Pramāṇa · Search · About · API

Devirahasya 35

Devīrahasya 35

Language
Sanskrit

Contents

35.1

asya śrīsūryanāmasahasrasya , śrībrahmā ṛṣiḥ , gāyatryaṃ chandaḥ , śrībhagavān savitā devatā , hāṃ bījaṃ , saḥ śaktiḥ , hīṃ kīlakaṃ, dharmārthakāmamokṣārthe sūryasahasranāmapāṭhe viniyogaḥ | dhyānam—
kalpāntānalakoṭibhāsvaramukhaṃ sindūradhūlījapāvarṇaṃ ratnakirīṭinaṃ dvinayanaṃ śvetābjamadhyāsanam
nānābhūṣaṇabhūṣitaṃ smitamukhaṃ raktāmbaraṃ cinmayaṃ
sūryaṃ svarṇasarojaratnakalaśau dorbhyāṃ dadhānaṃ bhaje

35.2

pratyagdevaṃ viśadaṃ sahasramarīcibhiḥ śobhitabhūmideśam
saptāśvagaṃ saddhvajahastamādyaṃ devaṃ bhaje'haṃ mihiraṃ hṛdbje

35.3

oṃhrāṃhrīṃ haṃsaḥ so'haṃ savitā bhāskaro bhagaḥ
bhagavān sarvalokeśo bhūteśo bhūtabhāvanaḥ

35.4

bhūtātmā sṛṣṭikṛt sraṣṭā kartā hartā jagatpatiḥ
ādityo varado vīro vīralo viśvadīpanaḥ

35.5

viśvakṛd viśvahṛd bhakto bhoktā bhīmo'bhayāpahaḥ
viśvātmā puruṣaḥ sākṣī paraṃ brahma parāt paraḥ

35.6

pratāpavān viśvayonirviśveśo viśvatomukhaḥ
kāmī yogī mahābuddhirmanasvī manuravyayaḥ

35.7

prajāpatirviśvavandyo vandito bhuvaneśvaraḥ
bhūtabhavyabhaviṣyātmā tattvātmā jñānavān guṇī

35.8

sāttviko rājasastāmasastamasvī karuṇānidhiḥ
sahasrakiraṇo bhāsvān bhārgavo bhṛgurīśvaraḥ

35.9

nirguṇo nirmamo nityo nirānando nirāśrayaḥ
tapasvī kālakṛt kālaḥ kamanīyatanuḥ kṛśaḥ

35.10

durdarśaḥ sudarśo dāśo dīnabandhurdayākaraḥ
dvibhujo'ṣṭabhujo dhīro daśabāhurdaśātigaḥ

35.11

daśāṃśaphalado viṣṇurjiṃgīṣurjayavāñchayī
jaṭilo nirbhayo bhānuḥ padmahastaḥ kuśīrakaḥ

35.12

samāhitagatirdhātā vidhātā kṛtamaṅgalaḥ
mārtaṇḍo lokabhṛt trātā rudro bhadrapradaḥ prabhuḥ

35.13

arātiśamanaḥ śāntaḥ śaṅkaraḥ kamalāsanaḥ
avicintyavapuḥ (100) śreṣṭho mahācīnakrameśvaraḥ

35.14

mahāratiṃdamano dānto mahāmohaharo hariḥ
niyatātmā ca kāleśo dineśo bhaktavatsalaḥ

35.15

kalyāṇakārī kamaṭhakarkaśaḥ kāmavallabhaḥ
vyomacārī mahān satyaḥ śambhurambhojavallabhaḥ

35.16

sāmagaḥ paścimo dravyo dhruvo dīnajanapriyaḥ
trijaṭo raktavāhaśca raktavaktro ratipriyaḥ

35.17

kālayogī mahānādo niścalo dṛśyarūpadhṛk
gambhīraghoṣo nirghoṣo ghaṭahasto mahomayaḥ

35.18

raktāmbaradharo rakto raktamālyānulepanaḥ
sahasrahasto vijayo harigāmī harīśvaraḥ

35.19

muṇḍaḥ kuṇḍī bhujaṅgeśo rathī surathapūjitaḥ
nyagrodhavāsī nyagrodho vṛttakarṇaḥ kulandharaḥ

35.20

śikhī caṇḍī jaṭī jvālī jvālātejomayo vibhuḥ
haimo hemaṃkaro hārī haridralāsanasthitaḥ

35.21

haridaśvo jagadvāsī jagatāṃ patiriṅgitaḥ
virocano vilāsī ca virūpākṣo vikartanaḥ

35.22

vināyako vibhāsaśca bhāso bhāsāṃ patiḥ patiḥ
matimān ratimān svaco viśālākṣo viśāṃpatiḥ

35.23

bālarūpo giricaro gīrpatirgomatīpatiḥ
gaṅgādharo gaṇādhyakṣo gaṇasevyo gaṇeśvaraḥ

35.24

girīśanayanāvāsī sarvāvāsī satīpriyaḥ
satyātmakaḥ satyadharaḥ satyasandhaḥ sahasraguḥ

35.25

apāramahimā mukto muktido mokṣakāmadaḥ
mūrtimān (200) durdharo'mūrtistuṭirūpo lavātmakaḥ

35.26

prāṇeśo dhyānado'pānasamānodānarūpavān
capako ghaṭikārūpo muhūrto dinarūpavān

35.27

pakṣo māsa ṛturvarṣo dinakāleśvareśvaraḥ
ayanaṃ yugarūpaśca kṛtaṃ tretāyugastripāt

35.28

dvāparaśca kaliḥ kālaḥ kālātmā kalināśanaḥ
manvantarātmako devaḥ śakro'tribhuvaneśvaraḥ

35.29

vāsavo'gniryamo rakṣo varuṇo yādasāṃ patiḥ
vāyurvaiśravaṇaḥ śaivyo girijo jalajāsanaḥ

35.30

ananto'nantamahimā parameṣṭhī gatajvaraḥ
kalpāntakalanaḥ krūraḥ kālāgniḥ kālasūdanaḥ

35.31

mahāpralayakṛt kṛtyaḥ kṛtyāśīryugavartanaḥ
kālāvarto yugadharo yugādiḥ śacakeśvaraḥ

35.32

ākāśanidhirūpaśca sarvakālapravartakaḥ
acintyaḥ suvalo bālo balākāvallabho varaḥ

35.33

varado vīryado vāgmī vākpatirvāgvilāsadaḥ
sāṃkhyeśvaro vedagamyo mantreśastantranāyakaḥ

35.34

kulācāraparo nutyo nutituṣṭo nutipriyaḥ
alasastulasīsevyastuṣṭā roganivarhaṇāḥ

35.35

praskandano vibhāgaśca nīrāṃgo daśadikpatiḥ
vairāgyado vimānastho ratnakumbhadharāyudhaḥ

35.36

mahāpādo mahāhasto mahākāyo mahāśayaḥ
ṛgyajuḥsāmarūpaśca atharvaṇaśām̐khilaḥ

35.37

sahasraśākhī sadvyakto mahākalpapriyaḥ pumān
kalpavṛkṣaśca mandāro (300) mandārācalaśobhanaḥ

35.38

merurhimāॅlayo mālī malayo malayadrumaḥ
santānakusumacchannaḥ santānaphalado virāṭ

35.39

kṣīrāmbhodhirghṛtāmbhodhirjaladhiḥ kleśanāśanaḥ
ratnākaro mahāmānyo vaideyo veṇudharo vaśik

35.40

vasanto mārasāmanto grīṣmaḥ kalmaṣanāśanaḥ
varṣākālo varṣapatiḥ śaradmbhojavallabhaḥ

35.41

hemanto hemakeyūraḥ śiśiraḥ śiśuvīryadaḥ
sumatiḥ sugatiḥ sādhurviṣṇuḥ sāmbo'svikāsutaḥ

35.42

sāragrīvo mahārājaḥ sunando nandisevitaḥ
sumeruśikharāvāsī saptapātālagocaraḥ

35.43

ākāśacārī nityātmā viśvalavijayapradaḥ
kulakāntaḥ kum̐lādrīśo vinayī vijayī viyat

35.44

viśvambharo viryacārī viyadrūpo viyadrathaḥ
surathaḥ sugatastutyo veṇuvādanatatparaḥ

35.45

gopālo gomayo goptā pratiṣṭhāyī prajāpatiḥ
āvedanīyo vedādyo mahādivyavapuḥ surāṭ

35.46

nirjīvo jīvano mantrī mahārṇavaninādabhṛt
vasurāvartano nityaḥ sarvāmnāyaprabhuḥ sudhīḥ

35.47

nyāyanirvāpaṇaḥ śūlī kapālī padmamadhyagaḥ
trikoṇanilayaścetyo bindumaṇḍalamadhyagaḥ

35.48

bahumālo mahāmālo divyamālādharo japaḥ
japākusumasaṅkāśo japapūjāphalapradaḥ

35.49

sahasramūrdhā devendraḥ sahasranayano raviḥ
sarvatattvāśrayo brahmo vīravandyo vibhāvasuḥ

35.50

viśvāvasurvasupatirvasunātho visargavān
ādirādityalokeśaḥ sarvagāmī (400) kalāśrayaḥ

35.51

bhogeśo devadevendro narendro havyavāhanaḥ
vidyādhareśo vidyeśo yajñeśo ratnaṇo guruḥ

35.52

ratnaḥkulaikavarado gandharvakulapūjitaḥ
apsarovandito'jayyo jetā daityanibarhaṇaḥ

35.53

guhyakeśaḥ piśāceśaḥ kinnarīpūjitaḥ kujaḥ
siddhasevyaḥ samāmnāyaḥ sādhusevyaḥ saritpatiḥ

35.54

lalāṭācco viśvadeho niyamī niyatendriyaḥ
arko'rkakāntaratneśo'nantabāhuralopakaḥ

35.55

alipātradharo'naṅgo'pyambareśo'mbarāśrayaḥ
akāramātṛkānātho devānāmādirākṛtiḥ

35.56

ārogyakārī cānandavigraho nigraho grahaḥ
ālokakṛt tathādityo vīrādityaḥ prajādhipaḥ

35.57

ākāśarūpaḥ svākāra indrādisurapūjitaḥ
indirāpūjitaścendurindralokāśrayastvinaḥ

35.58

īśāna īśvaraścandre īśa īkāravallabhaḥ
unnatāsyo'pyuruvapurunnatādricaro guruḥ

35.59

utpalo'pyuccalatketuruccairheyagatiḥ sukhī
ukārākārasukhitastathoṣmā nidhirūṣaṇaḥ

35.60

anūrusārathiścoṣṇabhānurūkāravallabhaḥ
ṛṇahartā ṛlihasta ṛṝbhūṣaṇabhūṣitaḥ

35.61

ḹmāṅga ḹmanusthāyī ḹḹgaeḍayugojjvalaḥ
eṇāṅgāmṛtadaśrīnapaṭṭabhṛd bahugocaraḥ

35.62

ekacakradharaścaiko'nekacakṣustathaikayadaḥ
ekārabījaramaṇa eaiścoṣṭhāmṛtākaraḥ

35.63

oṃkārakāraṇaṃ brahma okāraucityamaṇḍanaḥ
ośraudantālirahito mahito mahatāṃ patiḥ

35.64

aṃvidyābhūṣaṇo bhūṣyo lakṣmīśo'mbījarūpavān
aḥ svarūpaḥ (500) svaramayaḥ sarvasvaraparātmakaḥ

35.65

aṃaḥ svarūpamantrāṅgaḥ kalikālanivartakaḥ
karmaikavaradaḥ karmasākṣī kalmaṣanāśanaḥ

35.66

kacadhvaṃsī ca kapilaḥ kanakācalacārakaḥ
kāntaḥ kāmaḥ kapiḥ krūraḥ kīraḥ keśanisūdanaḥ॰

35.67

kṛṣṇaḥ kāpālikaḥ kubjaḥ kamalāśrayaṇaḥ kulī
kapālamocakaḥ kāśaḥ kāśmīraghanasārabhṛt

35.68

kūjatkinnaragīteṣṭaḥ kururājaḥ kulandharaḥ
kuvāsī kulakauleśaḥ kakārāccaramaṇḍanaḥ

35.69

khavārsī kheṭakeśānaḥ khaḍgamuṇḍadharaḥ khagaḥ
khageśvaraśca khacareḥ khecarīgaṇasevitaḥ

35.70

kharāṃśuḥ kheṭakadharaḥ khalahartā khavarṇakaḥ
gantā gītapriyo geyo gayāvāsī gaṇāśrayaḥ

35.71

guṇātīto golagatirgucchalo guṇisevitaḥ
gadādharo gadeharo gāṅgeyavaradaḥ prargī

35.72

giṅgilo gaॅṭilo gānto gakārācarabhāskaraḥ
ghūrṇimān ghurghurārāvo ghaeṭām̐hasto ghaṭākaraḥ

35.73

ghanacchanno ghanagatirghanavāhanatarpitaḥ
ṅānto ṅeśo ṅakārāṅgaścandrakuṅkumavāsitaḥ

35.74

candrāśrayaścandradharo'cyutaścampakasannibhaḥ
cāmīkaraprabhaścaiḍabhānuścaiḍeśavallabhaḥ

35.75

cañcaccakorakokeṣṭaścapalaścapalāśrayaḥ
calatpatākaścaiḍādriścīvaraikadharo'caraḥ

35.76

citkalāvardhitaścintyaścintādhavaṃsī cavarṇavān
chatrabhūm̐cchannahacchandac churikācchinnavigrahaḥ

35.77

jāmbūnadāṅgado'jāto jinendro jambuvallabhaḥ
jambārirjaṅgiṭorṃ jaṅgī janalokatamopahaḥ

35.78

jayakārī (600) jagaddhartā jarāmṛtyuvināśanaḥ
jagattrātā jagaddhātā jagaddhyeyo jagannidhiḥ

35.79

jagatsākṣī jagaccurjagannāthapriyo'jitaḥ
jakārākāramukuṭo bhañjācchannākṛtirbhaṭaḥ

35.80

bhillīśvaro bhakāreśo bhajjājulikarāmbujaḥ
bhajācarāścitaṣaṭkṛṣṭiṣṭirbhāsanasaṃsthitaḥ

35.81

ṭītkāraṣaṭkadhārī ca ṭhaḥsvarūpaṣaṭhādhipaḥ
ḍambharo ḍāmarurḍiṇḍī ḍāmarīśo ḍalākṛtiḥ

35.82

ḍākinīsevito ḍāḍhī ḍaḍhagunphāñjaliprabhaḥ
ṇeśapriyo ṇavarṇeśo ṇakārapadapaṅkajaḥ

35.83

tārādhipeśvarasthyastantrīvādanatatparaḥ
tripureśatrvinetreśastrayītanuradhoccajaḥ

35.84

tāmastāmaraseṣṭaśca tamohartā tamoripuḥ
tandrāhartā tamorūpastapasāṃ phaladāyakaḥ

35.85

tuṭyādikalanākāntastakārāccarabhūṣaṇaḥ
sthāṇusthalīsthito nityaṃ sthaviraḥ sthapiḍalaḥ sthulaḥ

35.86

thakārajānuradhyātmā devanāyakanāyakaḥ
durjayo duḥkhahā dātā dāridryacchedano daimī

35.87

daurbhāgyahartā devendro dvādaśārābjamadhyagaḥ
dvādaśāntaikavasatirdvādaśātmā divaspatiḥ

35.88

durgamo daityaśamano dūrago duratikramaḥ
durdhyeyo duṣṭavaṃśaghno dayānātho dayākulaḥ

35.89

dāmodaro dīdhitimān dakārāccaramātṛkaḥ
dharmabandhurdharmanidhirdharmarājo dhanapradaḥ

35.90

dhanadeṣṭo dhanādhyakṣo dharādarśo dhurandharaḥ
dhūrjaṭīccaṇavāsī ca dharmakṣetro dharādhipaḥ

35.91

dhārādharo dhurīṇaśca dharmātmā dharmavatsalaḥ
dharābhṛdvallabho dharmī dhakārāccarabhūṣaṇaḥ

35.62-2

narmapriyo nandirudro (700) netā nītipriyo nayī
nalinīvallabho nunno nāvyaktnāvyavardhanaḥ

35.63-2

naranātho nṛpastutyo nabhogāmī namaḥpriyaḥ
namonto namitārātirnaranārāyaṇāśrayaḥ

35.64-2

nārāyaṇo nīlarucirnagnāṅgo nīlalohitaḥ
nāderūpo nādamayo nādabindusvarūpakaḥ

35.65-2

nātho nāgapatirnāgo nagarājāśrito nagaḥ
nākasthito'nekavapurnakārādyaramātṛkaḥ

35.66-2

padmāśrayaḥ paraṃ jyotiḥ pīvarāṃsaḥ puṭeśvaraḥ
prītipriyaḥ premakaraḥ praṇatārtibhayāpahaḥ

35.67-2

paratrātā paradhvaṃsī purāriḥ purasaṃsthitaḥ
pūrṇānandamayaḥ pūrṇatejāḥ pūrṇeśvarīśvaraḥ

35.68-2

paṭolavarṇaḥ paṭimā pāṭaleśaḥ parātmavān
parameśavapuḥ prāṃśuḥ pramattaḥ praṇateṣṭadaḥ

35.69-2

apārapāradaḥ pīnaḥ pītāmbarapriyaḥ paviḥ
pācanaḥ piculaḥ pluṣṭaḥ pramadājanasaukhyadaḥ

35.101

pramodī pratipattijñaḥ pakārādyaramātṛkaḥ
phalaṃ bhogāpavargasya phalinīśaḥ phalātmakaḥ

35.102

phulladambhojamadhyasthaḥ phulladambhojadhārakaḥ
sphuṭadyotiḥ sphuṭākāraḥ sphaṭikācalacārakaḥ

35.103

sphūrjatkiraṇamālī ca phakārādyarapārśvakaḥ
bālo balapriyo bānto biladhvāntahairo balī

35.104

bālādirbarbaradhvaṃsī babbolāmṛtapānakaḥ
budho bṛhaspatirbṛcco bṛhadaśvo bṛhadgatiḥ

35.105

bapṛṣṭho bhīmarūpaśca bhāmayo bheśvarapriyaḥ
bhago bhṛgurbhṛgusthāyī bhārgavaḥ kaviśekharaḥ

35.106

bhāgyado bhānudīptāṅgo bhanābhiśca bhamātmakaḥ
mahākālo (800) mahādhyatto mahānādo mahāmatiḥ

35.107

mahojjvalo manohārī manogāmī manobhavaḥ
mānado mallahā mallo merumandaramandiraḥ

35.108

mandāramālābharaṇo mānanīyo manomayaḥ
modito madirāhāro mārtaṇḍo muṇḍamuṇḍitaḥ

35.109

mahāvarāho mīneśo meṣago mithuneṣṭadaḥ
madālaso'marastulyo murārivarado manuḥ

35.110

mādhavo medinīśaśca madhukaiṭabhanāśanaḥ
mālyavān medhano māro medhāvī musalāyudhaḥ

35.111

mukundo murarīśāno marālaphalado madaḥ
madeno modakāhāro makārācaramātmakaḥ

35.112

yajvā yajñeśvaro yānto yogināṃ hṛdayasthitaḥ
yātriko yajñaphalado yāyī yāmalanāyakaḥ

35.113

yoganidrāpiyo yogakāraṇaṃ yogivatsalaḥ
yaṣṭidhārī ca yatreśo yonimaṇḍalamadhyagaḥ

35.114

yuyutsujayado yoddhā yugaidharmānuvartakaḥ
yoginīcakramadhyastho yugaleśvarapūjitaḥ

35.115

yānto yacaikatilako yakārācarabhūṣaṇaḥ
rāmo ramaṇaśīlaśca ratnabhānū rurupriyaḥ

35.116

ratnamaulīॅ ratnatuṅgo ratnapīṭhāntarasthitaḥ
ratnāṃśumālī ratnāḍhyo ratnakaṅkaṇanūpuraḥ

35.117

ratnāṅgadalasadrāhū ratnapām̐dukamaṇḍitaḥ
rohiṇīśāśrayo ratnākaro rātriśvarāntakaḥ

35.118

rakārācarūpaśca lajjābījāśrito lavaḥ
lakṣmībhānurlatāවāsī lasatkāntiśca lokabhṛt

35.119

lokāntakaharo lāmāvallabho lomaśo'ligaḥ
liṅgeśvaro liṅganādo līlākārī lalambusaḥ

35.120

lakṣmīvām̐llokavidhvaṃsī lakārācarabhūṣaṇaḥ
vāmano vīravīrendro vācālo (600) vākpatipriyaḥ

35.121

vācāmagocaro vānto vīṇāveṇudharo vanam
vāgbhavo vāliśadhvaṃsī vidyānāyakanāyakaḥ

35.122

vakāramātṛkāmauliḥ śāmbhaveṣṭapradaḥ śukaḥ
śaśī śobhākaraḥ śāntaḥ śāntikucchamanapriyaḥ

35.123

śubhaṅkaraḥ śuklavastraḥ śrīpatiḥ śrīyutaḥ śrutaḥ
śrutigamyaḥ śaradbījamaṇḍitaḥ śiṣṭasevitaḥ

35.124

śiṣṭācāraḥ śubhācāraḥ śeṣaḥ śevālatāḍanaḥ
śipiviṣṭaḥ śiviḥ2 śukrasevyaḥ ṣācaramātṛkaḥ

35.125

ṣaḍānanaḥ ṣaṭkarakaḥ ṣoḍaśasvarabhūṣitaḥ
ṣaṭpadkhanasantoṣī ṣaḍāmnāyapravartakaḥ

35.126

ṣaḍsākhādasantuṣṭaḥ ṣakārācaramātṛkaḥ
sūryabhānuḥ sūrabhānuḥ sūribhānuḥ sukhākaraḥ

35.127

samastadaityavaṃśaghnaḥ samastasurasevitaḥ
samastasādhakeśānaḥ samastakulaśekharaḥ

35.128

surasūryaḥ sudhāsūryaḥ svaḥsūryaḥ sācareśvaraḥ
haritsūryo haridbhānurhavirbhug havyavāhanaḥ

35.129

hālāpsaryo homasūryo hutasūryo harīśvaraḥ
hrāṃbījamūryo hrīṃsūryo hakārādyamātṛkaḥ

35.130

ṟaṃbījamakhiḍataḥ sūryaḥ cogīsūryaḥ camāpatiḥ
cutsūryaḥ cāntasūryaśca ṟaṃcaḥsūryaḥ sadāśivaḥ

35.131

akārasūryaḥ caḥsūryaḥ sarvasūryaḥ kṛpānidhiḥ
bhūḥsūryaśca bhuvaḥsūryaḥ svaḥsūryaḥ sūryanāyakaḥ

35.132

grahasūrya ṛcasūryo lagnasūryo maheśvaraḥ
rāśisūryo yogasūryo mantrasūryo manūttamaḥ

35.133

tattvasūryaḥ parāsūryo viṣṇusūryaḥ pratāpavān
rudrasūryo brahmasūryo vīrasūryo varottamaḥ

35.134

dharmasūryaḥ karmasūryo viśvasūryo vināyakaḥ | (1000)
itīdaṃ devadeveśi mantranāmasahasrakam

35.135

devadevasya savituḥ sūryasyāmitatejasaḥ
sarvasāramayaṃ divyaṃ brahmatejovivardhanam

35.136

brahmajñānamayaṃ puṇyaṃ puṇyatīrthaphalapradam
sarvayajñaphalaistulyaṃ sarvasārakhatapradam

35.137

sarvaśreyaskaraṃ loke kīrtidaṃ dhanadaṃ param
sarvavrataphalodriktaṃ sarvadharmaphalapradam

35.138

sarvarogaharaṃ devi śarīrārogyavardhanam
prabhāvamasya deveśi nāmnāṃ sahasrakasya ca

35.139

kalpakoṭiśatairvarṣairnaiva śaknomi varṇitum
yaṃ yaṃ kāmamabhidhyāyed devānāmapi durlabham

35.140

taṃ taṃ prāpnoti sahasā paṭhanenāsya pārvati'
yaḥ paṭhecchrāvayedvāpi śrṛṇoti niyatendriyaḥ

35.141

sa vīro dharmiṇāṃ rājā lakṣmīvānapi jāyate
dhanavāñjāyate loke putravān rājavallabhaḥ

35.142

āyurārogyavān nityaṃ sa bhavet saṃpadāṃ padam
ravau paṭhenmahādevi sūryaṃ saṃpūjya kaulikaḥ

35.143

sūryodaye raviṃ dhyātvā labhet kāmān yathepsitān
saṃkrāntau yaḥ paṭhed devi trikālaṃ bhaktipūrvakam

35.144

iha loke śriyaṃ bhuktvā sarvarogaiḥ pramucyate
saptamyāṃ śuklapakṣe yaḥ paṭhedastaṃgate ravau

35.145

sarvārogyamayaṃ dehaṃ dhārayet kaulikottamaḥ
vyatīpāte paṭhed devi madhyāhne saṃyatendriyaḥ

35.146

dhanaṃ putrān yaśo mānaṃ labhet sūryaprasādataḥ
cakrārcane paṭhed devi japan mūlaṃ raviṃ smaran

35.147

ravībhūtvā mahācīnakramācāravicakṣaṇaḥ
sarvaśatrūn vijityāśu labhellakṣmīṃ pratāpavān

35.148

yaḥ paṭhet paradeśastho baḍukārcanatatparaḥ
kāntāśrito vītabhayo bhavet sa śivasannibhaḥ

35.149

śatāvartaṃ paṭhedyastu sūryodayayugāntare
savitā sarvalokeśo varadaḥ sahasā bhavet

35.150

bahunātra kimuktena paṭhanādasya pārvati
iha lakṣmīṃ sadā bhuktvā paratrāmoti tatpadam

35.151

ravau devi likhedbhūrje mantranāmasahasrakam
aṣṭagandhena divyena nīlapuṣpaharidrayā

35.152

pañcāmṛtauṣadhībhiśca nṛyukpīyūṣabindubhiḥ
vilikhya vidhivanmantrī yantramadhye'rṇaveṣṭitam

35.153

guṭīṃ vidhāya saṃveṣṭya mūlamantramanusmaran
kanyākārtitasūtreṇa veṣṭayedraktakalācayā

35.154

suvarṇena ca saṃveṣṭya pañcagavyena śodhayet
sādhayenmatrarājena dhārayenamūrdhni vā bhuje

35.155

kiṃ kiṃ na sādhayed devi yanmamāpi sudurlabham
kuṣṭharogī ca śūlī ca pramehī kucirogavān

35.156

bhagandharāturo'pyarśī aśmarīvāṃśca kṛcchravān
mucyate sahasā dhṛtvā guṭīmetāṃ sudurlabhām

35.157

vandhyā ca kākavandhyā ca mṛtavatsā ca kāminī
dhārayedguṭikāmetāṃ vatsāsi syatarpitā

35.158

vandhyā labhet sutaṃ kāntaṃ kākavandhyāpi pārvati
mṛtavatsā bahūn putrān surūpāṃśca cirāyuṣaḥ

35.159

raṇe gatvā guṭīṃ dhṛtvā śatrūñjitvā labhecchriyam
acchatāṅgo mahārājaḥ sukhī svapuramāviśet

35.160

yo dhārayed bhuje nityaṃ rājalokavaśaṅkarīm
guṭikāṃ mohanākarṣastambhanoccāṭanakṣamām

35.161

sa bhavet sūryasaṅkāśo mahasā mahasāṃ nidhiḥ
dhanena dhanado devi vibhavena ca śaṃkaraḥ

35.162

śriyendro yaśasā rāmaḥ pauruṣeṇa ca bhārgavaḥ
girā bṛhaspatirdevi nayena bhṛgunandanaḥ

35.163

balena vāyusaṅkāśo dayayā puruṣottamaḥ
ārogyeṇa ghaṭodbhūtiḥ kāntyā pūrṇendusannibhaḥ

35.164

dharmeṇa dharmarājaśca ratnaiḥ ratnākaropamaḥ
gāmbhīryeṇa tathāmbhodhirdārḍhyena baliḥ svayam

35.165

siddhyā śrībhairavaḥ sācādānandena cidīśvaraḥ
kiṃ pralāpena bahunā paṭhedvā dhārayecchive

35.166

śṛṇuyād yaḥ paraṃ divyaṃ sūryanāmasahasrakam
sa bhaved bhāskaraḥ sācāt paramānandavigrahaḥ

35.167

svatantraḥ sa prayātyante tadviṣṇoḥ paramaṃ padam
idaṃ divyaṃ mahat tattvaṃ sūryanāmasahasrakam

35.168

aprakāśyamadātavyamavaktavyaṃ durātmane
abhaktāya kucailāya paraśiṣyāya pārvati

35.169

karkaśāyākulīnāya durjanāyāghabuddhaye
gurubhaktivihīnāya nindakāya śivāgame

35.170

deyaṃ śiṣyāya śāntāya gurubhaktiparāya ca
kulīnāya subhaktāya sūryabhaktiratāya ca

35.171

idaṃ tattvaṃ hi tattvānāṃ vedāgamarahasyakam
sarvamantramayaṃ gopyaṃ gopanīyaṃ svayonivat

35.171.p1

iti śrīrudrayāmale tantre śrīdevīrahasye sūryasahasranāmanirūpaṇaṃ catustriśaḥ paṭalaḥ || 34

Linked texts (4)