Pramāṇa · Search · About · API

Devirahasya 3

Devīrahasya 3

Language
Sanskrit

3.1

atha
tṛtīyaḥ paṭalaḥ
śrībhairava uvāca
yo devadevo deveśi mahāmṛtyuñjayaḥ smṛtaḥ
mantroddhāraṃ pravakṣyāmi tasyāhaṃ śṛṇu pārvati

3.2

(1) tryatraṃ hṛjjaṃ śaktiśobhe'pi śaṅkā
māṃ tasmādvai pālaya dvistathaiva
tasmācchaktiḥ khaṃ śarad hṛjtāraṃ
mantroddhāro devi mṛtyuñjayasya

3.3

amṛteśasya vakṣyāmi mantroddhāraṃ maheśvari
yena vijñātamātreṇa dīkṣāphalamavāpnuyāt

3.4

(2) tāraṃ hṛjjaṃ śarattrāma madhye viśvaṃ tathāñcale
mantro'yaṃ sarvasiddhīśaḥ sumukhīśivavallabhaḥ

3.5

(3) praṇavaṃ bhūtibījaṃ ca vaṭṭukāya samuddharet
āpaduddhārakhāyeti kuruyugmaṃ samuccaret

3.6

vaṭukāya parāvījaṃ mantro'yaṃ devadurlabhaḥ
(4) tāraṃ jyoṣaṃ mahādevi tato maheśvarāya ca

3.7

viśvamante manordyānmantro'yaṃ sarvasiddhidaḥ
(5) tāraṃ viśvaṃ śivāyeti mantro'yaṃ bhogamokṣadaḥ

3.8

(6) tāraṃ jyoṣaṃ śivāyeti namo'nte'styaparo manuḥ
iti śivasya mantrāḥ
(7) tāraṃ vāṇī śarat kāmaḥ sadāśivāya proddharet
viśvamante smṛto mantro mantramaulimaṇiḥ paraḥ

3.9

iti sadāśivasya
(8) tāraṃ jyoṣaṃ śivo rudra prasīdeti yugaṃ vadet
ante ṭhadvayamīśāni mantro'yaṃ devadurlabhaḥ

3.10

iti rudrasya
(9) tāraṃ parā śivo devi mahādevāya ṭhadvayam
mantraḥ śivaprado devi śaivānāṃ paramārthadaḥ

3.11

(10) tāraṃ kālī śivo nāma turīrūpaṃ ca ṭhadvayam
mantro bhairavavikhyātaḥ kalau bhogāpavargadaḥ

3.12

iti karālasya
(11) tāraṃ vāgbhavamāmāyā vikarālāya vinyaset
ante ṭhadvayamuccārya mantrarājo'yamīritaḥ

3.13

iti vikarālasya
(12) praṇavaṃ haritaṃ ḍimbaṃ nīlakaṇṭhāya cāśmarī
durgeśanīlakaṇṭhasya mantroddhāro daśākṣaraḥ

3.14

(13) tāraṃ parā ramā-bījaṃ śarvāyeti padaṃ vadet
ante'śmarī manordevi mantro'yaṃ bhogadaḥ smṛtaḥ

3.15

(14) praṇavo vāgbhavo māraḥ śaktiḥ paśupatervanam
mantro'yaṃ devadevasya vallabho muktisādhanam

3.16

(15) tāraṃ parā mṛḍāyeti viśvamante manuḥ smṛtaḥ
(16) tāraṃ hṛjjaṃ parā lakṣmīrmadhye brūyātpinākine

3.17

ante'śmarī manordevi mantro'yaṃ vairisūdanaḥ
(17) tāraṃ śivo maṭhaṃ devi giriśāyāśmarī manuḥ

3.18

(18) tāraṃ parā bhadrikā ca bhīmāyānte'śmarī manuḥ
(19) māyā śivācaraṃ māyā mahāgaṇapamuddharet

3.19

taye'śmarī manorante mantro'yaṃ vighnahārakaḥ
(20) tāraṃ parā ca vāhrīkaṃ pramathādhipamuddharet

3.20

prasīda-dvayamāpo'nte mantro'yaṃ devadurlabhaḥ
(21) chaviḥ kumārāya manorante viśvaṃ manuḥ paraḥ

3.21

sarvadevendrapadado bhogado mokṣadaḥ smṛtaḥ
(22) tāraṃ kālī śivo devi krodhaneśāya cāśmarī

3.22

mantro'yaṃ sarvasiddhīśo vairivarganibarhaṇaḥ
(23) tāraṃ parā ramā lakṣmīrīśāyeti vanaṃ manuḥ

3.23

(24) tāraṃ śivaḥ kāmarājaḥ kapālīśāya saṃvadet
ante ṭhadvayamuddhṛtya mantro'yaṃ syād daśākṣaraḥ

3.24

(25) tāraṃ kālīyugaṃ māyā krūrabhairava proddharet
prasīda-dvayamāpo'nte mantro'yaṃ sarvasiddhidaḥ

3.25

(26) tāraṃ vāṇī śarat kāmaḥ saṃhārāyāścale vanam
mantro'yaṃ devadevasya varṇitaste daśākṣaraḥ

3.26

(27) tāraṃ mā bhūtirmā lakṣmīrīśvarāyāśmarī manuḥ
(28) tāraṃ ca bhāsvatī māyā bhargāyānte'śmarī manuḥ

3.27

(29) tāraṃ cābdhiḥ parā bījaṃ rurave cāśmarī manuḥ
(30) praṇavaṃ kamalā māyā kālāgraye-padaṃ tataḥ

3.28

viśvamante manordevi mantrarājo'yamīritaḥ
(31) tāraṃ vyopaṃ śivo devi sadyojātāya cāśmarī

3.26-2

ugratārāśivasyāyamavyayasya manuḥ smṛtaḥ
(32) mātrādiḥ ṣaḍabhijñavahnikuliśāstatsamādilaṃ mārajidvahnī vajrakagautamāgniyugalaṃ rājyagnivajrāṅkitam
śaṅkau vauṃ ca tamī śubhau bakayutau śaktyau[ikti]rvaṃvajrāśmakā
rājyabdhīndujasindumatsyakuliśā mantro'yamāghorikaḥ

3.30

(33) kūrcadvandvaṃ mahākāla prasīdeti padadayam
māyādvayaṃ vahnijāyā rājarājeśvaro manuḥ

3.31

(34) vāgbhavaṃ madanaśaktitārakā mā parā sakalavidyāścitā
tārayuktaviparītabījakaḥ ṣoḍaśākṣaravidhiḥ śivaḥ smṛtaḥ

3.32

itīdaṃ mantrasarvasvaṃ rahasyaṃ paramaṃ param
tava bhaktyā mayākhyātaṃ nacākhyeyaṃ durātmane

Linked texts (5)