Devirahasya 16
Devīrahasya 16
- Language
- Sanskrit
Contents
- 16.13-2 — 1 part
16.1
atha
ṣoḍaśaḥ paṭalaḥ
śrībhairava uvāca
athāhaṃ pūjanasyāsya vaccaye padghatimādarāt
gadyapadyamayīṃ devi mantrasiddhipradāyinīm
16.2
rātriśeṣe samutthāya sādhako vihitāhnikaḥ
śmaśānārcanasaṃbhāraṃ samādāya ca sānugaḥ
16.3
savīro vīrabhūmiṃ tu vrajedrātrimukhe priye
tatra devi vidhiṃ vaccaye śṛṇu pārvati sādaram
16.4
guhyaṃ sāratamaṃ gopyaṃ nāmrayeyaṃ siddhivāñchakaiḥ
jtrālākarālavadane kalpāntadahanapriye
prāṇiprāṇālayodbhūte cite me'nugrahaṃ kuru
16.5
iti natvā, yathāvāraṃ praśasതാpraśastān bhūtabhairavān saṃmukhapṛṣṭhayordhūtvā
pūjāmārabhet || śrīdevī uvāca
bhagavan bhairavān bhūtān śāpānugrahakārakān
kathaṃ saṃdhārayen mantrī tatra saṃmukhapṛṣṭhayoḥ
16.6
śrībhairava uvāca
etad devi paraṃ guhyaṃ bhūtabhairavasādhanam
vakṣyāmi tava bhaktyāhaṃ na cākhyeyaṃ durātmane
16.7
bhūto ravau pūrvagato mahograścitrāṅgado'pyuttarago himāṃśau
caeḍastatheśānagato mahīje
bhāsvān budhe bhairava eva trāyau
16.8
lolākko vahnigataḥ surejye
bhūteśvaro dakṣiṇago'surejye
karālako nirṛtigo'pi mande
ravau punaḥ paścimago'pi bhīmaḥ
16.9
evaṃ bhramante satataṃ maheśi
digbhairavā bhūtagaṇāḥ śmaśāne
sudhāṃśuśvedvau śaśihīnapakṣe
tadvaiparītyena śive bhramanti
16.10
śrīdevyuvāca
deveśa karuṇāsāndra sādhakeśa jagatpate
jñāyate bhīmakarmedaṃ hṛdi sādhakasattamāḥ
16.11
mahograbhīmayoḥ pūjāṃ patcayorbhīṃmasaumyayoḥ
kathaṃ deva kariṣyanti dvayorbhāskaravārayoḥ
16.12
śrībhairava uvāca
paurṇamāsyāṃ śive dṛṣṭvā grahavāraṃ tato'ṣṭadhā
ravivāraṃ ca saṃguhya prathamaṃ vā dvitīyakam
16.13
prathame ravivāre tu mahograṃ pūrvagaṃ yajet
dvitīye paścime bhīmaṃ pūjayecchuklapakṣake
16.14
kṛṣṇapakṣe'rcayed bhūtān viparītakrameṇa tu
adhunaiṣāṃ pravakṣyāmi pūjāsāraṃ maheśvari
16.15
avācyaṃ paraśiṣyāya kucailāya durātmane
śmaśānapūjāmantrasya mahākāla ṛṣiḥ smṛtaḥ
16.16
uṣṇik chanda iti khyātaṃ devī śmaśānakālikā
parā bījaṃ taṭaṃ śaktiḥ kālī kīlakamīritam
16.17
dharmārthakāmamokṣeṣu viniyogaḥ prakīrtitaḥ
asya śrīśmaśānakālikāpūjāmantrasya mahākālabhairava ṛṣiḥ, uṣṇik chandaḥ, śrīśmaśānakālikā devatā, hīṃ bījaṃ, hūṃ śaktiḥ, krīṃ kīlakaṃ, dharmārthakāmamokṣārthe pūjāyāṃ viniyogaḥ | mahākālabhairava ṛṣaye namaḥ śirasi, uṣṇikchandase namo mukhe, śmaśānakālikādevatāyai namo hṛdi, hīṃ bījāya namo nābhau, hūṃ śaktyai namo guhye, krīṃ kīlakāya namaḥ pādayoḥ, viniyogāya namaḥ sarvāṅgeṣu | oṃ krāṃ haḥ | oṃ krīṃ śiḥ ityādi karānyāsaḥ | evaṃ ṣaḍaṅgaṃ vidhāyāsanaṃ śodhayet | oṃ āṃ āsanaśodhanamantrasya merupṛṣṭha ṛṣiḥ, sutalaṃ chandaḥ, kūrmo devatā, āsanaśodhane viniyogaḥ | hrīṃ pṛthvyai namaḥ "mahi tvayā dhṛtā lokā devi tvaṃ viṣṇunā dhṛtā | tvaṃ ca dhāraya māṃ devi pavitraṃ kuru cāsanam" || oṃ krāṃ ādhāraśaktikamalāsanāya namaḥ | anantāya namaḥ | padmāya namaḥ | padmanālāya namaḥ | tatropaviśya tālatrayaṃ dadyāt | "apasarpantu te bhūtāḥ" ityādinā tālatrayaṃ dattvā nārācamudrāṃ pradarśayet | ityāsanaśuddhiṃ vidhāya
bhūtaśuddhiṃ kuryāt | ūm̐hūṃ ākuñcena khupuṣpāvarmanā pradīpakalikākārāṃ
brahmapathāntarnītvā svajīvaṃ tatra sadāśive līnaṃ dhyātvā, ādau yamiti
vāyubījena ṣoḍaśadhā japena pāpapuruṣaṃ vāmakukṣisthaṃ śoṣayet | ramiti
vahnibījena catuṣṣaṣṭivārajapena dāhayet | vamiti varuṇabījena dvātriṃśadvārajapena plāvayet | lamiti bhūbījena daśadhā japena śarīraṃ piṇḍībhūtaṃ
vibhāvya svajīvaṃ hṛdi saṃsthāpya prāṇānarpayet | iti bhūtaśuddhiḥ || oṃśrāṃhrīṃkrauṃ yaṃraṃlaṃvaṃ śaṃṣaṃsaṃhaṃ sohaṃ haṃsaḥ mama prāṇā iha prāṇāḥ, evaṃ mama jīva iha
sthitaḥ, evaṃ mama sarvendriyāṇi, mama vāṅmanaścakṣuḥśrotrajihvāghrāṇaprāṇā ihaivāgatya sukhaṃ ciraṃ tiṣṭhantu svāhā | iti prāṇān samarpya, mātṛkānyāsaṃ
vidhāya pūrvavat karāṅganyāsau kṛtvā, tatra citāyā īśāne caturaśrāṃ vedīṃ
vidhāya, tatra śrīcakraṃ vibhāvya yathoktavidhinābhyarcya, tatra navagrahān
saṃpūjya, pūrve vaṭukaṃ saṃpūjya bhūtabhairavān saṃpūjayet | oṃhrīṃ mahogrāya
namaḥ | oṃhrīṃ madālasāyai namaḥ pūrve | oṃśrīṃ citrāṅgadāya namaḥ
oṃśrīṃ citriṇayai namaḥ uttare | oṃhrīṃ carāṅgāya namaḥ | oṃhrīṃ carāṅkhyai
namaḥ īśāne | oṃhrīṃ bhāsvate namaḥ | oṃhrīṃ prabhāyai namaḥ vāyave | oṃlāṃ
lolāṅgāya namaḥ | oṃlāṃ lolāyai namaḥ āgneye | oṃbhaiṃ bhūteśāya
namaḥ | oṃbhaiṃ bhūtadhātryai namaḥ dakṣiṇe | oṃkrīṃ karālāya namaḥ | oṃkrīṃ
karālinyai namaḥ nairṛte | oṃhrīśrīṃ bhīmāya namaḥ | oṃhrīśrīṃ bhīmarūpāyai namaḥ paścime | iti yathāvārakrameṇa gandhādyatapuṣpairabhyarcya,
tatra citāgre śrīcakraṃ navayonicakraṃ vā vibhāvya yogapīṭhapūjāṃ kṛtvā
pātrāṇi saṃsthāpya pātrapūjāṃ kṛtvā, tatra devatāvaraṇapūrvaṃ sāśivāṃ devīṃ
saṃpūjya yathāśaktyā japtvā japaṃ devyai samarpya, tataḥ kavaca-sahasranāmastavapāṭhādi vidhāya tadapi samarpya citārgnau daśāṃśaṃ homaṃ kuryāt
tatra vaṭukādīn saṃtarpya ( bhūtabhairavānapi santarpya, navakanyāḥ santarpya)
parasparaṃ navapātrāvidhi pānaṃ kuryāt || śrīdevyuvāca
devadeva mahādeva śaraṇāgatavatsala
surāpānavidhiṃ brūhi yena siddhirbhaved dhruvam
16.18
śrībhairava uvāca
śṛṇu devi pravakṣyāmi pānapūjāvidhiṃ param
sādhakā yena jāyante kalau bhairavasannibhāḥ
16.16-2
śmaśāneṣu caret pānaṃ niśīthe vā maheśvari
vinā pānaṃ na siddhiḥ syāt sādhakānāṃ kalau dhruvam
16.20
surā saṃviddāruṇīti tridhā pānaṃ sadottamam
teṣu brahmādayo devā nilīnā muktaye param
16.21
āsavo madhuraṃ madyaṃ śīdhu ceti trayaṃ param
tatra sarve sthitā devā vāsavādyā aharniśam
16.22
saṃpūjya saśivāṃ devīṃ pravṛtte bhairavārcane
tatra pānaṃ parādevyā mahānandapradāyakam
16.23
vinā pānaṃ na siddhiḥ syād vinā śaktisamarcanam
na sidhyati śive matraḥ śmaśānārcā vinā tathā
16.24
tasmāt śmaśānaṃ saṃpūjya śaktimabhyarcya sādhakaḥ
pānaṃ bhajet parādevyāḥ śrīcakrāgre yathāvidhi
16.25
saṃvitpānaṃ caredrātrau divāpānaṃ ca śīdhunā
ahorātre surāpānaṃ bhogadaṃ mokṣadaṃ śive
16.26
saṃvidāsavayormadhye saṃvideva garīyasī
sa vaiṣṇavaḥ sa śāktaśca sa śaivo yaḥ śmaśānagaḥ
16.27
śmaśānabhajanādvīro bhaved bhairavasannibhaḥ
pānaṃ tāvadbhajed devi yāvat saṃvinmanomayī
16.28
yadi tatra vikāraḥ syāt pānaṃ tad brahmaghātavat
yāvanna calate dṛṣṭiryāvacca calate manaḥ
16.26-2
tāvat pānaṃ prakartavyaṃ paśupānamataḥ param
vinā pūjāṃ caredyastu pānaṃ vā carvaṇādikam
16.30
makārān paśca deveśi kulaṭāṃ vā parastriyam
sa rogī nindito loke parapiṇḍopajīvakaḥ
16.31
brahmaghātavadīśāni śīghraṃ mṛtyumukhaṃ vrajet
ātmocchiṣṭaṃ na dātavyaṃ parocchiṣṭaṃ na bhakṣayet
16.32
yadyucchiṣṭaṃ vīracakre kauliko bhakṣayecchive
siddhihānirbhavet sadyo yoginyo bhakṣayanti tam
16.33
pūjākāle niśīthe ca dhyātvā devīṃ śivāṅkagām
abhyarcya vidhinā pānaṃ kṛtvā carvaṇapūrvakam
16.34
makāraiḥ pañcabhirdevi tarpayitvā parastriyam
pānaṃ pānaṃ śive pānaṃ saptavāraṃ samucaret
16.35
tena devī śivāṅgopaviṣṭā prādurbhaviṣyati
ityeṣā paddhatirguhyā śmaśānārcanasaṃyutā
16.3-2
gadyapadyamayī divyā tattvasarvasvasaṃyutā
tava snehena vikhyātā na prakāśyā kadācana
iti guhyatamaṃ devi rahasyaṃ devadurlabham
aprakāśyamadātavyaṃ gopanīyaṃ svayonivat
16.1-2
atha
saptadaśaḥ paṭalaḥ
śrīdevyuvāca
bhagavan sarvatatvajña sarvalokanamaskṛta
śrīdevyā yatrarājasya mālākaṅkaṇayorapi
16.2-2
śodhanaṃ śrotumicchāmi tvayaiva prāṅniveditam
yena śuddhirbhaved deva dravyāṇāṃ sādhakasya hi
16.3-3
śrībhairava uvāca
adhunā devi vakṣyāmi śodhanaṃ sarvakāmadam
sarvasādhāraṇaṃ loke paṭalaṃ guhyamuttamam
16.4-2
sudine devi gatvādau śmaśānaṃ sādhakottamaḥ
kapālaṃ naradantānāṃ mālā kaṅkaṇamīśvari
16.5-2
aṣṭottaraśataṃ japtvā mūlaṃ yantre nidhāpayet
punaraṣṭottaraśataṃ japtvā tenaiva tarpayet
16.6-2
devān pitṝn ṛṣīn devi māyā-mā-kāmabījakaiḥ
śmaśānabhasmaliptena śuddhena suravandite
16.7-2
tato yantraṃ likhed devi kapāle sādhakottamaḥ
mālāṃ kuryānnṛdantānāṃ sakalābhīṣṭasiddhaye
16.8-2
vāmācāraparaḥ śrīmān yo na kuryānmaheśvari
yantraṃ mālāṃ śive tasya mantrahānirbhaved dhruvam
16.6-3
kapālaṃ mṛtakasyāśu gṛhītvā sphaṭikaprabham
śamaśānabhasma śuddhaṃ ca kṛtvā sādhakasattamaḥ
16.10-2
khamatraṃ sādhayed dhīmānanyathā siddhihāniḥ
kapālayantraṃ deveśi keśakaṅkaṇamuttamam
16.11-2
nṛdantamālāṃ dravyaṃ ca muṇḍapātraṃ maheśvari
gopayet sādhako'tyantaṃ devīrūpaṃ vicintayet
16.12-2
ya evaṃ sādhakaḥ kuryāt tasya siddhiradūrataḥ
anyathā siddhihāniḥ syānmamāpi parameśvari
16.13-2
itīdaṃ paṭalaṃ divyaṃ guhyaṃ sarvasvamuttamam
aprakāśyamadātavyaṃ gopanīyaṃ viśeṣataḥ
16.13-2.p1
iti śrīrudrayāmale tantre śrīdevīrahasye dravyādiśodhananirūpaṇaṃ saptadaśaḥ paṭalaḥ || 17
Linked texts (4)
- Devīrahasya — Sanskrit
- Pūrvārddhadevirahasya — Sanskrit
- Devīrahasyatantra — Sanskrit
- Devīrahasyapurāṇa — Sanskrit