Pramāṇa · Search · About · API

Devirahasya 10

Devīrahasya 10

Language
Sanskrit

Contents

10.1

śrībhairava uvāca
adhunā devi vakṣye'haṃ puraścaraṇasādhanam
yena sādhitamātreṇa mantraḥ siddhiprado bhavet

10.2

jīvahīno yathā dehī¹ sarvakarmasu na kṣamaḥ
puraścaraṇahīno hi na mantraḥ siddhidāyakaḥ

10.3

varṇalakṣaṃ japenmantraṃ taddhaṃ vā maheśvari
ekalakṣāvadhi kuryānnāto nyūnaṃ kadācana

10.4

vaṭe'raeye śmaśāne ca śūnyāgāre catuṣpathe
ardharātre'pi madhyāhne puraścaraṇamārabhet

10.5

sudine śubhanakṣatre sumuhūrte maheśvari
svaguruṃ pūjayitvādau puraścaryāṃ samārabhet

10.6

gurorājñāṃ samādāya snātvā vedīṃ caret sudhīḥ
catuṣkoṇāmīśadiśi svahastaparivistṛtām

10.7

tatra likhitvā mahādevi sindūreṇāṣṭagandhakaiḥ
likhed bindutryasramādau ṣaḍaśraṃ vṛttamaṣṭadalam

10.8

vasupatraṃ ratnacaturasrāhvayaṃ bhūgehenopaśobhitam
puraścaryāyantrametadgaditaṃ girije mayā

10.9

sarvasādhāraṇaṃ pūjyaṃ sādhakaistattvadarśibhiḥ
indrāgniyamānirṛtivaruṇānilavittadāḥ

10.10

seśvarā laya(ṭa)ttrāśrayasaṃhaṃbījamaṇḍitāḥ
pūjyā sahetayo devi dharābhavanamaṇḍale

10.11

brāhmī ca vaiṣṇavī raudrī kaumārī nārasiṃhikā
vārāhī caṇḍikā devi pūjanīyāparājitā

10.12

sabhairavā vasudale vāmābṛsyā mumucubhiḥ
pārvatī kubjikā durgā cāmuṇḍā nīlatāriṇī

10.13

kātyāyanī pūjanīyā ṣaḍaśreṣu mahattaraiḥ
gaṅgā ca yamunā devi pūjyā jyaśre sarasvatī

10.14

bindau pūjyā ca saśivā sādhakairiṣṭadevatā
mūlamantreṇa gandhārghapuṣpadhūpādidīpakaiḥ

10.15

tatra bindau nyasedyantraṃ sveṣṭadevyā maheśvari
vedīvidikṣu saṃsthāpya mantrī ghaṭacatuṣṭayam

10.16

mūlena sādhako devi yavān saṃmanthya vāpayet
vahninirṛtivāteśakrameṇaivaṃ samarcayet

10.17

gaṇeśaṃ bhāratīṃ durgāṃ kṣetrapālaṃ ghaṭeṣu ca
svasvamūlena deveśi tatra pūjāṃ tathādrikīm

10.18

kuryāt tadagrato devi puraścaraṇamārabhet
śrīcakraṃ pūjayitvādau tataḥ kuryājjapaṃ sudhīḥ

10.19

śānto dambhaṃ tathā laulyaṃ tyajenmantrasya siddhaye
brahmacaryadharo mantrī dhyāyan devīṃ varapradām

10.20

japenmūlaṃ vaśī laghu niyamena samāhitaḥ
haviṣyāśī mahādevi tataḥ siddhamanurbhavet

10.21

jahvā mantrī mantrarājaṃ hutvā devi daśāṃśataḥ
tarpayet taddaśāṃśena mārjayet taddaśāṃśataḥ

10.22

bhojayet taddaśāṃśena mantrasiddhirbhaved dhruvam
athavānyaprakāreṇa puraścaraṇamiṣyate

10.23

rātrau parastriyaṃ bālāṃ śyāmāṃ vā madanāturām
ānīya pūjayenmantrī yathoktavidhinā śive

10.24

nagno muktakaco dhīro madhupānaparāyaṇaḥ
śaktivaktrasamāśliṣṭo japenmūlaṃ yathāvidhi

10.25

lakṣamekaṃ daśāṃśena saṃskṛtaṃ homatarpaṇaiḥ
mantrasiddhirbhavet tasya devānāmapi durlabhā

10.26

athavānyaprakāreṇa puraścaraṇamiṣyate
putrajanmotsavadine sūtikākulamandire

10.27

māntriko mūlamantraṃ svaṃ japed daśadināvadhi
daśāṃśasaṃskṛtaṃ mantraṃ kuryāt siddho bhavenmanuḥ

10.28

athavānyaprakāreṇa puraścaraṇamiṣyate
mṛtakāśaucadivase prathame sādhako japet

10.29

manuṃ vaśī dine rātrau vīro bhūtvā yathārthataḥ
ekādaśe'hani sudhīḥ kuryānmantraṃ tu saṃskṛtam

10.30

karmaṇā manasā vācā mantraḥ kalpadrumo bhavet
athavānyaprakāreṇa puraścaraṇamiṣyate

10.31

sūryodayāt samārabhya yāvat sūryodayāntaram
tāvajjaptvā nirātaṅko mantraḥ kalpadrumo bhavet

10.32

athavānyaprakāreṇa puraścaraṇamiṣyate
sūryoparāgavelāyāṃ japenmantraṃ maheśvari

10.33

japtvā homādikaṃ kṛtvā mantrasiddhirbhaved dhruvam
athavānyaprakāreṇa puraścaraṇamiṣyate

10.34

candroparāge deveśi japenmūlaṃ yathāvidhi
daśāṃśasaṃskṛto mantro bhaveccintāmaṇiḥ kṣaṇāt

10.35

yasya nāsti jape śaktiḥ paścaratneśvarīṃ japet
varṇalakṣapuraścaryāphalamāpnoti sādhakaḥ

10.36

idaṃ tattvaṃ hi mantrāṇāṃ sārāt sāraṃ parāt param
avācyaṃ guhyamīśāni gopanīyaṃ mumukṣubhiḥ

10.36.p1

iti śrīrudrayāmale tantre śrīdevīrahasye puraścaryāvidhinirūpaṇaṃ daśamaḥ paṭalaḥ || 10

Linked texts (5)