Pramāṇa · Search · About · API

Devirahasya 17

Devīrahasya 17

Language
Sanskrit

17.1

atha
aṣṭādaśaḥ paṭalaḥ
śrīdevyuvāca
bhagavan devadeveśa mālāyantrārcanaṃ param
śodhanaṃ śrotumicchāmi vistarāt paramārthadam

17.2

śrībhairava uvāca
adhunā devi vakṣyāmi paddhatiṃ gadyarūpiṇīm
śodhanasya hi dravyāṇāṃ mālādīnāṃ maheśvari

17.3

tatrādau sādhako rātriśeṣa utthāya baddhapadmāsanaḥ svaśiraḥsthasahasrārādhomukhakamalakarṇikāntargataṃ nijaguruṃ dhyātvā, devīṃ ca hṛdviṣaye
dhyātvā, mānasairupacārairabhyarcyāṃjapājapaṃ gurave devyai ca samarghya praṇamet | tato bahirāgatya nadyādau gatvā snānasandhyādi vidhāya, yāgagehametya nityakarma samāpya yantraśodhanādyārabhet | tatreśānadigviṣaye
catuṣkoṇāṃ hastaikavistṛtāṃ viśvak samyakkyā vedīṃ vidhāya vilipya
sindūreṇa svadevatāyantraṃ vibhāvya, yathoktyā pūjayā saṃpūjya dravyādīnyānāpya yantrādīn śodhayet
śrīkeśaiśca cared devi kaṅkaṇaṃ sādhakottamaḥ
kaṅkaṇaṃ dantamālāṃ ca yantraṃ kāpālikaṃ śive

17.4

dravyaṃ madhu tathā matsyaṃ māṃsaṃ mudrāṃ ca maithunam
makārapañcasaṃyuktaṃ pūjayed bhairaveśvarīm

17.5

tatraivānīyāsanādiśuddhiṃ kṛtvā, svamūlasya saṅkalpapūrvamṛṣyādinyāsaṃ
kuryāt | tato mūlenācamya prāṇāyāmatrayaṃ kṛtvā bhūtaśuddhyādiprāṇān
saṃsthāpya pañcagavyenauṣadhasaptakena śodhanaṃ kuryāt
stanyaṃ śukraṃ cāraṇālaṃ takraṃ raktaṃ svayonijam
pañcagavyamiti prājyaṃ kuryāt sādhakasattamaḥ

17.6

kāśmīra-gorocana-pūgakādi
kuraṅganābhījamathāpi mūrvā
pūtāsametaṃ malayodbhavaṃ ca
sadyantraśuddhau mahadauṣadhāni

17.7

ebhiḥ samyakkyā yantraṃ mālāṃ kaṅkaṇaṃ saṃlipya mūlavidyayā pṛthak
pṛthak śodhanaṃ kuryāt | "ūm̐hīm̐śrīṃklīṃ devi yantreśvari klīṃśrīṃhrīm̐ūm̐
yantraṃ śodhaya 2 hnaḥśraḥkraḥ ṭhaḥṭhaḥṭhaḥ svāhā |"
imāṃ mantrātmikāṃ vidyāmaṣṭottaraśataṃ japet
yantre devīṃ samāvāhya pūjayet sādhakottamaḥ

17.8

tatrādau yantraṃ mūlavidyayā pañcagavyauṣadhaiḥ saṃśodhya, sindūrayantre
bindūpari saṃsthāpya pūrvavat svoktakrameṇa pūjayet| tato mālāmauṣadhādinā mūlavidyayā śodhayet| "oṃoṃhāṃhīśrīṃthāṃ krīṃkrāṃ mālārūpiṇi sarvalokavaśaṃkari huṃ nṛdantamālāṃ śodhaya 2 phaṭ ṭhaḥ ṭhaḥ ṭhaḥ svāhā"| ityevamaṣṭottaraśataṃ japtvā mūlavidyayā pañcagavyena śodhayet| tataḥ kaṅkaṇaṃ śatavālānāṃ śrīkeśasya kṛtvā mūlavidyayā śodhayet| "oṃhrīṃkrīṃhūṃhrīṃkrīṃ keśini nirākeśini kaṅkaṇaṃ śodhaya 2 hūṃkrāṃ phaṭ ṭhaḥ ṭhaḥ ṭhaḥ svāhā"| iti mūlavidyāmaṣṭottaraśataṃ japtvā pañcagavyauṣadhajalena saṃśodhya, vāmahastadakṣahastayornibadhya svamūlaṃ nṛdantamālayā yathāśaktyā japet| tataḥ kavacastotrasahasranāmādipāṭhaṃ vidhāya, mūlena naivedyaṃ nivedya tadagre cakrapūjāṃ kuryāt| sādhakairekādaśakrameṇa vṛttākṛtyā yāgamaṇḍape upaviśya, madhye trikoṇaṃ sabinduṃ ṣaḍaśrakaṃ vṛttamaṣṭadalaṃ vṛttatrayaṃ bhūgṛhaṃ vilikhya raktapuṣpaiḥ pūjayet—
bāhye—gaṃ gaṇeśāya namaḥ, dhaṃ dharmarājāya namaḥ, vaṃ varuṇāya namaḥ, krīṃ kuberāya namaḥ, iti saṃpūjya| aṣṭadaleṣu hrīṃśrīṃ karālāya namaḥ, hrīṃśrīṃ vikarālāya namaḥ, hrīṃśrīṃ saṃhārāya namaḥ, hrīṃśrīṃ rurubhairavāya namaḥ, hrīṃśrīṃ mahākālāya namaḥ, hrīṃśrīṃ kālāgnaye namaḥ, hrīṃśrīṃ susabhairavāya namaḥ, hrīṃśrīṃ unmattabhairavāya namaḥ, ityabhyarcya| ṣaḍaśre—oṃhrīṃśrīṃ jayāyai namaḥ, 3 vijayāyai0, 3 kāntyai namaḥ, 3 ratyai namaḥ, 3 prītyai namaḥ, 3 manonmanāyai namaḥ, iti puṣpairabhyarcya| tattrikoṇe—gāṃ gaṅgāyai namaḥ, yāṃ yamunāyai namaḥ, saṃ sarasvatyai namaḥ ityabhyarcya, bindau mūlaṃ0 mahāmāyāyai namaḥ, evaṃ saṃpūjya, tatra śrīdevīṃ jyotīrūpāṃ goghṛtena vibhāvya yantravattāṃ ca pūjayet| tatra bhairavaṃ bhairavīṃ ca pūjayet| tatra vaṭukaṃ saśaktikaṃ ca pūjayet| "pravṛtte bhairave tantre sarve varṇā dvijātayaḥ| nivṛtte bhairave tantre sarve varṇāḥ pṛthak pṛthak"|| tatraiva nava kanyāḥ abhyarcya,
vāme rāmā ramaṇakuśalā dakṣiṇe cālipātra—
magre mudrāśravaṇakavaṭakau svakarasyoṣṇaśuddhiḥ
tantrī vīṇā sarasamadhurā sadguruḥ satkathāśce
vāmācāraḥ paramagahano yogināmapyagamyaḥ

17.6-2

pītvā pītvā punaḥ pītvā yāvat saṃvinmanomayī
yadi tatra vikāraḥ syāt pānaṃ tad brahmaghātavat

17.10

madhupānaparo mantrī śaktiṃ santoṣayedrate
retasā tarpayed devīṃ śaktiṃ pānena tarpayet

17.11

śaktyucchiṣṭaṃ pibenmadyaṃ vīrocchiṣṭaṃ tu carvaṇam
makārapañcasaṃyuktaṃ kuryācchrīcakramaṇḍalam

17.12

sādhakān sādhako bhaktyā santarpya pānabhojanaiḥ
santarpya devatāmiṣṭāṃ miṣṭānnaiścarvaṇaiḥ śive

17.13

svaguruṃ pūjayed bhaktyā tarpayecchaktitaḥ param
santoṣayitvā svaguruṃ dakṣiṇābhiśca vandanaiḥ

17.14

tadājñāṃ śirasādāya nityakarmaṇi siddhidām
tatraivaṃ cakre sādhakānabhyarcyānandabhairavaṃ svātmānaṃ dhyātvā parānandamayo bhūtvā, saṃhāramudrayā devīṃ saśivāṃ visṛjya daṇḍavat praṇamet
ityevaṃ paddhatiṃ guhyāṃ gadyapadyaikarūpiṇīm
sakalāgamasārāḍhyāṃ gopayet sādhakottamaḥ

Linked texts (4)