Devirahasya 15
Devīrahasya 15
- Language
- Sanskrit
Contents
- 15.13 — 1 part
15.1
śrībhairava uvāca
śṛṇu devi pravakṣyāmi śamaśānasyograsādhanam
yena sādhanamātreṇa sādhako bhairavo bhavet
15.2
śrīdevyuvāca
bhagavan bhavatā bhaktyā prasādo'yaṃ mahān kṛtaḥ
vismṛto'yaṃ vidhirguhyaḥ śamaśānasyārcanāṅkitaḥ
15.3
sarvatantreṣvavikhyātaḥ smārito me'dhunā paraḥ
śrībhairava uvāca
trayastriṃśatikoṭīnāṃ devatānāṃ hi śakrayaḥ
nāmabhirviśrutā devi bhavatyā me paraṃ śrutāḥ
15.4
tāsāṃ vakṣye'dhunā devi śmaśānārcāṃ yathāvidhi
sādhakā yena jāyante sarvasiddhiyutāḥ śive
15.5
vinā śmaśānavidhinā pūjāyogajapādayaḥ
na siddhyanti varārohe kalau bhairavaśāpataḥ
15.6
trayastriṃśatkoṭayo devyaḥ sarvāḥ pretālayasthitāḥ
tatra gatvārcayed yastu sa bhaved bhairavopamaḥ
15.7
tatra ghorāravairdevi mahākālaḥ sṛgālakaiḥ
sārameyaiśca yatcendraiḥ soragaiḥ sapiśācakaiḥ
15.8
vetālabhūtapretaiśca śmaśānārcāṃ karoti hi
tatra bhūtā mahāghorāścatvāro vighnakārakāḥ
15.9
digvidikṣu bhramante te devyaṣṭau bhūtabhairavāḥ
te saṃmukhagatāḥ krūrā bhūtāḥ kurvanti vipriyam
15.10
bhairavā vighnahantāraḥ śivaṃ kurvantyasaṃmukhe
teṣāṃ vidhiṃ pravakṣyāmi guhyaṃ sārottamottamam
15.11
aprakāśyamadātavyaṃ śmaśānārcanamuttamam
ravau candre kuje saumye gurau śukre śanau tathā
15.12
punaḥ sūrye bhramante te digvidikṣvaṣṭabhairavāḥ
pūrvottareśānasamīraṇāgnikenāśaraccovaruṇādidikṣu
mahogra-citrāṅgada-caṇḍa-bhāstraglolākṣa-bhūteśa-karāla-bhīmāḥ
15.13
ete bhramante satataṃ śmaśāne
digbhairavā bhūtayutā maheśi
etān samabhyarcya vaset śmaśāne
syādanyathā dhībhramaṇaṃ vipattiḥ
15.13.p1
iti śrīrudrayāmale tantre śrīdevīrahasye śmaśānārcanavidhinirūpaṇaṃ pañcadaśaḥ paṭalaḥ || 15
Linked texts (4)
- Devīrahasya — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit
- Devīrahasyatantra — Sanskrit