[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Magical (ṣaṭkarman) tantras](https://indike.org/pramana/in.sampradaya.general.kamya) › [Phetkarinitantra](https://indike.org/pramana/in.sampradaya.general.kamya.phetkarinitantra) › 6.2 # Phetkarinitantra 6.2 Phetkāriṇītantra 6.2 - **Language:** Sanskrit ### [6.2](https://indike.org/pramana/in.sampradaya.general.kamya.phetkarinitantra.6.2) atha vakṣye kukkuṭānāmādyamantravaraṃ tathā | jagatāmupakārārthaṃ kṣapaṇaikagururyathā || 4/1 || purāproktaṃ nāntaṃ ṣaṣṭhasvaraparigataṃ bindumatkukkuṭākhyaṃ vīpsaitattvāṃ punarapi ca padaṃ vīpsitaṃ pūrvamantram nāntaṃ bhūtasvaraparigataṃ vetti mantro'yamuktaḥ syādāyuḥ śrīvibhavasakalasukhasaubhāgyasampatpradāyī || 4/2 || proktaḥ pañcadaśārṇo'yaṃ mantraḥ kukkuṭadaivataḥ | tatsarvaṃ devatātejaḥ sarvasya śāktibṛṃhitam || 4/3 || kṣīrodadhimadhyagate dvīpavare kanakamayaratnabhūmau anavaratasikatātyuktāmaṇimayamṛdupavana urvītalaramye | tatra samuṇḍitamamalaṃ vipulataruphalitaratnaphalajātaṃ hemajālamayahīnaṃ bahumaṇivilasadvicitrapatraparam || 4/4 || taṃ punaradhiṣṭhitaṃ dhyāyedadhikojjvalāṅgamatiśobham | cūḍāśobhitavaktraṃ kukkuṭamatitīkṣṇanakhacaraṇam || 4/5 || vaktraṃ yasya ṣaḍānano girisutā yasyodaraṃ kālahā pṛṣṭhaṃ yasya ca vāmakuñjaramukhau pādau ca savyetarau | pakṣau yasya suradrumau maṇimayīṃ yaḥ śṛṅkhalāṃ bandhurāṃ ākarṣādiguṇaṃ karotu sa tu naḥ sarvānasau kukkuṭaḥ || 4/6 || gaurīhastāravinde tvaniśamadhivasan yanmukhārūḍhakāyaḥ sarvālaṅkāradīptaḥ pracalitacaraṇaḥ pakṣavikṣepadakṣaḥ | hemābho ratnacañcumaṇimayavilasadvṛttakaṇṭhaḥ surūpaḥ pāyānnastāmracūḍaḥ sakalajananataḥ sarvasiddhipradātā || 4/7 || - [Previous: 6.1](https://indike.org/pramana/in.sampradaya.general.kamya.phetkarinitantra.6.1) - [Next: 6.3](https://indike.org/pramana/in.sampradaya.general.kamya.phetkarinitantra.6.3) - [Up: 6](https://indike.org/pramana/in.sampradaya.general.kamya.phetkarinitantra.6) ## Linked texts (2) - [Pheṭkāriṇītantra](https://indike.org/pramana/in.sampradaya.saiva.agama.bhairava.phetkarinitantra.3.p4.1) — Bhairavācārya, Sanskrit - [Phetkāriṇītantra](https://indike.org/pramana/in.sampradaya.general.sakta.phetkarinitantra.3.p4.1) — Bhairava Miśra, Sanskrit --- Source: [https://indike.org/pramana/in.sampradaya.general.kamya.phetkarinitantra.6.2](https://indike.org/pramana/in.sampradaya.general.kamya.phetkarinitantra.6.2) · Pramāṇa