Cinacara 4: atha caturthaḥ paṭalaḥ

Cīnācāra 4

vaśiṣṭha uvāca
kuleśāni! praśastānāṃ vihitānāṃ ca lakṣaṇam
kuladravyasya nirmāṇaṃ vada māhātmyameva ca

avidhānena yatpāpaṃ savidhānena tat phalam
tatsarvaṃ śrotumicchāmi vada me karuṇānidhe

śrībhagavānuvāca
mune śṛṇu pravakṣyāmi yanmāṃ tvaṃ paripṛcchasi
tasya śravaṇamātreṇa tridaśaiḥ samatāṃ vrajet

ādhāreṇa vinā pātraṃ na hi tṛpyanti mātaraḥ
tasmād vidhivadādhāraṃ kalpayet kulanāyakaḥ

ādhāraṃ tripadaṃ prāhuḥ ṣaṭpadaṃ vā catuṣpadam
athavā vartulākāraṃ kuryādatimanoharam

svarṇaraupyaśilākūrma kapālālābumṛṇyam
puṇyavṛkṣasamudbhūtaṃ pātraṃ kuryād vicakṣaṇaḥ

atisūkṣmamatisthūlaṃ chinnabhinnaṃ ca varjayet
ambhasāṃ dvādaśaṃ prasthaṃ dviprasthaṃ payasastatathā

muṣṭimātraṃ kare devi! ekasmin yojayecchuciḥ
śītādirahite sthāne sthāpayed divasadvayam

tato vahnau samāropya jambālasadṛśaṃ pacet
avaropya punaḥ śītāmavasthāmānayed budhaḥ

payaḥ prasthena piṣṭvā tu hastābhyāṃ melayettataḥ
samyagardhakrameṇaiva payasāloḍya melayet

saiṣā paiṣṭīti vikhyātā pūjitā devatānaraiḥ
guruṃ smaran piban madyaṃ khādan māṃsaṃ na doṣabhāk

Linked texts (3)