Pramāṇa · Search · About · API

Devirahasya 28

Devīrahasya 28

Language
Sanskrit

28.1

śrībhairava uvāca
śṛṇu devi rahasyaṃ me yatpurā sūcitaṃ mayā
tava bhaktyā gaṇeśasya vacye nāmasahasrakam

28.2

śrīdevī
bhagavan gaṇanāthasya varadasya mahātmanaḥ
śrotuṃ nāmasahasraṃ me hṛdayaṃ protsukāyate

28.3

śrībhairavaḥ
prāṅ me tripuranāśe tu jātā vighnakulāḥ śive
mohena muhyate cetaste sarve baladarpitāḥ

28.4

tadā prabhuṃ gaṇādhyakṣaṃ stutvā nāmasahasrakaiḥ
vighnā dūrāt palāyanta kālarudrādiva prajāḥ

28.5

tasyānugrahato devi jāto'haṃ tripurāntakaḥ
tamadyāpi gaṇeśānaṃ staumi nāmasahasrakaiḥ

28.6

tamadya tava bhaktyāhaṃ sādhakānāṃ hitāya ca
mahāgaṇapatervakṣye divyaṃ nāmasahasrakam

28.7

(pāṭhakānāṃ ca dātṝṇāṃ sukhasaṃpatpradāyakam
duḥkhāpahaṃ ca śrotṝṇāṃ mantranāmasahasrakam)

28.8

ūm̐hrīṃśrīṃklīṃ-gaṇādhyakṣo glauṃgaṃ-gaṇapatirguṇī
guṇāḍhyo nirguṇo goptā gajavakko vibhāvasuḥ

28.6-2

viśveśvaro vibhādīpto dīpano dhīvaro dhanī
sadāśānto jagattāto viśvakseno vibhākaraḥ

28.10

visrambhī vijayī vaidyo vārāṃnidhiranuttamaḥ
aṇīyān vibhavī śreṣṭho jyeṣṭho gāthāpriyo guruḥ

28.11

sṛṣṭikartā jagadbhartā viśvabhartā jagannidhiḥ
patiḥ pītavibhūṣāṅgo raktāko lohitāmbaraḥ

28.12

virūpākṣo vimānastho vinayaḥ sanayaḥ sukhī
surūpaḥ sāttvikaḥ satyaḥ śuddhaḥ śaṅkaranandanaḥ

28.13

nandīśvaro sadānandī vandistutyo vicakṣaṇaḥ
daityamardī madācībo madirāruṇalocanaḥ

28.14

sārātmā viśvasāraśca viśvacārī vilepanaḥ
paraṃ brahma paraṃ jyotiḥ sākṣī jyakṣo vikatthanaḥ

28.15

vīreśvaro vīrahartā saubhāgyo bhāgyavardhanaḥ
bhṛṅgirīṭī bhṛṅgamālī bhṛṅgakrūjitanāditaḥ

28.16

vinartako vinetāpi vinatānandano'rcitaḥ
vainateyo vinamrāṅgo viśvanetā vināyakaḥ

28.17

virāṭako virāṭaśca vidagdho vidhirātmabhūḥ
puṣpadantaḥ puṣpahārī puṣpamālyāvibhūṣaṇaḥ

28.18

puṣpeṣurmathanaḥ puṣṭo vikartā kartarīkaraḥ
antyo'ntakaścittagaṇaścittacintāpahārakaḥ

28.19

acintyo'cintyarūpaśca candanākulamuṇḍakaḥ
lipito lohito lupto (100) lohitākṣo vilobhakaḥ

28.20

lubdhāśayo lobharato lābhado'labdhagātrakaḥ
sundaraḥ sundarīputraḥ samastāsuraghātanaḥ

28.21

nūpurāḍhyo vibhavado naro nārāyaṇo raviḥ
vicārī vāntado vāgmī vitarkī vijayeśvaraḥ

28.22

supto buddhaḥ sadārūpaḥ sukhadaḥ sukhasevitaḥ
vikartano viyaccārī vinaṭo nartako naṭaḥ

28.23

nāṭyo nāṭyapriyo nādo'nanto'nantaguṇātmakaḥ
viśvamūrviśvaghātī ca vinatāsyo vinartakaḥ

28.24

karālaḥ kāmadaḥ kāntaḥ kamanīyaḥ kalādharaḥ
kāruṇyarūpaḥ kuṭilaḥ kulācārī kuleśvaraḥ

28.25

vikarālo gaṇaiśreṣṭhaḥ saṃhāro hārabhūṣaṇaḥ
rurū ramyamukho rakto revatīdayito rasaḥ

28.26

mahākālo mahādaṃṣṭro mahoragabhayāpahaḥ
unmattarūpaḥ kālāgniragniścaryendulocanaḥ

28.27

sitāsyaḥ sitamālyaśca sitadantaḥ sitāṃśumān
asitātmā bhairaveśo bhāgyavān bhagavān bhagaḥ

28.28

bhargātmajo bhagāvāso bhagado bhagavardhanaḥ
śubhaṃkaraḥ śuciḥ śāntaḥ śreṣyaḥ śravyaḥ śacīpatiḥ

28.29

vedādyo vedakartā ca vedavedyaḥ sanātanaḥ
vidyāprado vedasāro vaidiko vedapāragaḥ

28.30

vedadhvanirato vīro varo vedāgamārthavit
tattvajñaḥ sarvagaḥ sādhuḥ sadayaḥ § sad (200) asanmayaḥ

28.31

nirāmayo nirākāro nirbhayo nityarūpabhṛt
nirvairo vairividhvaṃsī mattavāraṇasannibhaḥ

28.32

śivaṅkaraḥ śivasutaḥ śivaḥ sukhavivardhanaḥ
śvaityaḥ śvetaḥ śatamukho mugdho modakabhojanaḥ

28.33

devadevo dinakaro dhṛtimān dyutimān dhavaḥ
śuddhātmā śuddhamatimāñchuddhadīptiḥ śucivrataḥ

28.34

śaraṇyaḥ śaunakaḥ śūraḥ śaradambhojadhārakaḥ
dārakaḥ śikhivāheṣṭaḥ śītaḥ śaṅkaravallabhaḥ

28.35

śaṅkaro nirbhayo¹ nityo layaklṛptāsyatatparaḥ
lūto līlārasollāsī vilāsī viśramo bhramaḥ

28.36

bhramaṇaḥ śaśabhṛt sūryaḥ śanirdharaṇinandanaḥ
buddho vibudhasenyaśca budharājo balandharaḥ

28.37

jīvo jīvaprado jaitraḥ stutyo nutyo natipriyaḥ
janako jinamārgajño jainamārganivartakaḥ

28.38

gaurīsuto gururavo gaurāṅgo gajapūjitaḥ
paraṃ padaṃ paraṃ dhāma paramātmā kaviḥ kujaḥ

28.39

rāhudaityaśiraśchedī ketuḥ kanakakuṇḍalaḥ
grahendro grāhito grāhyo'graṇīrghurghuranāditaḥ

28.40

parjanyaḥ pīvaro potrī pīnavakṣāḥ parājitaḥ
vanecaro vanapatirvanavāsaḥ suropamaḥ

28.41

pueyaṃ pūtaḥ pavitraṃ ca parātmā pūrṇavigrahaḥ
pūrṇenduśakalākāro manyuḥ pūrṇamanorathaḥ

28.42

yugātmā yugabhṛd yajvā (300) yājñiko yajñavatsalaḥ
yaśasvī yajamāneṣṭo vajrabhṛd vajrapañjaraḥ

28.43

maṇibhadro maṇimayo mānyo mīnadhvajāśritaḥ
mīnadhvajo manohārī yogināṃ yogavardhanaḥ

28.44

draṣṭā sraṣṭā tapasvī ca vigrahī tāpasapriyaḥ
tapomayastapomūrtistapanaśca tapodhanaḥ

28.45

rucako mocako ruṣṭastuṣṭastomaradhārakaḥ
daṇḍī caṇḍāṃśuravyaktaḥ kamaṇḍaludharo'naghaḥ

28.46

kāmī karmarataḥ kālaḥ kolaḥ kranditadiktaṭaḥ
bhrāmako jātipūjyaśca jāḍyahā jaḍamudanaḥ

28.47

jālandharo jagadvāsī hāsakṛd havano haviḥ
haviṣmān havyavāhāśo hāṭako hāṭakāṅgadaḥ

28.48

sumerurhimavān hotā haraputro halaṅkaṣaḥ
hālāpriyo hṛdāśāntaḥ kāntāhṛdayapoṣaṇaḥ

28.49

śoṣaṇaḥ kleśahā krūraḥ kaṭhoraḥ kaṭhinākṛtiḥ
kūvaro dhīmayo dhyātā dhyeyo dhīmān dayānidhiḥ

28.50

daviṣṭho damano ghustho dātā trātā sitaḥ samaḥ
nirgato naigamī gamyo nirjeyo jaṭilo'jvaraḥ

28.51

janajīvo jitārātirjagadvyāpī jaganmayaḥ
cāmīkaranibho'nādyo nalināyatalocanaḥ

28.52

rocano mocano mantrī mantrakoṭisamāśritaḥ
pañcabhūtātmakaḥ pañcasāyakaḥ pañcavaktrakaḥ

28.53

pañcamaḥ paścimaḥ pūrvaḥ (400) pūrṇaḥ kīrṇālakaḥ kudhiḥ
kaṭhorahṛdayo grīvālaṅkṛto lalitāśayaḥ

28.54

lolacitto bṛhannāso māsapañcarturūpavān
dhruvo drutagatirdharmyo dharmī nākipriyo'nalaḥ

28.55

agastyo grastabhuvano bhuvanaikamalāpahaḥ
sāgaraḥ svargatiḥ svacchaḥ sānandaḥ sādhupūjitaḥ

28.56

satīpatiḥ samarasaḥ sanakaḥ saralaḥ suraḥ
surāāpriyo vasupatirvāsavo vasupūjitaḥ

28.57

vittado vittanāthaśca dhanināṃ dhanadāyakaḥ
rājī rājīvanayanaḥ smṛtidaḥ kṛttikāmbaraḥ

28.58

āśvino'śvamukhaḥ śubhro bharaṇo bharaṇīpriyaḥ
kṛttikāsanagaḥ kolo rohī rohiṇapādukaḥ

28.59

ṛkṣaveṣṭo'rimardī ca rohiṇīmohano'mṛtam
mṛgarājo mṛgaśirā mādhavo madhuradhvaniḥ

28.60

ārdrānato mahābuddhirmahoragavibhūṣaṇaḥ
bhūdvepadattavibhavo bhūkarālaḥ punarmayaḥ

28.61

punardevaḥ punarjetā punarjīvaḥ punarvasuḥ
tittiristimiketuśca timicārakaghātanaḥ

28.62

tiṣyastulādharo jambhyo viśleṣo'śleṣa eṇarāṭ
mānado mādhavo māgho vācālo maghavopamaḥ

28.63

medhyo maghāpriyo megho mahāmukho mahābhujaḥ
pūrvaphālgunikaḥ sphītaḥ phalguruttaraphālgunaḥ

28.64

phenilo brahmado brahmā saptatantusamāśrayaḥ
ghoṇāhastaścaturhasto hastivakko halāyudhaḥ

28.65

citrāmbaro(500)'rcitapadaḥ svāditaḥ svātivigrahaḥ
viśākhaḥ śikhisevyaśca śikhidhvajasahodaraḥ

28.66

aṇu reṇuḥ kalāsphāro'nūrū reṇusuto naraḥ
anūrādhāpriyo rādhyaḥ śrīmānchukraḥ śucismitaḥ

28.67

jyeṣṭhaḥ śreṣṭhārcitapado mūlaṃ trijagato guruḥ
śuciḥ pūrvastathāṣāḍhaścottarāṣāḍha īśvaraḥ

28.68

śravyo'bhijidanantātmā śravo vepitadānavaḥ
śrāvaṇaḥ śravaṇaḥ śrotā dhanī dhanyo dhaniṣṭhakaḥ

28.69

śātatapaḥ śātakumbhaḥ śataṃjyotiḥ śataṃbhiṣak
pūrvābhādrapado bhadraścottarābhādrapāditaḥ

28.70

reṇukātanayo rāmo revatīramaṇo ramī
aśviyuk kārtikeyaṣṭo mārgaśīrṣo mṛgottamaḥ

28.71

puṣyaśauryaḥ phālgunātmā vasantaścitrako madhuḥ
rājyado'bhijidātmīyastāreśaḥ tārakadyutiḥ

28.72

pratītaḥ projjhitaḥ prītaḥ paramaḥ pāramo hitaḥ
parahā paścabhūḥ paścavāyuḥ pūjyaḥ paraṃ mahaḥ

28.73

purāṇāgamavid yogyo mahiṣo rāsabho'gragaḥ
grāho meṣo vṛṣo mando manmatho mithunārcitaḥ

28.74

kalkabhṛt kaṭako dīno markaṭaḥ karkaṭo ghṛṇī
kukkuṭo vanajo haṃsaḥ parahaṃsaḥ śṛgālakaḥ

28.75

siṃhaḥ siṃhāsano mūṣo mohyo mūṣakavāhanaḥ (600)
putrado narakatrātā kanyaାprītaḥ kulodvahaḥ

28.76

atulyarūpo baladastulābhṛt tulyasācikaḥ
alicāpadharo dhanvī kacchapo makaro makhiḥ

28.77

sthiraḥ praśnurmahākarmī mahābhogī mahāyaśāḥ
vasumūrtiṃdharo vyagro'surahārī yamāntakaḥ

28.78

devāgraṇīrgaṇādhyakṣo hyambujālo mahāmatiḥ
aṅgadī kueḍalī bhaktipriyo bhaktavivardhanaḥ

28.76-2

gāṇapatyaprado māyī vedavedāntapāragaḥ
kātyāyanīsuto brahmapūjito vighnanāśanaḥ

28.80

saṃsārabhayavidhvaṃsī mahorasko mahīdharaḥ
vighnāntako mahāgrīvo bhūśaṃ modakamoditaḥ

28.81

vārāṇasīpriyo mānī gahana śrākhuvāhanaḥ
guhāśrayo viṣṇupadītanayaḥ sthānado dhruvaḥ

28.82

parārddhistuṣṭo vimalo maulimān vallabhāpriyaḥ
caturdaśīpriyo mānyo vyavasāyo madānvitaḥ

28.83

acintyaḥ siṃhayugalaniviṣṭo bālarūpadhṛt
dhīraḥ śaktimatāṃ śreṣṭho mahābalasamanvitaḥ

28.84

sarvātmā hitakṛd vaidyo mahākuccirmahāmatiḥ
karaṇaṃ mṛtyuhārī ca pāpasaṅghanivartakaḥ

28.85

uddhid vajrī mahādaityasūdano dīnarakṣakaḥ
bhūtacārī pretacārī buddhirūpo manomayaḥ

28.86

ahaṅkāravapuḥ sāṃkhyapuruṣastriguṇātmakaḥ
tanmātrarūpo bhūtātmā indriyātmā vaśīkaraḥ

28.87

malatrayabahirbhūto hyavasthātrayavarjitaḥ
nīrūpo bahurūpaśca kinnaro nāgavikramaḥ

28.88

ekadanto mahāvegaḥ senānī stridaśādhipaḥ
viśvakartā viśvabījaṃ (700 ) śrīḥ saṃpad‌ṛddhirdhṛtirmatiḥ

28.89

sarvaśoṣakaro vāyuḥ sūkṣmarūpaḥ suniścalaḥ
saṃhartā sṛṣṭikartā ca sthitikartā layāśritaḥ

28.90

sāmānyarūpaḥ sāmāsyo'tharvaśīrṣā yajurbhujaḥ
ṛgītcaṇaḥ kāvyakartā śicākārī niruktavit

28.61-2

śeṣarūpadharo mukhyaḥ śabdabrahmasvarūpabhāk
vicāravākśabdadhārī satyavrataparāyaṇaḥ

28.62-2

mahātapā ghoratapāḥ sarvado bhīmavikramaḥ
sarvasaṃpatkaro vyāpī meghagambhīranādabhṛt

28.63-2

samṛddho bhūtido bhogī veśī śaṅkaravatsalaḥ
śambhubhaktirato mokṣadātā bhavadvānalaḥ

28.64-2

satyastapā dhyeyamūrtiḥ karmamūrtirmahāṃstathā
samāṣṭivyaṣṭirūpaśca pañcakośaparāṅmukhaḥ

28.65-2

tejonidhirjaganmūrtiśvarācaravapurdharaḥ
prāṇado jñānamūrtiśca nādamūrtiyuto'cvaraḥ

28.66-2

bhūtādyastaijaso bhāvo niṣkalaścaiva nirmalaḥ
kūṭasthaścetano rudraḥ kṣetravit puruṣo budhaḥ

28.67-2

anādhāro'pyanākāro dhātā ca viśvatomukhaḥ
apratarkyavapuḥ skandānujo bhānurmahāprabhaḥ

28.68-2

yajñahartā yajñakartā yajñānāṃ phaladāyakaḥ
yajñagoptā yajñamayo dakṣayajñavināśakṛt

28.69-2

vakratuṇḍo mahākāyaḥ koṭisūryasamaprabhaḥ
ekadaṃṣṭraḥ kṛṣṇapiṅgo vikaṭo dhūmravarṇakaḥ

28.100

ṭaṅkadhārī jambukaśca nāyakaḥ śūrpakarṇakaḥ
suvarṇagarbhaḥ sumukhaḥ śrīkaraḥ sarvasiddhidaḥ

28.101

suvarṇavarṇo hemāṅgo mahātmā candanacchaviḥ
khaḍgaḥ khaccaḥ (800) śatānando lokavillokavigrahaḥ

28.102

indro jiṣṇurdhūmaketurvahniḥ pūjyo davāntakaḥ
pūrṇānandaḥ parānandaḥ purāṇapuruṣottamaḥ

28.103

kumbhabhṛt kalaśī kubjo mīnamāṃsasutarpitaḥ
‡rāśitārāgrahamayastithirūpo jagadvibhuḥ

28.104

pratāpī pratipatpreyān dvitīyo'dvaitaniścitaḥ
trirūpaśca tṛtīyāgnistrayīrūpastrayītanuḥ

28.105

caturthīvallabho devo pāragaḥ pañcamīravaḥ
ṣaḍsākhyādako'jātaḥ ṣaṣṭhī ṣaṣṭikavatsaraḥ

28.106

saptārthavagatiḥ sāraḥ saptamīśvara īhitaḥ
aṣṭamīnandano'nārto navamībhaktibhāvitaḥ

28.107

daśadikpatipūjyaśca daśamī duhiṇo drutaḥ
ekādaśātmā gaṇapo dvādaśīyugacarcitaḥ

28.108

trayodaśamanustutyaścaturdaśasurapriyaḥ
caturdaśendrasaṃstutyaḥ pūrṇimānandavigrahaḥ

28.109

darśādarśo darśanaśca vānaprastho munīśvaraḥ
maunī madhuravāṅmūlaṃ mūrtimān meghavāhanaḥ

28.110

mahāgajo jitakrodho jitaśatrurjayāśrayaḥ
raudro rudrapriyo rukmo rudraputro'ghatāpanaḥ

28.111

bhavapriyo bhavānīṣṭo bhārabhṛd bhūtabhāvanaḥ
gāndharvakuśalo'kuṇṭho vaikuṇṭho viṣṇusevitaḥ

28.112

vṛtrahā vighnahā sīraḥ samastaduritāpahaḥ
mañjulo mārjano matto durgāputro durālasaḥ

28.113

anantacitsudhādhāro vīro vīryaikasādhakaḥ
bhāsvanmukuṭamāṇikyaḥ kūjatkiṅkiṇijālakaḥ

28.114

śuṇḍādhārī tuṇḍacalaḥ kuṇḍalī muṇḍamālakaḥ
padmākṣaḥ padmahastaśca (600) padmanābhasamarcitaḥ

28.115

udgītho naradantāḍhyamālābhūṣaṇabhūṣitaḥ
nārado vāraṇo lolaśravaṇaḥ śūrpakaśravāḥ

28.116

bṛhadullāsanāsāḍhyanyāptatrailokyamaṇḍalaḥ
ilāmaṇḍalasaṃbhrāntakṛtānugrahajīvakaḥ

28.117

bṛhatkarṇāśvaloddhūtavāyuvījitadiktaṭaḥ
bṛhadāsyaravākrāntabhīmabrahmāṇḍabhāṇḍakaḥ

28.118

bṛhatpādasamākrāntasaptapātālavepitaḥ
bṛhaddantakṛtātyugrakhānandarasālasaḥ

28.119

bṛhaddhastadhṛtāśeṣāyudhanirjitadānavaḥ
sphuratsindūravadanaḥ sphurattejognilocanaḥ

28.120

uddīpitamaṇisphūrjannūpuradhvanināditaḥ
calattoyapravāhāḍhyanadījalakaṇākulaḥ

28.121

bhramatkuñjarasaṅghātavanditābjasaroruhaḥ
brahmācyutamahārudrapuraḥsarasurārcitaḥ

28.122

aśeṣaśeṣaprabhṛtivyālajālopasevitaḥ
gūrjatpaścānanārācaprāṇākāśadharātalaḥ

28.123

hāhāhūhūkṛtātyugrasuravibhrāntamānasaḥ
pañcāśadvarṇabījāḍhyamantramantritavigrahaḥ

28.124

vedāntaśāstrapīyūṣadhārāsāvitatabhūtalaḥ
śaṅkhadhvanisamākrāntapātālādinabhastalaḥ

28.125

cintāmaṇirmahāmallo bhallahasto baliḥ kaliḥ
kṛtatretāyugollāsabhāsamānajagattrayaḥ

28.126

dvāparaḥ paralokaikakramadhvāntasudhākaraḥ
sudhāsiktavapurvyāptabrahmāṇḍādikaṭāhakaḥ

28.127

akārādicakārāntavarṇapaṅktisamujjvalaḥ
akārākāraśodgītatāranādanināditaḥ

28.128

ikārekāramantrāḍhyamālābhramaṇalālasaḥ
ukārokāraproddhārighoranāgopavītakaḥ

28.129

ṛvarṇāṅkitaṛkārapadmadvayasamujjvalaḥ
lṛkārayutalṛkāraśaṅkhapūrṇādigantaraḥ

28.130

ekāraikāragirijāstanapānavicakṣaṇaḥ
okāraukāraviśvādikṛtasṛṣṭikramālasaḥ

28.131

aṃsraḥvarṇāvalīvyāptapādādiśīrṣamaṇḍalaḥ
karṇatālakṛtātyucairvāyuvījitanirjaraḥ

28.132

khageśadhvajaratnāṅgakirīṭāruṇapādakaḥ
garvitāśeṣagandharvagītatatparaśrotrakaḥ

28.133

ghanavāhanavāgīśapuraḥsarasurārcitaḥ
ṅavarṇāmṛtadhārāḍhyaśobhamānaikadantakaḥ

28.134

candrakuṅkumajambālaliptasundaravigrahaḥ
chatracāmararatnāḍhyamukuṭālaṅkṛtānanaḥ

28.135

jaṭāvaddhamahānarghamakhipaṅktivirājitaḥ
jhāṃkārimadhupatrātagānanādanināditaḥ

28.136

ñavarṇakṛtasaṃhāradaityāsrakapūrṇamudgaraḥ
ṭaṅkārukaphalāsvādavepitāśeṣamūrdhajaḥ

28.137

ṭhakārāḍhyaḍakārāṅgaḍhakārānandatoṣitaḥ
ṇavarṇāmṛtapīyūṣadhārādharasudhādharaḥ

28.138

tāmrasindūrapuñjāḍhyalalāṭaphalakacchaviḥ
thakāradhanapaṅktyāḍhyasantoṣitadvijavrajaḥ

28.136-2

dayāmayahṛdambhojadhṛtatrailokyamaṇḍalaḥ
dhanadādimahāyakṣasaṃsevitapadāmbujaḥ

28.140

namitāśeṣadevaughakirīṭamaṇirañjitaḥ
paravargāpavargādimārgacchedanadakṣakaḥ

28.141

phaṇicakrasamākrāntagalamaṇḍalamaṇḍitaḥ
baddhabhrūyugabhīmograsaṃtarjitasurāsuraḥ

28.142

bhavānīhṛdayānandavardhanaikaniśākaraḥ
madirākalaśasphītakarālaikakarāmbujaḥ

28.143

yajñāntarāyasaṅghātaghātasañjīkṛtāyudhaḥ
ratnākarasutākāntakāntikīrtivivardhanaḥ

28.144

lambodaramahābhīmavapurdīnīkṛtāsuraḥ
varuṇādidiggīśānaracitārcanacarcitaḥ

28.145

śaṅkaraikapriyapremanayanānandavardhanaḥ
ṣoḍaśasvaritālāpagītagānavicakṣaṇaḥ

28.146

samastadurgatisarinnāthottāraṇakoḍupaḥ
harāditrahmavaikuṇṭhabrahmagītādipāṭhakaḥ

28.147

kṣamāpūritahṛtpadmasaṃrañjitacarācaraḥ
tārārṅgamantravarṇaikavigrahojjvalavigrahaḥ

28.148

akārādicakārāntavidyābhūṣitavigrahaḥ
oṃśrīṃvināyako oṃhrīṃvighnādhyakṣo gaṇādhipaḥ

28.149

herambo modakāhāro vakratuṇḍo vidhismṛteḥ
vedāntagīto vidyārthī śuddhamantraḥ ṣaḍakṣaraḥ

28.150

gaṇeśo varado devo dvādaśākṣaramantritaḥ
saptakoṭimahāmantramantritāśeṣavigrahaḥ

28.151

gāṅgeyo gaṇasevyaśca oṃśrīṃhraimāturaḥ śivaḥ
oṃhrīṃśrīṃklīṃglauṃgaṃdevo mahāgaṇapatiḥ prabhuḥ (1000)

28.152

idaṃ nāmnāṃ sahasraṃ te mahāgaṇapateḥ smṛtam
guhyaṃ gopyatamaṃ guptaṃ sarvatantreṣu gopitam

28.153

sarvamantranidhiṃ divyaṃ sarvavighnavināśanam
grahatārāmayaṃ rāśivarṇapaṅktisamanvitam

28.154

sarvavidyāmayaṃ brahmasādhanaṃ sādhakapriyam
gaṇeśasya ca sarvasvaṃ rahasyaṃ tridivaukasām

28.155

yatheṣṭaphaladaṃ loke manorathaprapūraṇam
aṣṭasiddhimayaṃ sādhyaṃ sādhakānāṃ jayapradam

28.156

vinārcanaṃ vinā homaṃ vinā nyāsaṃ vinā japam
aṇimādyaṣṭasiddhīnāṃ sādhanaṃ smṛtimātrataḥ

28.157

caturthyāmardharātre tu paṭhenmantrī catuṣpathe
likhedbhūrje ravau devi puṇyaṃ nāmnāṃ sahasrakam

28.158

dhārayettu caturdaśyāṃ madhyāhne mūrdhni vā bhuje
yoṣidvāmakare baddhvā puruṣo dakṣiṇe bhuje

28.159

stambhayedapi brahmāṇaṃ mohayedapi śaṅkaram
vaśayedapi trailokyaṃ mārayedakhilān ripūn

28.160

uccāṭayecca gīrvāṇān śamayecca dhanañjayam
vandhyā putrānlabhecchīghraṃ nirdhano dhanamāpnuyāt

28.161

trivāraṃ yaḥ paṭhedrātrau gaṇeśasya puraḥ śive
nagnaḥ śaktiyuto devi bhuktvā bhogān yathepsitān

28.162

pratyahaṃ varadaṃ paśyedgaṇeśaṃ sādhakottamaḥ
ya enaṃ paṭhate nāmnāṃ sahasraṃ bhaktipūrvakam

28.163

tasya vittādivibhavo dārāyuḥsaṃpadaḥ sadā
raṇe rājabhaye dyūte paṭhennāmnāṃ sahasrakam

28.164

sarvatra jayamāpnoti gaṇeśasya prasādataḥ
itīdaṃ pueyasarvasvaṃ mantranāmasahasrakam

Linked texts (6)