Dashamahavidya 3
Daśamahāvidyā 3
- Language
- Sanskrit
3.p1
tṛtīyaḥ paṭalaḥ naimittika vidhi bhairavovāca tato homa vidhiṃ vakṣye sarvasiddhi pradāyakaṃ| latāpuṣpānvitaṃ kṛtvā varṇānāṃ śatakaṃ sudhīḥ|| tāni sammantrya vidhivadasakṛt sādhakottamaḥ| tato vai homayet tāni saṃskṛte'gnau yathāvidhi|| yugānāmayutaṃ tena pūjanaṃ jāyate śive| anena kramayogena yaścared bhuvi sādhakaḥ|| na tasya durlabhaṃ kiñcit triṣu lokeṣu vidyate| dhīro bhavati vāgmī ca sarvasiddhimupālabhet|| hunedājyena bhuktena māṃsena rudhireṇa ca| kṛṣṇapuṣpeṇa sājyena saraktena viśeṣataḥ|| āmiṣādibhiravyevaṃ śmaśāne juhuyāt sudhīḥ| mahākālaṃ huned yatnāt paścāt devīṃ viśeṣataḥ|| tridhā vibhavya vidyāṃ vai sādhakaḥ śuddha mānasaḥ| māṃsaṃ raktaṃ tvacaṃ keśaṃ nakhaṃ bhaktañca pāyasam|| ājyaṃ caiva viśeṣeṇa juhuyāt sarvasiddhaye| evaṃ kṛte tu sarvatra labhate siddhimuttamāṃ|| yad yat kāmayate kāmī tattadāpnoti niścitaṃ| devavanmānavo bhūtvā bhunakti bahulaṃ sukhaṃ|| tarpaṇasya vidhiṃ vakṣye yena kāryāṇi sādhayet| tarpayecca payobhiśca raktadhārāyutaistathā|| majjābhiśca tathā tadvat svakīyena pareṇa ca| ākarṣitāyāḥ kanyāyāḥ kulaprakṣālanena ca
3.p2
meṣa māhiṣa raktena nararaktena caiva hi| mūṣa mārjāra raktena tarpayed devatāṃ parāṃ || evaṃ tarpaṇamātreṇa sākṣāt siddhīśvaro bhavet| kavitā jāyate tasya drākṣārasa paramparā || bṛhaspati samo bhūtvā devavad bhuvi modate| na tasya pāpapuṇyāni jīvanmukto bhaved dhruvaṃ
3.p3
iti śrīkālītaṃtre naimittika vidhi nāmnaḥ tṛtīya paṭalaḥ
Linked texts (1)
- Śyāmārahasya (Pūrṇānanda Paramahaṃsa) — Pūrṇānanda Paramahaṃsa, Sanskrit