Pramāṇa · Search · About · API

Devirahasya 25

Devīrahasya 25

Language
Sanskrit

Contents

25.1

samāptamidaṃ pūrvārdham
atha
ṣaḍviṃśaḥ paṭalaḥ
śrībhairavyuvāca
bhagavan bhūtabhavyeśa kuladharmaprakāśaka
kuleśa śrotumicchāmi tantrasyottarārdhakam

25.2

śrībhairava uvāca
adhunā devi kauleśi kaulikānāṃ hitecchayā
tantrottarārdhaṃ vakṣyāmi rahasyavijayābhidham

25.3

durgādevī parādevī parāśaktiḥ parāmbikā
devadevīti yā khyātā gāyatrīti śrutau smṛtā

25.4

tejomayī mahāśyāmā mahātripurasundarī
paścātmikā paścamīśī paścavyomaprakāśinī

25.5

ugradurgā parā yā śrīstajjyotiḥ paramaṃ padam
parādevīti yā durgā sā śivaḥ sā hariḥ smṛtā

25.6

sā sūryaḥ savitā saiva mahāgaṇapatiḥ smṛtā
pañcamī paścikā devī pañcamācāravartinī

25.7

paścācarīti gāyatrī paramātmeti kīrtyate
pañcakṛtyamayī devī sarvadevīmayī śivā

25.8

gaṇeśārkaharīśāna-durgārūpā sarasvatī
mahāśyāmā mahāvidyā pūjanīyā yathākramam

25.9

na kuryād bhedameteṣāṃ kauliko vaiṣṇavo'thavā
gaṇeśārkaharīśāna-durgāṇāṃ paramārthavit

25.10

pūjayedaikyabhāvena devībhaktyaiva bhaktimān
devīcakre'rcayet sarvāṃśchivaliṅge'thavā śive

25.11

sāligrāmaśilāyāṃ vā sūryapīṭhe'thavā priye
śrīgaṇeśvaracakreṇa na bhedaṃ kārayed budhaḥ

25.12

bhedaṃ vai kurute yastu sa śaivaḥ śivahā bhavet
pṛthak pṛthak śive kuryādarcanaṃ kaulikottamaḥ

25.13

gaṇeśasya ca sūryasya viṣṇordevi śivasya ca
śrīdevyā ugradurgāyā mantrī devīrahasyavit

25.14

adyāhaṃ tava deveśi premṇā vakṣye kulātmakam
rahasyavijayaṃ nāma tantraṃ tantrottarārdhakam

25.15

paścāṅgabhūtameteṣāṃ sarvamantrārcanāmayam
gaṇeśasya ca paścāṅgaṃ paścāṅgaṃ savitustathā

25.16

lakṣmīnārāyaṇasyāpi paścāṅgaṃ śrīśivasya ca
durgādevyāśca paścāṅgaṃ durgādevīrahasyakam

25.17

uttarārdhamiti proktaṃ tantraśāsya maheśvari
sarvasyametad deveśi tantraṃ devīrahasyakam

25.18

avaktavyamabhaktebhyo gopayet kulanāyakaḥ
prathamaṃ devi paścāṅgaṃ mahāgaṇapateḥ śṛṇu

25.19

yena śravaṇamātreṇa vighnanāśo bhavet kṣaṇāt
merupṛṣṭhe sukhāsīnaṃ mahādevaṃ trilocanam

25.20

surāsuragaṇairyuktaṃ brahmācyutanamaskṛtam
siddhakinnaragandharvairyakṣabhūtapiśācakaiḥ

25.21

toṣitaṃ natibhiḥ stotraiḥ pārvatīsahitaṃ śivam
saṃstitaṃ bhāvamāṇaṃ ca brahmaṇā hariṇā saha

25.22

pārvatī praṇatā bhūtvā vacanaṃ samabhāṣata
śrīdevyuvāca
bhagavan sarvatattvajña sarvadharmaprakāśaka
kāryasya devatānāṃ ca manuṣyāṇāṃ tathaiva ca

25.23

vighnaḥ kena bhaved deva saṃśayaṃ chindi śaṅkara
śrībhairava uvāca
devi vakṣye rahasyaṃ te praśnottaramidaṃ mahat
avaktavyamabhaktebhyo bhaktebhyo muktisādhanam

25.24

vināyako gaṇādhyakṣo gaṇeśa iti yaḥ prabhuḥ
vighnakartā jagattrātā vighnaharteti viśrutaḥ

25.25

tasya bhaktasya devasya martyasyāpi maheśvari
vighno na bādhate jātu yastaṃ saṃpūjayet sadā

25.26

yo japed devi tanmantraṃ kavacaṃ tasya dhārayet
paṭhennāmnāṃ sahasraṃ tu stotraṃ mūlaikasādhanam

25.27

vighno na bādhate tasya kāryahānirna vā bhavet
śrīdevyuvāca
devadeva mahādeva gaṇeśasya jagatprabho
mantraṃ yantraṃ stavaṃ varma nāmnāṃ sahasramuttamam

25.28

pūjāṃ śrotumahaṃ tvatto vāñchāmi parameśvara
śrībhairava uvāca
yo devadevo varado gaṇeśo vighnanāyakaḥ
gajānano gaṇādhyakṣo vināyaka iti śrutaḥ

25.29

paścāṅgamakhilaṃ tasya vakṣyāmi tava prītaye
tatrādau te pravakṣyāmi mantroddhāraṃ sureśvari

25.30

yantroddhāraṃ layāṅgaṃ ca mahāgaṇapateḥ śive
atha mantroddhāraḥ—
tāraṃ mā sakalā smaro maṭhaśivau nāmno vareti dvayaṃ
sarpaḥ sarvamato janaṃ ḍulilate jīmūtaśarmācaram
bhekī khaṃ lavarṇaṃ samīrasahitaṃ mantrāścale ṭhadvayaṃ
hyaṣṭāviṃśativarṇako nigadito vaināyako'yaṃ manuḥ

25.31

iti mantroddhāraḥ | prakāśam—oṃ śrīṃ hrīṃ klīṃ glauṃ gaṃ gaṇapataye varavarada sarvajanaṃ me vaśamānaya svāhā || (28)
tattvalacaṃ savedāṅkaṃ puraścaryā prakīrtitā
vaṭe catuṣpathe śūnyagṛhe pretālaye caret

25.32

nāsyaṃ vighno na vāśaucaṃ na vā mantraviparyayaḥ
na kreśo naca durbuddhirna moho naca śokatā

25.33

sarvathā siddhamantro'yaṃ mahāgaṇapateḥ śive
yantroddhāraṃ pravakṣyāmi sarvāśāparipūrakam

25.34

sarvasaṃmohanaṃ cakraṃ gaṇeśasya jagatprabhoḥ
atha yantroddhāraḥ—
trikoṇaṃ ṣakhuktaṃ daśāraṃ maheśi
suvṛttaṃ tathā nāgapatraṃ kalāram
suvṛttaṃ caturdvārayuktaṃ prayuktaṃ
gajāsyasya śrīcakrametat prasiddham

25.35

atha dhyānaṃ pravakṣyāmi sarvasiddhipradāyakam
yena smaraṇamātreṇa sarvo vighnaḥ palāyate

25.36

udyatkoṭidivākarāṃśusadṛśaṃ tryattaṃ kirīṭojjvalaṃ
pātraṃ modakapūrṇamīḍyakalaśaṃ padmācasūtraṃ bhujaiḥ
bibhrāṇaṃ śucināgasambhavalasatkāyaṃ bhujaṅgojjvalaṃ
dhyāyet siṃhayugāsanaṃ gaṇapatiṃ trailokyacintāmaṇim

25.37

gāmityādikaranyāsaṃ hṛdayādiṣaḍaṅgakam
ṣaḍvargabījabhāgena kalyanyāsaṃ caret tataḥ

25.38

layāṅgamadhunā vakṣye yantrasya parameśvari
pūjanaṃ sarvatantreṣu gopitaṃ śarajanmanā

25.39

indradharmeśavaruṇāḥ kuberasahitāstathā
pūrvapaścimayoḥ pūjyā dakṣiṇottarayostathā

25.40

iti dvārapālāḥ
nandivīreśasaubhāgya-bhṛṅgarīṭivirāṭakāḥ
puṣpadantavikartāntya-citralohitasundarāḥ

25.41

nūpurākhyavicārograrūpa-supravinartakāḥ
gaṇāḥ ṣoḍaśa saṃpūjyāḥ ṣoḍaśāreṣu sundari

25.42

karālaṃ vikarālaṃ ca saṃhāraṃ rurumeva ca
mahākālaṃ ca kālāgniṃ sitāsyamasitātmakam

25.43

aṣṭapatreṣu deveśi pūjayedbhairavān
vināyakaṃ vighnarājaṃ gaṇādhyakṣaṃ gajānanam

25.44

herambaṃ modakāhāraṃ dvaimāturamarindamam
ekadantaṃ vakratuṇḍaṃ daśāreṣu prapūjayet

25.45

kumāraṃ ca jayantaṃ ca pradyumnaṃ surasundari
trikoṇe pūjayedvindau mahāgaṇapatiṃ prabhum

25.46

gaṇeśaṃ caiva gāṅgeyaṃ siṃhāsanamataḥ param
vighnāntakākhuvāhau ca tripurāntakamīśvari

25.47

uparyupari saṃpūjya pūjayedāyudhāṃstataḥ
śatapatraṃ sahasrāraṃ dantamālāṃ maheśvari

25.48

modakāṅkitapātraṃ ca kalaśaṃ paraśuṃ tataḥ
śaktyau saṃpūjayedbindau layāṅgamidamucyate

25.49

mantrasyāsya gaṇeśasya ṛṣirbrahmā prakīrtitaḥ
gāyatryaṃ chanda ityuktaṃ devo gaṇapatiḥ smṛtaḥ

25.50

śivabījaṃ ca bījaṃ syānmāyāśaktirudāhṛtā
kurudvayaṃ kīlakaṃ syāt sarvamantraikasādhanam

25.51

trailokyavijaye devi viniyogaḥ prakīrtitaḥ
ayutaṃ ca japenmūlaṃ hutvā sarpiryavāṅkaram

25.52

mohayet parameśāni mārayed ripumaṇḍalam
ayutaṃ ca japenmūlaṃ vaṭe hutvā citānale

25.53

stambhayedakhilāṃllokān vādidasyubalāni ca
nadyāṃ sādhaka evāśu japedayutasaṃkhyayā

25.54

juhuyādibhaviemāṃsaṃ ripumuccāṭayed dhruvam
vidveṣayecca brahmāṇaṃ girije nātra saṃśayaḥ

25.55

vane nimbarasaṃ hutvā jahvā mūlamathāyutam
vaśayedapi rājānamākarṣayati yoṣitaḥ

25.56

itīdaṃ paṭalaṃ guptaṃ mahāgaṇapateḥ śive
sarvatantraikasarvasvaṃ gopanīyaṃ viśeṣataḥ

25.56.p1

iti śrīrudrayāmale tantre śrīdevīrahasye mahāgaṇapati(paṭala)mantroddhāranirūpaṇaṃ ṣaḍviṃśaḥ paṭalaḥ || 26

Linked texts (8)