammiśraṃ śaṅkāsthāne nidhāpayet
rātrau vā'stamite kāle dapivat samprakāśate
3.21
bhaumaṃ tatra vijānīyād bhagavānīśvaro'bravīt
sthāpya nīvārapiṣṭaṃ tu dadhimiśraṃ vicakṣaṇaḥ
3.22
svabhāvād viparītaścet tatra vittaṃ vinirdiśet
jātīmukulakaṃ vāpi kaṃdambamukulo'thavā
3.23
surāyoḥ kṣīrasampṛkto parīkṣāṃ tatra kārayet
pāyasaṃ tailasammiśraṃ sthāpayed ravivāsare
3.24
dhanaṃ tatra vijānīyād vivarṇaṃ tu yadā bhavet
jambūkatvakkaṣāye tu tilatailaṃ vibhāvayet
3.25
dadhima(dhai ? ntha) samāyuktaṃ viparītaṃ dhanaṃ bhavet
prātaḥkāle tu viprendrāḥ ! parīkṣā kathitā mayā
3.26
sarṣapaṃ tilapiṣṭaṃ tu surayā saha peṣayet
svabhāvād viparītaścet tatra vittaṃ vinirdiśet
3.27
sarpanirmocanaṃ grāhyaṃ haritālaṃ manaśśilā
gandhapāṣāṇacūrṇena kṣaudreṇa saha peṣayet
3.28
upavāsī śucirbhūtvā kāle vartiṃ pradāpayet
godhūmairghaṭamāpūrya nikhanecchāṅkitasthale
3.29
gokṣīreṇābhisampeṣya rājikān kodravāṃstilān
śaṇabījāni mṛtsthāne śaṅkite tairniṣecayet
3.30
sudarśanasamāyuktaṃ nṛhariṃ tatra pūjayet
tasmin hemaprabhe dṛṣṭe prabhāte nidhimādiśet
3.31
arjunasya kadambasya lodhrasya khadirasya ca
brahmavṛkṣasya patrāṇi kāñcikenātipeṣayet
3.32
niśāyāṃ lepayet tena bhūmike mantravit tataḥ
prabhāte dṛśyate bhūmiratatra vittaṃ vinirdiśet
3.33
kuṅkubharaya karañjasya nālikerasya pallavān
śuṇṭhyāśca kāñcikenātha piṣṭvā bhūmiṃ pralepayet
3.34
prabhāte dṛśyate bhūmistatra vittaṃ vinirdiśet
bilvaṃ kadambamādāya kāñcikenātha peṣayet
3.35
pradeśa lepayet tena vivarṇaṃ dhanamādiśet
siṃhapādāṅkitaṃ paṭṭaṃ pralepād yatra dṛśyate
3.36
siṃhikāvyāghrapādāśca tatra vittaṃ na saṃśayaḥ
mukhe mukhe sahasrāṇi jñātavyāni caturdaśa
3.37
atasīpuṣpasaṅkalkai liptamātre viśīryate
nakramaṇḍūkayormedoyuktāstatreṇa lepitāḥ
3.38
śilāḥ sphuṭanti mantreṇa puṇḍarīkeṇa mantriṇā
anena manunā grāhya nidhānaṃ mantriṇā sadā
3.39
dārusaṅghaṭṭapaṭṭānāṃ śilānāṃ ca vibhedataḥ
vighnaśāntiśca kartavyā puṇḍarīkeṇa mantriṇā
3.40
kṛṣṇāyāṃ tu caturdaśyāṃ tatra nārāyaṇaṃ smaran
manunā grāhyakaṃ devaṃ nidānaṃ mantriṇā saha
3.41
dārusaṅghaṭṭapaṭṭānāṃ śilānāṃ ca vibhedataḥ
vighnaśāntiśca kartavyā puṇḍarīkeṇa mantriṇā
3.42
kṛṣṇāyāṃ tu caturdaśyāmahorātroṣito naraḥ
nīlotpalairmaheśānaṃ pūjayet sa śucirbhavet
3.43
mantrāyutaṃ japò̱̍ homaṃ daśāṃśena vidhīyate
tilairgavyājyasaṃyuktastantraṃ siddho bhavenmanuḥ
3.44
pañcahasto yadā paṭṭo dṛśyate yatra kutrācit
haritāṅgāravarṇābhā triśūlaṃ vṛṣabhākṛtiḥ
3.45
sahasrāṇāṃ ca pañcāśad vittaṃ koṇeṣu saṃsthitam
liptāṃṅkamathāsīnaḥ puṇḍarīkeṇa jāpinā
3.46
saphalā jāyate śīghraṃ nidhirvajrahatā yathā
tatra vātāyane devīṃ śikharaṃ yojayed budhaḥ
3.47
aṣṭaha̍stā yadā paṭṭā kokākārā manoharā
jālinī brahmadaṇḍā ca niryāsaṃ kamalodbhavaḥ
3.48
ebhirvilikhitaḥ paṭṭo raṅgiṇāṃ mantrayogataḥ
śīryate yogato vajrasādhitaḥ parvato yathā
3.49
dhudhūraiḥ kalkahaṃ dehalaśunaṃ suradāru ca
vilaṅgaṃ hastimūtreṇa piṣṭvā mantrī vilepitaḥ
3.50
dvidhā sañjāyate paṭṭaṃ brahmaśāpahato yathā
uddhṛte mālinīmantraṃ sarvapaṭṭāṃvibhedanam
3.51
kṛṣṇe śvetadhivaḥ paṭṭo rekhānto yadi dṛśyate
sahasrapañcasaṅkhyā ca tasya madhye sthitaṃ dhanam
3.52
āranālena sampiṣṭaṃ munivṛkṣasya paillavam
mālinīmantrajaptena tallepena dhanodayam
3.53
āragvadhasya mūlāni munivṛkṣasya pallavam
vaṭavalkalalodhraṃ ca mañjiṣṭhā ca samāsataḥ
3.54
arasārajasammiśraṃ kulatthaṃ tatra lepayet
piṣṭvā mahiṣamūtreṇa paścāt tatra pralepayet
3.55
evaṃ bhavavaco yogi sarvapaṭṭaprabhedanam
dattaṃ tridaśabhūdevanakṣatraṃ mantrasamanvitam
3.56
yayā jayanti dhīmanto vasudhādharitaṃ dhanam
tāṃ vadāmi mahāvartimañjanānyakhilānyapi
3.57
jīvajātisamaṃ kiñcid yatra yatropayujyate
jīvasvarakṣitaṃ grāhyamathavā kālayogataḥ
3.58
arkatūlamayī vartiḥ śyāmātailena bhāvitā
veṣṭitā nāgavallībhirjvalantī darśayennidhim
3.59
godhā cucundarī vaicasadhā bahubhāvitā
arkatūlamayī vartirbhūmigāṃ darśayennidhim
3.60
arkatūlamayī vartirbhekatailena bhāvitā
gośṛṅgasthāpitā dīptā pātāle darśayennidhim
3.61
vibhītairaṇḍatailena vasā nakulakarkaṭe
arkatūlamayī varttirnaṣṭadravyaṃ pradarśayet
3.62
arkatū lāhi nirmokatūlameraṇḍajaṃ vasā
arke tasyārjatantuśca tatkṛtā varttiruttamā
3.63
saivargasya vasā pracche arkatūlena veṣṭayet (?)
tatra tāvat pathī kūlaḥ kārpāsena punastathā (?)
3.65
veṣṭayed varmasūtreṇa puṣyārke sa tu mantravit
gośṛṅge sthāpayet paścāt tat tu kālena topayet
nakramaṇḍūkayorbhedo mūlikā vetasodbhavā
veṣṭitā cārkaṃtūlena vartirekārthadarśinī
3.66
mūlikā vetasodbhūtā tathā kadalikodbhavā
mahāmūle trayo varttiruttamā śaṅkaroditā (?)
3.67
māghamāse caturdaśyāṃ kṛṣṇapakṣe nadītaṭe
śākoṭisiṃhayormūle gṛhlīyāt sakadalāśrite (?)
3.68
kaṭutailena tūlena tena vartitayo bhavet (?)
mahātailena saṃyuktaṃ vartti kuryāt sadā budhaḥ
3.69
māṣamātre patantyāśu eṣa sādhyaṃ na saṃśayaḥ
kaṭutailena tad vidvān bodhitā nipated yadi
3.70
jyotiryatra dhanaṃ tatra niścayaṃ nirdiśed dhanam
jyotirvinstastailena sahasrāṇāmathāpi vā
3.71
varteḥ prajvālyamānāyāḥ śikhā tasminnadhomukhā
prahraitairmahitaiḥ kuryāccūrṇairetaiḥ supūjitaiḥ
3.72
arkatūlamayī vartirbhaumeyaṃ tatra dṛśyate
lohagandhakagandhena cūrṇayante tvarkatūlakaiḥ (?)
3.73
veṣṭayitvā ca sūtreṇa varti kuryāt tathā bhavet
nāgasya ca vasā vāpi vārtā varti nibodhakaḥ
3.74
sahābhimantritā vartiḥ kartavyāvighnasiddhaye
paribhāṣaṃ bhavettasyāstāvad vartinibodhake (?)
3.75
suvarṇe pītavarṇābhā rajate rajataprabhā
tāmre bhaved vā tāmrābhā nīlake nīlakā bhavet
3.76
vimiśrāṃ tu yadā paśyed vidyāt teṣāṃ suvarṇakam
manaḥśilāṃ hiṅgulāditilatailena yojayet
3.77
arkatūlamayī vartiḥ sarṣapāṇāmathāpi vā
ūrṇāsūtramayīṃ varti bhaumeyaṃ tu parīkṣayet
3.78
gandhapāṣāṇabhāgena haritālaṃ manaśśilā
pūrṇena padmasūtreṇa varti kuryād vicakṣaṇaḥ
3.79
jyotiṣmatyāstu tailena sarṣapeṇaiva vā punaḥ
prajvālya kṣaritā yatra yo'bhigacched dhruvaṃ dhanam
3.80
kapilājyaṃ surānyāni godhāmedo manaśśilā
arkatūlamayīṃ vartiṃ mahātailena bhāvayet
3.81
sūcayanti ca taddvaitamityāha bhagavān śivaḥ
chucchundarīvasā godhā nāgavallyā prabhāvayet
3.82
prasūcayanti tadddravyamityāha bhagavān śivaḥ
arkatūlamayīṃ vartiṃ mahātailena bhāvayet
3.83
godhāvasāhisaṃyuktaṃ gośṛṅge sthāpya darśayet
ardharātre pradoṣe vā naṣṭamanveṣayed dhruvam
3.84
jhaṣamaṇḍūkagodhānāṃ vasā caiva manaśśilā
padmasūtramayīṃ vartiṃ pradhānaṃ dhanasūcakam
3.85
manaśśilā padmasūtraṃ phenaṃ pārāvatasya ca
ulūkasya vasāyuktāṃ vartiṃ tāṃ paribhāvayet
3.86
kapilājyena saṃyuktā prasiddhā vartiruttamā
gandhapāṣāṇabhāgena padmasūtraṃ manaśśilā
3.87
vasā caiva tu godhānāṃ naṣṭamanveṣayed dhruvam
mūṣikasya vasāyuktā vartiḥ sandehatārakā
3.88
ādyantaṃ sūcayed vartiḥ kāpilena tu dīpitā
dīpe prajvālyamāne tu lakṣaṇaṃ tu nigadyate
3.89
visphuliṅgo bhavet pūrvaṃ śabdaṃ vā kurute dhanam
prajvālyamāne kurute śabdena madhurasvarān
3.90
pītā vartirbhavet svarṇe rajate pāṇḍurā sitā
lohe tāmre ca raktā syādatinīlā prajāyate
3.91
muktā pītauthavā śuklā sitā kṛṣṇā ca vartinām
etaccihnakaro jñātvā ādiśet tad dhanaṃ budhaḥ
3.92
ataḥparaṃ pravakṣyāmi añjanānāṃ vidhiṃ param
samāsāt sampravakṣyāmi yathāśāstramudīritam
3.93
tenāñjitaṃ tu nayanaṃ chidrāṃ paśyati medinīm
srotoñjanasya bhāgena haritālaṃ manaśśilā
3.94
maṇḍūkahṛdi saṃyuktamañjanaṃ nidhidarśanam
srotoñjanamulūkasya bhāvayedautmavāriṇā
3.95
tasyaiva māndhaḥ(?) nikṣipya saptāhaṃ bhāvayed budhaḥ
añjitākṣo naro'nena nidhiṃ paśyati niścitam
3.95.p1
kāṣāyapūritāṃ kṛtvā ravitūlena veṣṭayet
3.95.p2
śaratkāle tu saṃgṛhya bhūtālaṃ raktavartikām
3.96
vartiṃ kṛṣṇatilānāṃ tu tailenaivottarāyaṇe
3.97
prajvālya vārayed bhūmiṃ kajjalaṃ susamāhitaḥ
anenāñjitanetrastu nidhiṃ paśyati mānavaḥ
3.98
parirmāṇaṃ ca jānāti gṛhṇāti ca yathāsukham
girisāraṃ vacā lodhraṃ reṇukā cāñjanaṃ tathā
3.99
kṛṣṇapakṣe caturdaśyāṃ melayitvā samāsataḥ
anena sthāpayet paścāt sampuṭe tāmrapātrake
3.100
pūjāṃ kṛtvā maheśasya sopavāso jitendriyaḥ
cakrarājaṃ samāśritya japedaṣṭasahasrakam
3.101
aṣṭādaśākṣarīṃ vidyāmañjayellocanadva(yoḥ ? ye)
tataḥ paśyati medinyāṃ nidhānāni naro dhruvam
3.102
mūlaṃ chinyādapāmārgāt kauberyāṃ diśi saṃsthitam
kanyotpannastanakṣīraṃ divyāñjanamiti dhruvam
3.103
puṣyanakṣatrayogena piṇḍītagaramūlikām
ṣaḍaṅgulapramāṇena śalākāṃ kārayed budhaḥ
3.104
kumārīṃ vā kumāraṃ vā śilāyāṃ snāpayed budhaḥ
tacchilāsnānatoyena rocanaṃ hema gairikam
3.105
śilāyāṃ pūjayet tasya maunī mantraṃ sadā japet
añjitākṣo naraḥ paśyet kumārairnihitaṃ dhanam
3.106
madhudvayamatho puṣpī raktāgastiḥ sulakṣitā
kuśā ca tilaparṇī caiṃ madhunā saha puṣyake
3.107
puṣyārke chāgavṛkṣasya mūlamuddhṛtya vāriṇā
supeṣya madhunā sārdhamañjayellocanadvaye
3.108
sa paśyati nidhiṃ tena bhūtaḷasthaṃ na saṃśayaḥ
kṛṣṇājapittaṃ ca mayūrapittamaśokamūlaṃ gatamuttarāśām
śaśāṅkagorocanamākṣikaṃ ca
sarvāñjanaṃ nāma śivopadiṣṭam
3.109
pārado madhu karpūraṃ kākamācīphalaṃ tathā
3.110
sarvāñjanamidaṃ jñeyaṃ sūryāvartasamanvitam
prastarī tulasī kṛṣṇā bījaṃ kārpāsanimbayoḥ
3.111
karpūreṇa samāyuktaṃ sarvāñjanamidaṃ bhavet
vajriṇā madhu karpūraraktasnuhisumṛlikā
3.112
sarvāñjanamidaṃ jñeyaṃ divāvṛttaṃ samanvitam
puṣyārke śvetaparṇī ca vidhinā mūlamuddharet
3.113
vakulākṣeṇa piṣṭvātha haviṣā tu samañjanam
śrotrojanasya saptāhaṃ madhu kleḍvatā'ke(?)
3.114
hitvā tajjyotitadyukte pātālaṃ madhunāñjanam
divāpi tatra vittāni karasthānīva paśyati
3.115
narādiṣu samudbhūtatailaṃ bhāge jalānvitam
avaśyamañjanādeva kurute puruṣaṃ sadā
3.116
heriṃgolūkanetrāṇi poṭalyā mūlasaṃyutam
sudhāśvetajapātoyapṛṣṭhāyāṃ madhumiśritam
3.117
añjitākṣo narastena nidhiṃ paśyati bhūtagam
tilaparṇyudbhavaṃ mūlaṃ hastārke vidhinoddhṛtam
3.118
jalapiṣṭaṃ ca pātālamadhunā yutamañjayet
nidhiṃ paśyatyasau tūrṇamācārye sannidhau sthite
3.119
añjayet kanyakāṃ vāpi kumāraṃ pādayornidhim
pātālaṃ vā tārikaṃ vā paśyatyeva na saṃśayaḥ
3.120
śubhravannī ravā (?) kṛṣṇacaturdaśyāṃ raverdine
gṛhītvā vāriṇā piṣṭvā madhunā saha rañjayet
3.121
kuṅkumaṃ rocanaṃ śvetā kāñcakasya ca pallavam
suśvetaṃ ca japāpuṣpaṃ nandyāvartaṃ saimaṃ madhu
3.122
sarvāñjanamiti khyātaṃ pātāle nidhidarśanam
ulūkacam̐kṣuḥ kṣaudraṃ ca sarvāñjanamataḥ param
3.123
samabhāgaṃ tu saṃvṛṣya rocanaṃ kuṅkumaṃ śaśi
rocanaṃ madhukarpūraraktacandanamūlikā
3.124
sarvāñjanamidaṃ jñeyaṃ rājāvartasamanvitam
puṣyārke śvetaguñjīṃ vā vidhinā uddhared budhaḥ
3.125
ulūkākṣi samaṃ piṣṭvā madhunā svayamañjanam
srotoñjanaṃ sakhadyotatulūkāṇḍe vinikṣipet
3.126
saptāhānte samuddhṛtya prabhāte añjayed divā
++nakṣatravittāni karasthānīva paśyati
3.127
haritālaṃ vacā lodhraṃ reṇukā cāñjanaṃ tathā
kṛṣṇapakṣe caturdaśyāṃ cūrṇīkṛtya vinikṣipet
3.128
sampuṭe tāmraje tacca aghoreṇābhimantrayet
añjitākṣo naraḥ paśyennidhiṃ nānāvidhaṃ bhuvi
3.129
haṃsapādī jaṭāmāṃsīdāruvyomamaṇiḥ śaśī
sūtaṃ manaśilā caiva samāṃśamapi peṣayet
3.130
divyāñjanamiti khyātaṃ sarvabhūtavaśīkaram
nakulasya ca bhekasya locanāni samāharet
3.131
sroto'ñjanasamāyuktaṃ meṣatailena peṣayet
añjitākṣo narastena nidhiṃ paśyati niścayam
3.132
hemnā śalākayā pūrvamañjayitvākṣiṇī yataḥ
upadhānaṃ japet paścāt tataḥ paśyati bhūnidhim
3.133
paśitaithiḥ pūrṇāyāḥ pratikhāgre tu kajjalam
añjitākṣo narastena nidhiṃ paśyati bhūtagam
3.134
raktena kṛkalāsasya bhāvayitvā manaśśilāḥ
añjitākṣo narastena nidhiṃ paśyati pūrvavat
3.135
sṛgālasyākṣicūrṇenābhyañjayellocanadvayam
bhūtaṃ paśyatyasau kṣipraṃ saṃprāpnoti mahānidhim
3.136
nānāmantragaṇādhīte yathā bhāgaṃ tathā śṛṇu
auṣadhagrahaṇakāle oṣadhipratiṣṭhāmantraḥ —
yena tvāṃ vidadhe brahmā yenendro daivataiḥ saha
tena tvā mā hariṣyāmi tiṣṭha tiṣṭha mahauṣadhe !
3.137
trivarṇasūtrabandhanamantraḥ —
satyaṃ darśaya bhaumeyaṃ divyaṃ satyena darśaya
yadi bhūmigataṃ dravyamātmānaṃ darśaya svayam
3.137.p1
jaṅgamaṃ satyabhāṣātha bhaumne satyamaṃśena namo'stute satyaṃ viriktadyañcadyasthitātmānaṃ nidhi darśaya paṭṭabhedena mantrāṇa mantrāṇi puṇḍarīkamantrakam —
oṃ namo bhagavate rudrāya hara huṃja sphuṭi sphuṭi ni srave
mālinimantraḥ —
taṃ triguṇe triguṇe mālini sphuṭam
trakṣamantraḥ —
oṃ sphuṭa sphuṭa | naya huṃ phaṭ triyañca yadīyapavitramantrāṇi
jvālinīmantraḥ —
jvalanta jyotirdaśāyāṃ vai
bandhanamantraḥ —
oṃ namo bhagavate vāsudevāya śara bandha śrīnakula
matisadarpatribandhaṃ diśābandha pātāla bandha maṇḍalaṃ bandha
oṃ namo bhagavate bhūribhūcyavate namaḥ svāhā
añjanamantrāṇi —
oṃ oṃ gaṃ kṣaṃ aṃ lokininidhinilokini svāhā
khananodyoge arcanamantraḥ —
varāham | oṃ hūṃ om
bhūmimantraḥ —
oṃ bhū bhūmiṃ oṃ oṃ raṃ agnaye namaḥ | oṃ dhaṃ dhanādhyakṣāya vaiśravaṇāya namaḥ | oṃ namo'stu devadevāya śūlapāṇaye
atrāgacchatu ṭham
oṃ gaurī mahāgaurī gā rakta gaccha āgaccha nidhiṃ
bandhaya bandhaya svāhā
oṃ ghṛṇi sūrya ādityom
indramantraḥ —
oṃ namo bhagavate sahasrā(kṣā)ya parirakṣa māṃ sahāyaiḥ
sārdhaṃ kāli kāli mahākāli svāhā
yamamantraḥ—
oṃ namo bhagavate vaivasvatāya parirakṣa māṃ sahāyaiḥ
sahitaṃ svāhā
varuṇamantraḥ—
oṃ namo bhagavate śvetāya mahābalaparākramāya rudrāya
parirakṣa māṃ sahāyaiḥ sārdhaṃ hari svāhā
kuberamantraḥ —
oṃ namo bhagavate vaiśravaṇāya parirakṣa māṃ sahāyaiḥ sārdhaṃ
kuru kuru ṭham
āgneyādikoṇamantraḥ —
oṃ namo bhagavate rudrāya kiṭi kiṭi bhiṭi bhiṭi
hari hari mari mari ciri ghiri hana hana paca paca rakṣa rakṣa
graha graha bandha bandha tara tara hara hara vāsi vāsi sattvaparighāti
ghore caṇḍaraudre mahāraudresantu yassallomate bhañja bhañja māraya māraya
sarvasattvān sarvavighnān stambhaya stambhaya vimale asmatsahāyāṃśca rakṣa rakṣa māṃ ca diśāṃ bandha puruṣamaṇḍalaṃ bandhaya bandhaya
ṭham| kumudāya namaḥ | kumudākṣāya namaḥ | puṇḍarīkākṣāya
namaḥ | vāmanāya namaḥ| śaṅkukarṇāya namaḥ | sarvanetrāya namaḥ
sumukhāya namaḥ | supratiṣṭhāya namaḥ | iti pārṣadamantraḥ
sūryasomāgniprakāramantraḥ —
oṃ namaścakrāya huṃ phaṭ ṭham
sudarśananarasiṃhamantraḥ —
oṃ sahasrāya jvālāvartine sauṃ hana hana huṃ phaṭ ṭham
iti sarvarakṣā
khanyakāraṇābhimantraḥ —
oṃ namo bhagavate rudrāya dundubhiṣaḥ
kīlābhimantraḥ —
oṃ duṃ durgāyā huṃ phaṭ ṭham
sthānarakṣābalimantraḥ —
oṃ namo yogīśvarāya namo mātṛbhyo namo viśvarūpiṇībhyaḥ pratigṛhṇantu siddhaye | imaṃ baliṃ gṛhṇa gṛhṇa ṭham
vaiśravaṇabalimantraḥ
oṃ namo vaiśravaṇāya namo vā yakṣebhyo namo vā yakṣiṇībhyo namo baliḥ kṛtya tāyaṃ ṭham
piśācabalimantraḥ —
oṃ namaḥ piśācebhyaḥ piśācāḥ pratigṛhṇantu siddhaye
mama baliṃ gṛhṇa gṛhṇa
senāṅgabalimantraḥ —
oṃ namo rudrāya yogīśvarāya namo'nantavāsukitakṣakanāgādibhyo namo nāgagaṇebhyo nāgagaṇāḥ pratigṛhṇantu siddhaye imaṃ baliṃ gṛhṇa gṛhṇa svāhā
rākṣasabalimantraḥ —
oṃ namo viśvarūpāya trinetrāya namo rudrāya namo
bhīmāya namo rakṣogaṇebhyaḥ pratigṛhlantu siddhaye imaṃ baliṃ gṛhṇai
gṛhṇa svāhā
mṛgabalimantraḥ —
oṃ namaḥ paśupataye siṃhānanāya vyāghracarmavasanāya
mṛgeśvarāya namo mṛgagaṇebhyo namo mṛgagaṇāḥ pratigṛhlantu
siddhaye imaṃ baliṃ gṛhlaintu svāhā
pakṣibalimantraḥ —
oṃ namaḥ śivāya gaganacāriṇe pataṅgeśvarāya namaḥ
pakṣigaṇebhyo namaḥ pakṣigaṇāḥ pratigṛhlantu siddhaye imaṃ baliṃ
gṛhla svauhā
virodhaśamanāya balimantraḥ aṅgārakaśamanamantraḥ —
ghrīm indrāya vajrahastāya svāhā
viṣapraśamanamantraḥ —
kāladaṇḍāya vāmāya svāhā
jalavighnapraśamanamantraḥ —
oṃ varuṇāya svauhā
īṣādivirodhaśamanamantraḥ —
oṃ mahābhra kuru kuru śriṃ svāhā
uṣṇapraśamanamantraḥ —
oṃ svāhāpriyāya dhūmrāya agnaye sviṣṭakṛte svāhā
kīṭādiśamanamantraḥ
oṃ paci mudiriḥ svāhā | iti nairṛte vetālādiśamanam | namo vāyave gaganacāriṇe svāhā
siṃhādiśamanamantraḥ
vidhirudrāya mudiri svām̐hā
mahāviśvādimantraḥ
oṃ namaḥ śivāya hrīṃ namaḥ śālipiṣṭaprakṛtiṃ pratigṛhṇa
imaṃ baliṃ mahāpaśupataye nitambabalirūpiṇe svāhā
sarvavighnapraśamanamantraḥ
oṃ hari ṭham
Linked texts (4)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Indrajālavidyā — Sanskrit
- Kakṣapuṭa — Siddha Nāgārjuna, Sanskrit