Pramāṇa · Search · About · API

Devirahasya 11

Devīrahasya 11

Language
Sanskrit

Contents

11.1

atha
ekādaśaḥ paṭalaḥ
śrībhairava uvāca
adhunā devi vakṣye'haṃ puraścaryāphalaṃ param
yaṃ labdhvā sādhako devi martyo'pyamaratāṃ labhet

11.2

śrīdevyuvāca
bhagavaṃstattvavettā tvaṃ sakalāgamapāragaḥ
puraścaraṇahomasya vada me'dya vidhiṃ vibho

11.3

śrībhairava uvāca
japtvā manuṃ lakṣasaṃkhyaṃ sādhako mantrasādhakaḥ
gatvā rahaḥsthalaṃ devi homaṃ kuryād daśāṃśataḥ

11.4

sudine śubhanakṣatre sādhako bhairavārcane
gṛhītvā homasaṃbhāraṃ vrajet prayatamānasaḥ

11.5

tatraikataḥ śmaśānaṃ tu dhṛtvā saṃmukhapṛṣṭhayoḥ
aiśānyāṃ diśi deveśi likhecchrīcakramuttamam

11.6

tatsamabhyarcya vidhinā śrīcakraṃ mūlavidyayā
tato mantraṃ japet siddhamaṣṭottaraśatāvadhi

11.7

pūrvasyāṃ diśi sadyatrāt khanet kuṇḍaṃ trikoṇakam
hastaikavistṛtaṃ cādho hastaikaparimāṇataḥ

11.8

kuṇḍe'kṣin vilikhedyantraṃ tryaśraṃ binduvirājitam
ṣaṭkoṇamaṣṭapatraṃ ca trivṛttaṃ bhūgṛhāṅkitam

11.9

tataḥ pūjāṃ cared devi kuṇḍacakrasya pārvati
yathoktavidhinā yena sādhako dīkṣito bhavet

11.10

gaṇeśadharmavaruṇāḥ kuberasahitāstathā
caturdvāreṣu saṃpūjyāścatvāro dvārapālakāḥ

11.11

māyā ca mohinī mattā mādhavī vahnivallabhā
vartulī' vīrasmūrvāmyā pūjyā aṣṭadalasthitāḥ

11.12

ambālikāmbā bagalā cchinnaśīrṣāmbikā bhagā
ṣaṭkoṇamadhyagāḥ pūjyāḥ kueḍacakre maheśvari

11.13

vahniṃ vaiśvānaraṃ cāgniṃ trikoṇe pūjayecchive
svāhābhagavatīṃ bindau jātavedasamarcayet

11.14

agniṃ mūlena deveśi vahnerdaśakalāstataḥ
tāraṃ vahniḥ śivo'gniśca hūṃ śaktirmaheśvari

11.15

agne vaiśvānaraṃ brūyājjṭābhāreti saṃvadet
bhāsvareti trinetreti jvālāmukha-padaṃ vadet

11.16

prajvaleti yugaṃ brūyājjātavedāsi saṃvadet
ṭhadvayaṃ saṃvadedante mantro'yaṃ vahnivallabhaḥ

11.17

anena mūlamantreṇa vahnicakraṃ prapūjayet
gandhādyataprasūnaiśca dhūpadīpāditarpaṇaiḥ

11.18

naivedyācamanīyādyaistāmbūlaiśca suvāsitaiḥ
tatra saṃpūjya deveśi śrīcakraṃ navayonikam

11.16-2

tato digbhairavān bhūtānarcayet kusumaiḥ param
tato devi pramathyāgniṃ kueḍacakre kuleśvari

11.20

bindau vahniṃ samāvāhya mūlenojjvālayecchive
agniṃ sandīpya mūlena praṇamed vahnimudrayā

11.21

mūlenāhutibhirvahniṃ hunet ṣoḍaśabhistataḥ
aṣṭottaraśatābṛttyā dadyādājyena pārvati

11.22

āhutīḥ pāyasairdevi mṛdvīkāgurupuṣpakaiḥ
matsyaeḍaśarkarācandraiḥ kastūrīdṛṣadaṅgitaiḥ

11.23

tato japtvā mahāvidyāṃ sādhakān pūjayecchive
pañca vā nava vā devi tathaikādaśa vā śive

11.24

kulīnān dhārmikāñchuddhān dīkṣitān vāpyadīkṣitān
dṛḍhavratāñchubhācārān devībhaktiratāṃstathā

11.25

vaiṣṇavān girije śaivān gurubhaktiparāyaṇān
tatra saṃpūjya vidhivaj jñātvā bhairavasannibhān

11.26

pādyārghyamadhuparkādyairgandhādyaitasupuṣpakaiḥ
tān saṃpūjya mahādevi daśāṃśaṃ homamācaret

11.27

śrīdevyuvāca
bhagavan devadeveśa tantrajña parameśvara
kulasādhakapūjāyāṃ saṃśayaṃ chetumarhasi

11.28

tatra pūjāvidhau nātha sarve pūjyā dvijottamāḥ
athavā kṣatriyā vaiśyāḥ śūdrā vā vada vistarāt

11.29

śrībhairava uvāca
pravṛtte bhairave tatre sarve varṇā dvijottamāḥ
nivṛtte bhairave tatre sarve varṇāḥ pṛthak pṛthak

11.30

sarvadā śivacakre'smin saṃpradāyo'yamīritaḥ
na puraścaraṇārcāyāṃ tatra sarve dvijottamāḥ

11.31

ekastu kṣatriyaḥ puṇyo dātā vaiṣṇavasattamaḥ
dṛḍhavrataḥ śubhācāraḥ kulīnaḥ śivapūjakaḥ

11.32

śāktaḥ paramabhaktaśca kulacakre nigadyate
tatra homaṃ ca saṃpādya dadyānnaivedyamādarāt

11.33

kulacakragatān devi brāhmaṇān sādhakottamān
pūjayet kṣatriyo vīro bhaktiśraddhāsamanvitaḥ

11.34

gandhākṣatasupuṣpaiśca dhūpadīpādibhiḥ śive
naivedyācamanīyādyairbhakṣyairbhojyaiśca lehyakaiḥ

11.35

santarpya sādhakān devi paramānandasevitaḥ
sādhakaḥ kṣatriyaṃ vīraṃ dātāraṃ vīrasevakam

11.36

āśīrbhirvardhayed devi praṇamet tripurāmbikām
kulacakragatā vīrāḥ kulacakrapūjakāḥ

11.37

sarve te kuladevyante yānti śīghraṃ kulālayam
kṣatriyo'pi mahādevi kulasaṅgān kulārthavit

11.38

sarvapāpavinirmuktaḥ sarvasiddhisamanvitaḥ
iha loke śriyaṃ prāpya bhuktvā bhogān yathepsitān

11.39

paratra parameśāni mṛto devīpadaṃ vrajet
evaṃ vidhāya mantrajño homaṃ japaphalāptaye

11.40

puraścaryāphalaṃ devi varṇalakṣasya so'śnute
varṇalakṣajapasyaivaṃ phalamāpnoti kaulikaḥ

11.41

sarve tatra sthitā natvā śmaśānasthaṃ ca bhairavam
saṃhāramudrayā devīṃ visṛjya saśivāṃ śive

11.42

sarve te sādhakaśreṣṭhā bhaveyuḥ kulabhāginaḥ
idaṃ rahasyaṃ deveśi bhaktyā tava mayoditam
aprakāśyamadātavyamityājñā pārameśvarī

11.42.p1

iti śrīrudrayāmale tantre śrīdevīrahasye puraścaryāhomavidhinirūpaṇamekādaśaḥ paṭalaḥ || 11

Linked texts (4)