Pramāṇa · Search · About · API

Devirahasya 2

Devīrahasya 2

Language
Sanskrit

Contents

2.1

śrībhairava uvāca
adhunā kathayiṣyāmi mantrān sāṅgān maheśvari
devīnāṃ vaiṣṇavāñchāktāñchaivāṃstvaṃ śṛṇu pārvati

2.2

tripurā tryaccarī bālā tathā tripurabhairavī
kālikā bhadrakālī ca mātaṅgī bhuvaneśvarī

2.3

ugratārā chinnaśīrṣā sumukhī ca sarasvatī
annapūrṇā mahālakṣmīḥ śārikā śāradā tataḥ

2.4

indrācī bagalā turyā rājñī jvālāmukhī tathā
bhīḍā ca kālarātriśca bhavānī vajrayoginī

2.5

vārāhī siddhalakṣmīśca kulavāgīśvarī tataḥ
(padmāvatī kubjikā ca gaurī śrīkhecarī tataḥ

2.6

)
nīlasarasvatī devi parāśaktiḥ tataḥ smṛtā
etāsāṃ devi sāṅgānāṃ śaktīnāṃ vacmyahaṃ manūn

2.7

śaivān mantrāṃstato vakṣye yathāvacchṛṇu pārvati
mṛtyuñjayo'mṛteśāno vaṭuko'pi maheśvaraḥ

2.8

śivaḥ sadāśivo rudro mahādevaḥ karālakaḥ
vikarālo nīlakaṇṭhaḥ śarvaḥ paśupatirmṛḍaḥ

2.9

pinākī giriśo bhīmo gaṇeśaḥ pramathādhipaḥ
kumāraḥ krodhanaśyeśaḥ kapālī krūrabhairavaḥ

2.10

saṃhāra īśvaro bhargo ruruḥ kālāgnirudrayaḥ
aghoraśca mahākālaḥ kāmeśvara iti smṛtaḥ

2.11

vaiṣṇavānśrṛṇu deveśi mantrāṃstantreṣu gopitān
yena śravaṇamātreṇa mantrī viṣṇupadaṃ vrajet

2.12

lakṣmīnārāyaṇo rādhākṛṣṇo viṣṇurnṛsiṃhakaḥ
varāho jāmadagnyaśca sītārāmo janārdanaḥ

2.13

viśvakseno vāsudeva ityevaṃ daśa vaiṣṇavāḥ
mantrā atyuttamā devi japyāḥ sādhakasattamaiḥ

2.14

eteṣāṃ śāktaśaivānāṃ vaiṣṇavānāṃ maheśvari
uddhārān vacmi mantrāṇāṃ śrutvā gopaya yatnataḥ

2.15

vāgbhavaṃ kāmarājaśca śaktirmadhye'bhidhaṃ nyaset
namo'nte devi bālāyā mantro'yaṃ cāṣṭavarṇakaḥ

2.16

(2) vedhobījamadho'dhyarṇamadho jiṣṇustamaḥ parā
chaviḥ śaktiḥ śiraḥ kāntistamo māyā śarat śiraḥ

2.17

tamo māyāścale devyā mantraḥ pañcadaśākṣaraḥ
(3) lakṣmīḥ parā madanavāgbhavaśaktiyuktā
tāraṃ ca bhūtikamale kathitāpi vidyā
śaktyādikaṃ tu viparītatayā ca proktaḥ
śrīṣoḍaśākṣaravidhiḥ śivamastu pūrṇaḥ

2.18

devi vakṣyāmyahaṃ guhyaṃ tripurāyā rahasyakam
nityāyāḥ śaktayaḥ pūjyā vāgbhavīkāmaśaktayaḥ

2.19

tāramāyāramābījairnāma madhye'śvale'śmarī
mantro'yaṃ sarvaśaktīnāṃ sarvasādhāraṇo mataḥ

2.20

tripurāpūjane devi pṛthag jāpye pṛthagmanuḥ
(4) kālītrayaṃ kūrcayugmaṃ lajjāyugmaṃ samuccaret

2.21

dakṣiṇe kālike ceti punarbījāni pūrvavat
ṭhadvayaṃ syānmanorante mantro'yaṃ bhuvaneśvaraḥ

2.22

dvāviṃśatyakṣarī vidyā vidyārājñī prakīrtitā
kālyādyāḥ śaktayaḥ pūjyāḥ kālībījena kevalam
anyathā siddhihāniḥ syāt kālikāpūjane param

2.23

(5) kālītrayaṃ kūrcayugmaṃ lajjāyugmaṃ ca bhadrikām
bhadrakālipadaṃ brūyād bījāni pratilomataḥ

2.24

ṭhadvayena samāyukto bhadrakālī-mahāmanuḥ
kālīkūrcaparābījaiḥ parivārādiśaktayaḥ
pūjanīyā mahādevi bhadrakālīsamarcane

2.25

(6) tāraṃ parāṃ samuddhṛtya rājamātaṅginīti ca
mama sarvārthasiddhiṃ ca dehi-yugmaṃ samuddharet

2.27

turagaṃ ṭhadvayaṃ cānte mantro'yaṃ rājavallabhaḥ
tāreṇa pūjyā deveśi śakrayaḥ parivāragāḥ
(7) māyābījaṃ nāma madhye namo mantrāścale vadet
ekākṣarīyaṃ viditā bhuvane bhuvaneśvarī

2.28

(8) tāraṃ parāṃ vadhūṃ kūrcaṃ turagaṃ sakalāścale

2.26

sārdhapaścācarī tārā bhavasāgaratāriṇī
tārakāntātaṭaiḥ pūjyāḥ śakrayaścakramadhyagāḥ

2.30

(9) lakṣmīṃ lajjāṃ tathā māyāṃ mātrāṃ dvādaśikīmatha
vajravairocanīye dve māye phaṭsvāhayā yute

2.31

(10) vāgbhavaṃ kāmarājaṃ ca tathocchiṣṭa-padaṃ vadet

2.32

caeḍālinīti proccārya sumukhīdevi coddharet
mahāpiśācini ceti māyārṇaṃ paḍkjatrayam

2.33

vaddhijāyāścalo mantro gopanīyo maheśvari
vākkāmabījaiḥ saṃpūjyāḥ śakrayo'nyāḥ parasparam

2.34

(11) tāraṃ māyā ca vāgbījaṃ parā tāraṃ maheśvari
sarasvatyai jaganmantraḥ prasiddho'yaṃ śivācāraḥ

2.35

tāramāyābījaiḥ pūjyā devyo devīsamīpagāḥ
(12) tāraṃ parāpi kamalā kāmaṃ viśvaṃ tato vadet

2.36

bhagavati māheśvari cāmrapūrṇe ca ṭhadvayam
ādibījadvayenaiva pūjyā devyāḥ samīpagāḥ

2.37

[ (13)tāraṃ parāṃ ramāṃ kāmaṃ vāgbhavaṃ śaktibījakam
mahālakṣmi prasīdeti yugmaṃ mā paṅkajatrayam

2.38

svāhānto'yaṃ mahāmantro mahālakṣmīpadapradaḥ
ādibījatrayeṇaiva pūjyāḥ paramaśaktayaḥ

2.39

]
(14) tāraṃ māyāṃ śriyaṃ kūrcaṃ sindhuraṃ śarma proddharet
nāmāśmarīṃ manorante mantro'yaṃ bhuvi durlabhaḥ

2.40

māyayā pūjayed devīḥ parivāragatāḥ śive
(15) tāraṃ māyā smaraḥ śaktiraśmarī nāma saṃvadet

2.41

bhagavatyai śāradāyai manorante parā vanam
tārakābhaiḥ śive pūjyāḥ śaktayaḥ paramārthadāḥ

2.41-2

(16) praṇavaṃ kamalāṃ māyāṃ vāgbhavaṃ śaktimanmathau
indrādi vajrahaste ca haramante'gnivallabhā

2.43

ādibījatrayeṇaitāḥ pūjyāḥ śrīcakradevatāḥ
(17) tāraṃ mṛtsnāṃ ca deveśi bagalāmukhi sarvaṃ ceṃ

2.44

duṣṭānāṃ vācaṃ mukhakaṃ padaṃ stambhaya-yugmakam
jihvāṃ kīlaya-yugmaṃ ca mṛttāraṃ ṭhadvayaṃ manuḥ

2.45

bījadvayena saṃpūjyāḥ parivāragatāḥ parāḥ
(18) praṇavastārakā jyotistārā madhye'bhidhaṃ nyaset

2.46

ante'śmarī mahādevi mantro'yaṃ śatrusūdanaḥ
praṇavenārcayed devi parivārān yathākramam

2.47

(19) tāraṃ parā ramā vahniḥ kāmaḥ śaktiḥ ṣaḍakṣaraḥ
bhagavatyai ca rājyai ca māyā ṭhadvayamañcale

2.48

tārāgnibhyāṃ śive devīparivārān samarcayet
(20) tāraṃ lajjāṃ śriyaṃ caiva jvālāmukhi mameti ca

2.49

sarvaśatrūn bhakṣaya dvirante kūrcaṃ haraṃ payaḥ
tāreṇa pūjayed devi parivāragatāḥ parāḥ

2.50

(21) tāraṃ parā ramā vedī candramanmathaśaktayaḥ
bhīḍābhagavatītyevaṃ haṃsarūpiṇi ṭhadvayam

2.51

parārāmamaudeveśi parivārān prapūjayet
(22) praṇavaṃ vāsanā māyā manmathaḥ kamalā tataḥ

2.52

madhye nāmāścale sarvaṃ vaśyaṃ kurudvayaṃ vadet
vīryaṃ dehi punarnāma gaṇeśvaryāśmarī smṛtā

2.53

tāracandreṇa saṃpūjyaṃ parivārāṃstato yajet
(23) tāraṃ ramā ramā tāraṃ tāraṃ māyā ramā ramā

2.54

hūṃphaḍantaḥ samākhyāto mantraḥ sarvārthasādhakaḥ
māvījaiḥ pūjayed devi parivāragatāḥ parāḥ

2.55

(24) parārṇaṃ vajrayoginyai ṭhadvayaṃ praṇavāditaḥ
mantro'yaṃ sarvasiddhīśaḥ sādhakānāṃ jayapradaḥ

2.56

māyābījena devāśi parivārān samarcayet
(25) candravāhlīkamohāryacandrā madhye'bhidhaṃ nyaset

2.57

candro maṭhaṃ padmayugmaṃ haraṃ nīramayaṃ manuḥ
vāsanāmohabījena pūjayet parivāragān

2.58

(26) tāraṃ ramāyugaṃ māyā haritaṃ candramanmathau
śaktirnāmāśmarīmantraḥ siddhalabdhyā udāhṛtaḥ

2.59

ramayā pūjayedanyāḥ parivāragatāḥ śive
(27) tāraṃ kāmo ḍimbalabdhīḥ kūrcaṃ kāṃtsābhidhaṃ tataḥ

2.60

candraḥ padmaḥ spṛhā padmo veśyā padmo vanaṃ manuḥ
kāmena pūjayed devi parivārān yathākramam

2.61

(28) tāraṃ parā ramā kāmā vīcī padmāvatīti ca
mama varaṃ dehi-yugmaṃ haraṃ nīramayaṃ manuḥ

2.62

parayā pūjayed devīḥ parivāragatāḥ parāḥ
(26) tāraṃ ramā vāgurārṇaṃ nāma madhye tataḥ parā

2.63

padmo vanamayaṃ mantraḥ sarvasiddhiphalapradaḥ
vāgurārṇena deveśi pūjayet parivāragāḥ

2.64

(30) praṇavaṃ kamalā māyā vālhīkaṃ ca śivaṃ tataḥ
gauri śarvo vanaṃ devi mantraḥ sarvārthasiddhidaḥ

2.65

ramayā parivārāśca pūjayet sādhakottamaḥ
(31) bhekī tamaḥ parā śaktiḥ khecaryaiṃ cāśmarī tataḥ

2.66

mantro'yaṃ khecaro nāma khecaratvapradāyakaḥ
parayā pūjayed devīḥ parivāragatāḥ priye

2.67

(32) tāraṃ vyoṣaṃ vāgbhavaṃ ca kūrcaṃ nīlasarasvati
haraṃ nīraṃ manorante mantro'yaṃ vākpradāyakaḥ

2.68

vyoṣeṇa pūjayed devi parivārā yathāvidhi
(33) tāraṃ ramā parā kāmaḥ śaktirbinduṃ tato'bhidham

2.69

vāgbhavaṃ ṭhadvayaṃ devi mantrarājo'yamīritaḥ
mūlena pūjayedanyā devīstatparivāragāḥ

2.70

ityeṣa śāktamantrāḍhyaḥ paṭalo devadurlabhaḥ
adhunā te manūn śaivān vakṣyāmi śṛṇu pārvati

2.71

idaṃ rahasyaṃ paramaṃ tava bhaktyā prakāśitam
guhyātiguhyaguptaṃ ca gopanīyaṃ svayonivat

2.71.p1

iti śrīrudrayāmale tantre śrīdevīrahasye śāktamantroddhāranirūpaṇaṃ dvitīyaḥ paṭalaḥ || 2

Linked texts (5)