Dashamahavidya 5
Daśamahāvidyā 5
- Language
- Sanskrit
5.p1
paṃcamaḥ paṭalaḥ siddhividyā vidhi bhairavovāca athātaḥ sampravakṣyāmi maṃtraṃ kalpadrumaṃ paraṃ| yena japtena vidhivat siddhayo'ṣṭā bhavanti hi|| yasyāḥ smaraṇamātreṇa vācaścitrīyate nṛṇāṃ| yajjñānādamaratvaṃ ca labhenmuktiṃ caturvidhāṃ|| ye japanti parāṃ devīṃ niyamena tu saṃsthitāḥ| devāḥ sarve namasyanti kiṃ punarmānavādayaḥ|| vṛhaspatisamo vāgma dhane dhanapatirbhavet| kāmatulyaśca nārīṇāṃ ripūṇāṃ śamanopamaḥ|| tasya pādāmbuja dvandvaṃ rājñā kirīṭa bhūṣaṇaṃ| tasya mūrti vilokyaiva kuberopi tiraskṛtaḥ|| ya enāṃ pūjayed devīṃ niyame pitṛkānane| tasya cājñākarāḥ sarve siddhayo'ṣṭau bhavanti hi|| tasyaiva jananī dhanyā pitā yasya suropamaḥ| sampradāyavidāṃ vaktā ya enāṃ vetti tattvataḥ|| asyā vijñānamātreṇa kulakoṭiḥ samuddharet| naṃdanti pitaraḥ sarve gāthā gāyanti te mudā|| api naḥ svakule kaścit kulajñānī bhaviṣyati| sa dhanyaḥ sa ca vijñānī sa kaviḥ sa ca paṇḍitaḥ|| sa kulīnaḥ sa sukṛtī sa vaśī sa ca sādhakaḥ| sa brāhmaṇaḥ sa vedajñaḥ so'gnihotrī sa dīkṣitaḥ|| sa tīrthasevī pīṭhānāṃ sa nivāsī ca sarvadāḥ| sa somapāyī ca vratī sa yajvā sa ca sādhakaḥ|| sa saṃnyāsī ca yogī ca sa muktaḥ sa ca brahmavit| sa vaiṣṇavaḥ sa śaivaśca sa sauraḥ sa ca gāṇapaḥ
5.p2
sa ca vijñānavettā ca ya enāṃ vetti tattvataḥ| tasmāt sarvaprayatnena sarvāvasthāsu sarvadā|| enāṃ jñātvā yajen maṃtrī sukhamokṣa phalapradāṃ| namaḥ pāśāṃkuśe dvedhā phaṭ svāhā kāli kālike || dīrghatanucchadaḥ kālīmanuḥ pañcadaśākṣaraḥ| anayā sadṛśī vidyā trailokye nāpi vidyate || vidyāratnaṃ pravakṣyāmi śrutvā karṇāvataṃsavat| māyādvayaṃ kūrcayugmamaindrāntampādana trayaṃ|| māyāvindīśvara yutaṃ dakṣiṇe kālike padaṃ| saṃhāra kramayogena bīja saptaka muddharet || ekaviṃśatyakṣarādyastārādyaḥ kālikāmanuḥ| pūrvokta maṃtravat kuryāt pūjāṃ sarvāṃ vicakṣaṇaḥ
5.p3
iti śrī kālī taṃtre siddhavidyā vidhi nāmnaḥ paṃcama paṭalaḥ ṣaṣṭhaḥ paṭalaḥ
Linked texts (1)
- Śyāmārahasya (Pūrṇānanda Paramahaṃsa) — Pūrṇānanda Paramahaṃsa, Sanskrit