Dashamahavidya 2
Daśamahāvidyā 2
- Language
- Sanskrit
2.p1
dvitīyaḥ paṭalaḥ puraścaraṇa vidhi bhairavovāca sādhanaṃ siddhimaṃtrasya vakṣyāmi paramādbhutaṃ | bhāgyahīno'pi mūrkho'pi yadbodhādamarobhavet || sādhayet sakalān kāmān sarvasiddhīśvaro bhavet| ādau puraskriyāṃ kuryānniyamena yathāvidhi || lakṣamekaṃ japed vidyāṃ haviṣyāśī divā śuciḥ | rātrau tāmbūla pūrāsyaḥ śayyāyāṃ lakṣamānataḥ || nānācāro na kartavyo na cāraṇamitastataḥ | bhūtahiṃsā na kartavyā paśuhiṃsā viśeṣataḥ || balidāna vinā devyā hiṃsāṃ sarvatra varjayet | anyamaṃtra puraskāraṃ nindāṃ caiva vivarjayet || tataḥ siddhamanurmantrī prayogārho na cānyathā | jīvahīno yathā dehī sarvakarmasu na kṣamaḥ || puraścaraṇahīno'pi tathā maṃtraḥ prakīrtitaḥ | tasmādādau puraścaryāṃ kṛtvā sādhaka sattamaḥ || prayogaṃ ca tataḥ kuryāt sarvaṃ sādhaka durlabham
2.p2
iti śrīkālītaṃtre puraścaraṇa vidhi nāmnaḥ dvitīya paṭalaḥ
Linked texts (1)
- Śyāmārahasya (Pūrṇānanda Paramahaṃsa) — Pūrṇānanda Paramahaṃsa, Sanskrit