[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Magical (ṣaṭkarman) tantras](https://indike.org/pramana/in.sampradaya.general.kamya) › [Phetkarinitantra](https://indike.org/pramana/in.sampradaya.general.kamya.phetkarinitantra) › 1.4 # Phetkarinitantra 1.4 Phetkāriṇītantra 1.4 - **Language:** Sanskrit ### [1.4](https://indike.org/pramana/in.sampradaya.general.kamya.phetkarinitantra.1.4) krodhojjbalantīṃ jvalanaṃ vamantīṃ sṛṣṭiṃ dahantīṃ ditijaṃ grasantīm | bhīmaṃ nadantīṃ praṇamāmi kṛtyāṃ rorūyamāṇāṃ kṣudhayograkālīm || 1/1 || unmattabhairavaṃ nārasiṃhaḍāmarabhairavam | śivākāraṃ mālinyādyamasitāṅgādiyāmalam || 1/2 || siddhayogīśvarī tantraṃ yoginījālaśambaram | dṛṣṭvā kṛtyāvidhiṃ phetkāriṇītantraṃ viracyate || 1/3 || pañcāśadvarṇarūpātmā mātṛkā parameśvarī | tatrotpannā nigadyante pratyekaṃ śivaśaktitaḥ || 1/4 || asyā etāḥ kalāḥ sarvāḥ pañcāśadvarṇasiddhaye | tebhya eva samutpannā varṇā ye viṣṇuśūlinoḥ || 1/5 || mūrtayaḥ śaktisaṃyuktā ucyante tāḥ krameṇa tu | prathamaṃ keśavaḥ proktastato nārāyaṇo mataḥ || 1/6 || mādhavo'pyatha govindo viṣṇuśca madhusūdanaḥ | trivikramastathā khyāto vāmanaḥ śrīdharastathā || 1/7 || hṛṣīkeśaḥ padmanābho dāmodara iti smṛtaḥ | vāsudevaḥ saṃkarṣaṇaḥ pradyumnaścāniruddhakaḥ || 1/8 || ete svarabhavāḥ proktāḥ kathyante vyañjanodbhavāḥ | cakrī gadī tathā śārṅgī khaḍgī śaṅkhī halī tathā || 1/9 || musalī ca tataḥ śūlī pāśī cāpyaṅkuśī tathā | mukundo nandano nandī naro narakajiddhariḥ || 1/10 || - [Previous: 1.3](https://indike.org/pramana/in.sampradaya.general.kamya.phetkarinitantra.1.3) - [Next: 1.5](https://indike.org/pramana/in.sampradaya.general.kamya.phetkarinitantra.1.5) - [Up: 1](https://indike.org/pramana/in.sampradaya.general.kamya.phetkarinitantra.1) ## Linked texts (4) - [Prāṇatoṣiṇī](https://indike.org/pramana/in.sampradaya.general.sakta.pranatosini.2.9.83) — Rāmatoṣaṇa Śarman 1796, Sanskrit - [Īśānaśivagurudevapaddhati](https://indike.org/pramana/in.sampradaya.saiva.siddhanta.paddhati.isanasivagurudevapaddhati.1.2.22) — Īśānaśivagurudeva, Sanskrit - [Prapañcasāratantra](https://indike.org/pramana/in.sampradaya.general.prapancasara.3.30) — Śaṅkara, Sanskrit - [Indrajāla](https://indike.org/pramana/in.sampradaya.general.kamya.indrajala.93.2) — Śivaśarman, Sanskrit --- Source: [https://indike.org/pramana/in.sampradaya.general.kamya.phetkarinitantra.1.4](https://indike.org/pramana/in.sampradaya.general.kamya.phetkarinitantra.1.4) · Pramāṇa