Pramāṇa · Search · About · API

Devirahasya 22

Devīrahasya 22

Language
Sanskrit

22.1

śrībhairava uvāca
adhunā śṛṇu deveśi śaktiśodhanamuttamam
yena śravaṇamātreṇa parāśaktipade layet

22.2

adīkṣitakulāsaṅgāt siddhihāniḥ prajāyate
tatkathāśravaṇaṃ cet syāt tttattvapragamanaṃ yadi

22.3

śrīdevyuvāca
kulācārakramācāryāṃ siddhiṃ kāmayate tu yaḥ
sa kulīnaḥ kathaṃ deva pūjayet kulayoṣitam

22.4

śrībhairava uvāca
saṃśodhanamakulā vai strīṣu madyeṣu kaulikaḥ
kṛte'pi siddhihāniḥ syāt kruddhā bhavati caṇḍikā

22.5

abhiṣekād bhavet siddhirmantrasyoccāraṇācchubhā
ratikāle maheśānī dīkṣākāle ca kanyakā

22.6

balādvā yantrato buddhvā mlā(pā)vayet parayoṣitam
surayā retasā vāpi jalena madhunātha vā

22.7

saṅke'bhiṣecayennārīṃ caṇḍāṃ vā mantravarjitām
svakīyāṃ parakīyāṃ vā rūpayauvanagarvitām

22.8

śrīdevyuvāca
bhagavan devadeveśa kulācāraikasiddhye
kulayogī kathaṃ kuryācchodhanaṃ kulayoṣitām

22.9

śrībhairava uvāca
kulajāṃ yuvatiṃ vīkṣya namaskuryāt kuleśvaraḥ
vidhāya mānasīṃ pūjāṃ mantraṃ yogī samuccaret

22.10

bālāṃ vā yauvanonmattāṃ vṛddhāṃ vā sundarīṃ tathā
kutsitāṃ vā mahāduṣṭāṃ namaskṛtya vibhāvayet

22.11

tāsāṃ prahāro nindā ca kauṭilyamapriyaṃ tathā
sarvathā naiva kartavyamanyathā siddhirodhakṛt

22.12

striyo devāḥ striyaḥ prāṇāḥ striya eva hi bhūṣaṇam
strīgaṇeṣu sadā bhāvyamanyathā svastriyāmapi

22.13

viparītataratā sāpi bhavitā hṛdayopari
sādhakasya bhavedāśu kāmadhenurivāparā

22.14

nādharmo jāyate tena na kaścid dharmahā bhavet
tatparaḥ paratantrīnāṃ paratattve pralīyate

22.15

naṭī kāpālikī veśyā rajakī nāpitāṅganā
brāhmaṇī śūdrakanyā ca tathā gopālakanyakā

22.16

mālākārasya kanyāpi nava kanyāḥ prakīrtitāḥ
etāsu kāṃcidānīya saṃśodhanamathācaret

22.17

pūjayet kauliko devi yathāvad varṇyate mayā
śaktiśodhanamantrasya ṛṣiḥ proktaḥ sadāśivaḥ

22.18

triṣṭup chanda iti khyātaṃ devatā ca parāmbikā
vāgbījaṃ bījamīśāni śaktiḥ śaktiritīritā

22.19

kāmeśaḥ kīlakaṃ devi digbandho haramīśvari
bhogāpavargasiddhyarthaṃ viniyogo maheśvari

22.20

mahāniśāyāmānīya nava kanyāśca bhairavān
ekādaśa navāṣṭau vā kaulikaḥ kaulikeśvari

22.21

śodhayennavabhirmantraiḥ pūjayet kaulikottamaḥ
sādhakaḥ saṃspṛśedādau kṛtvā viṣṭaraśodhanam

22.22

bhūtaśuddhiṃ vidhāyāpi prāṇārpaṇavidhiṃ caret
mantrasaṃkalpakaṃ kṛtvā munyādinyāsamācaret

22.23

vidhāya mātṛkānyāsaṃ karāṅganyāsapūrvakam
hṛtpīṭhārcāṃ vidhāyārthaṃ śrīcakrārcanamācaret

22.24

saṃśodhya devedryāṇi kulaḍagolādikaṃ tathā
vīrārcanaṃ vīrakāntāsevanaṃ devadurlabham

22.25

yathoktavidhinā devīṃ saṃpūjya śrīparāmbikām
śaktiṃ vāme tu saṃsthāpya pūjayedvarṇyate yathā

22.26

trikoṇaṃ vātha ṣaṭkoṇaṃ tryaśratrayamatho haviḥ (bahiḥ)
śivatryaśraṃ kāmatryaśraṃ hetitryaśraṃ maheśvari

22.27

brahmatryaśraṃ navatryaśraṃ sindūreṇa vibhāvayet
śrīcakreṣu hi nakhyādimālinyantaṃ vicārya ca

22.28

yāmevāsāṃ kumārīṇāṃ kaulikastu samānayet
tadīyaṃ yantramālikhya tasmiṃstāmeva pūjayet

22.29

śrīcakre sthāpayed vāme kanyāṃ bhairavavallabhām
muktakeśīṃ vītalajjāṃ sarvābharaṇabhūṣitām

22.30

sarvaśṛṅgāraśobhāḍhyāṃ tāruṇyamadagarvitām
ānandalīnahṛdayāṃ saundaryātimanoharām

22.31

śodhayecchuddhimantreṇa surānandāmṛtāmbubhiḥ
bālābījatrayaṃ devi proccārya tadanantaram

22.32

tripurāyai tato viśvaṃ viśvānte nāmapūrvakam
imāṃ śaktiṃ pavitrīti kuru-yugmaṃ samuddharet

22.33

mama śaktiṃ kuru-yugmaṃ vahnijāyāṃ samuddharet
mantreṇānena deveśi kāminīmabhiṣecayet

22.34

abhiṣicya kumārīṃ tāṃ nyāsajālaṃ pravinyaset
mātṛkāvanmahādevi kāmabāṇāṃstato nyaset

22.35

candrabījadvayaṃ devi kāmarājaṃ ca mohanam
śaktibījaṃ tato devi yathāvadvinyaset priye

22.36

lalāṭe vadane nyasya (cāṃse) hṛdaye yonimaṇḍale
sarvasaṃkṣobhaṇaṃ bāṇaṃ sarvavidrāvaṇaṃ tathā

22.37

sarvākarṣaṇabāṇaṃ ca sarvasaṃmohanaṃ tataḥ
vaśīkaraṇabāṇaṃ ca paścepoḥ pañcabāṇakān

22.38

vinyasya bāṇamudrāśca paścaitā devi darśayet
yonibimbe japenmantrān nava yān varṇyāmyaham

22.39

(1) tāraṃ candraṃ ca vāgbījaṃ kāmaṃ śaktiṃ tato vadet
naṭinīti mahāsiddhiṃ mama dehi-yugaṃ vadet

22.40

ṭhadvayaṃ procaredante mantro'yaṃ naṭinīpriyaḥ
(2) kālī kūrcaṃ parāṃ śaktiṃ kāmaṃ kāpālini priye

22.41

reto muśca-yugaṃ trūyādante dahanavallabhā
devi kāpālikīmantraḥ kāmadevavaśaṅkaraḥ

22.42

(3) tāradvandvaṃ ca haritaṃ meghaṣaḍdīrghabījakam
veśye kāmadughe reto muśca-yugmānnityavallabhā

22.43

veśyāśodhanamantro'yaṃ sarvakaulikavallabhaḥ
(4) vedādyaṃ vāgbhavaṃ kāmaṃ śaktiṃ lakṣmīṃ parāṃ smaret

22.44

rajakīti mahāsiddhiṃ dehi me hara-ṭhadvayam
rajakīśuddhimantro'yaṃ kulayoṣidvaśaṅkaraḥ

22.45

(5) tāraṃ tāratrayaṃ varma proccarennāpitāṅgane
hara-yugmaṃ ca me vinnāṃsturagaṃ ṭhadvayaṃ tataḥ

22.46

nāpitastrīśuddhimantro mahāmāṅgalyadāyakaḥ
(6) vedādyaṃ bhūtibījaṃ ca tāraṃ māyāṃ dhanurdharaḥ

22.47

brāhmaṇi smara vīryaṃ ca muśca muñceti sarvadā
siddhiṃ me dehi dehīti haraṃ dahanavallabhā

22.48

brāhmaṇīśuddhimantro'yaṃ mahāsiddhipradāyakaḥ
(7) tāraṃ ramā ramā tāraṃ śūdrāṇi ca ratapriye

22.49

retaḥ stambhaya me siddhiṃ dehi-yugmaṃ tato vanam
śūdrāṇīśuddhimantro'yaṃ kāminījanamohanaḥ

22.50

(8) tārakaṃ śivapaḍdīrghasaṃyutaṃ maṭhabījakam
gopāli me siddhadaeḍaṃ drāvaya-dvayamuddharet

22.51

ṭhadvayānto mahāmantro gopīśodhanasādhakaḥ
(9) tāradvayīsaṃpuṭitāṃ mṛdvīkāṃ dīrghasaṃyutām

22.52

uddhṛtya mālini prema kuru-yugmaṃ mayi smaret
turagaṃ ṭhadvayaṃ prānte mantro'yaṃ mālinīpriyaḥ

22.53

evaṃ śodhanamantrāste varṇitāśca pṛthaṅmayā
yonau japet kumārīṇāṃ kaulikaḥ karamālayā

22.54

saṃjapya dattakarṇe ca mūlamantraṃ triruccaret
adīkṣitāpi deveśi dīkṣitaiva bhavet tadā

22.55

dīkṣitāṃ śodhitāṃ vīro bhajet sarvārthasiddhye
tāraṃ vyomauṣmakaṃ ca śivāyeti svayambhuvam

22.56

saṃpūjya śivamantraṃ ca japet saṃstabhya puṃdhvajam
jahvā nirudhya taṃ daṇḍaṃ karabhītuṇḍamudrayā

22.57

ānandatarpitā kāntāṃ vīraḥ svānandavigrahaḥ
ratena tarpayet tatra śrīcakre vīrasaṃsadi

22.58

paṭhan praṇavamuddhṛtya mantrarājaṃ kuleśvari
dharmādharmahavirdīpte svātmāryau manasā śucā

22.59

suṣumnāvartmanā nityamatravṛttīrjuhomyaham
svāhāntamantramuccārya japan mūlaṃ smaran parām

22.60

kuryānnibhuvanaṃ mantrī mantrasiddhimavāpnuyāt
ratānte sañjapenmūlaṃ paṭhenmantramimaṃ punaḥ

22.61

tāradvayāntaragataṃ paramānandakāraṇam
prakāśākāśahastābhyāmavalambyonmanīśucam

22.62

dharmādharmakalāblehapūrṇoṃ vahnau juhomyaham
svāhāntenāśu mantreṇa śukramādāya pārvati

22.63

śrīcakre tarpayed devīṃ tataḥ siddhimavāpnuyāt
saṃpūjya kāntāṃ santarpya stutvā natvā parasparam

22.64

saṃhāramudrayā mantrī śaktiṃ vīrān visarjayet
itīdaṃ paramaṃ divyaṃ śaktiśodhanamuttamam

Linked texts (5)