Pramāṇa · Search · About · API

Devirahasya 36

Devīrahasya 36

Language
Sanskrit

36.1

pañcatriṃśaḥ paṭalaḥ
śrībhairava uvāca
adhunā devi vakṣyāmi stotraṃ mantranirūpaṇam
pañcamāmnāyamayaṃ tattvaṃ sarvāpattāraṇaṃ dhruvam

36.2

aṣṭasiddhimayaṃ sādhyaṃ siddhidaṃ buddhivardhanam
sarvāmayapraśamanaṃ tejobalavivardhanam

36.3

mahādāridryaharaṇaṃ putrapautrapradaṃ śive
bhogāpavargadaṃ loke rahasyaṃ mama pārvati

36.4

stotrasyāsya mahādevi ṛṣirbrahmā samīritaḥ
gāyatryaṃ chanda ityuktaṃ devatā savitā smṛtaḥ

36.5

bījaṃ ca hyoṣamākhyātaṃ māyā śaktiritīritā
praṇavaḥ kīlakaṃ devi viśvaṃ digbandhanaṃ tataḥ

36.6

bhogāpavargasiddhyarthaṃ viniyogaḥ prakīrtitaḥ
asya śrīsūryastotramantrasya, śrībrahmā ṛṣiḥ, gāyatryaṃ chandaḥ, savitā devatā, hāṃ bījaṃ, hīṃ śaktiḥ, oṃ kīlakaṃ, namo digbandhanaṃ, bhogāpavargasiddhyarthe pāṭhe viniyogaḥ || dhyānam—
dedīpyamānamukuṭaṃ māṇikyakuṇḍalamaṇḍitam
visphurāliṅgitaṃ dhyātvā stotrametadudīrayet

36.7

kalpāntānalakoṭibhāsvaramukhaṃ sindūradhūlījapāvarṇāṃ ratnakirīṭinaṃ dvinayanaṃ śvetābjamadhyāsanam
nānābhūṣaṇabhūṣitaṃ smitamukhaṃ raktāmbaraṃ cinmayaṃ
sūryaṃ svarṇasarojaratnakalaśau dorbhyāṃ dadhānaṃ bhaje

36.8

vedādyaṃ nādabindusphuritaśaśikalālaṅkṛtaṃ mantramūlaṃ
yo dhyāyedvedavidyādhyayanavirahito jāḍyapūrṇo daridraḥ
sadyaḥ sa corvīpālojjvalamukuṭalasadratnanīrājitāṅghrivārgīśaṃ jeṣyate¹ drāk surasadasi sudhāpūritābhiśca vāgbhiḥ

36.6-2

śivākāraṃ vahniṃ śaśadharakalābindulilitaṃ
vibho dhyāyeccitte manumukuṭaratnaṃ japati yaḥ
sa saṃgrāme jitvā sakalaripusaṅghātamacirād
bhavet samrāḍ bhūmau vrajati hi parāsutva padam

36.10

vyomānalārūḍhamiti smared yo
vāmācivindvīndukalābhirāmam
gadyādipadyāmṛtavarṣiṇī vāg
vakke vibho tasya karasthitā śrīḥ

36.11

śaktiṃ bhaktiyuto japedyadi manormadhye smaran bhāskaraṃ
rogārto nijaśaktikāmarasiko hālārasenālasaḥ
vīro vīryamayo nirāmayavapurbhūleha śuklā śriyaṃ
svargastrījanavījitaḥ sa bhagavan dhāmākhyaṃ yāti

36.12

sūryāyetyabhidhācarāṇi japate yo deva sūryodaye
mūkaḥ śokayuto mahābhayamayo dāridryapīḍākulaḥ
sadyo gadyasupadyasārasaralā niryāti vāṇī mukhāt
tasyārogyatanorbhavanti bhagavan vaśyāḥ sadā saṃpadaḥ

36.13

viśvaṃ viśvamanorvibho'śvalagataṃ yo mānase sañjaped
rātrau kāmakalāsamāhitatanuḥ kāmāturaḥ kautukī
kāmaṃ hanta tilottamottamatamā kāmābhirāmā'samā
sadyastasya vaśībhaviṣyati mahātejasvino māninaḥ

36.14

maṇimukuṭamarīcisphītabhāsvallalāṭaṃ
kanakakalaśādivyāmbhojahastāravindam
nikhilanigamagamyaṃ visphurāliṅgitāṅgaṃ
manasi sarasijeṣṭaṃ sūryamīśaṃ namāmi

36.15

bhūgehaśobhitapa(su)rāraṇabhūṣitāṣṭapatrāścitātmavasukoṇasurāśrabindau
devaṃ niṣaṇṇamuditāṃśusahasrabhāsvadadehaṃ bhajāmi bhagavantamanantamādyam

36.16

iti stotraṃ mantrātmakamakhilatantroddhṛtamidaṃ
paṭhet prātaḥsnāto mihirabhuvaneśasya bhavataḥ
bhaved bhogī bhūmau vibhavasahitaḥ kīrtisahitaḥ
paratrānte viṣṇorvrajati paramaṃ dhāma savituḥ

36.17

itīdaṃ devi paścāṅgaṃ devadevasya bhāsvataḥ
tava snehānmayākhyātaṃ nākhyeyaṃ yasya kasyacit

36.18

yadgṛhe vartate purayaṃ paścāṅgaṃ paramātmanaḥ
savituḥ sarvasarvasvaṃ rahasyaṃ guhyamuttamam

36.19

tadgṛhe niścalā lakṣmīrdāsīva vasati caret
nāgnibhītirna dāridryaṃ na rogo nāpyupadravaḥ

36.20

na rājabhītirno śokaḥ sadā sarvārthasaṃpadeḥ
idaṃ tattvaṃ hi tattvānāṃ rahasyaṃ devadurlabham

36.21

adātavyamabhaktāya dātavyaṃ ca mahātmane
guhyātiguhyaguhyaṃ ca sūryapaścāṅgamuttamam

Linked texts (4)