Devirahasya 26.1-2.1

26.1-2.1

sādhako rātriśeṣe samutthāya padmāsanaṃ baddhvā, mūlena trirācamya svaśirasi sahasrārapadmakesarojjvalakarṇikāntargataṃ nijaguruṃ śuklālaṅkāraṃ dhyātvā natvā, tacchāsanamādāya bahirāgatya malotsargaśodhanaṃ vidhāya, varṇāṅkaṃ śaucaṃ kṛtvā nadyādau gatvā vāhrīkabījena dantān viśodhya śivabījena gaṇḍūṣāṇi kṛtvā, śrīṃ hrīṃ klīṃ iti malāpakarṣaṇaṃ snānaṃ vidhāya mūlenāṅkuśamudrayā tatra trikoṇaṃ vilikhya, "gaṅge ca yamune caiva godāvari sarasvati | narmade sindhukāveri jale'smin sannidhiṃ kuru" || iti tatra tīrthamāvāhya, devaṃ saśivaṃ (saśaktiṃ) mūlenāvāhya mūlena mukhaṃ triḥ prohya trirātmānaṃ payasi pronmajjya, "hrīṃ haṃsaḥ śrīsūryāya" eṣa te'rgho namaḥ, ityarkāyārghyatrayaṃ dattvā jalādavaruhya vaidikīṃ sandhyāṃ nirvartya tāntrikīṃ kuryāt | tato vāmakare jalaṃ dhṛtvā varmaṇāvaguṇṭhya mūlena saptadhābhimantrya tadgalitodakabindubhiḥ svaśiraḥ saptadhā prokṣya, tajjalamiḍayāntarnītvā vāmanāsayā virecya suṣumnāmārgeṇa dattahaste niḥkṣipya, astrāya phaḍiti mantreṇa vāmabhāgasthaśilāyāmāsphālayet, ityaghamarṣaṇaṃ vidhāyācamya prāṇāyāmatrayaṃ caret | yathā—pūrakaḥ 16 kumbhakaḥ 32 recakaḥ 64 evaṃ vidhāya, gāyatrīṃ trirjapet | ūm̐ hrīṃ vakratuṇḍāya vidmahe śrīṃ klīṃ ekadantāya dhīmahi glauṃ gaṇapatistannaḥ pracodayāt 3, iti yathāśaktyā japtvā gāyatryā devīdevayorarghyatrayaṃ dattvā, "mūlaṃ samastabhuvanāntarāyaharaṇaṃ haraputraṃ gaṇagandharvasiddhavanditaṃ prakaṭavikaṭāsyāyaparāpararūpaṃ gaṇādhyakṣaṃ gajānanaṃ mahāgaṇapatiṃ varadagaṇeśaṃ