Dashamahavidya 8
Daśamahāvidyā 8
- Language
- Sanskrit
8.p1
aṣṭamaḥ paṭalaḥ ācāra vidhi bhairavovāca athācāraṃ pravakṣyāmi yatkṛte'mṛtamaśnute | sarvabhūtahite yuktaḥ samayācārapālakaḥ || anitya karmasantyāgī nityareadānuṣṭhānatatparaḥ| maṃtrārādhana mātreṇa śivabhāvena tatparaḥ || parasyāṃ devatāyāṃ ca sarvakarma nivedakaḥ | anyamaṃtrārcanaṃ śraddhāmanyamaṃtra prapūjanaṃ || kulastrī vīranindāṃ ca taddravyasyāpaharaṇaṃ | strīṣu roṣaṃ prahāraṃ ca varjayenmatimān sadā || strīmayaṃ ca jagatsarvaṃ svayaṃ tāvat tathā bhavet | peyaṃ carvyaṃ tathā coṣyaṃ bhakṣyaṃ bhojyaṃ gṛhaṃ svayaṃ || sarvaṃ ca yuvatīrūpaṃ bhāvayenmatimān sadā | kulajāṃ yuvatīṃ vīkṣya namaskuryāt samāhitaḥ || yadi bhāgyavaśenaiva kuladṛṣṭistu jāyate | tadaiva mānasīṃ pūjāṃ tatra tāsāṃ prakalpayet || bālāṃ vā yauvanonmattāṃ vṛddhāṃ vā yuvatīmapi | kutsitāṃ vā mahāduṣṭāṃ namaskṛtya vibhāvayet || tāsāṃ prahāraṃ nindāṃ ca kauṭilyamapi varjayet | sarvathānaiva karttavyamanyathā siddhirodhakṛt || striyo devāḥ striyaḥ prāṇāḥ striyaḥ eva vibhūṣaṇaṃ | strī saṅginā sadābhāvyamanyathā svastriyā api || viparītatā sā tu bhavitā hṛdayopari | taddhastāvarcitaṃ puṣpaṃ taddhastāvarcitaṃ jalaṃ || taddhastāvarcitaṃ bhojyaṃ devatābhyo nivedayet | sarvaṃ tadakṣayaṃ proktaṃ devatā pūjanāt priye
8.p2
viparītaratāsakto 'pyaṣṭottara sahastrakaṃ| aṣṭottaraśataṃ vāpi tadā siddhiḥ prajāyate || strī dveṣo naiva karttavyo viśeṣāt pūjanaṃ striyāḥ | japasthāne mahāśaṃkhaṃ niveśyordhvaṃ japaṃ caret|| striyaṃ paśyan spṛśan gacchan viśeṣāt kulajāṃ śubhāṃ | bhakṣan tāmbūla matsyāṃśca bhakṣya dravyaṃ yathāruci || matsyaṃ māṃsaṃ tathā kṣaudraṃ nānā dravya samanvitaṃ | bhaktādyaśeṣa bhakṣyāṇi datvā dravyaṃ japenmanuṃ || dikkālaniyamo nātra sthityādi niyamo na ca | sarvathā pūjayed devīmasnātaḥ kṛtibhojanaḥ || mahāniśya śucau deśe baliṃ maṃtreṇa dāpayet | na jape kālaniyamo nārvādiṣu baliṣvapi || svecchāniyama ukto'tra mahāmaṃtrasya sādhane | vastrāsana dehāgārasthānaparśādi vāriṇaḥ || śuddhiṃ na cācarettatra nirvikalpaṃ manaścaret | sarva eva śubhaḥ kālo nāśuddhirvidyate kvacit || na viśeṣo divārātrau na sandhyāyāṃ mahāniśiṃ | gātra śuddharapekṣāsti na cāmedhyādidūṣaṇaṃ || sugandhiśveta lauhityaṃ kusumairarcayed dalaiḥ | bilvairmaruvakādyaiśca tulasī varjitaiḥ śubhaiḥ || nādharmo vidyate subhru kiṃ ca dharmo mahān bhavet | svecchācāro'tra gaditaḥ pracared dhṛṣṭamānasaḥ || kṛtārtha manyamānastu santuṣṭo hṛṣṭamānasaḥ | ityācāraparaḥ śrīmān japapūjādi tatparaḥ || pālakaḥ kulatattvānāṃ paratattve pralīyate| uditākṛti rānandamayaḥ saṃsāramocakaḥ || aṇimādyaṣṭa siddhīśaḥ sādhako devatā bhavet
8.p3
iti śrīkālītaṃtre ācāravidhiḥ nāmnaḥ aṣṭamaḥ paṭalaḥ
Linked texts (1)
- Śrīvidyārṇavatantra — Sanskrit