Dashamahavidya 12
Daśamahāvidyā 12
- Language
- Sanskrit
12.p1
dvādaśaḥ paṭalaḥ parama guhyācāra bhairavyuvāca tvayoktaṃ pūjanaṃ devaṃ sādhanena puraskṛtaṃ| idānīṃ śrotumicchāmi vīra nityakriyāṃ prabho|| bhairavovāca prātaḥ kṛtyaṃ tatonyāsa ṛṣyādyaṅgāṅgalairapi| varṇavyāpaka vinyāsaḥ pīṭhanyāsa stataḥ paraṃ|| tato'ntaryajanaṃ devi yogiyo gāniśā priye| pañcamānāṃ prāśanaṃ ca japau rātrau vidhānataḥ|| stotrapāṭho yatra tatra samaye ca varānane| vīraśraddhā tarpaṇaṃ ca tathālāpaḥ striyāmapi|| vijayāṅgī kṛtiścaiva svasukhoddeśinaṃ tathā| aprakāśaḥ kulācāre mṛdubhāṣā ca sarvataḥ|| gurvanujñāmātreṇaiva sarvācāravidhiḥ priye| evamādīni cānyāti vīranindā na suvrate|| aiti paramparayāhyena taccīne ca pratiṣṭhitaṃ| anyatra viṣayennāsti satyametad bravīmite|| vāmācāraḥ kulācāraścīnanāthena śaṅkarāt| prakāśitaḥ śaṅkareṇa mahārudrāt prakāśitaḥ|| mahācīnādhiyo devo māhātmyena tayo dvayoḥ| kulācāraṃ kulaśreṣṭhe vāmācāraḥ prayatnataḥ|| asyaivāśeṣa māhātmyaṃ cīnataṃtre mayoditaṃ| kulācāramaśeṣeṇa cīnanāthena vettyapi|| yad yad dṛṣṭaṃ śrutaṃ yad yad guruḥ sādhaka vaktrataḥ| tattat kāryaṃ vīravaryaistena siddhirbhavet priye
12.p2
kvaciccaṇḍāḥ kvaciddaṇḍaḥ kvacidbhūta piśācavat| kvacid devācrnanrataḥ kvacittannindakastathāṃ|| bhavecchīlarato vīro mahārudrasya śāsanāt| bhakṣaṇaṃ ca vidhiṃ vakṣye pañcamāderyathā vidhi|| ādau guruṃ smaran paścāt kuṇḍalīṃ paribhāvya ca| ājihnāntasarpaṇena bhakṣayennati pūrvakaṃ|| guruṃ natvā tapojyeṣṭhaṃ śaktaṃrnati parāyaṇaḥ| jyeṣṭhatvaṃ vā kaniṣṭhatvaṃ vā kulācāra vidhānataḥ|| abhiṣektā guruḥ sākṣānmaṃtradena samaḥ smṛtaḥ| abhiṣeke vinābhūte pradhānatvaṃ karoti yaḥ|| catvāri tasya naśyanti āyurvidyā yaśobalaṃ| tadvidhiścotarātaṃtre pāśavena vimiśritaḥ|| vīrairgrāhyaḥ prayatnena haṃsaiḥ kṣīraṃ jalādyathā| ācāro'yaṃ śaktimaṃtre sarvatra parikathyate|| viśeṣāt kālikātārā bhairavyādiṣu pañcasu| kālikā tāriṇī bhedaṃ yaḥ karoti sa nārakī|| yatra yatra kāliketi nāma saṃśrūyate priye| tatra tārā vidhānaṃ ca yutenātrastu saṃśayaḥ|| yad yadanyat sādhanaṃ ca nānyatrāpi noditaṃ| tat sarvaṃ pūrvapūrvena taṃtrena jñāyate priye|| na pūjā nyāsa jālaṃ vā strīṇāṃ kevala jāpataḥ| siddhirbhavati deveśi kulācāra vidhānataḥ|| athacet kriyate nyāsastadā śṛṇu vidhiṃ priye| ṛṣyādyaṅgaka pīṭhānāṃ nyāsaṃ kṛtvā ca saṃsmaret|| tataḥ sāhmiti dhyāyen mahācīna mataṃ yathā| kālītaṃtraṃ kaulataṃtraṃ tārātaṃtraṃ tathā priye|| cīnataṃtraṃ svataṃtraṃ ca yugapadvaktrataḥ smṛtaṃ| atha yadyanmataṃ proktaṃ tatpañcasu samācaret|| gurupāda prasādena śubhādṛṣṭasya yogataḥ| ācāraḥ prāpyate vīrairnātra kāryaśca saṃśayaḥ|| tadaiva tuṣṭā sā devī nirvikalpaḥ svayaṃ yadi
12.p3
iti śrīkālītaṃtre paramaguhyācāraḥ nāmnaḥ dvādaśaḥ paṭalaḥ