Dashamahavidya 6
Daśamahāvidyā 6
- Language
- Sanskrit
6.p1
vīra sādhanā
6.p2
bhairavovāca śṛṇu devi varārohe vīrasādhanamuttamaṃ| nṛṇāṃ śīghra phalāvāptyai prakārāntaramucyate|| catuṣpathe caturdikṣu puruṣaṃ hṛdayaṃ khanet| jīvitaṃ brahmarandhre vai dīpān prajvālayet sudhīḥ|| madhye tathā khanedekaṃ tatra mūrddhāsanaṃ bhavet| pūrvoktena ca mārgeṇa tatra saṃskāramācaret|| mahākālādi devebhyo baliṃ pūrvavadāharet| kalpoktapūjāṃ saṃpūjya japet prayatamānasaḥ|| daṃtākṣamālayā caiva rājadaṃtena meruṇā| digvāsāḥ prajapena maṃtramayutaṃ sarvadaivataṃ|| japānte ca baliṃ datvā dakṣiṇā vibhavāvadhiḥ| sarvasiddhīśvaro vidvān sarvadeva namaskṛtaḥ|| athavā vijane'raṇye sthirayogāsano naraḥ| udayāstaṃ divā japtvā sarvasiddhīśvaro bhavet|| bilvavṛkṣe nija kroḍe śavamāropya yatnataḥ| nṛsiṃhamudrayā vīkṣya japenmātṛkayāḥ naraḥ|| sahasraṃ tatra japtvā vai sarvasiddhīśvaro bhavet| vaṭamūle śavaṃ nītvā tatradevīṃ prapūjya ca|| suptvā tatra manuṃ japtvā sarvasiddhīśvaro bhavet| karakāñcīṃ samādāya muṇḍamālā vibhūṣitaḥ|| tenaiva tilakaṃ kṛtvā tattadbhasma vibhūṣitaḥ| śmaśāne ca sakṛjjaptvā sarvasiddhīśvaro bhavet|| kuṅkuma agaru kastūrīṃ rocanāgaru candanaṃ| karpūraṃ padmarāgañca kesaraṃ hari candanam
6.p3
ekatra sādhitaṃ kṛtvā pratyekaṃ sādhayettataḥ| etattilaka mātreṇa rājānaṃ vaśa mānayet || jihvāgre rudhiraṃ kṛtvā ākāśe ca samāharet| tenaiva guṭikāṃ kṛtvā bhadrakālīṃ tathā japet || nīlāṃ nīlapatākāṃ ca lalajihvāṃ karālikāṃ | lalāṭa tilakaṃ kṛtvā sādhako vītabhīḥ svayaṃ || mahāṣṭamī navamyostu saṃyoge purataḥ sthitaḥ| chāgamahiṣa meṣāṇāṃ caturdikṣu śarān kṣipet || kabandhān muṇḍapuñjaṃ ca dīpādibhiralaṃkṛtaṃ| madhye kabandhamāstīrya tatra gandharvarūpadhṛk || tāmbūlapūra raktāsye majjānānti ca locanaṃ| kṛtvākālīmanuṃ japtvā sarvasiddhīśvaro bhavet || vipadbhaviyutaṃ devi netrāntaṃ candrabhūṣitaṃ| bījaṃ pratyeka dravyāṇāṃ militānāṃ ca pārvati || mūlamaṃtreṇa maṃtraṃ yo japet sāṣṭaśatatrayaṃ| jihvāgre rudhiraṃ gṛhṇa cāmuṇḍe ghora nisvane || baliṃ gṛhṇa varaṃ dehi rudhiraṃ gagane'male| kāli-kāli pracaṃḍogre tato'straṃ kavacaṃ tataḥ || kālikeyaṃ samākhyātā vīrāṇāṃ hitakāmyayā| kūrcayugmaṃ mahādevi nīlāyāḥ kathitaṃ tava || viyad bhṛguyutaṃ devi kulamiśraṃ ravī ratiḥ| candrakhaṇḍa samāyuktaṃ tato nīlapadaṃ tataḥ|| patāke hūṃ phaḍante syāt pūrvakūṭa manurmataḥ| sugupteyaṃ mahāvidyā tava snehāt mayocyatā|| jayaśrīkaraṇīdevī patākeva raṇasthale| tena nīlapatākeyaṃ vidyāṃ vai vīrasādhane || ugracaṇḍā mahāvidyā yā purā kathitā priye| lalajjihvā tu sā proktā yojyā vaiḥ vīra sādhane || yā sau vidyā mahātārā sā karāleti kīrttitā| bhūmiputra samāyuktā yāmāvasyā śubhodayā || bhādreṣu nṛkṣayogena tasyāṃ vīraḥ varottamaḥ| viṣṇukrāntāṃ samānīya nikṣipenmṛtabhūmiṣu || tatra tāṃ sādhitāṃ kṛtvā taddine matsyahaṭṭake| tatra taṃ sādhitaṃ matsyamekamūlyena dāpayet
6.p4
tajjalenābhiṣekaṃ ca pūrvavacca śiropariṃ| sādhitāṃ vijayāṃ tasya udare mukhavartmanā|| kṣipvtā tatra khanenmatsya majjanāñcita locanaḥ| pūrvadravyeṇa tilakamūthāya ca manuṃ japet|| svayaṃ vai tatra bhagavān bhairavo laguḍānvitaḥ| gatabhītistato vīrastaṃ vilokya japenmanuṃ|| yadi bhāgyavaśāddevi laguḍastatra labhyate| tadā svayaṃ bhairavo'sau svayaṃ vīreśvaro bhavet|| matsyamānīya deveśi nikṣipet pitṛkānane| tatrāsakṛjjapitvā tu devatāmelanaṃ bhavet|| tatra natvā mahādevaṃ mahādevīṃ ca bhāvini| tadbhasmatilakaṃ kṛtvā svayaṃ vīreśvaro bhavet|| niśāyāṃ mṛtahaṭṭe ca unmattānandabhairavaḥ| digvāsā vimalībhasmabhūṣaṇo muktakeśakaḥ|| kapālī khaḍgahastaśca japen mātṛkayā yadi| tadā tasya mahādevī sarvasiddhiḥ kare sthitā|| ḍākinīṃ yoginīṃ vāpi anyaṃ vā bhūtalāṅganāṃ| tatrāpyānīya saṃpūjya sarvasiddhīśvaro bhavet|| sarveṣāṃ jīvahīnānāṃ jantūnāṃ vīrasādhane| brāhmaṇaṃ gomayaṃ tyaktvā sādhayed vīrasādhanam|| mṛtāsanaṃ vinā devi pūjayet pārvatīṃ śivāṃ| tāvat kālaṃ vased ghoraṃ yāvadāhūta saṃplavaṃ|| mahāśavāḥ praśastāḥ syuḥ pradhānaṃ vīrasādhane| kṣudrāprayoga kartṝṇāṃ praśastāḥ sarvasiddhidāḥ|| evaṃ vīrakramaṃ devi kathitaṃ ca tavānaghe| na kasyacit pravaktavyaṃ mama prītyā maheśvari
6.p5
iti śrīkālītaṃtre vīra sādhanā nāmnaḥ ṣaṣṭa paṭalaḥ saptamaḥ paṭalaḥ
Linked texts (4)
- Śrīvidyārṇavatantra — Sanskrit
- Kulavṛtti — Sanskrit
- Bṛhannīlatantra — Sanskrit
- Nīlatantra — Sanskrit