Pramāṇa · Search · About · API

Devirahasya 21

Devīrahasya 21

Language
Sanskrit

Contents

21.1

atha
dvāviṃśaḥ paṭalaḥ
śrībhairava uvāca
śṛṇu devi pravakṣyāmi surāśuddhividhiṃ param
yaṃ vidhāya kalau mantrī bhavitā muktibhājanam

21.2

yereva pātakī devi sādhako dravyasaṅkaraiḥ
śuddhistaireva pūjāyāṃ bhavedbhogāpavargabhāk

21.3

yadā prabhṛti loke'smin surā khyātimupāgatā
tadā sarve surā devi brahmaviṣṇuharādayaḥ

21.4

tatsaṃsargodbhavānanda-nirbharāntaramānasāḥ
asurā rākṣasā yakṣā gandharvā mānavādayaḥ

21.5

bhajanti ca surāṃ divyāṃ mantrasaṃskāramanvitāṃ
kālena kalaśasthābhūt surādevī sureśvari

21.6

kalinā kālarūpeṇa bādhite jagati priye
śaptā śukreṇa deveśi kacakāraṇahatyayā

21.7

śukraśāpavaśād devā brahmaviṣṇuśivādayaḥ
brahmarṣayaḥ surādevyai daduḥ śāpaṃ yathākramam

21.8

brahmahatyā surāpānaṃ samaṃ jñeyaṃ maheśvari
surā śaptā yadā devaistadā daityā mudaṃ yayuḥ

21.9

surāṃ pītvā tu ditijairdevā balavivarjitāḥ
svargāccirākṛtā devi purandarapuraḥsarāḥ

21.10

tadā jiṣṇuṃ puraskṛtya devā yajñamatanvata
sadāśivādayo devi prādurbhūtā makhottame

21.11

varaṃ vṛṇu yathābhīṣṭaṃ devanāyaka sāṃpratam
taṃ tavāśu prayacchāmo gacchāmo nilayaṃ svakam

21.12

tadā śakro'travīd devi puraskṛtya guraṃ śive
tṛṇāgrabindumātreṇa surāyāḥ prāśitena ca

21.13

yā tṛptirjāyate'smākaṃ na sāmṛtaghaṭīśataiḥ
sā śaktā brahmaṇā devī viṣṇunā śaṅkareṇa ca

21.14

tāṃ vinā nirbalā jātāḥ śatrubhiśca parājitāḥ
tadā sarve surā devaṃ śivamīśvaramavyayam

21.15

tuṣṭuvuḥ parayā bhaktyā praṇipatya punaḥ punaḥ
ekākṣarāya rudrāya akārāyātmarūpiṇe

21.16

ukārāyādidevāya vidyādehāya vai namaḥ
tṛtīyāya makārāya śivāya paramātmane

21.17

sūryāya somavarṇāya yajamānāya vai namaḥ
namaste bhagavan rudra bhāskarāmitatejase

21.18

namo avāya devāya śarvāya ca kapardine
śivāya citirūpāya sadāsurabhyeṃ namaḥ

21.19

īśānāya namastubhyaṃ saṃsparśāya namo namaḥ
paśūnāṃ pataye caiva pāvakāmitatejase

21.20

bhīmāya vyomarūpāya śabdamātrāya vai namaḥ
mahādevāya somāya amṛtāya namo namaḥ

21.21

ugrāya yajamānāya namaste karmayogine
iti stutvā paraṃ devaṃ bhairavaṃ śivamīśvaram

21.22

praṇemuḥ sakalā devā brahmaviṣṇuharādayaḥ
tadā vāgudabhūd vyomnaḥ paścavyomaśarīriṇām

21.23

sureyaṃ sarvadā sevyā sakalaistu mumuccubhiḥ
yuktyānayā prasaṅgena yathāvadanupūrvaśaḥ

21.24

caturdhā vedarūpo'hamṛgyajuḥsāmarūpavān
atharvāhaṃ ca mantrātmā paramātmā śivo'vyayaḥ

21.25

vedānāloḍya vedārthaṃ mantrarūpaṃ vidhāya ca
kurukullāṃ mahāvidyāṃ sadāśiva prakāśaya

21.26

āgamaṃ nāma śāstraṃ tu catuṣṣaṣṭyātmakaṃ param
tasmin surādiśuddhiṃ tu prakāśaya manūttamaiḥ

21.27

iti vāṇī śivodbhūtā virarāma yadā parā
sadāśivaṃ maheśānaṃ tuṣṭuvuḥ praṇatāḥ surāḥ

21.28

oṃkārasvarūpiṇe deva namaste viśvarūpiṇe
namo devādidevāya mahādevāya vai namaḥ

21.29

ardhanārīśarīrāya sāṃkhyayogapravartite
vedaśāstrārthagamyāya śāśvatāya namo namaḥ

21.30

dīnārtatrāṇakartre ca namaste divyacakṣuṣe
namaḥ sahasraśīrṣāya namaḥ sāhasrikāṅghraye

21.31

namo mantrāya cidvyomavāsine paramātmane
iti stutvā mahādevo mahātmā śrīsadāśivaḥ

21.32

provācāgamaśāstraṃ tu mokṣamārgaṃ mahātmanām
devadevīti yā devī yā bhavānīti viśrutā

21.33

sadāśivaṃ praṇamyāśu provāca ślakṣṇayā girā
vada devāgamaṃ śāstraṃ rahasyaṃ paramādbhutam

21.34

yasyoccāraṇamātreṇa śāpahīnā bhavet surā
śrīśiva uvāca
śṛṇu devi pravakṣyāmi surāśuddhiṃ yathākramam
makārāṇāṃ ca sarveṣāṃ śodhanaṃ siddhivardhanam

21.35

vedo niṣkalaśabdo vai vedārtho'styāgamaḥ śive
vedārthāgamatattvajñaiḥ surā sevyā mumukṣubhiḥ

21.36

na vedāgamayorbhedaḥ sarveṣeti viniścayaḥ
śāstrāṇāṃ parameśāni bhrāntiḥ kāryā na kaulikaiḥ

21.37

adhunā śṛṇu deveśi surāśodhanamuttamam
yena śodhanamātreṇa sarvasiddhiḥ prajāyate

21.38

maṇḍalaṃ vāmataḥ kṛtvā jalena rajasāpi vā
kuṅkumenāṣṭagandhena sarvathā vīrabhasanā

21.39

trikoṇaṃ bindusaṃyuktaṃ vṛttaṃ ca caturaśrakam
sāmānyārghodakenāśu saṃprokṣya kulasundari

21.40

tatrādhāraṃ ca saṃsthāpya vahnimaṇḍalamarcayet
vahveḥ kalāḥ samabhyarcya yathāvadvaryate mayā

21.41

rakāraṃ bindusaṃyuktaṃ vahnicimbaṃ ca ḍe'ntikam
daśakalātmane viśvamiti mantreṇa pūjayet

21.42

dhūmrā ca nīlavarṇā ca kapilā visphuliṅginī
jvālā haimavatī kavyavāhanī havyavāhanī

21.43

raudrī saṅkarṣaṇī caiva vaiśvānarakalā daśa
pūjayitvoktavidhinā gandhādyataprasūnakaiḥ

21.44

kalaśaṃ saṃsthulaṃ divyaṃ puṣpamālādiśobhitam
hemaṃ vā rājataṃ mārdaṃ sthāpayed vīramudrayā

21.45

śambhunā ca yathā devi viṣṇunā ca yathā purā
brahmaṇā ca yathā pūrvaṃ tathā tvāṃ sthāpayāmyaham

21.46

iti saṃsthāpya kalaśaṃ tatra sūryaṃ prapūjayet
sūryanāma samuccārya jīvamantraṃ maheśvari

21.47

sūryamaṇḍalaḍentaṃ ca śrīdvādaśakalātmane
viśvamante prayoktavyaṃ manunānena pūjayet

21.48

kalā dvādaśa sūryasya pūjayeducyate mayā
tapinī tāpinī caiva bodhinī caiva rodhinī

21.49

kalinī śoṣaṇī caiva vareṇyākarṣiṇī tathā
māyā viśvāvatī hemaprabhā saurakalā imāḥ

21.50

saṃpūjya kalaśe devi kaulikaḥ kulasiddhaye
surayā pūrayet kumbhaṃ vilomairmātṛkākṣaraiḥ

21.51

tadidaṃ cāmṛtaṃ sākṣāccandrarūpaṃ vicintayet
candramaṇḍalamabhyarcya mantreṇānena pārvati

21.52

śaktimuccārya deveśi somamaṇḍalaḍeyutam
viśvāścalāya deveśi śrīṣoḍaśakalātmane

21.53

iti saṃpūjya candrasya kalāḥ ṣoḍaśa pūjayet
amṛtā mānadā tuṣṭiḥ puṣṭiḥ prītī ratistathā

21.54

śrīśca hrīśca svadhā rātryuryotsnā haimavatī tathā
chāyā ca pūrṇimā nityā cāmāvasyā ca ṣoḍaśī

21.55

etāḥ saṃpūjya mantraistu yajed devīṃ ca bhairavīm
mūlena tatra kalaśe trikoṇaṃ ca vibhāvayet

21.56

bindubimbe parāṃ dhyātvā pūjayediṣṭadevatām
praṇavenārcayed devi śivaṃ gandhena vāyunā

21.57

tatra tāraṃ ca māyāṃ ca paramastrāminyuddharet
paramākāśaśūnyaṃ ca vāhinīti samuddharet

21.58

candrārkāṃgnibhacargīti pātre viśa-yugaṃ vadet
ṭhadvayāntāmimāṃ vidyāṃ japettu daśadhā ghaṭe

21.59

tatraiva mātṛkānte ca japedṛcamimāṃ priye
ākṛṣṇena rajaseti nāmnīṃ paramapāvanīm

21.60

daśadhaitāmṛcaṃ devi madhuvātaṛtābhidhām
tatrānandeśagāyatrīṃ japettu daśadhā priye

21.61

vāṅmāyāmāḥ samuccārya tathānandeśvarāya ca
vidmahe śrīsurādevyai dhīmahīti tato vadet

21.62

tanno'rdhanārīśvaraśca pracodayāt samuddharet
gāyatrīṃ daśadhā japtvā haṃsaḥ śuciṣadārcayet

21.63

agnimīḷe purohitaṃ triḥsandhyeti kaulikaḥ
vakāraṃ dīrghaṣaḍkādyaṃ proccārya tadanantaram

21.64

brahmaśāpamocitāyai surādevyai kuṭāntakam
daśadhā prajapedvidyāmiṣe tvorjetyṛcaṃ japet

21.65

tāraṃ māyārṇaṣaḍdīrghān proccāryeti sudhe tataḥ
śukraśāpaṃ mocaya dvirvanāntaṃ ca manuṃ japet

21.66

agna āyāhīti ṛcaṃ daśadhā prajapet priye
śukraśāpaharīṃ vidyāṃ prajapeducyate yathā

21.67

sūryamaṇḍalasaṃbhūte varuṇālayasaṃbhave
amābījamaye devi śukraśāpādvimucyatām

21.68

devānāṃ (vedānāṃ) praṇavo bījaṃ brahmānandamayaṃ yadi
tena satyena deveśi brahmahatyā vyapohatu

21.69

ekameva paraṃ brahma sthūlasūkṣmamayaṃ param
kacodbhavāṃ brahmahatyāṃ tena te nāśayāmyaham

21.70

brahmaśāpavinirmuktā tvaṃ muktā viṣṇuśāpataḥ
vimuktā rudraśāpena pavitrā bhava sāṃpratam

21.71

etairmantraiḥ samabhyarcya trivāraṃ kaulikaḥ śive
śanno devīriti ṛcaṃ daśadhā prajaped ghaṭe

21.72

tato māyāṃ ramāṃ devi ṣaḍdīrghabhājitam
churikākārieyuccārya śobhinīti tato vadet

21.73

vikārānasya dravyasya hara-yugmaṃ ca ṭhadvayam
churikākhyāṃ japeddvidyāṃ daśadhā kalaśopari

21.74

yo viśvacakṣuriti caiṃ ṛcaṃ vai daśadhā japet
guruṃ dhyātvā sahasrāre hṛtpadme'pīṣṭadevatām

21.75

praṇamya kauliko dhyāyet śrītiraskararṇīṃ japet
nīlatoyadasaṅkāśāṃ nīlakuntalaśobhitām

21.76

nīlāmbaradharāṃ devīṃ nīlotpalavilocanām
nīlapuṣpavibhūṣāḍhyāṃ nīlālaṅkārabhūṣitām

21.77

nīlāṅgarāgasaṃchannāṃ nīlavaiḍūryamālinīm
indranīlanibaddhāṃśumahārghamaṇibhūṣitām

21.78

nīlavājisamārūḍhāṃ nīlakhaḍgāyudhāṃ parām
nidrāpaṭena nīlena bhuvanāni caturdaśa

21.79

mohayantīṃ mahāmāyāṃ dravyanindakabhacciṇīm
vīrapānaratān vīrān pālayantīṃ samantataḥ

21.80

saṅketamaeḍalaṃ divyaṃ chādayantī svavāsasā
paramānandavapurṣī paramānandabhairavīm

21.81

paramānandajananīṃ praṇamāmi parāmbikām
iti dhyātvā japedvidyāṃ yathāvad varyate mayā

21.82

vākkāmamaṭhamāyāśca tiraskariṇi saṃvadet
sakalajanaṃ proccārya vāgvādini tato vadet

21.83

sakalapaśujanaṃ ca vaded trātamanaḥpadam
cakṣuḥśrotrajihvāghrāṇādīni ceti tiraskuru

21.84

tiraskuru tataḥ padmatrayaṃ ṭhadvayamuddharet
śrītiraskariṇīṃ vidyāṃ sañjaped daśadhā ghaṭe

21.85

pāvamānyāḥ paraṃ brahma śuddhaṃ jyotiḥ sanātanam
pitṛṃstasyopatiṣṭhati cīraṃ sarpirmadhūdakaiḥ

21.86

ṛcametāṃ japedādau trivāraṃ trirjaped tataḥ
pāvamānyaṃ paraṃ brahma pāvamānyaḥ paro rasaḥ

21.87

pāvamānyaṃ paraṃ jñānaṃ tena tvāṃ pāvayāmyaham
iti jahvā guruṃ dhyātvā japed varuṇabījakam

21.88

haṃsa ityarkamantraṃ ca devīṃ kuṇḍalinīṃ smaret
prasuptabhujagākārāṃ sādhatrivalayāṃ śubhām

21.89

sūryakoṭikarālābhāṃ candrakoṭisuśītalām
vahnikoṭidurāda(dha)rṣāṃ visatantutanīyasīm

21.90

ṣaṭ cakrāṇi vibhidyāśu suṣumnāvartmanā nayet
sahasrārasthitaṃ devaṃ natvā śivapade layet

21.91

śivaśaktyormahajjyotirdhyātvā candrakalāstutam
amṛtaṃ vāmanāsāgrācciḥ sāryaṃ kalaśe kṣipet

21.92

amṛtīkṛtya tad dravyaṃ dhenumudrāṃ pradarśayet
māyāṃ ramāṃ kāmakalāmamṛte'pyamṛtodbhave

21.93

amṛtavarṣieyuccārya amṛtaṃ srāvaya-dvayam
aṃśrāṃ viṣṇukalānte ca paṭhet pārvati kaulikaḥ

21.64-2

viśvāntamamṛteśvaryaṃ manumenaṃ japed ghaṭe
dhyātvāmṛtamayaṃ dravyaṃ karpūrādisuvāsitam

21.65-2

elālavaṅgakastūrī-candanośīramiśritam
vidhāya mūlamantreṇa tīrthānyāvāhayed ghaṭe

21.66-2

tāraṃ śivaṃ śivodbhūtiṃ mūlametat samuddharet
gaṅge ca yamune caiva godāvari sarasvati

21.67-2

narmade sindhukāveri dravye'smin sannidhiṃ kuru
ityāvāhya mahādevi mudryāṅkuśarūpayā

21.68-2

sarvatīrthamayaṃ dravyaṃ dhyāyet paramapāvanam
dravyamadhye binduyutaṃ trikoṇaṃ ca vibhāvayet

21.69-2

yonimudrāṃ nibaddhyāśu dhyāyedānandabhairavam
sūryakoṭipratīkāśaṃ candrakoṭisuśītalam

21.100

aṣṭādaśabhujaṃ devaṃ pañcavaktraṃ trilocanam
amṛtārṇavamadhyasthaṃ brahmapadmoparisthitam

21.101

vṛṣārūḍhaṃ nīlakaṇṭhaṃ sarvābharaṇabhūṣitam
kapālakhaṭvāṅgadharaṃ ghaṇṭāḍamaruvādinam

21.102

pāśāṅkuśadharaṃ devaṃ gadāmusaladhāriṇam
khaḍgakheṭakapaṭṭīśa-mudgarocchūlakuntinam

21.103

vicitrakheṭakaṃ muṇḍavaradābhayapāṇikam
lohitaṃ devadeveśaṃ bhāvayet sādhakottamaḥ

21.104

dattvā puṣpāñjaliṃ kumbhe japedānandabhairavam
hakāraṃ ca bhṛguṃ devaṃ maṇḍūkaṃ dharaṇiṃ tataḥ

21.104.p1

tathā jīmūtabījaṃ ca hutabhugbījamuddharet

21.105

vāyuṃ keśaṃ tathānandabhairavāya tato'śvale

21.106

vikuṭaṃ ca manuṃ jahvā daśadhā bhairavīṃ yajet
ānandabhairavīṃ dhyāyed yathāvad varyateॱ śive

21.107

samudre mathyamāne tu cīrābdhau sāgarottame
tatrotpannā surā devī kumārīrūpadhāriṇī

21.108

bhāvayeca surāṃ devīṃ candrakoṭyayutaprabhām
himakundendudhavalāṃ pañcavaktrāṃ trilocanām

21.109

aṣṭādaśabhujairyuktāṃ sarvānandakarodyatām
prahasantīṃ viśālākṣīṃ devadevasya sammukhīm

21.110

śaktiṃ śivaṃ nirjaraṃ ca bhairavīṃ bhūcījameva ca
meghaṃ vahniṃ samīrārṇaṃ keśaṃ caiva samuddharet

21.111

surādevyai kuṭaṃ cānte vidyāṃ ca daśadhā japet
bhairavaṃ bhairavīṃ caiva yaṣṭvā pārvati kaulikaḥ

21.112

mahāmudrāṃ dhenumudrāṃ yoniṃ matsyaṃ pradarśayet
baddhvā ca lelihānākhyāṃ mudrāṃ kuṇḍalinīṃ punaḥ

21.113

mūlādhārāt samutthāya suṣumnāvartmanā priye
dvādaśāntaṃ samāsthāpya so'haṃ haṃsa iti smaret

21.114

śivena saha saṃyojya parānandamayo bhavet
tadudbhūtāmṛtavṛṣṭimutsṛjed vāmanāsayā

21.115

praṇavena ca deveśi paradravye niyojayet
sācādamṛtatattvāḍhyaṃ dhyāyeta kalaśamuttamam

21.116

vāruṇaṃ bījamuccārya mūlamantraṃ samuccaret
daśadhā prajaped devi gandhādyaistapuraḥsaraiḥ

21.117

puṣpairnānāvidhairdivyairmānyairvividhabhūṣaṇaiḥ
saṃpūjya kalaśaṃ divyaṃ ghaṇṭāniḥsvānapūrvakam

21.118

dhūpairdīpairmahotsāhaiḥ paramairvividhauṣadhaiḥ
prapūjya parayā bhaktyā praṇāmaiḥ stutipūrvakaiḥ

21.119

sarvadevamayaṃ kumbhaṃ dhyāyed deveśi sādhakaḥ
yā surā sā umādevī yo dravyaṃ sa maheśvaraḥ

21.120

yo gandhaḥ sa bhaved brahmā yo mohaḥ sa janārdanaḥ
svāde ca saṃsthitaḥ somaḥ phenāyāmanalaḥ sthitaḥ

21.121

icchāyāṃ manmatho devaścarghyamucchiṣṭabhairavaḥ
drāve gaṅgā sthitā devi ghaṭasthāḥ sapta sāgarāḥ

21.122

sarvatejomayaṃ dravyaṃ paramānandanirbharam
sarvaśāpavinirmuktaṃ sarvamantrasusaṃskṛtam

21.123

paramāmṛtabhāvena bhairavaṃ bhairavīṃ yajet
māheśvarairmahāvīrairmahācīnapadasthitaiḥ

21.124

mahāśaktimayairmānyaiḥ sevyaṃ dravyamidaṃ priye
santarpya devatāmiṣṭāṃ yoginīgaṇamaiśvaram

21.125

vaṭukaṃ cetrapālāṃśca ᵎtriṃtriṃśatkoṭidevatāḥ
mātṛmātṛgaṇān sarvān bhūtapretādisaṃyutān

21.126

santarpya vidhivad devi guruṃ guruvarāṃstataḥ
guruṃ dhyālā parāṃ dhyāyedvīrān saṃpūjya śaktitaḥ

21.127

śaktiyukto yajet pātramityājñā pārameśvarī
śaktihīne tathāpānaṃ śivahīne vṛthārcanam

21.128

śivaśaktisamāyoge vīrapūjā vimocadā
itīdaṃ śodhanaṃ divyaṃ surāyāḥ suradurlabham

21.129

tava snehena nirgītaṃ śṛṇuṣvānyadapi priye
madyaṃ māṃsaṃ tathā mīno mudrā maithunameva ca

21.130

makārapañcakaṃ pūjyaṃ śivaśaktisamāgame
pūjāyāṃ yadyadānītaṃ bhakṣyaṃ bhojyaṃ ca lehyakam

21.131

peyaṃ coṣyaṃ phalaṃ puṣpaṃ sarvaṃ mantreṇa mantrayet
vinābhimantraṇainatad yo mohād bhakṣayecchive

21.132

sa mātriko'pi deveśi sahasā nirayī bhavet
caturasraṃ likhedbhimbaṃ tatra mīnān nidhāpayet

21.133

śoṣayed dāhayed devi plāvayenmanunā śive
vāyubījena vāhvacena vāruṇena yathākramam

21.134

dhenuyonimahāmatsyāṃ mudrāścaiva pradarśayet
daśadhā prajapenmantramānandeśvarabhairavam

21.135

prajapya prapaṭhedvidyāṃ yathoktāṃ kaulikeśvari
kṛtāvatāro hariṇā kalinā pīḍitaṃ jagat

21.136

balinā nigṛhītaṃ ca kaulikānāṃ hitecchayā
bhairavīparitoṣārthaṃ svayaṃ mīno'bhavad hariḥ

21.137

māyāṃ ca haraye viśvaṃ japedyacamataḥ param
tryambakaṃ yajāmahīti mantraṃ triḥ sañjapet sudhīḥ

21.138

prapūjya gandhapuṣpaistu praṇamed devatāṃ parām
caturasre mahādevi māṃsapātraṃ nidhāpayet

21.139

saṃśoṣya sandahya palamājyāvya kulasundari
mudrātrayaṃ pradarśyāśu prapaṭhet kauliko manum

21.140

chāgalājyena martyāñcai(ntaḥ)kṛtarūpāya viṣṇave
balyarthaṃ śivaśaktyostaṃ prapadye viṣṇumavyayam

21.141

pratarpayāmi balyarthaṃ pavitrībhava sāṃpratam
triḥ paṭhitvā ṛcaṃ devi japen kaulikasattamaḥ

21.142

pra tadviṣṇuriti smṛtvā praṇamed yonimudrayā
mudrāpātraṃ samānīya sthāpayecaturaśrake

21.143

saṃśoṣaṇaṃ dāhanaṃ ca slāvanaṃ pūrvavacaret
mudrātrayaṃ ca saṃdarśya prapaṭhed vedavad vidhim

21.144

devatāpūjane yāni saurabheyāni sāṃpratam
balyarthaṃ devadevyośca pavitrāṇīha siddhaye

21.145

mūlaṃ ca daśadhā japtvā japedṛcamanuttamām
(tadviṣṇoḥ paramaṃ mantraṃ prajapyopari kaulikaḥ

21.146

praṇamya bhaktibhāvena kuṇḍagolaṃ ca śodhayet
caturasre ca saṃsthāpya śoṣayed dāhayet sudhīḥ

21.147

āplāvayet parairbījairmudrābhirabhirakṣayet |)
mūlaṃ ca daśadhā japtvā japedṛcamathopari

21.148

viṣṇuryonirnimiti smṛtvā prajapya praṇamettataḥ
sarveṣu devadravyeṣu samānīteṣu kaulikaiḥ

21.149

ṛcametāṃ japet samyaṅ mantramenaṃ samuddharet
glūmlyūṃslūṃplūṃnlūṃ deveśi svāntaṃ khaṃ kāmakālikam

21.150

amṛte'pyamṛtodbhūte'pyamṛteśvari cāmṛtam
slāvaya-dvayamuddhṛtya ṭhadvayaṃ ca samuddharet

21.151

iyaṃ śāpaharī vidyā makārāṇāṃ maheśvari
paścānāṃ pañcakalpānāṃ smaraṇīyārcanāvidhau

21.152

saṃśodhya śivadravyāṇi mantrairmudrābhireva ca
ṛgbhiḥ krameṇa mūlena plāvayecca yathākramam

21.153

ānandarasasaṃpūrṇaiḥ kalaśāmṛtabindubhiḥ
evaṃ saṃśodhya dravyāṇi paramāṇi kuleśvari

21.154

bhairavaṃ bhairavīṃ devīṃ yajed vīrasamāgame
ayaṣṭvā bhairavaṃ devamakṛtvā devatārcanam

21.155

paśupānavidhau pītvā vīro'pi narakaṃ vrajet
evaṃ saṃskṛtya deveśi gurubhaktipuraḥsaram

21.156

yaḥ pibet paramaṃ pānaṃ śivasāyujyamāpnuyāt
itīdaṃ paramaṃ guhyaṃ rahasyānāṃ rahasyakam

21.156.p1

aṣṭasiddhimayaṃ tattvaṃ gopanīyaṃ svayonivat

21.156.p2

iti śrīrudrayāmale tantre śrīdevīrahasye surāśodhanavidhinirūpaṇaṃ dvāviṃśaḥ paṭalaḥ || 22

Linked texts (11)