Pramāṇa · Search · About · API

Devirahasya 12

Devīrahasya 12

Language
Sanskrit

Contents

12.1

śrībhairava uvāca
śṛṇu devi pravakṣyāmi guhyaṃ sarvasvamuttamam
śrīcakranirṇayaṃ nāma paṭalaṃ devadurlabham

12.2

devīnāṃ paramaprītyā yantroddhāraṃ bravīmyaham
yasya kasya na vaktavyaṃ gopanīyaṃ viśeṣataḥ

12.3

trayastriṃśatidevānāṃ koṭayaḥ syurmaheśvari
devīnāṃ ca tathā devi trayastriṃśatikoṭayaḥ

12.4

tāsāṃ madhye pradhānāḥ syustrayastriṃśatidevatāḥ
pūrvoktā yā mahādevi tāsāṃ yantrottamāñchṛṇu

12.5

(1) atha vakṣye tava prītyā bālāyantraṃ maheśvari
sarvārthasādhakaṃ devi sarvāśāparipūrakam

12.6

bindutrikoṇarasakoṇakanāgapatravṛttatrayāśriṃtamahīsadanatrayaṃ ca
bālādicakramidamārtiharaṃ girīśabrahmendraviṣṇunamitaṃ gaditaṃ mayā te

12.7

(2) ✓atho tripurabhairavyā yantroddhāraṃ bravīmyaham
sakalāgamasārāḍhyamāpaddhāraṇacakram

12.8

bindustryaśraṃ nāgakoṇaṃ daśāraṃ
vṛttāśritaṃ vasupatraṃ kalāram
vṛttatrayaṃ bhūniketatrayaṃ ca
śrīcakraṃ te varṇitaṃ bhairavīyam

12.6-2

(3) atho tripurasundaryā vakṣye śrīcakranirṇayam
sarvasaṃmonaṃ devi sarvasiddhipravartakam

12.10

śūnyaṃ madhyagamagnikoṇasahitaṃ digdantikoṇāṅkitaṃ
viṃśāraṃ manumiśritaṃ karidalaśrīpoḍaśārāścitam
sadvṛttatrayasaṃyutaṃ ca dharaṇīgehāṅkitaṃ traipuraṃ
bhaktyābhīṣṭaphalapradaṃ kaliyuge śrīcakramuddyotate

12.11

bindutrikoṇavasukoṇadaśārayugmamanvaśranāgadalasaṅgataṣoḍaśāram
vṛttatrayaṃ ca dharaṇīsadanatrayaṃ ca
śrīcakrametaduditaṃ paradevatāyāḥ

12.12

(4) athāhaṃ kālikāyāste yantroddhāraṃ bravīmyaham
sarvārthasiddhidaṃ loke sarvakāmaprapūrakam

12.13

trikoṇasthaṃ śūnyaṃ tadupari śaratkoṇasahitaṃ
trikoṇaṃ ṣaṭkoṇaṃ bhagavati ca vṛttaṃ vasudalam
trivṛttaṃ tadbāhye citibhuvanayuktaṃ ca jayatādidaṃ śyāmāyantraṃ maraṇabhayavargapramathanam

12.14

(5) athāhaṃ bhadrakālyāste yantroddhāraṃ surapriyam
bravīmi dayayā devi sarvasārasvatapradam

12.15

madhye turyavaraṃ khamaeḍalayutaṃ dviḥsaptakārāṅkitaṃ
dvisturyārayugaṃ caturguṇacatuṣpatrāvalīśobhitam
sadvṛttatrayamaṇḍitaṃ bahirilāgehatrayodbhāsitaṃ
jīyādyantramidaṃ yatheṣṭaphaladaṃ śrībhadrakālīpriyam

12.16

(6) atha vakṣyāmi mātaṅgayā yantraṃ tantraviniścitam
devadevi tava prītyā nacānyatra prakāśayet

12.17

bindutrikoṇaṃ vasukoṇayuktaṃ
vṛttaṃ tato nāgadalaṃ trivṛttam
bhūmandiraṃ pārvati vahnirekhaṃ
mātaṅginīyantramidaṃ pradiṣṭam

12.18

(7) athāhaṃ bhuvaneśvaryā yantroddhāraṃ bravīmi te
prītyā bhaktyā maheśāni nacākhyeyaṃ mahātmabhiḥ

12.19

bindutrikoṇaṃ rasakoṇasaṃyutaṃ
vṛttāśritaṃ nāgadalena maṇḍitam
kelāravṛttatrayabhūgṛhāṅkitaṃ
śrīcakrametad bhuvaneśvarīpriyam

12.20

(8) atha vakṣyāmi tārāyāḥ yantroddhāramanuttamam
bhogamokṣapradaṃ devi gopyaṃ kuru maheśvari

12.21

bindutrikoṇaṃ ca ṣaḍasrayuktaṃ
vṛttaṃ tathāṣṭāramalaṃ trivṛttam
sabhūpuraṃ caikajaṭāvilāsagehaṃ mayā yantramidaṃ pradiṣṭam

12.22

(9) athāhaṃ chinnamastāyā yantroddhāramanuttamam
pravakṣyāmi tava prītyā na vaktavyaṃ mumukṣubhiḥ

12.23

bindutrikoṇaṃ ca bahistrikoṇaṃ
trikoṇamūrdhvaṃ śubhavṛttavimbam
vasvasrayuktaṃ dharaṇīgṛhaṃ syāt
śrīcakrametat paradevatāyā:

12.24

(10) atha vakṣyāmi te devyā yantroddhāraṃ maheśvari
sumukhyāḥ sārasarvasvaṃ na deyaṃ brahmavādibhiḥ

12.25

binduṃ cānalakoṇagaṃ ca vilikhed bāṇāśrakoṇāṅkitaṃ
vṛttaṃ nāgadalena maṇḍitamatho śrīṣoḍaśārāṅkitam
sadvṛttatrayasaṃyutaṃ ca dharaṇīgehāṅkitaṃ pārvati
śrīcakraṃ sumukhīpriyaṃ vijayatād bhogāpavargapradam

12.26

(11) atha vakṣyāmi tattvaṃ te yantroddhāraṃ maheśvari
sarasvatyāḥ kaulikānāṃ śuktimuktiphalapradam

12.27

trikoṇaṃ sabinduṃ tataḥ ṣaṭkoṇaṃ
savṛttaṃ tato nāgapatraṃ trivṛttam
dharāmandiraṃ vahnirekhojjvalaṃ te
mayoktaṃ hi sārasvataṃ yantrametat

12.28

(12) athāhamantrapūrṇāyā yantrarājaṃ bravīmi te
sarvasaṃmohanaṃ devi sarvabhogaikasādhanam

12.29

trikoṇaṃ rasāraṃ trikoṇaṃ trikoṇaṃ
trikoṇaṃ trikoṇaṃ trikoṇaṃ hi vṛttam
tato nāgapatrāścitaṃ cāgnivṛttaṃ
dharāmandiraṃ cānnapūrṇeṣṭacakram

12.30

(13) atha vakṣye śive yantraṃ mahālakṣmyāḥ parāt param
yamabhyarcya mayā prāptaṃ durlabhaṃ paramaṃ padam

12.31

khaṃ vahnyāragataṃ ca kāramamalaṃ vṛttaṃ bahiḥ śobhanaṃ
bāhye nāgadalaṃ kailāravilasadvṛttatrayodbhāsitam
bhūgehatrayaśobhitaṃ tava mayā nirṇītametat paraṃ
śrīcakraṃ paramārthadāyi ca mahālakṣmīpriyaṃ siddhidam

12.32

(14) yantroddhāraṃ pravakṣyāmi sādhakānāṃ śubhāvaham
śārikāyā mahādevi līlālayalayākulam

12.33

ṣatrikoṇavasukoṇasuvṛttoddyotanāgadalavṛttamaṣṭadalam
bhūgṛhaṃ śikhiravīndubhāścitaṃ
yantrametaduditaṃ śilālayam

12.34

(15) yantroddhāraṃ mahādevi śāradāyā travīmyaham
sarvārthasādhakaṃ cakraṃ sarvakāmaprapūrakam

12.35

madhye bindustadbahiḥ syāt trikoṇaṃ
ṣaṭkoṇaṃ syād vṛttavasvaśrayukram
vṛttākāraṃ ṣoḍaśāraṃ trivṛttaṃ
bhūgehaṃ syācchāradāyantrametat

12.36

(16) athāhaṃ te pravakṣyāmi yantroddhāraṃ sudurlabham
indrācyāstattvasarvasvaṃ triṣu lokeṣu gopitam

12.37

bindutrikoṇajaṣaḍaśṣaḍasrayukraṣaṭkoṇavṛttavasupatrakalāśramiśram
bhūgehavimvamanalenaśaśiprabhābhamindrāciṇīpriyataraṃ jayacakrametat

12.38

(17) atha te bagalāmukhyā yantroddhāraṃ travīmyaham
sarvasiddhipradaṃ devi gopanīyaṃ prayannataḥ

12.36-2

bindutrikoṇaṃ ca rasāravṛtta-vasvaśravṛttāścitaṣoḍaśāram
vṛttatrayaṃ bhūsadanatrayaṃ ca
śrīcakrametad bagalāmukhīyam

12.40

(18) athāhaṃ te mahāturyāyatroddhāramanuttamam
travīmi paramaprītyā sakalābhīṣṭasādhanam

12.41

bindutrikoṇaṃ navayoniyuktaṃ
vṛttāścitaṃ nāgadalaṃ trivṛttam
dharāgṛhaṃ vahnituṭībhirīḍyaṃ
turyālayaṃ cakramidaṃ pradiṣṭam

12.42

(1૯) yantroddhāraṃ pravakṣyāmi sarvāśāparipūrakam
sarvārthasādhakaṃ cakraṃ sarvasaṃmohanaṃ tathā

12.43

bindustryaśraṃ ṣaḍaśraṃ ca vṛttāṣṭadalamaṇḍitam
vṛttatrayaṃ dharāsadma rājñīśrīcakramīritam

12.44

(20) atha yantravaraṃ vakṣye jvālāmukhyā maheśvari
sarvatattvaikanilayaṃ sarvāvāñchitadāyakam

12.45

madhye śūnyaṃ tadupari śaratkoṇamālikhya devi
tatrādhastāt trikamatha bahirdiṃgdalaṃ vṛttamekam
ṣasraśraṃ dviḥ kadalajaśaradvṛttabhūgehayuktaṃ
jvālāmukhyā jagati jayatāccakrametanmaheśi

12.46

(21) atha vakṣyāmi deveśi bhīḍāyatramanuttamam
sarvāgamarahasyāḍhyaṃ sarvasārasvatapadam

12.47

bindustryaśraṃ kāśramiśraṃ suvṛttaṃ
vasraśraṃ syāt tadbahiḥ ṣoḍaśāram
vṛttatrayaṃ bhūmigehatrayāḍhyaṃ
bhīḍāyatraṃ sarvasiddhipadaṃ syāt

12.48

(22) atha vakṣyāmi deveśi kālarātryā anuttamam
yantroddhāraṃ parānandasādhanaikarasāyanam

12.46-2

bindutrikoṇarasakoṇasuvṛttanāgapatraṃ kalāravilasaddahanoruvṛttam
bhūmandiratrayamidaṃ giriputri yantraṃ
śrīkālarātrinilayaṃ paramārthadaṃ syāt

12.50

(23) athāhaṃ te pravakṣyāmi bhavānyā yantramuttamam
mūlamantrarahasyāḍhyaṃ sarvasiddhipradāyakam

12.51

bindutrikoṇaṃ ca ṣaḍaśrayuktaṃ
vṛttaṃ ca nāgārakalādalāḍhyam
vṛttatrayaṃ bhūsadanatrayaṃ syāt
śrīcakramānandapadaṃ bhavānyāḥ

12.52

(24) atha vakṣye mahādevi yantrarājaṃ sudurlabham
śrīvajrayoginīdevyāḥ sarvasaukhyapravardhanam

12.53

bindutrikoṇaṃ ca bahiḥ ṣaḍaśraṃ
vṛttaikavasvaśra-ravṛttayuktam
dharāgṛhaṃ yantramidaṃ maheśi
śrīvajraśabdāṅkitayoginīyam

12.54

(25) atha vakṣyāmi vārāhyā yantroddhāramanuttamam
sarvamaṅgalamāṅgalyaṃ sādhakānāṃ śubhāvaham

12.55

trikoṇaṃ sabinduṃ punaḥ syāt trikoṇaṃ
tataḥ saptavāraṃ trikoṇaṃ prakuryāt
gajāśraṃ kalāraṃ hi vṛttatrayāṅkaṃ
dharāsaha yantraṃ varāheśvarīyam

12.56

(26) atha vakṣye mahādevi yantroddhāraṃ sudurlabham
sarvavairipraśamanaṃ sarvavāñchitapūrakam

12.57

bindutrikoṇaṣaṭkoṇavṛttāṣṭadalamaṇḍitam
trivṛttaṃ bhūgṛhaṃ yantraṃ siddhalakṣmyā mayā smṛtam

12.58

(27) atha yantravaraṃ vakṣye kulavāgīśvarīpriyam
sādhakeṣṭapradaṃ divyaṃ parapadarasālayam

12.56-2

trikoṇaṃ sabinduṃ śarāśraṃ savṛttaṃ
tato nāgapatrāścitaṃ ṣoḍaśāram
trivṛttaṃ dharāsadma padmāspadaṃ te
suyantraṃ pradiṣṭaṃ ca vāgīśvarīyam

12.60

(28) atha vakṣyāmi deveśi yantraṃ padmāvatīpriyam
sarvārthasādhakaṃ divyaṃ sarvāśāparipūrakam

12.61

bindutrikoṇavasukoṇasavṛttanāgapatrādiṣoḍaśadalānalavartulaṃ ca
bhūmandiratrayamidaṃ sakalārthadaṃ syāt
padmāvatīpriyataraṃ jayacakrametat

12.62

(29) atha vakye mahādevi kubjikāyantramuttamam
sarvadevarahasyaṃ ca gopanīyaṃ viśeṣataḥ

12.63

bindutrikoṇaṃ rasakoṇayuktaṃ
vṛttaṃ tato nāgadalaṃ ravṛttam
dharāgṛhaṃ sarvarahasyagarbhaṃ
śrīkubjikāyantramidaṃ mayoktam

12.64

(30) atha vakṣye mahādevi gaurīyantraṃ sudurlabham
sarvaiśvaryapradaṃ sarvatrighnapraśamanaṃ śive

12.65

madhye trikoṇaṃ khayutaṃ ṣaḍaśraṃ
vṛttaṃ tathā nāgadalāgnivṛttam
bhūmandiraṃ kaulakuleṣṭatattvabhūtaṃ sucakraṃ kathitaṃ hi gauryāḥ

12.66

(31) atha vakṣye mahādevi khecarīyantramuttamam
yogināṃ durlabhaṃ yogasādhanānandakārakam

12.67

bindutrikoṇakaṃ vṛttaṃ vasupatrāgnivṛttakam
dharāgṛhaṃ mayākhyātaṃ khecarīyantramuttamam

12.68

(32) atha nīlasarasvatyā yantroddhāraṃ bravīmyaham
mahācīnapadasthānāṃ siddhidaṃ bhogadaṃ śive

12.69

bindustato'gnyāraṣaḍaśrayuktaṃ
vṛttaṃ tato nāgadalāgnivṛttam
dharāgṛhaṃ vahnituṭībhirīḍyaṃ
yantraṃ paraṃ nīlasarasvatīyam

12.70

(33) atha devyāḥ parāśakteryantroddhāraṃ bravīmyaham
sarvasaṃpatpradaṃ divyaṃ sarvaiśvaryapradāyakam

12.71

bindutrikoṇaṃ vṛttābyavasupatrāgnivṛttakam
bhūgṛhaṃ yantrametatte parāśaktermayā smṛtam

12.72

(34) athāhaṃ yantramīśāni śivasya paramaṃ śuve
sarvasādhāraṇaṃ sarvavāñchitaikapradāyakam

12.73

bindutrikoṇavasukoṇadaśāravṛttanāgāśraṣoḍaśadalānalavṛttayuktam
bhūmandiratrayamidaṃ paramārthadaṃ syāt
sādhāraṇaṃ jagati yantramanādi śaivam

12.74

(35) athāhaṃ vaiṣṇavaṃ devi yantrarājaṃ bravīmi te
sarvasādhāraṇaṃ loke vaiṣṇavānāṃ śubhapradam

12.75

bindutrikoṇavasukoṇasuvṛttanāgapatrāṣṭaṣoḍaśadalāścitavṛttavimbam
bhūmandiraṃ jayati yantramidaṃ bhavāni
sādhāraṇaṃ paramavaiṣṇavadhāma satyam

12.76

(36) sarveṣāmeva mantrāṇāṃ śaivānāṃ parameśvari
gururaghoro vakṣye'haṃ tasya yantramanuttamam

12.77

trikoṇaṃ sabinduṃ śarāśraṃ sakāśraṃ
tato nāgapatraṃ savṛttaṃ¹ kalāram
caturbhūgṛhodbhāsitaṃ vahnirekhaṃ
sadodyotate'ghoradevasya yantram

12.78

(37) sarveṣāmeva mantrāṇāṃ vaiṣṇavānāṃ maheśvari
lakṣmīnārāyaṇaḥ śreṣṭhasya yantraṃ bravīmyaham

12.79

bindutrikoṇaṃ vasvaśraṃ vṛttāṣṭadalamaṇḍitam
ṣoḍaśāraṃ vṛttaṃ ca bhūgehenopaśobhitam

12.80

lakṣmīnārāyaṇasyaitacchrīcakraṃ paramārthadam
itīdaṃ sarvadevānāṃ rahasyaṃ paramādbhutam
tattvaṃ tava mayākhyātaṃ gopanīyaṃ svayonivat

12.80.p1

iti śrīrudrayāmale tantre śrīdevīrahasye yantroddhāranirūpaṇaṃ dvādaśaḥ paṭalaḥ || 12

Linked texts (5)