Pramāṇa · Search · About · API

Devirahasya 38

Devīrahasya 38

Language
Sanskrit

Contents

38.1

śrībhairava uvāca
adhunā devi vakṣye'haṃ gadyapadyaikarūpiṇīm
paddhatiṃ nityapūjāyā lakṣmīnārāyaṇasya te

38.1.p1.1

brāhme muhūrte utthāya baddhapadmāsanaḥ svaśiraḥsthasahasrārādhomukhamalakarṇikāntargataṃ nijaguruṃ śvetālaṅkārālaṅkṛtaṃ dhyātvā, mānasairupacārairabhyarcya, tadgre mūlaṃ svaśaktyā japtvā, tajjapaṃ gurave samarpya,
tadājñāmādāya bahirāgatya dūraṃ malādi saṃtyajya varṇoktaṃ śaucamādāya,
nadyādau gatvā, "ūm̐klīṃ sarvajanapriyāya kāmadevāya namaḥ" iti dantān
viśodhya, ātmaśuddhiṃ kṛtvā mṛttrayaṃ mūlena saṃśodhya, malāpakarṣaṇaṃ
snānaṃ kṛtvā mantrasnānaṃ caret| tatra mṛdā "ūm̐gāṅgūṃ gaṅge ca yamune
caiva godāvari sarasvati| narmade sindhukāveri jale'smin saṃnidhiṃ
kuru" || ityaṅkuśamudrayāvāhya, mṛdā mūlaṃ "deveśa bhaktisulabha parivārasamanvita| yāvat tvāṃ tarpayiṣyāmi tāvad deva ihāvaha" || ityāvāhanādimudrāḥ pradarśya dhenuyonimatsyamudrāḥ pradarśya mṛdamaṅge vilipya,
jale tryaśraṃ vibhāvya, tryaśre mūlaṃ vilikhya, tatra mūlamuccaraṃstrirunmajjet
tataḥ sūryāyārghyatrayaṃ dadyāt, "ūm̐hīṃhaṃsaḥ śrīsūryāya eṣa te'rgho namaḥ"
ityarghyatrayaṃ dattvā jalādāruhya, vāsāṃsi paridhāpya, dehaśuddhiṃ vidhāya,
mūlarṣinyāsādi vidhāya, mūlaṃ yathāśaktyā japtvā'ghamarṣaṇaṃ kuryāt
vāmahaste jalaṃ dhṛtvā, dattahastenācchādya, yaṃraṃvaṃlaṃhaṃ iti saptadhābhimantrya,
tadgalitodakabindubhirmūlamuccaraṃścaturdaśadhā śiraḥ prodyāvaśiṣṭajalaṃ dattahaste
dhṛtveḍayāntarnītvā pāpaṃ prakṣālya, tajjalaṃ kaluṣaṃ vāmanāsāpuṭena bahīṃ
recayitvā vāmamārgastheśilāyāmāsphālayedityaghamarṣaṇam

38.1.p1.2

tataḥ pūrvavannyāsaṃ vidhāya gāyatrīṃ japet "ūm̐hrīṃ lakṣmīnārāyaṇāya vidmahe haṃsauḥ parabrahmaṇe dhīmahi hrīṃ śrīṃ tannaḥ paramātmā pracodayāt 3| iti yathāśaktyā japtvā, anayā śrīgāyatryā sāṅgāya savāhanāya saparicchadāya saśaktikāya śrīlakṣmīnārāyaṇāya eṣa te'rgho namaḥ, ityarghyatrayaṃ dattvā, prāṇāyāmatrayaṃ kṛtvā, "iḍayā piba ṣoḍaśabhiḥ pavanaṃ kuru ṣaṣṭricatuṣṭayamantaragam| tvañca piṅgalayā śanakaiḥ śanakairdaśabhirdaśabhirdaśabhirghadhikaiḥ||" itthaṃ prāṇāyāmatrayaṃ vidhāya, ūm̐hrīṃ ātmatattvaṃ śodhayāmi svāhā, ūm̐hrīṃ vidyātattvaṃ śodhayāmi svāhā, ūm̐hrīṃ śivatattvaṃ śodhayāmi svāhā, ityācamya, pūrvavat sūryārghyatrayaṃ dattvā jale yantraṃ dhyātvā tatra yathāśaktyā tarpaṇaṃ kuryāt| mūlamuccārya
śrīsāṅgaḥ savāhanaḥ saparivāraḥ sadevīkaḥ lakṣmīnārāyaṇaḥ tṛpyatāmiti triḥ santarpya, mūlavidyāmuccārya ekaikāñjalinā paridhārān santarpya, devarṣipitṝn santarpya, pūrvavat sūryāyārghyatrayaṃ dattvā (saṃhāramudrayā devatāṃ praṇamya) yāgamaṇḍapaṃ praviśediti sandhyāvidhiḥ
tatra gṛhamāgatya pādau prakṣālya dvāramabhyukṣya, dehalyagrataścaturasravṛttamaṇḍalaṃ vilikhya, tatra trālitādhāraṃ saṃsthāpya, astrāya phaḍiti sādhāraṃ pātraṃ saṃsthāpya, oṃ hṛdayāya namaḥ iti hṛnmantreṇāpūrya, oṃ lakṣmīnārāyaṇa-sāmānyārghyāya namaḥ ityabhyarcya "gaṅge iti" tīrthamāvāhya dhenumudrāṃ pradarśya, dvāramabhiṣecayediti sāmānyārghyavidhiḥ ||

38.1.p1.3

pūrve gaṃ gaṇapataye namaḥ, dakṣiṇe vāṃ vaṭukāya namaḥ, paścime kṣāṃ kṣetrapālāya namaḥ, uttare yāṃ yoginībhyo namaḥ, datte gāṃ gaṅgāyai namaḥ, vāme yaṃ yamunāyai namaḥ, ūrdhve saṃ sarasvatyai namaḥ, adho dehalyāṃ astrāya phaṭ iti dvāradevīḥ saṃpūjya, dvārāntaḥ praviśya vihitāsane upaviśya mūlena nirīkṣya kavacenābhyukṣya, astrāya phaḍiti santāḍya, pūjāmaṇḍapaṃ sadhūpitaṃ kṛtvā vighnaraśuddhiṃ kuryāt |
oṃ āsanaśodhanamantrasya merupṛṣṭha ṛṣiḥ sutalaṃ chandaḥ kūrmo devatā āsanaśodhane viniyogaḥ |
hrīṃ pṛthivyai namaḥ, oṃ mahi tvayā dhṛtā lokā devi tvaṃ viṣṇunā dhṛtā |
tvaṃ ca dhāraya māṃ loke pavitraṃ kuru cāsanam ||
oṃ kṣāṃ ādhāraśaktikamalāsanāya namaḥ, anantāya namaḥ, padmāya namaḥ, padmanālāya namaḥ, tatropaviśya, tālatrayaṃ dattvā, apasarpantu te bhūtā ye bhūtā bhuvi saṃsthitāḥ |
ye bhūtā vighnakartāraste naśyantu śivājñayā ||
iti vāmapārṣṇighātatrayeṇa vighnānutsārya, nārācamudrāṃ pradarśayet, iti āsanaṃ saṃśodhya guruṃ praṇamet |
akhaṇḍamaṇḍalākāraṃ vyāptaṃ yena carācaram |
tatpadaṃ darśitaṃ yena tasmai śrīgurave namaḥ ||

38.1.p1.4

gurubhyo namaḥ paramagurubhyo namaḥ parāparagurubhyo namaḥ parameṣṭhigurubhyo namaḥ iti śirasi saṃpūjya, devaṃ praṇamya, oṃ hīmityākuñcanena suṣumnāvartmanā pradīpakalikākārāṃ brahmapathāntarnītvā paramaśivena saṃyojya tayoraikyaṃ vibhāvya, tadudbhūtāmṛtadhārayā kulagurūn saṃtarpya, punastenaiva mārgeṇa ḍākinyādiśaktīḥ prīṇayantīṃ kuṇḍalinīṃ svaṃ padaṃ prāpayya vāmakucau pāpapuruṣamaṅguṣṭhamātrākāraṃ dhūmravarṇaṃ dhyātvā, yaṃraṃvaṃlaṃ iti śoṣaṇadāhanābhāvanotpādanādi kuryāt |
yaṃ vāyubījena ṣoḍaśadhā japena śoṣayet |
raṃ
vahnibījena catuḥṣaṣṭyā japena dāhayet | vaṃ varuṇabījena dvātriṃśadvārajapenāplāvayet | laṃ iti bhūbījena daśadhā japena śarīraṃ piṇḍībhūtaṃ vidhāya
prāṇapratiṣṭhāṃ kuryāditi bhūtaśuddhiḥ || oṃ hīṃ kroṃ yaṃ raṃ laṃ vaṃ śaṃ ṣaṃ saṃ haṃ sohaṃsaḥ
haṃsaḥ mama prāṇā iha prāṇāḥ, ṣaṃ mama jīva iha sthitaḥ, ṣaṃ sarvendriyāṇi, ṣaṃ vāṅmanaścakṣuḥśrotrajihvāghrāṇaprāṇā ihaivāgatya sukhaṃ ciraṃ
tiṣṭhantu svāhā, iti prāṇapratiṣṭhākramaḥ || prāṇān samarpya prāṇāyāmatrayaṃ
kṛtvā, pūrvavadācamya saṃkalpapūrvaṃ nyāsaṃ kuryāt
asya śrīlakṣmīnārāyaṇapūjāmantrasya śrīśiva ṛṣiḥ, triṣṭup chandaḥ,
lakṣmīnārāyaṇo devatā, śrīṃbījaṃ, hrīṃ śaktiḥ, oṃ kīlakaṃ, bhogāpavargasiddhyarthe lakṣmīnārāyaṇapūjāyāṃ viniyogaḥ | śivaṛṣaye namaḥ śirasi,
triṣṭupchandase namo mukhe, lakṣmīnārāyaṇadevatāyai namo hṛdi, śrīṃbījāya
namo guhye, hrīṃ śaktye namaḥ pādayoḥ, oṃ kīlakāya namaḥ sarvāṅgeṣu,
iti vinyasya ṣaḍaṅgādi kuryāt | oṃhrāṃśrāṃ aṅguṣṭhābhyāṃ namaḥ | oṃhrīṃśrīṃ

38.1.p1.5

tarjanībhyāṃ namaḥ | oṃhrūṃśrūṃ madhyamābhyāṃ namaḥ | oṃhraiṃśraiṃ anāmikābhyāṃ
namaḥ | oṃhrauṃśrauṃ kaniṣṭhikābhyāṃ namaḥ | oṃhraḥ śraḥ karatalakarapṛṣṭhābhyāṃ
namaḥ | evaṃ ṣaḍaṅganyāsaḥ || atha (punaḥ) karaśuddhiḥ—oṃ kāmarūpapīṭhāya namaḥ aṅguṣṭhābhyāṃ namaḥ | hrīṃ jālandharapīṭhāya namaḥ tarjanībhyāṃ namaḥ
hrasauḥ pūrṇagiripīṭhāya namaḥ madhyamābhyāṃ namaḥ | hrīṃ avantīpīṭhāya namaḥ
anāmikābhyāṃ namaḥ | śrīṃ saptapurīpīṭhāya namaḥ kaniṣṭhikābhyāṃ namaḥ | oṃhrīṃ
hrasauḥ hrīṃśrīṃ vārāṇasīpīṭhāya namaḥ karatalapṛṣṭhābhyāṃ namaḥ | iti kara
śuddhiḥ | evaṃ ṣaḍaṅganyāsaḥ | śraṃśrāṃiṃīṃ uṃūṃṛṃṝṃ vāmapādādigulphāntam
laṃlṛṃeṃaiṃ oṃauṃaṃaḥ dattapādādigulphāntam | kaṃkhaṃgaṃghaṃṅaṃ gulphādivāmapādamūlāntam | caṃchaṃjaṃjhaṃñaṃ gulphādidattapādamūlāntam | ṭaṃṭhaṃḍaṃḍhaṃṇaṃ nābhyādivāmabāhumūlāntam | taṃthaṃdaṃdhaṃnaṃ nābhyādidattabāhumūlāntam | paṃphaṃbaṃbhaṃmaṃ
kaṭyādikakubantam | yaṃraṃlaṃvaṃ vāmaskandhādivāmakarṇāntam | śaṃṣaṃsaṃhaṃ
dattaskandhādidattakarṇāntam | ḷaṃkṣaḥ śirasaḥ pādaparyantamiti trirnyāpayet
śraṃkaṃkhaṃgaṃghaṃṅaṃśrāṃ aṅguṣṭhābhyāṃ namaḥ, iṃcaṃchaṃjaṃjhaṃñīṃ tarjanībhyāṃ namaḥ,
uṃṭaṃṭhaṃḍaṃḍhaṃṇaṃūṃ madhyamābhyāṃ namaḥ, eṃtaṃthaṃdaṃdhaṃnaṃaiṃ anāmikābhyāṃ namaḥ,
oṃpaṃphaṃbaṃbhaṃmaṃauṃ kaniṣṭhikābhyāṃ namaḥ, aṃyaṃraṃlaṃvaṃśaṃṣaṃsaṃhaṃḷaṃkṣaḥ aḥ
karatalakarapṛṣṭhābhyāṃ namaḥ , iti karanyāsaḥ | evaṃ hṛdayādiṣaḍaṅganyāsaḥ
atha mātṛkānyāsaḥ—aṃ namaḥ śirasi, āṃ mukhavṛtte, iṃ dakṣanetre,

38.1.p1.6

īṃ vāmanetre, uṃ dakṣakarṇe, ūṃ vāmakarṇe, ṛṃ dakṣanāsāpuṭe, ṝṃ vāmanāsāpuṭe, lṛṃ dakṣagaṇḍe, lṛṃ vāmagaṇḍe, eṃ ūrdhvoṣṭhe, aiṃ adharoṣṭhe,
oṃ ūrdhvadantapaṅktau, auṃ adhodantapaṅktau, aṃ śirasi, aḥ mukhe,
kaṃkhaṃgaṃghaṃṅaṃ dakṣabāhusandhiṣu, caṃchaṃjaṃjhaṃñaṃ vāmabāhusandhiṣu, ṭaṃṭhaṃḍaṃḍhaṃṇaṃ dakṣapādasandhiṣu taṃthaṃdaṃdhaṃnaṃ vāmapādasandhiṣu, paṃ dakṣapārśve, phaṃ vāmapārśve, baṃ
pṛṣṭhe, bhaṃ nābhau, maṃ jaṭhare, yaṃ hṛdi, raṃ dakṣāṃse, laṃ kakudi, vaṃ vāmāṃse, śaṃ
hṛdādidakṣahastāgrāntaṃ, ṣaṃ hṛdādivāmahastāgrāntaṃ, saṃ hṛdādidakṣapādāgrāntaṃ, haṃ hṛdādivāmapādāgrāntaṃ, ḷaṃ pādādiśiraḥparyantaṃ, kṣaḥ śirasaḥ
pādaparyantamiti trirvyāpayet || tataḥ aṃum̐aṃ iti kṣāntaṃ nyaset
aṃhīṃamiti kṣāntaṃ mātṛkāsthāneṣu nyaset | aṃhasauḥamiti kṣāntaṃ
nyaset | aṃhīṃaṃ iti kṣāntaṃ nyaset | aṃśrīṃśraṃ iti kṣāntaṃ nyaset
kevalaṃ mātṛkāsthāneṣu mūlaṃ nyasediti ṣoḍhā nyāsaṃ vidhāya, mūlamuccaran dehaśuddhiṃ kṛtvā ghaṭapūjāṃ kuryāt | tatra sāmānyārghyasya vāme
binduṣaṭkoṇavṛttacaturasraṃ vilikhya, tatra "śrīṃ pīṭhebhyo namaḥ" ityabhyarcya, tatra cālitādhāraṃ saṃsthāpya raṃ vahnimaṇḍalāya daśakalātmane
namaḥ ityadvaitaiḥ saṃpūjya, tatra śrīghaṭaṃ saṃsthāpya, brahmaṇā ca yathāpūrvaṃ
viṣṇunā ca yathā purā | śambhunā ca yathā devi tathā tvāṃ sthāpayāmyaham || iti saṃsthāpya, saṃ arkamaṇḍalāya dvādaśakalātmane namaḥ,
iti gandhapuṣpairabhyarcya, mūlaṃ vilomamātṛkayā parāmṛtenāpūrya, sauḥ
somamaṇḍalāya ṣoḍaśakalātmane namaḥ iti saṃpūjya, astrāyaphaḍiti

38.1.p1.7

kumbhe dravyaṃ saṃtāḍya mūlamuccaran nāsayā trirgandhaṃ gṛhṇīyāt | tatra
trikoṇaṃ vilikhya, mūlaṃ tririṣṭvā mūlena prapūjya, "uṃhrāṃhrīṃ hrūṃhraiṃhrauṃhraḥ
sudhe śukraśāpaṃ mocaya mocaya amṛtaṃ srāvaya srāvaya svāhā" iti
dravyopari daśadhā saṃjapya, "um̐ sūryamaṇḍalasaṃbhūte varuṇālayasaṃbhave
amābījamaye devi śukraśāpādvimucyatām || 'vedānāṃ praṇavo bījaṃ
brahmānandamayaṃ yadi | tena satyena te devi brahmahatyā vyapohatu || pavamānaḥ parānandaḥ pavamānaḥ paro rasaḥ | pavamānaṃ paraṃ jñānaṃ tena tvāṃ
pāvayāsyaham ||" iti trirjaptvā, oṃ ḹṃ ḹṃ ḹṃ amṛte amṛtodbhave amṛtavarṣiṇi amṛtaṃ srāvaya srāvaya hrīṃ amṛteśvaryai namaḥ, iti dravyopari daśadhā japtvā, ānandabhairavabhairavyau dhyātvā haṃsatrāmalavarayaṃ ānandabhairavāya vaṣaṭ, iti daśadhā japet| ha sudhodvyai vauṣaṭ, iti dravyopari daśadhā japtvā, tatra trikoṇaṃ vilikhya "gaṅge ca yamune caiva" ityādinā tīrthamāvāhya, akārādiṣoḍaśa kakārādiṣoḍaśa thakārādiṣoḍaśa pūrvāditrikoṇe nyaset| madhye haṃḷaṃkṣaṃ vilikhya, mūlaṃ daśadhā japtvā gandhapuṣpadūrvākṣataiḥ saṃpūjya, matsyamudrādīn śodhayediti dravyaśuddhiḥ
mīnopari dhenuyonimatsyamudrāḥ pradarśya "oṃ tryambakaṃ yajāmahe sugandhiṃ puṣṭivardhanam | urvārukamiva bandhanānmṛtyormukṣīya māmṛtāt || iti mūlaṃ trirjaptvā mīnaṃ śodhayediti mīnaśuddhiḥ
māṃsopari mudrātrayaṃ pradarśya, oṃ pra tadviṣṇuḥ stavate vīryeṇa mṛgo na bhīmaḥ kucaro giriṣṭhāḥ | yasyoruṣu triṣu vikramaṇeṣvadhikṣiyanti bhuvanāni viśvā || iti, mūlaṃ trirjaptvā māṃsaṃ śodhayediti māṃsaśuddhiḥ

38.1.p1.8

mudropari mudrātrayaṃ pradarśya, oṃ tadviṣṇoḥ paramaṃ padaṃ sadā paśyanti sūrayaḥ | divīva cakṣurātatam | tadviprāso vipaṇyavo jāgṛvāṃsaḥ samindhate viṣṇoryatparamaṃ padam || iti, mūlaṃ trirjaptvā mudrāṃ śodhayediti
tato mudrākhaṇḍamīnakhaṇḍamāṃsakhaṇḍādīn ghaṭe niḥkṣipya, caturasraṃ vilikhya, svavāme sādhāraṃ pātraṃ guroḥ saṃsthāpya, kulāmṛtenāpūrya mūlena pūjayet| tataḥ svabhogapātraṃ śaktipātraṃ yoginīvīrapātramadhuparkapātrāṇi saṃsthāpya kalaśāmṛtenāpūrya ghṛtamadhuśarkarābhirmadhuparkapātraṃ prapūrya yogapīṭhapūjāṃ kuryāt| binduvibhūṣaṇa-trikoṇavirājamāna-vasukoṇamaṣṭadala-vṛttāṅkita-vasudalavirājita-ṣoḍaśadalakhacita-vṛttatrayasaṃbhūṣita-caturaśraṃ śrīyantrarājaṃ vilikhya, śrīsvarṇapīṭhādau niveśya, hṛdi sadevīkaṃ devaṃ mānasopacārairabhyarcya bāhyapūjāṃ kuryāt| tatra oṃ hrīṃ maṇḍūkāya namaḥ, 2 kālāgnirudrāya namaḥ, 2 mūlaprakṛtyai namaḥ, 2 ādhāraśaktyai namaḥ, 2 kūrmāya namaḥ, 2 anantāya namaḥ, 2 varāhāya namaḥ, 2 pṛthivyai namaḥ,
oṃ sudhārṇavāya namaḥ, oṃ maṇimayadvīpāya namaḥ |

38.1.p1.9

aṣṭadikṣu oṃ navaratnakhanaḍebhyo namaḥ, oṃ suvarṇaparvatāya namaḥ, oṃ nandanodyānāya namaḥ, oṃ kalpavanāya namaḥ, oṃ padmavanāya namaḥ, oṃ vicitraratnakhacitabhūmikāyai namaḥ, oṃ cintāmaṇimaeḍapāya namaḥ, oṃ navaratnavedikāyai0, oṃ ratnasiṃhāsanāya0, oṃ uccaiḥśvetacchatrāya namaḥ, pūrvādidikṣu oṃ dharmajñānavairāgyaiśvaryebhyo0, vidikṣu oṃ adharmājñānāvairāgyānaiśvaryebhyo0, oṃ saṃ sattvāya0, oṃ raṃ rajase0, oṃ taṃ tamase0, oṃ tattvebhyo namaḥ, oṃ ऑṃhrīṃhsrauḥ mantravarṇabhūṣitakarṇikāyai0, prakṛtimayapatrebhyo0, vikṛtimayakesarebhyo namaḥ, garuḍāya namaḥ, pañcāśadvarṇavibhūṣitapadmāsanāya namaḥ, mūlaṃ sarvatattvātmakāya śrīyogapīṭhāya namaḥ, iti saṃpūjya devaṃ dhyātvā, trikhaṇḍāṃ puṣpagarbhitāṃ nibaddhya "deveśa bhaktisulabha parivārasamanvita |
yāvat tvāṃ pūjayiṣyāmi tāvad deva ihāvaha" ||
iti puṣpāñjaliṃ kṣiptvā āvāhanādikā mudrāḥ pradarśya, mūlaṃ sāṅga sadevīka śrīlakṣmīnārāyaṇadeva ihāgaccha ||
iha saṃtiṣṭha ||
iha saṃnidhatsva ||

38.1.p1.10

mūlaṃ ऑṃhrīṃhsrauḥ āṃhrīṃkrauṃ haṃsaḥ lakṣmīnārāyaṇaprāṇā iha prāṇā oṃ lakṣmīnārāyaṇajīva iha sthitaḥ oṃ lakṣmīnārāyaṇasarvendriyāṇi vāṅmanaścakṣuḥśrotraghrāṇaprāṇā ihaivāgatya sukhaṃ ciraṃ tiṣṭhantu svāhā, iti lelihānamudrayā prāṇān dattvā, mūlaṃ sadevīka-lakṣmīnārāyaṇa idamāsanamāsyatāṃ, mūla-vidyānte pādyāvamanīyamadhuparkāṃcamanīyārghyagandhapuṣpākṣata-snānālaṅkārara-tnapīṭhagandhapuṣpākṣata-dhūpadīpanavedyācamanīyatāmbūlacchatracāmarārātrikādīni-vedya praṇamya, mūlena kalaśāmṛtena tattvamudrayā sāṅgaṃ savāhanaṃ sāyudhaṃ sadevīkaṃ saparicchadaṃ lakṣmīnārāyaṇaṃ pūjayāmi namaḥ tarpayāmi namaḥ, iti triḥ santarpya, devājñāmādāya parivāradevatāḥ pūjayet |
puṣpāñjaliṃ dattvā mūlaṃ mahālakṣmīśrīpādukāṃ pūjayāmi tarpayāmi namaḥ, mū0 rājyalakṣmīśrīpā0, mū0 siddhalakṣmīśrīṃ0, iti bindau prathamāvaraṇam
oṃ ऑṃhrīṃhsrauḥ gaṃ gaṅgāśrīpādukāṃ0, oṃ ऑṃhrīṃhsrauḥ yaṃ yamunāśrī0, oṃ ऑṃhrīṃhsrauḥ saṃ sarasvatīśrī0, iti tryaśre dvitīyāvaraṇam
oṃ ऑṃhrīṃhsrauḥ śaṃkhaśrī0, oṃ ऑṃhrīṃhsrauḥ cakraśrī0, oṃ ऑṃhrīṃhsrauḥ gadāśrī0, oṃ ऑṃhrīṃhsrauḥ padmaśrī0, iti bindau tṛtīyāvaraṇam | mūlaṃ lakṣmīviṣṇuśrīpā0,
oṃ hrīṃ hsauḥ lakṣmīvāsudevaśrī0, oṃ hrīṃ hsauḥ lakṣmīdāmodaraśrī0, oṃ hrīṃhsauḥ lakṣmīnṛsiṃhaśrī0, oṃ hrīṃ hsauḥ lakṣmīsaṅkarṣaṇaśrī0, oṃ hrīṃ hsauḥ
lakṣmītrivikramaśrīpādu0, oṃ hrīṃ hsauḥ lakṣmīaniruddhaśrī0, oṃ hrīṃ hsauḥ
lakṣmīviśvaksenaśrī0, iti vasukoṇe caturthāvaraṇam | oṃ hrīṃ hsauḥ

38.1.p1.11

mahābhairavaśrīpā0, oṃ rurubhairavaśrī0, oṃ caṇḍabhairavaśrī0, oṃ bhūteśabhairavaśrī0, oṃ kālabhairavaśrī0, oṃ kapālibhairavaśrī0, oṃ bhīṣaṇabhairavaśrī0, oṃ śmaśānabhairavaśrī0 ityaṣṭadaleṣu pañcamāvaraṇam | oṃ hrīṃ hsauḥ
asitāṅgabhairavaśrī0, oṃ haṃsaketubhairavaśrī0, oṃ vaṃśīpāṇiśrī0, oṃ
svaguruśrī0, oṃ paramaguruśrī0, oṃ parāparaguruśrī0, oṃ parameṣṭhiguruśrī0,
iti vāyavyādīśāntaṃ antarvṛttatraye ṣaṣṭhāvaraṇam | oṃ hrīṃ hsauḥ keśavaśrī0,
oṃ mādhavaśrī0, oṃ kṛṣṇaśrī0, oṃ govindaśrī, oṃ madhusūdanaśrī0, oṃ
gadādharaśrī0, oṃ śaṃkhapāṇiśrī0, oṃ cakrapāṇiśrī0, oṃ caturbhujaśrī0, oṃ
padmāyudhaśrī0, oṃ kaiṭabhāriśrī0, oṃ ghoradaṃṣṭraśrī0, oṃ janārdanaśrī0, oṃ vaikuṇṭhaśrī0, oṃ vāmanaśrī0, oṃ garuḍadhvajaśrī0, iti ṣoḍaśadaleṣu saptamāvaraṇam
oṃ hrīṃ hsauḥ laṃ indraśrī0, oṃ raṃ vahniśrī0, oṃ ṭaṃ yamaśrī0, oṃ ṣaṃ nirṛtiśrī0, oṃ vaṃ varuṇaśrī0, oṃ yaṃ vāyuśrī0, oṃ saṃ somaśrī0, oṃ
haṃ īśānaśrī0, oṃ hīṃ anantaśrī0 oṃ hrīṃ brahmaśrī0, iti caturaśre'ṣṭamāvaraṇam | oṃ hrīṃ hsauḥ vajraśrī0, oṃ śaktiśrī0, oṃ daṇḍaśrī0, oṃ
khaḍgaśrī0, oṃ pāśaśrī0, oṃ dhvajaśrī0, oṃ yaṣṭiśrī0, oṃ śūlaśrī0,
iti bāhyadvāracakreṣu navamāvaraṇam | mūlaṃ triruccārya sāṅgaṃ savāhanaṃ
sāyudhaṃ saparicchadaṃ salakṣmīkaṃ lakṣmīnārāyaṇaṃ devaṃ pūjayāmi namaḥ
tarpayāmi namaḥ, iti saṃpūjya, triḥ saṃtarpya yonimudrayā praṇamediti
daśamāvaraṇam || tataḥ punarnaivedyācamanīyatāmbūlacchatrādīn nivedya,

38.1.p1.12

devāgre mālāṃ mūlena saṃpūjya, yathāśaktyā mūlaṃ japtvā guhyātiguhyagoptā tvaṃ" ityādinā devāya japaṃ samarpya, tadagre kavaca-sahasranāma-stavapāṭhān kṛtvā tadapi devīdevayoḥ samarpya, sādhakaiḥ saha
sādhakaḥ pātravandanaṃ kuryāt | "yāvanna calate dṛṣṭiryāvanna calate
manaḥ | tāvat pānaṃ prakartavyaṃ paśupānamataḥ param" iti pūrṇapātraṃ hutvā
śāntistotraṃ paṭhitvā, puṣpāñjaliṃ dattvā nāsayā puṣpamāghrāya, karandhre
sadevīkaṃ devaṃ prāpaya, punarhṛtkamalamānīya svayamapi lakṣmīnārāyaṇavihitavigraho bhūtvā bāhyato vaiṣṇavācāraparāyaṇaḥ sukhaṃ viharet
saṃhāramudrayā ca praṇamet
iti śrīdevadevasya lakṣmīnārāyaṇasya te
paddhatirnityapūjāyā varṇitā, gopitā kuru
guhyaṃ gopyamidaṃ tattvaṃ pūjāsāraṃ maheśvari
gopayed vaiṣṇavaḥ satyamityājñā pārameśvarī

38.1.p2

iti śrīrudrayāmale tantre śrīdevīrahasye lakṣmīnārāyaṇapūjāpaddhatinirūpaṇaṃ saptatriṃśaḥ paṭalaḥ || 37

Linked texts (4)