[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Magical (ṣaṭkarman) tantras](https://indike.org/pramana/in.sampradaya.general.kamya) › [Phetkarinitantra](https://indike.org/pramana/in.sampradaya.general.kamya.phetkarinitantra) › 4.2 # Phetkarinitantra 4.2 Phetkāriṇītantra 4.2 - **Language:** Sanskrit ### [4.2](https://indike.org/pramana/in.sampradaya.general.kamya.phetkarinitantra.4.2) kṣetraṃ tīrthaṃ vanārāmadevālayanadīhradāḥ || 3/91 || kuṭīviviktamityete deśāḥ syurnmantrasiddhidāḥ | mantraṃ sadevatābhāvamācāreṣu ca jāpyataḥ || 3/92 || kṛṣṇāṣṭamīcaturdaśyorgrahaṇādau viśeṣataḥ | uccairjapādviśiṣṭaṃ syādupāṃśurdaśabhirguṇaiḥ || 3/93 || jihvājapaḥ śataguṇaḥ sahasro mānaso japaḥ | daśalakṣajapādekavarṇo mantraḥ prasidhyati || 3/94 || varṇavṛddhyā jape hnāsastenānyeṣāṃ samūhayet | bījād dvitriguṇaṃ mantraṃ mālāsandhau japakriyām || 3/95 || viṃśatyarṇādhikā mantrā mālāmantrā iti smṛtāḥ | daśākṣarādhikā mantrāstadardhā bījasaṃjñakāḥ || 3/96 || vārdhake siddhidā mantrā mālāmantrāstu yauvane | pañcākṣarātmakā bālye mantrāste siddhidāḥ pare || 3/97 || japād daśāṃśaṃ sarvatra havanaṃ tarpaṇaṃ viduḥ | dravyāśaktau ghṛtaṃ home tvaśaktaḥ sarvato japet || 3/98 || mūlamantrād daśāṃśaṃ syādaṅgādīnāṃ japakriyā | aśaktāvuktahomasya japastu dviguṇo bhavet || 3/99 || yeṣāṃ jape ca home ca saṃkhyā noktā mayā priye | teṣāmaṣṭasahasrāṇi saṃkhyoktā japahomayoḥ || 3/100 || svāhāntenaiva mantreṇa kuryād homaṃ baliṃ tathā | - [Previous: 4.1](https://indike.org/pramana/in.sampradaya.general.kamya.phetkarinitantra.4.1) - [Next: 4.3](https://indike.org/pramana/in.sampradaya.general.kamya.phetkarinitantra.4.3) - [Up: 4](https://indike.org/pramana/in.sampradaya.general.kamya.phetkarinitantra.4) ## Linked texts (1) - [Tārābhaktisudhārṇava](https://indike.org/pramana/in.sampradaya.general.sakta.tarabhaktisudharnava.9.266) — Sanskrit --- Source: [https://indike.org/pramana/in.sampradaya.general.kamya.phetkarinitantra.4.2](https://indike.org/pramana/in.sampradaya.general.kamya.phetkarinitantra.4.2) · Pramāṇa