Dashamahavidya 4
Daśamahāvidyā 4
- Language
- Sanskrit
4.p1
bhairavovāca atha kāmya vidhiṃ vakṣye yena sarvatra sarvagaḥ| sādhakaḥ sādhayet siddhiṃ devānāmapi durlabhāṃ || kulāgāra puṣpitāyā dṛṣṭvā yo japate naraḥ| ayutaika pramāṇena sādhakaḥ sthira mānasaḥ|| kevalaṃ guptabhāvena saṃtu vidyānidhirbhavet| saṃskṛtāḥ prākṛtāḥ śabdā laukikā vaidakāśca ye|| vaśamāyānti te sarve sādhakasya ca nānyathā| athavā muktakeśaśca haviṣyāśī susaṃyataḥ|| prajapedayutaṃ prājña etadeva phalaṃ labhet| nagnāṃ paralatāṃ paśyannayutaṃ yastu sādhakaḥ|| prajapet sa bhaved sadyo vidyāyā vallabhaḥ svayaṃ| tasya darśana mātreṇa vādinaḥ kuṇṭhatāṃ gatāḥ|| gadyapadyamayī vāṇī tasya vaktrāt pravartate| tatpade sudhiyaḥ sarve praṇamanti mudānvitāḥ|| tasya vākya paricayajjaḍā bhavanti vāgminaḥ| athavā mukta keśaśca haviṣyaṃ bhakṣayennaraḥ|| prajapedayutaṃ tasya eṣa pratinidhi smṛtaḥ| dhanakāmastu yo vidvān mahadaiśvarya kāmukaḥ|| bṛhaspatisamo yastu bhavituṃ kāmayennaraḥ| aṣṭottaraśataṃ japtvā kulamāmaṃtrya maṃtravit|| maithunaṃ yaḥ prayātayeva sa tu sarva phalaṃ labhet| latārateṣu japtavyaṃ mahāpātaka muktaye|| latā yadi na labhyeta tadā majjāṃ prayatnataḥ| samutsārya japenmaṃtrī sarvakāmārthasiddhaye
4.p2
tāsāṃ prahāraṃ nindāṃ ca kauṭilyamapriyaṃ tathā| sarvathā ca na kartavyamanyathā siddhirodhakṛt|| striyo devāḥ striyaḥ prāṇāḥ striya eva vibhūṣaṇaṃ| strī saṅginā sadā bhāvyamanyathā svastriyāmapi|| viparītaratā sā tu bhāvitā hṛdayopari| aṣṭottaraśataṃ japtvā nāsādhyaṃ vidyate kvacit|| taddhastāvacitaṃ puṣpaṃ taddhastāvacitaṃ jalaṃ| taddhastāvacitaṃ bhojyaṃ devatābhyo nivedayet|| mahācīnadrumalatāveṣṭitaḥ sādhakottamaḥ| rātrau yadi japenmaṃtraṃ saiva kalpalatābhavet|| mahācīnadrumalatāveṣṭanena ca yatphalaṃ| tasyāpi ṣoḍaśāṃśena kalāṃ nārhanti te śavāḥ|| śavāsanādhikaphalaṃ latāgeha praveśaṃ| śmaśānālayamāgatya muktakeśo digambaraḥ|| japedyuta saṃkhyaṃ tu sarvakāmārthasiddhaye| mahācīnadrumalatā majjābhirvilvapatrakaṃ|| sahastraṃ devīmabhyarcya śmaśāne sādhakottamaḥ| tadā rājyamavāpnoti yadi sā na palāyate|| svagātrarudhirāktaiśca bilvapatraiḥ sahastraśaḥ| śmaśāne 'bhyarcya kālīṃ tu vāgīśa samatāṃ vrajet|| anādikāṃ tathā dṛṣṭvā lakṣaṃ japita bhūmipaḥ| nirmalāṃ ca tathā dṛṣṭvā vaśyārthamayutaṃ japet
4.p3
iti śrīkālītaṃtre kāmyavidhi nāmnaḥ caturtha paṭalaḥ
Linked texts (1)
- Kulavṛtti — Sanskrit