Pramāṇa · Search · About · API

Devirahasya 20

Devīrahasya 20

Language
Sanskrit

Contents

20.1

atha
ekaviṃśaḥ paṭalaḥ
śrībhairava uvāca
devi vakṣyāmi pūjānte śāntistotramanuttamam
vīrā yena parānandapadaṃ prāpsyanti niḥspṛhāḥ

20.2

yoginīcakramadhyasthaṃ mātṛmaṇḍalaveṣṭitam
namāmi śirasā nāthaṃ bhairavaṃ bhairavīpriyam

20.3

anādighorasaṃsāra-vyādhidhvaṃsaikahetave
namaḥ śrīnāthavaidyāya kulauṣadhapradāyine

20.4

āpado duritaṃ rogāḥ samayācāralaṅghanāt
te sarve'tra vyapohantu divyacakrasya melanāt

20.5

āyurārogyamaiśvaryaṃ kīrtirlābhaḥ sukhaṃ jayaḥ
kāntirmanorathaścāstu pāntu sarvāśca devatāḥ

20.6

saṃpūjakānāṃ pratipālakānāṃ
yatīndrayogīndratapodhanānām
deśasya rāṣṭrasya kulasya rājñaḥ
karotu śāntiṃ bhagavān kuleśaḥ

20.7

nandantu sādhakakulānvayadarśakā ye
sṛṣṭyādyanākhyacaturuktamahānvayā ye
nandantu sarvakulakaularatāḥ pare ye'pyanye viśeṣapadabhedakaśāmbhavā ye

20.8

nandantu siddhaguravaḥ svagurukramaughā
jyeṣṭhānugāḥ samayino vaṭukāḥ kumāryaḥ
ṣaḍyoginīpravaravīrakulaprasūtā
nandantu bhūmipatigodvijasādhulokāḥ

20.9

nandantu nītinipuṇā niravadyaniṣṭhā
nirmatsarā nirupamā nirupadravāśca
nityā nirantararatā guravo nirīhāḥ
śāktāśca śāntamanaso hataśokaśaṅkāḥ

20.10

nandantu yogāniratāḥ kulayogayuktā
ācāryasāmayikasādhakaṃputrakāśca
gāvo dvijā yuvatayo yatayaḥ kumāryo
dharme bhavantu niratā gurubhaktiyuktāḥ

20.11

nandantu sādhakakulā jhakhimādiniṣṭhāḥ
śāpāḥ patantu dviṣataiḥ kulayoginīnām
sā śāmbhavī sphuratu kāpi mamāpyavasthā
yasyāṃ guroścaraṇapaṅkajameva labhyam

20.12

yāścakrakramabhūmikāvasatayo nāḍīṣu yāḥ saṃsthitā
yāḥ kāyadrumaromakūpanilayā yāḥ saṃsthitā dhātuṣu
ucchvāsormimaruttaraṅganilayā niḥśvāsavāsāśca yāstā devyo ripubhaccaṇodyamaparāstṛpyantu kaulārcitāḥ

20.13

yā divyakramapālikāḥ kṣitigatā yā devatāstoyagā
yā nityaṃ prathitaprabhāḥ śikhigatā yā mātariśvāśrayāḥ
yā vyomāmṛtamaṇḍalāmṛtamayā yāḥ sarvadā sarvagāstāḥ sarvāḥ kulamārgapālanaparāḥ śāntiṃ prayacchantu me

20.14

ūrdhvaṃ brahmāṇḍato vā divi bhuvanatale bhūtale niṣkale vā
pātale vā tale vā pavanasalilayoryatra kutra sthitā vā
cetre pīṭhopapīṭhādiṣu ca kṛtapadā bhūpadīpādimāṃsaiḥ
prītyā devyaḥ sadā vaḥ śubhabalividhinā pāntu vīrendravandyāḥ

20.15

brahmā śrīśeṣadurgāguhavaṭukagaṇā bhairavāḥ kṣetrapālāḥ
vetālādityarudragrahavasumanusiddhāpsaroguhyakādyāḥ
bhūtā gandharvavidyādhararṣipitṛyakṣāsurāhiprabhūtāḥ
yogīśāśvāraṇāḥ kiṃpuruṣamunisurāśvakragāḥ pāntu sarve

20.16

satyaṃ cedguruvākyameva pitaro devāścedyoginīprītiścet paradevatā ca yadi cedvedāḥ pramāṇāṃśca cet
śākteyaṃ yadi darśanaṃ bhavati cedājñeyameṣā(māśā)sti cet
santyatrāpi ca kaulikāśca yadi cet syānme jayaḥ sarvadā

20.17

tṛpyantu mātaraḥ sarvāḥ samudrāḥ sagaṇādhipāḥ
yoginyaḥ kṣetrapālāśca mama dehe vyavasthitāḥ

20.18

śivādyavaniparyantaṃ brahmādistambasaṃyutam
kālāgnyādiśivāntaṃ ca jagadyajñena tṛpyatu

20.19

paṭhiledaṃ named vīrān vīravandanamācaret
staved vīrānnamed vīrān mantrasiddhiḥ prajāyate

20.20

iti śāntistotram || atha vīravandanastotram
jagattrayābhyarcitaśāsanebhyaḥ
parārthasaṃpādanakovidebhyaḥ
samuddhṛtakleśamahoragebhyo
namo namaḥ sādhakanāyakebhyaḥ

20.21

prahīṇasarvāsravāsanebhyaḥ
sarvārthitattvoditasādhanebhyaiḥ
sarvaprajābhyuddharaṇodyatebhyo
namo namaḥ sādhakanāyakebhyaḥ

20.22

nistīrṇasaṃsāramahārṇavebhyastṛṣṇālatonmūlanatatparebhyaḥ
jarārujāmṛtyunivārakebhyo
namo namaḥ sādhakanāyakebhyaḥ

20.23

saddharmaratnākarabhājanebhyo
nirvāṇamārgottamadeśikebhyaḥ
sarvatra saṃpūrṇamanorathebhyo
namo namaḥ sādhakanāyakebhyaḥ

20.24

lokānukampābhyuditādarebhyaḥ
kāruṇyamaitrīparibhāvitebhyaḥ
sarvārthacaryāparipūrakebhyo
namo namaḥ sādhakanāyakebhyaḥ

20.25

vidhvastaniśepakuvāsanebhyo
jñānāgninā dagdhamalendhanebhyaḥ
prajñāpratijñāparipūrakebhyo
namo namaḥ sādhakanāyakebhyaḥ

20.26

sarvārthitāśāparipūrakebhyo
vaineyapadmākarabodhakebhyaḥ
vistīrṇasarvārthaguṇākarebhyo
namo namaḥ sādhakanāyakebhyaḥ

20.27

anantakarmājitaśāsanebhyo
brahmendrarudrādinamaskṛtebhyaḥ
parasparānugrahakārakebhyo
namo namaḥ sādhakanāyakebhyaḥ

20.28

vibhagnabhūtādimahābhayebhyo
mapaścakācāraparāyaṇebhyaḥ
samastasaubhāgyakalākarebhyo
namo namaḥ kāraṇanāyakebhyaḥ

20.29

vibhaktaduṣkarmajavāsanebhyaḥ
samantato juṣṭamahāyaśobhyaḥ
labhyāmalajñānakṛtāspadebhyo
namo namaḥ śāmbhaviśāmbhavebhyaḥ

20.30

sarvāgamāmbhodhimahāhlebhyaḥ
śrīcakrapūjārthaparāyaṇebhyaḥ
śrīvīracaryācaraṇottamebhyo
namo namaḥ śāmbhaviśāmbhavebhyaḥ

20.31

śrīmantrakoṭidyutibhūṣaṇebhyo
drāviṃśadullāsadaśātigebhyaḥ
advaitatattvāmṛtabhājanebhyo
namo namaḥ śāmbhaviśāmbhavebhyaḥ

20.32

ṣaṭtriṃśatālakṣaṇabhūṣitebhyaḥ
protphullapadmākaralocanebhyaḥ
prataptacāmīkaravigrahebhyo
namo namaḥ śāmbhaviśāmbhavebhyaḥ

20.33

sambodhasaṃbhārasusaṃsthitebhyaḥ
saṃsāranirvāṇanidarśanebhyaḥ
mahākṛpāveṣṭitamānasebhyo
namo namaḥ śāmbhaviśāmbhavebhyaḥ

20.34

paraikyavijñānarasākulebhyo
vāmāśritācārabhayānakebhyaḥ
svātantryavidhvastajagattamobhyo
namo namaḥ śāmbhaviśāmbhavebhyaḥ

20.35

śmaśānacaryāsamahāphalebhyo
mohāndhakārāpahṛttattamebhyaḥ
parasparājñāparipālakebhyo
namo namaḥ śāmbhaviśāmbhavebhyaḥ

20.36

vidhūtakeśālikapālakebhyaḥ
surāsavāraktavilocanebhyaḥ
navīnakāntārataratparebhyo
namo namaḥ śāmbhaviśāmbhavebhyaḥ

20.37

vibhūtiliptāṅgadigambarebhyaścitāgnidhūmālibhayānakebhyaḥ
kapālasām̐drāmṛtapānakebhyo
namo namo bhairavibhairavebhyaḥ

20.38

siddhyaṣṭakādhaunamahāmunibhyaḥ
śrībhairavācārakṛtādarebhyaḥ
svādhīnatānyakkṛtanirjarebhyo
namo namo bhairavibhairavebhyaḥ

20.36-2

praśāntaśāstrārthavicārakebhyo
nivṛttanānārasakāvyakebhyaḥ
nirastaniḥśeṣavikalpanebhyo
namo namo bhairavibhairavebhyaḥ

20.40

svātmaikayabhāvāntaritāśayebhyaḥ
sāyujyasāmrājyasukhākarebhyaḥ
śrīsaccidānanditavigrahebhyo
namo namo bhairavibhairavebhyaḥ

20.41

parāprasādāspadamānasebhyo
brahmādvayajñānarasākulebhyaḥ
śivo'hamityāśritacetanebhyo
namo namo bhairavibhairavebhyaḥ

20.42

sarvathā sarvadānandaṃ sarvaṃ ghaṭapaṭādisat
jagajjanitavistāraṃ brahmedamiti vedmyaham

20.43

ahameva paro haṃsaḥ śivaḥ paramakāraṇam
matprāṇe sa tu maccātmā līnaḥ samarasīgataḥ

20.44

saccidānandanilayaṃ parāparamakāraṇam
śivādvayaprakāśāḍhyaṃ śyāmalaṃ dhāma dhīmahi

20.45

anena vīrastavakīrtanena
samuddhṛtakleśasuvāsano'ham
saṃsārakāntāramahārṇave'sminnimajjamānaṃ jagaduddhareyam

20.45.p1

iti śrīrudrayāmale tantre śrīdevīrahasye śāntistotravīravandanā-nirūpaṇamekaviṃśaḥ paṭalaḥ || 21

Linked texts (9)