Pramāṇa · Search · About · API

Devirahasya 33

Devīrahasya 33

Language
Sanskrit

Contents

33.1

atha
trayastriṃśaḥ paṭalaḥ
śrībhairava uvāca
yo devadevo bhagavān bhāskaro mahasāṃ nidhiḥ
gāyatrīnāyako bhāsvān saviteti pragīyate

33.2

tasyāhaṃ kavacaṃ divyaṃ vajrapañjarakābhidham
sarvamantramayaṃ guhyaṃ mūlavidyārahasyakam

33.3

sarvapāpāpahaṃ devi duḥkhadāridryanāśanam
mahākuṣṭaharaṃ puṇyaṃ sarvaroganivarhaṇam

33.4

sarvaśatrusamūhaghnaṃ saṃgrāme vijayapradam
sarvatejomayaṃ sarvadevadānavapūjitam

33.5

raṇe rājabhaye ghore sarvopadravanāśanam
mātṛkāveṣṭitaṃ varma bhairavānanirgatam

33.6

grahapīḍāharaṃ devi sarvasaṅkaṭanāśanam
dhāraṇādsya deveśi brahmā lokapitāmahaḥ

33.7

viṣṇurnārāyaṇo devi raṇe daityānjayiṣyati
śaṅkaraḥ sarvalokeśo vāsavo'pi divaspatiḥ

33.8

oṣadhīśaḥ śaśī devi śivo'haṃ bhairaveśvaraḥ
mantrānmakaṃ paraṃ varma savituḥ sāramuttamam

33.9

yo dhārayed bhuje mūrdhni ravivāre maheśvari
sa rājavallabho loke tejasvī vairimardanaḥ

33.10

bahunoktena kiṃ devi kavacasyāsya dhāraṇāt
iha lakṣmīdhanārogya-vṛddhirbhavati nānyathā

33.11

paratra paramā muktirdevānāmapi durlabhā
kavacasyāsya deveśi mūlavidyāmayasya ca

33.12

vajrapañjarakābyasya munirbrahmā samīritaḥ
gāyatryaṃ chanda ityuktaṃ devatā savitā smṛtaḥ

33.13

māyā bījaṃ śarat śaktirnamaḥ kīlakamīśvari
sarvārthasādhane devi viniyogaḥ prakīrtitaḥ

33.14

asya śrīvajrapañjarakavacasya, brahmā ṛṣiḥ, gāyatryaṃ chandaḥ, śrīsavitā devatā, hīṃ bījaṃ, saḥ śaktiḥ, namaḥ kīlakaṃ, sarvārthasādhane vajrapañjarakavacapāṭhe viniyogaḥ
ūm̐ oṃ ām̐ īṃ śiraḥ pātu oṃ sūryo mantravigrahaḥ
ūm̐ ūm̐ ṛm̐ ṝṃ lalāṭaṃ me hrāṃ raviḥ pātu cinmayaḥ

33.15

ḹṃ ḷṃ ḹ ॅeṃ pātu netre hrīṃ mamāruṇasārathiḥ
òṃ auṃ aṃaḥ śrutī pātu saḥ sarvajagadīśvaraḥ

33.16

kaṃkhaṃgaṃghaṃ pātu gaṇḍau suṃ sūreḥ surapūjitaḥ
caṃchaṃjaṃjhaṃ ca nāsāṃ me pātu yāṃ aryamā prabhuḥ

33.17

ṭaṃṭhaṃḍaṃḍhaṃ mukhaṃ pāyād yaṃ yogīśvarapūjitaḥ
taṃthaṃdaṃdhaṃ galaṃ pātu naṃ nārāyaṇavallabhaḥ

33.18

paṃphaṃbaṃbhaṃ mama skandhau pātu maṃ mahasāṃ nidhiḥ
yaṃraṃlaṃvaṃ bhujau pātu mūlaṃ sakalanāyakaḥ

33.19

śaṃpaṃsaṃhaṃ pātu vaco mūlamantramayo dhruvaḥ
ḷaṃkṣaḥ kurci sadā pātu grahanātho dineśvaraḥ

33.20

ṅaṃñaṃṇaṃnaṃmaṃ me pātu pṛṣṭhaṃ divasanāyakaḥ
òṃ ām̐ īṃ uṃ ūṃ ṛṃ ṝṃ nābhiṃ pātu tamopahaḥ

33.21

ḹṃ ḷṃ eṃ aiṃ oṃ auṃ aṃ aḥ liṅgaṃ me'vyād graheśvaraḥ
kaṃkhaṃgaṃghaṃcaṃ chaṃjaṃjhaṃ kaṭiṃ bhānurmamāvatu

33.22

ṭaṃṭhaṃḍaṃḍhaṃ taṃthaṃdaṃdhaṃ jānū bhāsvān mamāvatu
paṃphaṃbaṃbhaṃ yaṃraṃlaṃvaṃ jaṅghe me'vyād vibhākareḥ

33.23

śaṃṣaṃsaṃhaḷaṃkṣaḥ pātu mūlaṃ pādau trayītanuḥ
ṅaṃñaṃṇaṃnaṃmaṃ me pātu savitā sakalaṃ vapuḥ

33.24

somaḥ pūrve ca māṃ pātu bhaumo'gnau māṃ sadāvatu
budho māṃ dakṣiṇe pātu nairṛtyāṃ gurureva mām

33.25

paścime māṃ sitaḥ pātu vāyavyāṃ māṃ śanaiścaraḥ
uttare māṃ tamaḥ pāyādaiśānyāṃ māṃ śikhī tathā

33.26

ūrdhvaṃ māṃ pātu mihiro māmadhastājjagatpatiḥ
prabhāte bhāskaraḥ pātu madhyāhne māṃ dineśvaraḥ

33.27

sāyaṃ vedapriyaḥ pātu niśīthe visphurāpatiḥ
sarvatra sarvadā sūryaḥ pātu māṃ cakranāyakaḥ

33.28

raṇe rājakule dyūte vivāde śatrusaṅkaṭe
saṅgrāme ca jvare roge pātu māṃ savitā prabhuḥ

33.29

oṃ oṃ oṃ uta oṃ oṃ ū hasamaye sūryo'vatānmāṃ bhayād
drāṃ drīṃ druṃ ha hahā hasauḥ hasahasauḥ haṃso'vatāt sarvataḥ
saḥ saḥ saḥ sasasā nṛpādyanacarācaurādipraṇāt saṃkaṭāt
pāyānmāṃ kulanāyako'pi savitā oṃ hrīṃ hasauḥ sarvadā

33.30

drāṃ drīṃ druṃ dadhanaṃ tathā ca tarādhirbhābhairbhayād bhāskaro
rāṃ rīṃ rūṃ rurūṃ rātrirjvarabhayāt kuṣṭhācca śūlāmayāt
aṃ aṃ āṃ vivirvīṃ mahāmayabhayaṃ māṃ pātu mārtaṇḍako
mūlavyāptatanuḥ sadāvatu paraṃ haṃsaḥ sahasrāṃśumān

33.31

iti śrīkavacaṃ divyaṃ vajrapañjarakābhidham
sarvadevarahasyaṃ ca mātṛkāmartraveṣṭitam

33.32

mahārogabhayaghnaṃ ca pāpaghnaṃ manmukhoditam
guhyaṃ yaśaskaraṃ puṇyaṃ sarvaśreyaskaraṃ śive

33.33

likhitvā ravivāre tu tithye vā janmabhe priye
aṣṭagandhena divyena sudhācīreṇa pārvati

33.34

arkakṣīreṇa puṣyena bhūrjatvaci maheśvari
kanakakāṣṭhalekhanyā kavacaṃ bhāskarodaye

33.35

śvetasūtreṇa raktena śyāmenāveṣṭayed guṭīm
sauvarṇenātha saṃveṣṭya dhārayenmūrdhni vā bhuje

33.36

raṇe ripūñjayed devi vāde sadasi jeṣyati
rājamānyo bhavennityaṃ sarvatejomayo bhavet

33.37

kaeṭhasthā putradā devi kukṣisthā roganāśinī
śiraḥsthā guṭikā divyā rājalokavaśaṅkarī

33.38

bhujasthā dhanadā nityaṃ tejobuddhivivardhinī
vandhyā vā kākavandhyā vā mṛtavatsā ca yāṅganā

33.39

kaeṭhe sā dhārayennityaṃ bahuputrā prajāyate
yasya dehe bhavennityaṃ guṭikaiṣā maheśvari

33.40

mahāstrāṇīndramuktāni brahmāstrādīni pārvati
taddehaṃ prāpya vyarthāni bhaviṣyanti na saṃśayaḥ

33.41

trikālaṃ yaḥ paṭhennityaṃ kavacaṃ vajrapañjaram
tasya sadyo mahādevi savitā varado bhavet

33.42

ajñātvā kavacaṃ devi pūjayed yantrayītanum
tasya pūjārjitaṃ puṇyaṃ janmakoṭiṣu niṣphalam

33.43

śatāvartaṃ paṭheddharma saptamyāṃ ravivāsare
mahākuṣṭhārdito devi mucyate nātra saṃśayaḥ

33.44

nīrogo yaḥ paṭheddharmaṃ daridro vajrapañjaram
lakṣmīvāñjāyate devi sadyaḥ sūryaprasādataḥ

33.45

bhaktyā yaḥ prapaṭhed devi kavacaṃ pratyahaṃ priye
iha loke śriyaṃ bhuktvā dehānte muktimāpnuyāt

33.45.p1

iti śrīrudrayāmale tantre śrīdevīrahasye vajrapañjarākhyasūryakavacanirūpaṇaṃ trayastriṃśaḥ paṭalaḥ || 33

Linked texts (5)