Pramāṇa · Search · About · API

Devirahasya 19

Devīrahasya 19

Language
Sanskrit

19.1

śrībhairava uvāca
adhunā devi vakṣye'haṃ pātravandanamīśvari
tatkālaṃ yaddadānandapātraṃ devaiśca vanditam

19.2

pūjāyāṃ pātramānandabharitaṃ parameśvari
guruṇā dattamabhyarcya praṇamecchirasā tadā

19.3

śrīmadbhairavaśekharapravilasaccandrāmṛtāsrāvitaṃ
cetrādhīśvarayoginīgaṇamahāsiddhaiḥ samārādhitam
ānandāgamakaṃ mahātmakamidaṃ sācāt trikhaṇḍāmṛtaṃ
vande śrīprathamaṃ karāmbujagataṃ pātraṃ viśuddhipradam

19.4

haimaṃ sindhurasāvahaṃ dayitayā dattaṃ ca peyādibhiḥ
kiṃściccaśvalaraktapaṅkajadṛśā sānandamudrīcitam
vāme svāduviśuddhaśuddhikatvalaṃ pātrau vidhāyātmake
vande pātramahaṃ dvitīyamadhunānandaikasaṃvardhanam

19.5

sarvānnāyakalākalāpakalitaṃ kautūhaloddyotitaṃ ³
candropendramahendraśambhuvaruṇabrahmādibhiḥ sevitam
dhyātaṃ devagaṇaiḥ paraṃ munigaṇairmocārthibhiḥ sarvadā
vande pātramahaṃ tṛtīyamadhunā svātmāvabodhadamam

19.6

madyaṃ mīnarasāvahaṃ hariharabrahmādibhiḥ pūritaṃ ⁴
mudrāmaithunadharmakarmanirataṃ cārāmlatikkāśrayam
ācāryāṣṭakasiddhabhairavakalānyāsena saṃśodhitaṃ
pāyāt paścamakāratattvanilayaṃ pātraṃ caturthaṃ numaḥ

19.7

ādhāre bhujagādhirājavalaye pātraṃ mahīmaṇḍalaṃ
madhyaṃ saptasamudravāri piśitaṃ cāṣṭau ca digdantinaḥ
so'haṃ bhairavamarcayan pratidinaṃ tārāgaṇairarcitaiḥ
ādityapramukhaiḥ surāsuragaṇairājñākaraiḥ kiṃkaraiḥ

19.8

sacchatrāmalabhadrapīṭhaparamānandodayādāyakaṃ
ramyaṃ rājyakaraṃ sadā sukhakaraṃ sāyujyasāmrājyadam
nānāvyādhibhavāndhakāraharaṇaṃ janmāntaradhvaṃsanaṃ
śrīmadbhairavabhairavīpriyataraṃ pātraṃ ca ṣaṣṭhaṃ numaḥ

19.9

jāgratsvamasuṣuptituryaparataścaitanyasākṣyapradaṃ
vidyudbhāskaravahnicandradhanuṣāṃ jyotiṣkalāvyāpitam
ye'rdhāpiṅgalamadhyagā trivalayā taisyāḥ prabodhoddhuraṃ
pātraṃ saptamamūṣaṇena taruṇānandapradaṃ pātu mām

19.10

khaḍgaṃ pātraṃkamaścalaṃ ca guṭikāṃ kaṇṭhe hi sārasvataṃ
śatrorvāgbalaśauryakāryaharaṇaṃ dehasthiteḥ kāraṇam
vāñchāsiddhikaraṃ manaḥsthitikaraṃ vaśyaṃ jagadyoṣitāṃ
pātraṃ cāṣṭamamaṣṭasiddhikaraṇaṃ prauḍhaprasannaṃ bhaje

19.11

sarvānandakaraṃ sadāśivapadaṃ sarvārthasaṃpatpradaṃ
sāmrājyārthakaraṃ samastasukhadaṃ cājñānavidhvaṃsanam
āyuḥkāntiyaśovivardhanakaraṃ saṃsāramohacchidaṃ
pātraṃ lakṣaguṇātmakaṃ ca navamaṃ prauḍhapratāpaṃ bhaje

19.12

brahmaviṣṇumaheśānāṃ devānāṃ ca viśeṣataḥ
durlabhaṃ pāvanaṃ pātraṃ daśamaṃ praṇamāmyaham

19.13

pāpaghnaṃ śāntiśubhadaṃ divyaṃ svādu sukhālayam
pātramekādaśaṃ vande gurusevāsukhāgatam

19.14

pātraṃ kṛtvā kare mantrī sarvakarma labhet sukhī
iha loke śriyaṃ bhuktvā dehānte bhairavo bhavet

19.15

dehasthākhiladevatā gajamukhāḥ kṣetrādhipā bhairavāḥ
yoginyo vaṭukāśca yakṣapitaraḥ paiśācikāśceṭakāḥ
anye bhūcarakhecarāḥ pratipagā vetāla bhūtagrahāstṛptāḥ syuḥ kulaputrakasya pibataḥ pānaṃ sadīpaṃ cairum

19.16

(kare mālā mukhe hālā vāme rāmā sukomalā
hṛdaye tripurā bālā yāgaśālā gṛhe gṛhe

19.17

pātraṃ bhairavapātraṃ gotraṃ śrīnāthapādukāgotram
śāstraṃ saṃvicchāstraṃ jñānaṃ tattvāvabodhakaṃ jñānam

19.18

)
vāme rāmā ramaṇakuśalā dakṣiṇe cālipātramagre mudrāścaṇakavaṭakau mukarasyoṣṇaśuddhiḥ
skandhe vīṇā sarasamadhurā sadguroḥ satkathā ca
kaulo mārgaḥ paramagahano yogināmapyagamyaḥ

19.19

ālipiśitapurandhrī-bhogapūjāparo'haṃ
bahuvidhakulamārgārambhasaṃbhāvito'ham
paśujanavimukho'haṃ bhairavīmāśrito'haṃ
gurucaraṇarato'haṃ bhairavo'haṃ śivo'ham

19.20

kare pātraṃ mukhe stotramānando hṛdayāntare
bhaktyā gurupadāmbhoje śaraṇaṃ kimataḥ param

19.21

ekena śuṣkavaṭakena ghaṭaṃ pibāmi
vāpīṃ pibāmi sahasā lavaṇārdrakeṇa
āsvādya māṃsamalirohitamuṇḍakhaṇḍaṃ
gaṅgāṃ pibāmi yamunāṃ saha sāgareṇa

19.22

vāme candramukhī mukhe ca madirā pātraṃ karāmbhoruhe
mūrdhni śrīgurucintanaṃ bhagavatīdhyānāspadaṃ mānasam
jihvāyāṃ japasādhanaṃ pariṇatiḥ kaulakramābhyāsane
ye santo niyataṃ pibanti surasaṃ te muktimuktī gatāḥ

19.23

pītvā pītvā punaḥ pītvā yāvat patati bhūtale
punarutthāya vai pītvā punarjanma na vidyate

19.24

dharmādharmahavirdīpte svātmāgnau manasā srucā
suṣumnāvartmanā nityamacavṛttīrjuhomyaham

19.25

prakāśākāśahastābhyāmavalambyonmanīsrucam
dharmādharmakalāplehapūrṇāṃ vahnau juhomyaham

19.26

yāvanna calate dṛṣṭiryāvanna calate manaḥ
tāvat pānaṃ prakartavyaṃ paśupānamataḥ param

Linked texts (6)